~.. SaLaM
حدي اتشوق لما اشوفكم مصورين مشترياتكم .. وبما اني خلصت ثلاثة أرباع الـ MakeUp إلي عندي
فشريت دفعه جديدة خلال الاسبوعين الي طافوا .. أغلب مشترياتي مجربتها من قبل وشريتها على مرة ومرتين
يعني كلما يخلصون اشتريهم مرة ثانية .. وبعضهم لأ للأمانه .. جازفت وشريتهم بدون معرفة مسبقة (حلوة مسبقة)
مشترياتي كانت أغلبها من:
"ماك - حبيبي ميك آب فور ايفر - بينفت - وهمن حبيبي ماكس فاكتر"
وبصراحة انا ناوية بعد خلال هالجم اسبوع اشتري لاني مسوية تصفية على مكياجي القديم مو بس مخلصه الي عندي
محتاجة جم شدو - بلاشر وشكلي باخذهم من نارس - اصباغ اظافر جديدة - شيمرز - غلوسات .. وبعد بلاوي ثانية ليلحين ماشريتها
المهم مالكم بالطوالة .. آنا شريت فاونديشنات وكومباكت باودرز واقلام كحل وكونسيلرز وماسكرا .. هذي اول دفعه .. والدفعه الثانية إن شاء الله بكملها الايام الياية .. وطبعا اذا كملتهم بحطهم لكم
صج حبيت أنوه إنه بكل صورة بتلاحظون اني حاطة لوغو او شعار خاص فيني هههههه مو عشان شي بس بصراحة أبي احمي الصور من البوقات! في منتدى ثاني يشبه منتدانا عضواته شغالين تلطش بصورنا ومواضيعنا وينسبونها لهم فإنتبهوا بنات على كل شي تصورونه ولا بتلقونة مبيوق وبجدارة ومحطوط بالمنتدى الثاني "شبيه منتدانا"!!
أوكي ببدي أول شي بصورة جماعية لكل شي شريته (عذروني بنات ترى موذاكرة الاسعار)
وألحين بحط مشترياتي من حبيبكم (كل شي منهم أول مرة اجربه هههههههه)
MAC
وايد خميت منهم أشياء لووول .. بحط لكم اول شي الفكس بلس والكحل والكومباكت فاونديشن Studio Tech
كنت أبي الـ Fix Plus Rose بس ماحصلته .. لقيت الفكس بلس العادي ولأ وآخر واحد بالافنيوز! قلم الكحل يهبل وايد أسود سواده عجيب وقوي .. الفاونديشن وااايد ثقيل .. حطيته حق طلعت سوق وكرهت نفسي .. أول مرة أشتريه بصراحة وقررت اخليه للمناسبات لأنه تغطيته عجيبة جني راسمة ويهي بالفوتوشوب .. بس حيل حيل ثقيل .. شريت منهم بعد مجموعة حمر
شريتهم على مرتين .. اول مرة شريت ثلاث ألوان من الافنيوز وعقب شريت لونين من المهلب
في ألوان طلعت حلوة وفي لونين بصراحة طلعوا وااايد فاتحين علي جني مريضة هههههههه .. بخلط معاهم غلوسات شوي غامجة عشان يترقعون ومايطيحون بجبدي
يمكن بتقولون كلهم نفس الدرجة او درجاتهم متقاربة .. أول شي التصوير وايد ظالم الالوان .. وثاني شي بصراحة آنا فيني مرض الالوان اللحمية او البيجية او الوردية الخفيفة الناعمه .. ما اقدر اطلع عن محتوى هالالوان .. لو شنو احاول ما اقدر احوس احوس وارجع اشتري هالدرجات اموت عليهم
اسامي الحمر حسب الارقام
1HonyLove * 2Brave * 3VivaGlamII * 4Angle * 5PinkPlaid
ألحين عاد دور حبيب قلبي
Make Up Forever
طبعا كل شي شاريته منهم كان عندي و انتحر (خلص هههههه) .. في أشياء شريها للمرة الثالثة .. هالماركة عذابي ما استغني عنها (اللهم الكونسيلر أول مرة أشتريه واجربه) هذي صورة جماعية لهم بقواطيهم
وهني واهما مفتوحين .. فاونديشن Mat Velvet + وايد حلو وطبيعي مع انه بنت خالتي جربته وماحبته .. بس آنا حسيته حيل طبيعي وخفيف .. شريته للمرة الثانية صج غرامي هالفاونديشن .. وطبعا الكومباكت باودر مالتهم الغنية عن التعريف Duo Mat Powder عجيبة شقول بس .. آنا ما استغني عنها خلصتها ثلاث مرات .. أحلى كومباكت باودر استخدمتها بدووون مبالغة .. ومايبيلة بعد ماسكرا Smoky Lash موبس آنا امدحها ماشاء الله الكل يمدحها .. تهبل هالماسكرا ترتب الرموش ترتيب عجيب .. الكونسيلر مالهم الفل كوفر أول مرة اشتريه واجربه .. حلو بس وايد ثقيل وقوي علي ما احتاج كل هالتغطية .. بس بصراحة لي خلص ماراح اشتريه مرة ثانية لأنه ثقيل حيل حيل
