تجمع امهات 2008 حياكم

[love love]

ام وجييه ما اوسوس بس انا فيني حساسيه الحمال يبدي من الساابع وادري مايعطووني ادويه فابي شي زيين لصدري


دردر ديري بالج

 

[أم وجيه]

وي وي وي وييييييييييييييييي دردر شنو كل هذا مخالفات وشنو مخالفاتج لايكون سرعة ؟؟

آنا ريلي قبل شهر كل يوم يقولي عليج 150 مخالفات أقوله مستحيل وسيارتي باسمه ذاك اليوم يقولي شيكي المخالفات على سيارتج ولا لقيت 150 دينار بس كلهم سرعه ووقت اللي دخل سيارته التصليح خخخخخخخخخخخخخ يعني بس بيقهرني قلتله مو كانت سيارتك بالتصليح وآنا كنت اجازة ولاده يعني اهو سايق السيارة يقولي آنا غلطان قلت شيكي صدتيني وقام يضحك حتى الرياييل مو هينين

علومه أحسن شي للصدر البابونج

 

[كويتيه وافتخر]

صباح الخير

 

[love love]

هههههههه ام وجييه بابونج عاد وانا حامل حاار

 

[al_gardenia]

سلالالالالالالالالالالالالام

شلونكم

شلونج علومه شخبارمع الحمال عسى الله يتمم عليج يارب

ام جوجووووووووو شلونج وشلون النونو واخوانه بشريني عنهم

كويتيه شلونح وشلون عيالج عساهم كلهم بخير

بحاول اقرى الي طافني وارجع لكم

 

[al_gardenia]

دردر مايشوف شر ريلج وعسى الله يبعد عنج وعن عيالج المرض

وتسلمين على دعاء الوالدين ذكرتيني فيه لاني دايما ادعي ادعيه مختصره

 

[داريني]

قوووه
انا انشالله مسافره دبي الصبح
بس هالمره غير قلبي مشلوع على بناتي
شكلي بنكد بالسفر كله ببجي عليهم

 

[al_gardenia]

سلااام
انا اليوم ما رحت الدوام
اخذت مرضيه

بنات ما تبون نتيمع بمكان ونشوف بعد ؟

اي والله دردر ودييييييي احس ولهت عليكم كلكم

يالله خل انقرر لنا يوم ونتفق عليه

 

[al_gardenia]

لا دردر لا اتضيقين خلقج

ان شاءالله ماعليهم شر

انتي سافري وان شاءالله اتردين بالسلامه يارب

 

[al_gardenia]

يسلمووووووووووووووووووووووووووووووون لي البنات الي كله يسالون عني فديتهم ماينسوني

 

[إستبرق]

السلام عليكم

شخباركم وشمسويين

مس يو وايد وايد
بس والله تعبانه وايد ولا فيني حيل حتى للنت لي صححت شوي قعدت قابلت التي في هذا الي شوي يترقع عندي ولا النت من زمان ما ادري عنه وغير اني تعبانه اختي سويت عمليه فتاق وشد وتعبت وايد وبناتها ظلوا فتره عندي

وماتشوفون شر بنات والله يحرسكم ويحرس احبابكم من كل شر قريت جم صفحه من الي طافوا وتوني عرفت اخباركم عاد حتى بيت خالتي كلهم فيهم h1n1 الله يكفينا الشر



دردر تروحين وتردين بالسلامه والله يحفظ بناتج لج يارب

 

[رقي]

سلالالام عليكم
شخباركم
اسمحولي عندي تدريس ولويه

 

[كويتيه وافتخر]

السلام عليكم
اشلونكم كلكم
داريني تروحين وتردين بالسلامه وموتنكدين عبو عيالج بعدين يتوب مايسفرج

استبرق الله يتمم حملج ويعينج عفتره النساة
الجارديينا مشتاقين لج -- والعيال بخير
رقي الله يعين عالتدريس الحين بدى المشوار اكون او لا اكون الله يوفق عيالنا يارب
ويوفق بجري ويجعله من المتفوقين الفائقين يارب

باجي البنات شاخباركم
الاستاذه محد يعرف وين مختفيه ؟؟؟

 

[al_gardenia]

صباح الخير

وينج ام جوجو تعالي شوفيني مصححه اليوم

استبرق عسى الله يهون عليج يارب وماتشوفون شر

رقرق اللله يعينج على التدريس

كويتيه حبيبتي انتي توله عليج العافيه وان شاءالله دوم بخير يارب

 

[أم وجيه]

السلام عليكم

اليوم النت بالدوام توه مشتغل كان فيه مشكله

دردر تروحين وتردين بالسلامه ولا تحاتين البنات مافيهم الا العافيه ان شاء الله دام مسافره مسافره خلاص لازم تتمتعين

رقرق الله يعينك على التدريس ويعطيج العافيه

كويتية وافتخر آمييييييييين الله يوفقهم كلهم يا رب وشخبار باقي العيال والبنوته شخبارها

بروقة الله يعينك وان شاء الله تعدي هالفترة على خير يا رب وتقومين بالسلامه وشخبار بروقه الصغيره وحمدلله على سلامة اختج
وسلامة بيت خالتك ان شاء الله يشافون كلهم على خير والله ولهنا عليج

جرجرررررررررررررررررررررررر والله ولهانه عليج وايد

العيال تمام الحمد لله كلهم طمطم تغار من اخوانها بس غيره للحين مقبوله ومسالمه وكله لازقه فيني تبيني بس حقها
انتي شخبارك وأخبار البنات وفهود وشمسويه مع رجعت المدارس وشلون التجاره معاج ؟؟ شكلي بنضم للتاجرات بس خلني أقرر للحين ما قررت بس قاعده أفكر بالموضوع شرايك يستاهل ؟؟
وشخبار الجرعات خلصتي ولا للحين ؟؟ وشلون الصحه ان شاء الله تمام والله ولهانه عليج وايد

 

[mrs_sugar]

صبح صبح عالحلوين

شخباركم

و شعلومكم

ولهانة عليكم

ما تبون تتجمعون على يوم بس ترد دردر من دبي ؟

تعالوا الاستاذة مفقودة
من زمان عنها
وينها ما تبين؟

 

[mrs_sugar]

القاردينيا

عليج غياب ؟؟؟

وينج ؟؟؟

 

[أم وجيه]

هلا شقورة واحنا بعد ولهنا عليج

الاستاذه من عقب العيد مرت علينا وعقبها فقدناها عسى المانع خير ان شاء الله آنا ما عندي رقمها ولا جان دقيت أتطمن عليها

شقورة شسويتي على العيد طلبتي للبنات ؟؟ وشنو طلبتي صيفي ولا شتوي الشتوي اللي بالمحلات يخرع وما أعتقد يكون برد
حتى لو صار شتا بيكون أولها برد خفيف يعني آخاف أشتري شتوي وأتوهق مو عارفه شنو أشتري لعيالي بالعيد
وإذا طلبتي من موقع عنده أشياء ربيعي حلو أعطيني الموقع يمكن أطلب لهم لأنه الشتوي ما اعتقد يمشي بالعيد

 

[froha83]

مساااكم ورد
شلونــــــــــــــــكم ؟

 

[mrs_sugar]

هلا ام جوجو

طلبت حق بناتي ووصلت الهدوم

طلبت قطن جم طويل و معاهم جاكيت خفيف

حق كل وحدة بدلتين و تريننغ سوت للغدا

خذيتهم من

www.childrensplace.com