دياي مشوي جدر و سلطة

طيب القلب

طيب القلب

New member
إنضم
11 نوفمبر 2008
المشاركات
1,675
مستوى التفاعل
0
النقاط
0
الإقامة
ديرة الخير و المحبة
شلونكم يا ذويقات

اليوم يايبة لكم أكلة لذيذة و خفيفة مع سلطة ألذ :082502bye_prv:


واااي أموت بهالأكلة و لازم يكون مزاجي رايق عشان أسويها

مقاديرها بسيطة و معروفة للكل

عيش بسمتي مشخول

دياي مسلوق و مسحوب من العظم و اليلد

بطاط مقطع شرايح مدورة

فلفل أخضر بارد مقطع شرايح

بصل مقطع شرايح

ثوم و زنجبيل مدقوقين (آنا أقطعهم شرايح)

فلفل حار مقطع

بهار و ملح

الطريقة:

نحمس البصل لما يتحمر بعدين نحط البطاط و الفلفل البارد و نحط البهار

لما يستوي البطاط نضيف الدياي المسلوق و المسحب و الملح

آخر شي نضيف الثوم و الزنجبيل

و نغطي الجدر و نقصر عليه و نخليه لما كل شي يندمج و يتنهنه :icon30:

تالي نضيف العيش المشخول فوق الحمسة و نحط على الويه صبغة الزعفران

عند التقديم نقلب الطبخة على الماعون بحيث تصير الحمسة فوق على الويه

و استمتعوا بالنكهة اللذيذة


أما مقادير و طريقة السلطة فهي:

جرجير مقصص

طماط مقطع صغار

مشروم مقطع صغار

بصل مقطع صغار

أفوكادو مقطع

فلفل حار مقطع

عصير ليمون و خل تفاح

زيت زيتون و ملح

و نخلطهم و نقدم السلطة

جربوا الطبقين أتمنى يعجبونكم



 
Snow angel

Snow angel

**مشرفة قسم مائدتك**
إنضم
17 مارس 2008
المشاركات
11,292
مستوى التفاعل
0
النقاط
0
الإقامة
USA
ماشاء الله تبارك الرحمن

شكله يشهي يسلمووووووو هاليدين ياعسل
 
om mishaal

om mishaal

New member
إنضم
12 يوليو 2008
المشاركات
1,820
مستوى التفاعل
0
النقاط
0
يعطيك العافية على الوصفة الحلوة
 
titoo

titoo

New member
إنضم
11 أبريل 2009
المشاركات
332
مستوى التفاعل
0
النقاط
0
تسلم ايدج ومشكوووووووووووووووره
 
يجب تسجيل الدخول أو التسجيل كي تتمكن من الرد هنا.
أعلى أسفل