خلصنا من ميك آب فور ايفر وننتقل الحين حق حبيب البي ورفيق دربي
Max Factor
بصراحة هالماركة عجيبة ورخيصة .. فرق بين سعرها واسعار باجي الماركات تعجبني والله مو بس اسعارها حلوة .. الكواليتي مالت منتجاتها لا يعلى عليها .. صج صج صج هالماركة تنحط عالجرح يبرى (وايد متحطمه فيها) صورة الي شريتهم مسكرين
وهني صورتهم مبطلين .. طبعا فاونديشني العزيز الليكويد Lasting Performance ما استغني عنه لاسباب وايد (خفيف عالبشره - طبيعي - تغطيته حلوة - مناسب لكل الاوقات - الوانه متعدده) يعني اغلب الحسنات فيه .. وايد احب احطه للدوام ولا جني حاطة شي .. لوبمدح فيه من الحين لي باجر ماراح اخلص هههه جم مره اشتريه يمكن هذي ثالث مرة .. وهمن الكومباكت فاونديشن Miracle touch روعه وله نفس مميزات الليكويد .. احب احطه بأي وقت وابدل بينه وبين الليكويد .. ميزته عن الليكويد انه اسهل لي بالاستخدام خصوووصا اذا كنت مستعيلة .. بودرتهم الكومباكت هذي Creme Puff ما ادري اذا جربتوها بنات ولا لأ .. صج صج عجيييييبة منتوا خسرانين شي جربوها حلوة وفوق كل هذا سعرها ما يتعدي الدينارين .. تغطيتها تشوووق وريحتها حلوة .. آنا ماخذة الدرجة إلي مالية على وردي .. تغنيني عن البلاشر خصوصا حق الدوام .. وااايد احبها انصحكم صج انكم تجربونها
خلصنا من حبايب البي فور ايفر وماكس فاكتر .. نروح الحين للماركة البنوتية
benefit
يااااي على هالماركة كيوووت .. هالماركة حيل ناعمة ومنتجاتهم شي .. بس هالمرة ماكثرت شريت منهم كحل و كونسيلر
هني صورتهم واهما مفتوحين .. الكحل أحبه حيل أسود أسود أسسسسود .. شريته كذا مرة .. بس الكونسيلر اول مرة أجربة .. بصراحة فيه مميزات وعيوب .. مادري يعني ما اقدر ارشحة او ما ارشحة عشان تجربونة .. شوفوا اهوا لونة حيل حلو واضائته تشوووق حدها .. بس طريقة استخدامه بايخة لأنه cake أو كومباكت وايد متماسك يالله يطلع بالفرشة .. واذا حطيت منه شوي على جفن عيني يتكتل .. بس عموما اهوا وايد حلو لانه لونة عجيب .. عيبة بطريقة استخدامه و يمكن للي بشرتها دهنية يتكتل وياها
وألحين نروح للماركة إلي واخييييرا افتحوها عندنا عقب طلعة الرووح
Inglot
ياحلو هالماركة كلما نروح البحرين او لندن اخمط منهم شي .. كل شي فيها يعجبني (اللهم فاونديشنهم الكومباكت ماحبيته) .. لما دشيته فلوسي كانت قاصره هههه او بمعنى اصح فلست .. فما قدرت اشتري منهم الا حمرتين و سبونج
آنا جربت حمراتهم من قبل صج حلوين ويشوقون فما ترددت اني اشتري منهم حمر جديدة .. هذي الصوره واهما مبطلين .. و ارقامهم: الاولى رقمها 405 والثانية رقمها 415
إلي تحب تحط الباودرز والفاونديشن بالسبونج خل تشتريهم من انجلوت .. سعر الجيس 900 فلس (يعني دينار بس مستحين يقولون ههههه!) والجيس الواحد فيه حبتين .. ناعمين عالخد عجبوني
خلاص لي هني أقدر أقولكم اني فلست بجدارة
أشوفكم المرة الياية بمجموعة مشتريات جديدة من الـ (شدوات - بلاشرات - اصباغ اظافر - شيمرز - غلوسات) لما البوك يعمر والميزانية تتحسن هههههههههههه .. ان شاء الله عجبكم سرد الموضوع
مع السلامة بنات (بروح انام وارد عليكم باجر ههههه وهالله هالله بالردود الي تبرد الجبد)
