تعالوا نحط لسـتة مشترياتنا من الكتب .. المعرض بعد أيام

[أســــرار]

مرحبـــــــــــــا كويتيات
شلونكم يا حلوات ..؟

انشالله دايماً زينـات و مثقفات :dddds:

:

المعرض الأخيــر 2007 ما حطيت لستة
لاني كنت من المشاركين في المعرض و اكيد رحت اكثر من مرة و مرتين و ثلاث
فا بدون لستة كنت اقدر الف كثر ما ابي ...

و لكن من باب تجربتي
ترى اللستة يا بنات وااايد مهمة و تساعدج
خصوصاً راح تلاحظين ازدحام المكتبات و الناس .. و بتحوسين بين اسامي المكتبات و الكتب

فا اللستة تكون مثل الدليل .. تساعدج تخلصين اللي فيها
و اهما يكونون أهم شي بالنسبة لج
و بعدين تتمشين على راحتج و تشوفين آخــر الاصدارات من اللي شفتيه و اللي ما شفتيه

و على فكرة اللستة مو شرط تضم اسامي الكتب فقط
حتى اسامي المكتبات خصوصا ً المكتبات العربية اللي ما تحصلين اصداراتها بالكويت

:

قاعدة احاول احط صور
بس ماااكو فايدة .. مادري شفيه معلق ..
بس راح اظل احاول و لا يهمكم

لي عودة سريعة مع اسامي مكتبات و كتـــب
:33_1185028183:​

 

[صمت الألم50]

تسلمين على الموضوع حبوبة

بالنسبة للستة المبدئية:

ايام مع الخوف الجزء الاول

ايام مع الخوف الجزء الثاني

لعبد الوهاب السيد


11 دقيقة للكاتب باولو

 

[أســــرار]

http://en3kaas.blogspot.com/


حبيبتي صمت الألم ... الرابط اللي فوق رابط مدونتي
شهالصدفة !!
آخر بوست انا كاتبته عن رواية 11 دقيقة .. حظج حلو
و اختيارج احلى .. اقري البوست الأخير .. عشان تتشوقين زيادة :eh_s(15):

:

بنات .. هذي صورة كتابي
أسرار ممنوعة - سارة الراشد

http://www.up.6y6y.com/uploads2/eb75fe189d.jpg

أو



اسمحولي ... مو راضي يطلع الصورة .. فا حطيت الرابط





و اكيد .... الاولوية للكتاب الشباب و الكويتيين .. زملائي
عبدالوهاب السيد #1
خالد النصرالله
منى العنــزي

و في اسامي يديدة راح احاول اييبلكم اياها
المهم ان المشاركة الكويتية الشابة في هالمعرض نشطة جداً
:

طبعا ما ننسى اصدار احلام مستغانمي الجديد - نسيان
و في كاتب شهير جداً صارلي مدة ادور اصداراته و كله خالصة - حنــّا مينا
رواية موسم الهجرة الى الشمال - الطيب صالح

 

[أســــرار]

خذها لا اريدها - ليلى العثمان
المحاكمة - ليلى العثمان

دون كيشوت -ميغال دي سرفانيت << يمدحون هالرواية
بالنيابة عن جسدي - هبة عفيفي

 

[أســــرار]

الاصدارات الجديد - للــ الدار العربية للعلوم و النشر

جرائم العاطفة في مصر النازفة- د. ياسر ثابت
راقصيني قليلاً - زاهي وهبي - شعر << يا سلام علييه
اريد ساقاً أقف عليها - اوليفر ساكس - تجربة شخصية


تجدون المزيد في الرابط

http://www.asp.com.lb/​

 

[بمبة المفترسة]

فكرة حلوة
واللستة صراحة طويلة بس بحط بعض الكتب

عظماء بلامدارس
اعصار من الشرق _جنكيز خان _ ثروت عكاشة دار الشروق
مذكرات أميرة عثمانية في المنفى
زوربا لنيكوس كازنتزاكي
مؤلفات هنري ترويا ومنهم :

النبيلة الروسية
رفاق شقائق النعمان
سيدات سيبيريا
مجد المهزومين
صوفيا​

رواية بنات ايران
روائع الادب الروسي لجنكيز ايتماتوف​

 

[أســــرار]

الرجال الذين لم يعودوا كذلك - أحمد خالد توفيق
حمار و 3 جمهوريات - كريم كطافة - رواية سياسية
اللوح الأزرق - رواية مترجمة
الخيميائي - باولو كويلو " و انصحكم بــ 11 دقيقة لــ باولو كويلو .. لمزيد من التفاصيل تفضلو في البلوق مالي "
ساحرة غورتيلو - رواية مترجمة << للي يحبون الأفكار الغريبة و الغير مألوفة
^^
^

لستة رفيجتي

:

طبعاً بنات ... ما اوصيييكم .. مكتببة رابطة الادباء الكويتيين
لااازم تكون على قائمتكم .. أغلب الكــتــّاب الكويتيين الكبار و المعروفين و حتى الشباب
موجودين فيها و اصداراتهم حلللوة و تعجب الاغلبية

و طبعا ما ننسى خولة القزويني
و علياء الكاظمي .. متميــــزات

:

بومبة المفترسة
حبيبة ألبي .. شكرا لج على هالمرور الراااائع
شكرا لانج شاركتينا باللستة

و يلا يا بنات شوية نشاط
خلونا نستفيد من لستات بعض ... انا قاعدة احاول احطلكم اشياء منوعة

 

[عيون منوعه]

انا راح اخذ رواية السجينه

و اسرار ممنوعه <<< شكلها عجيييييييييبه

 

[dяέἆᶆ qûếếἦ]

مراااحب

موضع جاء بوقته

انا كل سنة اسوي لسته وانساها للأسف

ابالي كذا كتااب

روايتين لفكتور هيجو الاولى نسـاء صغيرات والثانية البؤساء

وخذها لا اريدها لليلى العثمان ..

وخطأ في حياتي لقماشة العليان عبارة عن مجموعة قصصية .

وكتاب علم نفس موحدد عن شنو على حسب الي اشوفه ..

ولاتحزن لعائض القرني ووواكيد اسرار ممنوعة لج اختي لاني احب اشجع الشباب وهم رواية الاخ خالد الجارالله لاني قريت له قبل كويتي من كوكب اخر ..

ومن السايت الي حطيتيه مشكورة فتيات المصانع روايه ولغة الحب الصامتة ومعانيها علم نفس تحليل الشخصية
وكافئي نفسك ..
وعنذي لسته فيها اشكثر كتب بس ضايعه وناسيه الي فيها

وشكرااا على الطرح الرائع :blueSmCLR:

 

[WHO CARES!]

وناااسه ما بقى شي
انا لستتي وايد طويله بس شسوي بطاليه واشوي قدم انشالله احصلهم
بشتري eclips
breaking down

الحرب والسلام
الاخوه الاعداء
الجذور
العجوز والبحر
العمى
الضيوف
البجعات البريه
روح الله
مذكرات الشيخ بهلول
اذا حصلت نصهم زين
حدي بطاااليه

 

[أســــرار]

الله علــــيكم
شهالتفاعل الحلو !!

لي عـــودة

 

[lailosh]

رواية دان بروان اليديده

رواية رواية 11 دقيقة

وغيره وغيره من الروايات انشالله للحين مو حاطه ابالي انشالله اروح واشوف

مشكوره

 

[.]

اول شي بسالج تعرفين دور النشر اللي مشاركه ابي دار ليلى و دار ميراميت و يشتركون مكتبات مثل العجيري ؟؟

سويت 10000000000000000 لسته ..

ابي كتب احمد توفيق اي شي له باخذ..

بس اللي حطتهم باللستي له:

1- الان افهم ..

2- دماغي كده..

3-زغازيغ ..

4- 7 وجوه للحب..

5- يوتيوبيا..

وتوني انتبه انه له كتاب بعنوان الرجال لم يعودا كذلك بضيفه عيل..

وابي اخر عددين من ماوراء الطبيعه ..

* رابطة الادباء ..

مادري شنو يديدهم..

بس ابي اصدارات وليد الرجيب:
-بدريه..
-اليوم التالي للامس..
- طلقه في الصدر الشمال شي جذي..

وابي ملوت حمد الحمد:

- زمن البوح - بدايات..

- مساءات ورديه..

&متفرقات..

اهم كتاب اللي اذا ماحصلته ببجي وداعا احمد الربعي ..

- بناتي د. سلمان العودة..
- ارض التفاق للسباعي..

-اليهودي والعربيه ..

- تاكسي حواديت -خالد الخميسي..

وكتب توني تذكرته بعنوان ليتني امراه شي جذي ..

وهم تذكرت ابي الام صارت امال ..

وي زادت لستتي خخخ..

 

[][ الميـــــــار ][]

للحين محتارة شنو آخذ

بس رواية 11 دقيقة والله ما تسوى تشترونها اقروها من النت احسن لان موضوع القصة ما يحمس انج تخلصين الرواية =)

أسرار مشالله توني ادري انج الكاتبة عيل لازم اقرى يديدج موفقة

 

[بمبة المفترسة]

بنات خلواا الكتاب الكويتيين لانه موجودين طوول السنه في المكتبات اصداراتهم بس في اصدارات ماتتعوض خاصة للكتاب
الغير كويتيين

 

[أســــرار]

lailossh

شكرا عزيزتي على مرورج
و مشاركتج

:

who cares

لا مو طويلة في اطول منها
بس اختياراتج حلوة

شكراً جزيلا لمرورج

:


رفيلو

صحيح اختي .. اللستة ضرورية جداً
حلوة اختياراتج .. خصوصا كتب علم النفس ، و اللي اخترتيه من الموقع

موفقة .. و شكرا لج

:

عيون منوعة

ألف شكر لج حبوبة
ناطرة رايج​

وااايد قاعدين تفيدوني يا بنات
:blueSmCLR:

سعيدة بمشاركاتكم

 

[أســــرار]

اول شي بسالج تعرفين دور النشر اللي مشاركه ابي دار ليلى و دار ميراميت و يشتركون مكتبات مثل العجيري ؟؟

سويت 10000000000000000 لسته ..

