تسجيل (مسابقة الرابح الاكبر ) الموسم الرابع سارعي بالحجز

[يمامة]

مبرووك يمامه

عادي امشي على الجهاز وانا فيني الدوره ولا بعد ماتروح

الله يبارك فيج

لا تمشين والدورة نازلة عليج ثالث يوم ابدي امشي

ونصيحة شربي زنجبيل ودارسين ونعناع من غير سكر

 

[يمامة]

انا مشيت ساعة توني رادة قلت قبل لا تزيد لرطوبة

والعشا ان شاء الله راح يكون صحن سلطة

بنات خففوا العشا اليوم عشان الميزان بكرة ان شاء الله

 

[mooons23]

مسااااء الخيرر

كل مادخل الموقع صيانه

كيف بنات وربي وحشتوني

اما انا زعلانه شرفت على الدوره الفجر وتعبتني حتى موقادره امشي

الله يستر بكره الميزان اللهم اجعله خير

وش السالفه الكل جايته الدوره يعين الله
الفطور:توست ولبنه+كوب شاي

العداء :نص زعتر+شوربه +سلطه

العشا:مافي عشا بس بشرب دارسين معه زنجبيل شوي

 

[اللولو84]

خخخخخخخخخخخخخخ اي والله مووون كلنا فينا الدوره
الله يستر هالاسبوع

 

[يمامة]

انا الحمدالله تعشيت صحن سلطة

وقاعدة اشرب شاي اخضر

 

[اللولو84]

انا تعشيت تبوله

بكررررررررره الميزان

ان شاء الله كلنا نازلين

وان شاء الله هالاسبوع بعد اخضضضضضضضضضضضضضضضضضضر

 

[mooons23]

يااااااااااارب هالاسبوع اخضررررررر

 

[أحلى عيون]

مساااء الخير على الحلوين


تصدقون امس كتبت وبعدين ماادري ليش انمسح كلامي هههههههه الظاهر من تطوير المنتدى هههههههههه






على العموم كيف حالكم اخواتي


يمااامه مبروك للوصول للهدف الاول


بكراا الميزان ان شاء الله اختي دبدوبه طرشت لي وزنها لانه يمكن بكراا ما تقدر


وانا حسبت كل اوزان البنات وكم نازلين بشهر 10 من بدايته بس انتظر باجر ان شاء الله احسب الوزن مع الشهر كاامل

وبدايه مشوارنا ان شاء الله لشهر 11 اقترحت علي الاخت العزيزه على قلبي دبدوبه انه نسوي تجمع ثاني ومووضوع ثاني فيه التجمع ولكن الى الان ما قلتوا لي شنو اللونين الي تبونهم وما حددتوا الاشخاص للفريقين



انتظركم اخواتي عفيه لا تطولون لا نسوي مثل ما بدينا بالمسابقه صارت بلبله ههههههههههههههههههههههه



على العموم انتظركم الان والى غداا والي ما يعطيني اللونين راح اختار انا الوان عشوائيه واحدد لكل 6 عضوات في فريق



يالله نبي الهمه وبكرااا الميزااااااااااااااان

 

[أحلى عيون]

اهلين احلى عيون
والله حبيبتي هالحزه ما كو نوم في دوام وحوسه :cxxxp:
واليوم ما تريقت عدل ولا حتى تغديت من التعب
الله وياج روحي عند الدكتورة وان شاء الله مودعة التسعينات وبلا رجعة

هلا يا قلبي والله مارحت حق الدكتوره للاسف لانه بنتي مريضه وما قدرت اخليها بس يوم نامت ركضت على طول عند الجمعيه الي عند بيتنا وسويت الوزن بس اقوله لكم بكراا والله كريم


والله يعينكم يالموظفات

<<< الحمدلله مااشتغل ولا اعور راسي هههههههههههههههههه

 

[أحلى عيون]

بكراا الميزان ان شاء الله اخوااتي بس اتمنى اخواتي انه نقسم الفرق الى اثنين بسرعه قبل نهايه الشهر