SeeYa ..~
حدي اتشوق لما اشوفكم مصورين مشترياتكم .. وبما اني خلصت ثلاثة أرباع الـ MakeUp إلي عندي
فشريت دفعه جديدة خلال الاسبوعين الي طافوا .. أغلب مشترياتي مجربتها من قبل وشريتها على مرة ومرتين
يعني كلما يخلصون اشتريهم مرة ثانية .. وبعضهم لأ للأمانه .. جازفت وشريتهم بدون معرفة مسبقة (حلوة مسبقة)
مشترياتي كانت أغلبها من:
"ماك - حبيبي ميك آب فور ايفر - بينفت - وهمن حبيبي ماكس فاكتر"
وبصراحة انا ناوية بعد خلال هالجم اسبوع اشتري لاني مسوية تصفية على مكياجي القديم مو بس مخلصه الي عندي
محتاجة جم شدو - بلاشر وشكلي باخذهم من نارس - اصباغ اظافر جديدة - شيمرز - غلوسات .. وبعد بلاوي ثانية ليلحين ماشريتها
المهم مالكم بالطوالة .. آنا شريت فاونديشنات وكومباكت باودرز واقلام كحل وكونسيلرز وماسكرا .. هذي اول دفعه .. والدفعه الثانية إن شاء الله بكملها الايام الياية .. وطبعا اذا كملتهم بحطهم لكم
صج حبيت أنوه إنه بكل صورة بتلاحظون اني حاطة لوغو او شعار خاص فيني هههههه مو عشان شي بس بصراحة أبي احمي الصور من البوقات! في منتدى ثاني يشبه منتدانا عضواته شغالين تلطش بصورنا ومواضيعنا وينسبونها لهم فإنتبهوا بنات على كل شي تصورونه ولا بتلقونة مبيوق وبجدارة ومحطوط بالمنتدى الثاني "شبيه منتدانا"!!
أوكي ببدي أول شي بصورة جماعية لكل شي شريته (عذروني بنات ترى موذاكرة الاسعار)
وألحين بحط مشترياتي من حبيبكم (كل شي منهم أول مرة اجربه هههههههه)
MAC
وايد خميت منهم أشياء لووول .. بحط لكم اول شي الفكس بلس والكحل والكومباكت فاونديشن Studio Tech
كنت أبي الـ Fix Plus Rose بس ماحصلته .. لقيت الفكس بلس العادي ولأ وآخر واحد بالافنيوز! قلم الكحل يهبل وايد أسود سواده عجيب وقوي .. الفاونديشن وااايد ثقيل .. حطيته حق طلعت سوق وكرهت نفسي .. أول مرة أشتريه بصراحة وقررت اخليه للمناسبات لأنه تغطيته عجيبة جني راسمة ويهي بالفوتوشوب .. بس حيل حيل ثقيل .. شريت منهم بعد مجموعة حمر
شريتهم على مرتين .. اول مرة شريت ثلاث ألوان من الافنيوز وعقب شريت لونين من المهلب
في ألوان طلعت حلوة وفي لونين بصراحة طلعوا وااايد فاتحين علي جني مريضة هههههههه .. بخلط معاهم غلوسات شوي غامجة عشان يترقعون ومايطيحون بجبدي
يمكن بتقولون كلهم نفس الدرجة او درجاتهم متقاربة .. أول شي التصوير وايد ظالم الالوان .. وثاني شي بصراحة آنا فيني مرض الالوان اللحمية او البيجية او الوردية الخفيفة الناعمه .. ما اقدر اطلع عن محتوى هالالوان .. لو شنو احاول ما اقدر احوس احوس وارجع اشتري هالدرجات اموت عليهم
اسامي الحمر حسب الارقام
1HonyLove * 2Brave * 3VivaGlamII * 4Angle * 5PinkPlaid
ألحين عاد دور حبيب قلبي
Make Up Forever
طبعا كل شي شاريته منهم كان عندي و انتحر (خلص هههههه) .. في أشياء شريها للمرة الثالثة .. هالماركة عذابي ما استغني عنها (اللهم الكونسيلر أول مرة أشتريه واجربه) هذي صورة جماعية لهم بقواطيهم
وهني واهما مفتوحين .. فاونديشن Mat Velvet + وايد حلو وطبيعي مع انه بنت خالتي جربته وماحبته .. بس آنا حسيته حيل طبيعي وخفيف .. شريته للمرة الثانية صج غرامي هالفاونديشن .. وطبعا الكومباكت باودر مالتهم الغنية عن التعريف Duo Mat Powder عجيبة شقول بس .. آنا ما استغني عنها خلصتها ثلاث مرات .. أحلى كومباكت باودر استخدمتها بدووون مبالغة .. ومايبيلة بعد ماسكرا Smoky Lash موبس آنا امدحها ماشاء الله الكل يمدحها .. تهبل هالماسكرا ترتب الرموش ترتيب عجيب .. الكونسيلر مالهم الفل كوفر أول مرة اشتريه واجربه .. حلو بس وايد ثقيل وقوي علي ما احتاج كل هالتغطية .. بس بصراحة لي خلص ماراح اشتريه مرة ثانية لأنه ثقيل حيل حيل