ابي كتب احمد توفيق اي شي له باخذ..

بس اللي حطتهم باللستي له:

1- الان افهم ..

2- دماغي كده..

3-زغازيغ ..

4- 7 وجوه للحب..

5- يوتيوبيا..

وتوني انتبه انه له كتاب بعنوان الرجال لم يعودا كذلك بضيفه عيل..

وابي اخر عددين من ماوراء الطبيعه ..

* رابطة الادباء ..

مادري شنو يديدهم..

بس ابي اصدارات وليد الرجيب:
-بدريه..
-اليوم التالي للامس..
- طلقه في الصدر الشمال شي جذي..

وابي ملوت حمد الحمد:

- زمن البوح - بدايات..

- مساءات ورديه..

&متفرقات..

اهم كتاب اللي اذا ماحصلته ببجي وداعا احمد الربعي ..

- بناتي د. سلمان العودة..
- ارض التفاق للسباعي..

-اليهودي والعربيه ..

- تاكسي حواديت -خالد الخميسي..

وكتب توني تذكرته بعنوان ليتني امراه شي جذي ..

وهم تذكرت ابي الام صارت امال ..

وي زادت لستتي خخخ..

دار ليلى كانت موجودة المعرض اللي فات .. اتمنى تكون موجودة هالسنة بعد
ميراميت .. ممم ما مرت علي والله

بس المكتبات مثل العجيري و دار العروبة و رابطة الادباء و سعاد الصباح و ذات السلاسل يكونون موجودين طبعاً

اختياراتج لوليد الرجيب ... واااو ممتااازة .. خاصة طلقة في صدر الشمال
و انشالله يكونون سوو طبعة يديدة حق بدرية .. انا بعد ناطرتها

تاكسي الحواديت واايد حلو ..قاريته من زمان
فكرته بسيطة .. و ممتع الكتاب

زمان البوح لحمد الحمد ..ممم مادري ما انصحج فيه
انا شخصياً ما قدرت اكمل له شي .. بس انتي و اختيارج

و ترى اصدارات الرابطة متجددة و حلوة دايماً
اكيد عندهم كذا اصدار يديد

لستة اكثر من رائعة اختي
موفقة​

:blueSmCLR:

 

[بمبة المفترسة]

وهذي اسماء بعض الكتب والروايات:

مؤلفات أنيس منصور:

عاشوا في حياتي
في صالون العقاد كانت لنا أيام
حول العالم في 200 يوم
كتاب الرحلات في التاريخ​

أوراق فارس الخوري لكولييت الخوري
مؤلفات غادة السمان:

الرواية المستحيلة
فسيفساء دمشقية
لابحر في بيروت
القمر المربع
عيناك قدري
رحيل المرافيء القديمة​

الاندلس صفحات مشرقة نخبة من الكتاب
سلسلة شوربة دجاج
الاعمال الكاملة لتشي غيفارا
رائحة الجوافة حوارات مع غابرييل غارسيا ماركيز
الام فيرتيز لجوتيه​

 

[.]

دار ليلى كانت موجودة المعرض اللي فات .. اتمنى تكون موجودة هالسنة بعد
ميراميت .. ممم ما مرت علي والله

بس المكتبات مثل العجيري و دار العروبة و رابطة الادباء و سعاد الصباح و ذات السلاسل يكونون موجودين طبعاً

اختياراتج لوليد الرجيب ... واااو ممتااازة .. خاصة طلقة في صدر الشمال
و انشالله يكونون سوو طبعة يديدة حق بدرية .. انا بعد ناطرتها

تاكسي الحواديت واايد حلو ..قاريته من زمان
فكرته بسيطة .. و ممتع الكتاب

زمان البوح لحمد الحمد ..ممم مادري ما انصحج فيه
انا شخصياً ما قدرت اكمل له شي .. بس انتي و اختيارج

و ترى اصدارات الرابطة متجددة و حلوة دايماً
اكيد عندهم كذا اصدار يديد

لستة اكثر من رائعة اختي
موفقة​

:bluesmclr:

هلا اسرار..

مشكوره ع الرد..


وناسه فرحتيني العجيري تيب اغلب الشغلات اللي احبها وماحصلها الا عندهم..

ووليد الرجيب حبيت كتابته عقب ماقريت موستيك ..

اما حمد الحمد قريت له زمن البوح تحولات وكانت راقيه ومافيها قلت ادب واختي حبتها بعد انتي شنو قريتي له؟؟

وبشوف شنو يديدهم ان شاءالله بس اهم شي ملوت وليد الرجيب واحمد توفيق..

اجمعين يارب ..

مشكوره..

 

[Visage]

قوة بنات

مو قادرة اصبر اكثر على المعرض لدرجة كل يوم اخصص لي ساعة بس افكر فيه ههههه

مبدئيًا لستتي
مؤلفات عبدالحميد السيد الأخيرة ام جزئين ما اذكر شسمهم
ومذكرات احمد الخطيب الجزء الثاني
وكتب عن حركة الماسونية وفرسان المعبد

وبانتظار يديد رابطة الأدباء ودايموند بوك نشوف شنو عندهم