 

[يمامة]

صباح الخير:ch12:

اليوم الميزان لا تنسون:n2006107:

ان شاء الله كلنا يكون نازل وزنا:yaaaaaarb::yaaaaaarb:

 

[FuLL.MooN]

السلام عليكم
صباح الخيير صبايا أسفة النت معلق معاي ... والشغل صاير لوية ... شخباركم والله ولهتت عليكم

يا حالمة ما ادري شقولج .. اسفة حدي بس انا زيادة كيلوين ونص ما ادري شالسالفة ..... اشلون الحين اكمل معاكم عادي ولا انطرد ؟؟

 

[سارونه87]

صباح الخير
المنتدى حده بدع فيننا

كله يعلق ولا يصير بطيء او مايدخل كلش


توني قاعده من النوم والجو شكله يهبل
بس شوي رطوبه
بس الغيم فظييييييييييع


احلى اوكي اختاري الوان عشوائيه احسن

فل مون ليش زايده كيلوين ونص ؟؟؟؟؟
مو ملتزمه ؟

 

[FuLL.MooN]

هلا حبيبتي سارونة شخبارج من انوي عللا ريجيم اسمن غميضة

 

[سارونه87]

روحي عند طبيب تغذيه يسويلج تحاليل ويشوف شنو اللي يمتنج

 

[FuLL.MooN]

انا ادري الحلاو والككاو والبفك والبيبسي ... اعرف مشكلتي مشكلة

 

[سارونه87]

حاولي تقللين منهم
خليهم مره بالاسبوع

 

[أحلى عيون]

هلا حبايب قلبي


فل مووون يبي لج عقاب دفين هههههههههههههه يا ويلج من الحالمه هههههههههههههههههههههه

سارونه صباح الفل يا قلبي وان شاء الله نشاط انا والله من امس مو نايمه قاعده اضبط الصور والتواقيع وان شاء الله اليوم نشوف منووو الفائز بشهر 10 والفريق الفائز للاسبوع الرابع


يمامه انا حطيتج مع اختى امبيه اوكيك بس هذا الاسبوع وشهر 11 نبدي ان شاء الله في موضوع مستقل وهذا الموضوع راح نسكره على اساس ما يصير لخبطه بين الموضوعين ونبتدي ان شاء الله بشهر جديد وكل عام وانتم بخير ومانبي اي تلاعب بالدااايت واسمعي يا جااره (فل مون ) هههههههههههههههههههههه



الحين استودعكم الله واقول لكم تصبحون على خير لاني والله تعبانه وان شاء الله لي تاخرت على نزول الموضوع ما عليه استحملواا لانه راح يكون فيه شغل مرتب ان شاء الله ويعجبكم وراح نصير احلى واجمل وافضل قروب في يوميات قسم السمنه والنحافه


ملاحظه:تدرون والله بنات اقسم بالله يرسلون لي بنات من خارج القروب انهم يبون يدخلون يقولون ماشاء الله اهتمام بالصور وتنسيق المواضيع حلوه ونبي ندخل ولانه قروبكم يشجع وايد بس والله انا مااقدر ادخل بعد اي احد اكتفيناا


بما انه الاقلبيه راح تتواجد بالموضوع اشرايكم اختار اللونين الاحمر والاصفر لانه ما دخلواا في المسابقه ومانبي الوان في المسابقه على اساس لحد يقول ليش اختري اللون هذا وليش مااخترتي لوناا



وبالنسبه للعضوات راح اوزع البنات على حسب الاوزان يعني نخلي الاوزان عشوائيه بكل فريق


يالله اتفقواا على اللونين الي حطيتهم لكم اوكيك بااااااااااااااي

 

[سارونه87]

اوكي
احمر واصفر حلويييييييييييييييين

 

[FuLL.MooN]

وانتي من أهله
اييه والله يبلي احد يدفنوني .... تحت التراب لا اكل ولا شرب لما أضعف وطلعوني ....