+::ملف: أفكار مبتكره لعرض الكلمــة والعدد::+

[ريااانه]

بنات شرايكم نفتح موضوع جديد وهو طرق مبتكره تنفع لعرض الكلمه والعدد
شي راح ينفعنا على طول ولاهو مرتبط بخبره معينه عن الثانيه
وطبعا اكيد بتتميزين عند الموجهه بافكارج لأن الحين مو اي شي صار يعجبهم خلونا نجمع كلنا هني ملف كامل ينفعنا على طول خبراتنا
وعارفه ان مافي وحدة بتقصر منكم بأفكارها

 

[nero]

اي والله يبيله نيمع افكارنا . خصوصا ان موجهتنا ما تبي الورقة تكون مسفطه فالافكار تكون محدوده
كلا احط الكلمه بظرف واربطها بشي متعلق فيها.. مثل اربط على الطياره الي بركن العلمية خيط والطرف الثاني فيه ظرف داخله الكلمه

 

[كويتيه 77]

والله فكره حلوه ومفيده
انا ببدي
*الكلمه*
انا مره عرضت المنبه بالبور بوينت ولما خلص المنبه كانت الكلمه في النهايه
وستانست عليه الناظره
وباجران شاء الله اقول لكم عن العدد

 

[حبـــاري]

تقدرون تكتبون الكلمه او العدد على ورقه بيضاءa4 بواسطة قلم شمعي لونه ابيض و تحطين الورقه بالقبعه السحرية ( يبيعونها عند محل الألعاب ) و اتلبسين طفل لبس الساحر و اتخلينه ايطلع الورقه من القبعه و ايلونها بألوان مائيه لون اسود او احمر و راح تطلع الكلمه كانها سحريه و بس و شكرا

 

[حبـــاري]

تقدرون تحطون الكلمه او العدد داخل صندوق له عجلات ( يبيعونه في ايكيا و محلات الالعاب ) و اتغلفونه بجلاد لونه سماوي و اتلزقون على غطى الصندوق من فوق بساط صغير و ليتات مالوت كرسميس و تسحبون الصندوق من اي ركن و انتو تسحبونه اتشغلون اغنية بساط الفقر ( يالله خلنا نروح بين نجما و قمر ......"سعاد عبدالله و عبدالحسين عبدالرضا") .

 

[حبـــاري]

تقدرون بعد حق العدد اتلبسون طفل بالطو العلوم الابيض و تلزقون عليه اعداد مختلفه ( طبعا على البالطو) و اتسمونه سيد الأعداد و ايدخل لكم العدد

 

[حبـــاري]

تاخذون علبة الأحذيه ( و انتو بكرامه ) و اتغلفونها بجلاد خفيف حيل طبعا قبل لا اتغلفونها تحطون داخلها العدد اوا الكلمه و اتغلفونها و اتزينونها بشخصيات كرتونيه و تسالون الأطفال منوا تناول وجبة الافطار كامله اذا هو البطل تعال و العب معاي لعبة البوكس و يقوم الطفل بتسديد بوكس للكرتون و يشق الجلاد من قوة البوكس فتظهر الكلمة او العدد

 

[حبـــاري]

الجلاد اللي تستخدمونه في تغليف العلبه موجود عند المصبغه عرفتوه اللي لونه بني اللي كنا انغلف فيه دفاتر الانجليزي

 

[حبـــاري]

ها اشرايكم بافكاري البسيطه

 

[nero]

حباري افكارج وايد حلوه
الجلاد عندي منه كوووود توني شاريه صحون من ايكيا غلفوهم بالجلاد هذا وخشيته قلت تطلع له عازه...
يسلمووووووووو

 

[رضاب]

الجلاد اللي تستخدمونه في تغليف العلبه موجود عند المصبغه عرفتوه اللي لونه بني اللي كنا انغلف فيه دفاتر الانجليزي

:eh_s(9): :eh_s(9): ذكرتيني أيام تغليف دفاتر الانجليزي



بس فكرة حــــــــــــــــلوه والله :eh_s(17): :eh_s(17):

 

[mooomooo]

يحليلكم والله
ماشاء الله عليكم افكاركم روعه


لازم اسجلها


انا فكرت حق كلمة سيارة نحط الكلمة على سيارة لاسلكي وتخلينها بالمخزن وتخلين الابلة اللي معاج تشغلها وتحركها ليما توصلها لي احد الاطفال

 

[نوى الكويت]

افكار وايد حلوه


تسلمون


بقولكم فكره مادري اذا قديمه بس يستانسون عليهاالبنات الصغار

ورقة اي فور تكتبين الكلمه الجديده بالصمغ العادي بعدها فيه تراب وزري موجود في المكاتب تخلين الطفل ينثر تراب على الورقه ويحركها لحد ماتطلع الكلمه من خلال الصمغ .................حلوه حيل


وبس

 

[الحياة]

مشكوريني يا بنات على هالمجهود الحلو
وهالموضوع وايد حلو ولازم نثرية بافكار مبدعه ومتنوعه..
انا الحين هابة هالكورس اسوي سيد الاعداد وسيد الكلمات

شفتي التركيب الكبير اللي في منه اعداد وصور واحرف .. الللي نحطه بالركن الاعاب التربوية.. انشالله عرفتوه
اسويه على شكل مربع ويلبسه الطفل اذا كان عندنا عددي البسه المربع اللي في اعداد واذا كلمة البسة المربع اللي فيه احرف وفوق راسه تاج من صحن الورق وعليهم احرف او اعداد
وطبعا الاطفال يستانسون عليه وايد ويتخانقون منة يلبس هالللبس...

 

[ريااانه]

بنات ماقصرتوا عالافكار الحلوة وفعلا تفاعلكم مميز ويثلج الصدر
بس همن نبي الكل يشارك

 

[القطوه الشيرازيه]

مشكوره حبيبتي حباري افكارج وايد حلوه بصراحه استفدت منها

 

[nero]

عندي لكم فكره حلوه حق الكلمه
تحطينها يعلبه او بظرف وتحطين عليه صورة ويه يظحك
وتشغلين صوت ياهل يضحك

 

[الحياة]

شنو فكرة الصوت يعني..
وشلون يتوصولن للكلمة من خلال صوت الياهل الللي يضحك ..؟

 

[nero]

العلبه تحطين عليها صورة ياهل يضحك وتحطينها بالاركان.. حلو
لما يشتغل الصوت تقولين لهم في صت يضحك يالله ندور من وين ياي هالصوت
وايبون العلبه الي فيها الكلمه او العدد
ثاتس ات

 

[نصووورة]

بعد ممكن تعلقين البطاقة اللي فيها الكلمة بخيط بالمروحة وبعدين تخرمين البطاقة من الجهة الاخرىوتربطينها بخيط ثاني وتربطين نهاية الخيط بالسبورة من فوق ولما يجي وقت الكلمة تقصين الخيط الثاني وراح تنزل البطاقة وتبقى معلقة في المروحة انا سويتها استانست عليها المشرفة