عاد صج ماكو رياييل !

[موت وميلاد]

بنات عندي سؤال وااااااااااااااااايد محيرني





صج ماكو رياييل مثل مايقولون !






صج اذا البنت انخطبت لازم تحمد ربها لانه غيرها مو حاصله! وحتى لو في عيوب لازم تطوف وتاخذه!




صارلي هاليومين اذا تقدملي واحد وفي عيوب .. وايد من اهلي ورفيجاتي يقولولي من صجج عادي اخذيه ترى ماكو رياييل الحين!





لا ويقولولي لاتقولين حق احد انه في ناس متقدمينلج ترى وايد بنات محد قاعد يطق بابهم بعدين يحسدونج !! اشدعوااا






ودايما اسمع الحريم الكبار يقولون اول الشباب اشكثرهم يبون يتزوجون والحين ماكو احد





يعني احنا بعايلتنا 13 بنت بسن الزواج بس 2 متيسريين






وحتى بالدوام والله بالقسم واااااااايد بنات من سن 22 الى 28 وبس 3 المتزوجات والباجي عزابيه او مطلقات





بنات قولولي شالسالفه!





الموضوع طبيعي بس الناس الي مستعيله على بناتها ومحسسينهم انهم عنسو !!





ولا صاير بالكويت مشكله اجتماعيه لازم ندرسها ونلقالها حل !!








عفيه بنات فيدوني برايكم عشان ما اتعقد !!

 

[عاشقة الكاكاو]

لا حبيبتي الموضوع مو جذي مو ساالفة مااكو رياييل

الموضوع ان البنت الحين مو مثل اول

اول الشباب يدورون الزوواج والاستقرار الحين لا اغلبهم تغيروا ولاحظي الشباب صاروا يتزوجون بره الكويت

او يتأخرون بالزواج يعني عادي يوصل عمره 36 ويختار وحده عمرها 19 سنة

وبعدين الزواج فعلا صاير صعب لان الشباب عقلهم تفتح اكثر من اول صار يشوف ويقاارن

يشوف القنوات والفنانات وحتى البناات صاروا مثل نجمات هوليوود لازم الوحده تصير ملكة جمال علشان تمشي بالدنيا

حبيبتي البنت تختار الانسان اللي اخلاقه زينه وكل شي يتغير مع الوقت

لان صج البنت الحين زوجها صعب

والله يووفقج

 

[موت وميلاد]

والله صاجه بكلامج انا توه متقدملي واحد عمره 38 وانا 22 ويتشرط بعد !!

بس الصراحه حدي خفت مومعقوله ريال طبيعي يقدر يصبر على الزواج لي هالعمر!!

ومعاج حق البنات مشاءالله صايرين يهبلون الاسنان مسوينها وصايره لولو والبشره مع اليزر مرمر والاجسام مع الشفط مارلين مونروه غير جلسات توحيد اللون

يعني الوحده وين تلحق

ماقول غير رب اني لما انزلت الي من خير فقير

 

[tolay]

المشكله صايره بالعرب كلهم موبس عندنا

اولا عدد الذكور بالكويت اقل من عدد الإناث

ثاني شي بعض الشباب يتشرطون وااااااااايد ويبون مواصفات خياليه

وبعض الشباب صارو يتزوجون متأخر ماله خلق مسؤوليه وكل شي متوفر له من اساليب راحه وطلعات واهله مدلعينه .... اما اول يشوف راحته اذا تزوج

وبعض الشباب يشوف الزواج صعب من الناحيه الماديه وايد شباب يبون يتزوجون بس حالتهم الماديه ماتسمح لهم

وايد شباب يخافون من الزواج وبقلبهم خوف من الحياة اليديده

والمشكله بعض الشباب توصل اعمارهم 30 ومايبون وحده فوق 25 !!!

وايد امور تأخر الزواج بالنسبه للرجل

 

[خوش بنية]

للأسف ماكو ..... انا دايم أقول الرياييل الزينين متزوجين والباقين اما مو مال زواج ولا والعياذ بالله جنس ثالث والا معقدين نفسيا والزينين البافين شوييييه عليهم مخامط )

 

[مشعلله]

فيه ريايل بس من علامات يوم القيامه تكثر البنات وتقل الرجال
سبحان الله لي درجه يصير الرجل الواحد مسؤل عن خمسين مره

 

[دلال22]

الله كريم كل واحد ياخذ نصيبه بس متى الله العالم

 

[Cander]

لا حبيبتي لا تحاتين

الدنيا بخير الحمد لله وفي رياييل وفي حريم والدراسات تبين ان عدد الرياييل يضاعف عدد الحريم

وانتي جدامج بيتكم والدوام ما جيكتي على المجتمع كلة ، يمكن بيتكم عدد البنات كبير بس في بيوت

فيها عدد الشباب اكثر ، والدوام مو مقياس يمكن كان في موظفات تزوجوا وقعدوا بالبييت ، وانتي

اذا يقدم لج واحد تأكدي انة زين الحمد لله الرياييل على افى من يشيل مثل ما يقولون وسوي اللي

انتي مقتنعة في ما عليج بأحد ، ترى في اهل وايد يعتبرون البنت اذا تأخر زواجها تعنس

واسأل الله التوفيق لي ولكم

 

[tmtmt]

لا في ان شاءالله لة خليت خربت

وان شاءالله تاخذين ريال صالح يخاف الله فيج

 

[زبــــــــدة]

على سالفة العمر عادي انا ابوي تزوج كان عمره 35...مافيها شي

يمكن ماكان مستعد حق الزواج...

