دوانـــــــــية قروب يوميات رجيم دار مــــــــــــــــــــريـــــــــــم

[el3aNoOoNa]

مريومه انتي كاتبتلي الريوق توست وجبن مع قهوه
او تلبيه
شنو تلبيه

 

[مدرسة طفشانة]

مريووووووووووومه
ناطره النظام وينه؟

 

[دارمريم]

اهلين اقولكم شنو صار معااااي


شربت على الريج نسكافيه وبعدهااا شاي اخضر

والحين الساعه جريب الاربع ماكليت الا 4 قع حلووو احس خلاص علشان الدورة قربت ماقدر امسك نفسي ياربي بشر

بس للحيني يوعانه شكلي بسويلي قهوه تسد نفسي وصحصح والمغرب بروح ايب لي من مطعم الهدى شيش طاووق حدي مشتهيته

 

[el3aNoOoNa]

هاااي اانا يييت
ريوقي توست اسمر مع جبن سلايس قليل الدسم مع نسكافيه
غداااي 2 همبورقر ممشوي + برتقاله

 

[مدرسة طفشانة]

بالعافيه مريومة وشي عادي مع الدوره تشتهين الحلو والكاكاو
ومشكورة عالنظام وان شاء الله راح ابتدي فيه من باجر
بس اشدراج اني قاعده اشرب شوربة كنور الحيييييييين؟

 

[كيكه توفي]

السلام عليكم
انا اليوم الصراحه كليت لان يتلي الدوره تريقت شابوره وجاي والضحى ككاو صغير وعصير برتقال وغدا فتوش وعيش
قالولي لا تسوين رجيم وقت الدوره ومادري

 

[el3aNoOoNa]

يالله بالعافيه عليح الي كليتيه
بس من باجر التززززام

 

[كيكه توفي]

ما اتوقع من باجر التزام لوول لان علي الدوره وتوني اول يوم اليوم وقالولي ان الرجيم وقت الدوره مايسوي شي لانج اساسا تنزفين ومادري هذي دكتوره قالت حق وحده من رفيجاتي وسمعت من وايد بنات ومادري هذا كلامهم
واللي تعرف عن هالشي تقول بس والله انا سمعت من وايد بنات

 

[el3aNoOoNa]

والله مادري
بس انا احس الي تخربه بوقت الدوره تبي اتعذر لووول وحاطه العذر بالدوره
ممكن تاكلين جم قطعه كاكاو عن خاطرج لانه بهالفتره الوحده تشتهي الكاكاو
بس ان اخرب الرجيم مره وحده واقعد اكل على بو دوره ماله شغل هذا رايي انا
بس الدكاتره مادري

 

[هجوري الجوري]

مشكورين على هالقروب خاصه انه يهتم بالرجيم 0 وانا يوم اسوي رجيم ويوم اهون الله يعينيعلى الاستمرار

 

[كيكه توفي]

لا العنونه بالعكس ما ادور عذر لوول بس صج ايووع وايد وقت الدوره مادري ليش
بس هذي صج وغصبا عنج ترا تشتهين تاكلين
وانتي تقولين انا اخرب الرجيم مره وحده يعني كل البنات يحسون جذي مو بس انا اشوه هههه

 

[el3aNoOoNa]

ااااااااااااااااي وانا منهم ترا لووووووووووووووووووووووووووول ادري حاسه فيج

 

[كيكه توفي]

هجوري الجوري هلا فيج وحياج الله وانشالله كلنا نشجع بعض ونضعف يارب

 

[كيكه توفي]

اي تلعب بالنفسيه وايد تعصبين بعد ما ننلام الحين عرفت ليش الريايل يضعفون اسرع من البنات احنا مشكله لوول

 

[el3aNoOoNa]

ههههههههههههههههههههههههههههههههههه اي والله عاد انا وقتها لا تشوفين النفسيه ووووووووووووووووويع انا اكره نفسي

 

[كيكه توفي]

اي شنسوي بعد بس شوفي اليوم سمعت ب اف ام مربنا الدكتور عبدالله المطوع يقول لا تحرمون نفسكم وايد لان النتيجه تطلع عكسيه وصج شوفي انا سويت رجيم وايد انا حياتي كلها رجيم استغفرالله تعبت المهم كلا اسوي رجيم واراده و اضعف واستانس وتالي لي كليت اردهم دبل مرتين لمن صرت صعب انزل وزني الحين تعلمت خلاص ان ما احرم نفسي وتالي جذي يصير فيني شي بخاطري اكل بس شويه قليل وعادي اضعف شوي شوي ولا بسرعه واردهم بسرعه

 

[el3aNoOoNa]

صح
واااي المطووع عججججيب وايد احبه واحب كلامه ورجيماته احسه دكتووور صحححح فاهم عدل

 

[كيكه توفي]

شوفي كل يوم الصبح وانا رايحه المعهد احط مرينا اف ام يحطونه ويتكلم عن شي وقال عشان تحطين هدف عاد ما اذكر بالضبط كل كلامه بس قال كتبو بورقه وقولو وانا متين ماقدر اسوي كذا او كذا يعني انا مثلا ماقدر اتزوج وانا هييك خخخ وماقدر البس اللي ابي جذي تحطين هدف ياربي شفيني نسيت كلامه الباجي هذا اللي اذكره اي وقال خل يكون معاج شريك عشان تشجعون بعض

 

[ام عزيز 4]

:68_asmilies-com:

السلام عليكم بنات اشلونكم شخباااركم اليوم دشيت وبالصدفع لقيت هالتجمع حبيت اشااارك معاااكم واقووولكم عنى وعن يومياااتى وعن الشى اللى يخليينى متمسكه ابموضوووع الرجيم والاستمراريه فيه_03BA:المهم انا اول ما بديت رحت حق مكتبه جرير وشريتلي مذكره وكتاب عن النجاح ما الدكتور نجيب الرفاعى طبعا اهو حاط كل يوم حكمه واشلوون اتطبقينها والاستفاده منها:ggdw: انين عااد انا كل يوم اكتب اشصار معاااى وشنو كليت وشنو سسويت وخربطت عشان قدر احاسب روحي عدل والله بنات طريقه اتونس وتحفيزيه بعد :s142: ترقبو هلوسااااتى عن اللجيم وسوالف الرجيم لا تروووحوون تاااابعوونى وماراح تندمون :050103nbh_prv:​

 

[el3aNoOoNa]

هههههههههههههههههههههههه حياج ام عزيز ناطرين مذكراتج

كيكه انا بعد دايما اسمعه كلامه واايد حلوو