خلصنا من ميك آب فور ايفر وننتقل الحين حق حبيب البي ورفيق دربي
Max Factor
بصراحة هالماركة عجيبة ورخيصة .. فرق بين سعرها واسعار باجي الماركات تعجبني والله مو بس اسعارها حلوة .. الكواليتي مالت منتجاتها لا يعلى عليها .. صج صج صج هالماركة تنحط عالجرح يبرى (وايد متحطمه فيها) صورة الي شريتهم مسكرين
وهني صورتهم مبطلين .. طبعا فاونديشني العزيز الليكويد Lasting Performance ما استغني عنه لاسباب وايد (خفيف عالبشره - طبيعي - تغطيته حلوة - مناسب لكل الاوقات - الوانه متعدده) يعني اغلب الحسنات فيه .. وايد احب احطه للدوام ولا جني حاطة شي .. لوبمدح فيه من الحين لي باجر ماراح اخلص هههه جم مره اشتريه يمكن هذي ثالث مرة .. وهمن الكومباكت فاونديشن Miracle touch روعه وله نفس مميزات الليكويد .. احب احطه بأي وقت وابدل بينه وبين الليكويد .. ميزته عن الليكويد انه اسهل لي بالاستخدام خصوووصا اذا كنت مستعيلة .. بودرتهم الكومباكت هذي Creme Puff ما ادري اذا جربتوها بنات ولا لأ .. صج صج عجيييييبة منتوا خسرانين شي جربوها حلوة وفوق كل هذا سعرها ما يتعدي الدينارين .. تغطيتها تشوووق وريحتها حلوة .. آنا ماخذة الدرجة إلي مالية على وردي .. تغنيني عن البلاشر خصوصا حق الدوام .. وااايد احبها انصحكم صج انكم تجربونها
خلصنا من حبايب البي فور ايفر وماكس فاكتر .. نروح الحين للماركة البنوتية
benefit
يااااي على هالماركة كيوووت .. هالماركة حيل ناعمة ومنتجاتهم شي .. بس هالمرة ماكثرت شريت منهم كحل و كونسيلر
هني صورتهم واهما مفتوحين .. الكحل أحبه حيل أسود أسود أسسسسود .. شريته كذا مرة .. بس الكونسيلر اول مرة أجربة .. بصراحة فيه مميزات وعيوب .. مادري يعني ما اقدر ارشحة او ما ارشحة عشان تجربونة .. شوفوا اهوا لونة حيل حلو واضائته تشوووق حدها .. بس طريقة استخدامه بايخة لأنه cake أو كومباكت وايد متماسك يالله يطلع بالفرشة .. واذا حطيت منه شوي على جفن عيني يتكتل .. بس عموما اهوا وايد حلو لانه لونة عجيب .. عيبة بطريقة استخدامه و يمكن للي بشرتها دهنية يتكتل وياها
وألحين نروح للماركة إلي واخييييرا افتحوها عندنا عقب طلعة الرووح
Inglot
ياحلو هالماركة كلما نروح البحرين او لندن اخمط منهم شي .. كل شي فيها يعجبني (اللهم فاونديشنهم الكومباكت ماحبيته) .. لما دشيته فلوسي كانت قاصره هههه او بمعنى اصح فلست .. فما قدرت اشتري منهم الا حمرتين و سبونج
آنا جربت حمراتهم من قبل صج حلوين ويشوقون فما ترددت اني اشتري منهم حمر جديدة .. هذي الصوره واهما مبطلين .. و ارقامهم: الاولى رقمها 405 والثانية رقمها 415
إلي تحب تحط الباودرز والفاونديشن بالسبونج خل تشتريهم من انجلوت .. سعر الجيس 900 فلس (يعني دينار بس مستحين يقولون ههههه!) والجيس الواحد فيه حبتين .. ناعمين عالخد عجبوني
خلاص لي هني أقدر أقولكم اني فلست بجدارة
أشوفكم المرة الياية بمجموعة مشتريات جديدة من الـ (شدوات - بلاشرات - اصباغ اظافر - شيمرز - غلوسات) لما البوك يعمر والميزانية تتحسن هههههههههههه .. ان شاء الله عجبكم سرد الموضوع
مع السلامة بنات (بروح انام وارد عليكم باجر ههههه وهالله هالله بالردود الي تبرد الجبد)
SeeYa ..~