وعلى سالفة ماكو رياييل...

شوفي احنا البنات نبي ريال ملاااااااااااااااااااك مافيه ولا عيب ولا يغلط واللي نبيه لازم يصير

لا حبيبتي مافيه ريال مافيه عيوووب ولا في بنت مافيها عيوب...

يعني مو معقول بييلج واحد ماغلط ولا فيه عيوب...

بس اهم شي يكون اخلاق ويخاف ربه ويكون شااريج

وموشرط تتزوجين لمجرد الزواج ولان بعدين يمكن محد اييلج لا

هذا زواج مو لعب ولا لازم اتزوج عشان كلام الناس بالطقاق الناس اهم شي راحتي

 

[مسك]

الرياييل وايد لكن الزينين قله !

 

[um hamed]

في ومافي هذاا الصج
في بس موو ماال زوااج مااال لعب وطيش والتكااانه تزوجوو او يكملوون درااساات عليااا

 

[غنج بدويـه]

مافي احد كامل .. في الزين وفي الشين
((لا ويقولولي لاتقولين حق احد انه في ناس متقدمينلج ترى وايد بنات محد قاعد يطق بابهم بعدين يحسدونج !! ا)) صح كلامج والله محد يعطي خير خصوصا المحروم منه

 

[miss_math]

حبيبتي اشتري راحتج اهم شيء يكون الريال اللي متقدم لج دين واخلاق

مو مهم فيه رياييل ولا ما فيه يعني اذا قلنا لج انه ما فيه بتوافقين على اي واحد يتقدم لج على انه ما كو رياييل

صراحه ان اشوف اني ما اتزوج احسن مليون مرة من اتزوج واحد مو كفو علشان ما كو رياييل

بس كلامي مو معناته انج تتشرطين على الريال وتطلعين فيه عيوب الدنيا وتتوقعين انج تترتبطين بشخص مثالي

واستخيري والله ييسر لج امورج

الله يرزقج حبيبتي الزوج الصالح الخلوق اللي يخاف الله فيج وجميع بنات المسلمين

 

[المكسيكيه]

الزواج قسمه ونصيب

 

[amoon]

فيه ريايل بس من علامات يوم القيامه تكثر البنات وتقل الرجال
سبحان الله لي درجه يصير الرجل الواحد مسؤل عن خمسين مره

وانا سمعت هالكلام

 

[''chOcoLate]

كل شي قسمه و نصيب و فعلا انا لاحظت الريال حتى لو يصير عمره 35 و ماتزوج ... يبي وحده عمرها 20 او 21

 

[موت وميلاد]

واالله يابنات كلامكم يريح

لانه احس الحين البنت اذا بتزوج عشان ترضي المجمتع

لانه هالايام ماكو سالفه غير الخطبه والزواج والريل

وعسى الله يكتب الي فيه الخير ويرزق جميع بنات المسلمين

 

[brettey]

الصراحه فعلا ماكو رياييل هالايام
وين الرجوله لما يتزوج ويخون مرته؟ والاغلبيه جذيه وشنو حجته زوجتي هاملتني يا اخي ملينا من هالحجه بنات الكويت ماعليهم قاصر وشوفي بقسم الزوجيه مواضيع العضوات الي طاحوا على خيانات رياييلهم وكلهم يقولون انهم مو مقصرين بحق ازواجهم من لبس ودلع وحركات وراحه
وين الرجوله لما يعتمد على معاش زوجته بالصرف ؟ اهي الي تشتري اغراض البيت وهدوم اليهال و توديهم الطبيب وياخذ معاشها ولا كرت البنك مالها
وين الرجوله لما يمد ايده على زوجته ؟عاد هذا الي كلش مافيه رجوله نهائي متروس عقد نفسيه ويطلعها على زوجته
وين الرجوله لما يكون سكانه مرته ويعادي اهله عشان يرضيها ولا يكون سكانه امه وخواته ويحسر بزوجته عشان يرضيهم ؟
وين الرجوله وهو ما يصلي ؟ ولما تسالون اهله يقولون يصلي وعقب يطلع ما يدل المسيد
وين الرجوله لما يشرب ؟وين الرجوله لما يهد مرته وعياله ويسافر مع ربعه حق وناسته ؟

 

[$الـــحـــلاوه$]

انا ولد عمتي عمره 37 يبي وحده بالعشرين وماتكون واصله 25
واذا على سالفت انج ماتعلمين احد الا عقب الملجه
والله احسن لج الناس صج ماتعطي خير اعرف وحده معرفه قوووووويه خطبها واحد وانتشرت سالفتها
والله اهل الرجال يبونها واهي وافقت وعقب تفركشت السالفه حتى ام الرجال ماجت
كل هذا لانه سالفت خطبتها انتشرت

بس في رياجيل الدنيا ليلحين بخير