مشترواتي ومشترواتكم من معرض الكتاب حياكم...

[عنيّد]

خوش موضوع ، راجعه لكم باذن الله

وأسرآر التصوير الرقمي الاول والثاني

حبوبه من وين شريتيهم وبجم ؟

 

[buffy]

عليج بالعافية المشتريات مع اني مو يم الادب بس دخلت علشانج

 

[omlolo]

هلااا روونه اشلونج

انا بعد رحت اليوم وشريتلي جم كتاب عالسريع وان شاء الله باجر بروح بعد

وحصيلتي كانت

الحقيقة لا تقال وهرطقه
ورود ملونة ل علياء الكاظمي
وكتابين حق اجاثا كريستي اهمه خطر في اند هاوس ولغز الكاريبي
قصتي مع اللوفر حق سند راشد
هذا انحرافي
ورسائل الخوف الجزئين

تقريبا مثل حصيلتج

وبس ابي اسأل البنات وين اقدر احصل على كتاب مذكرات الاميره عايشه في اي مكتبة وكتاب بنات ايران وين احصله بعد متشوقه اقراهم

ومشكورة ويعطيج الف عافيه على مواضيعج الحلوة

حبيبتي انا شاريه كتاب بنات ايران من جرير وااااااااااايد عجيب الكتاب

 

[Stylist]

بنات ابي اسألكم اللي شروا
هذا انحرافي لبشاير القطان
شنو طبيعه الكتاب ...روايه ولا شنو
وشرايكم فيها لأن اول مره اسمع باسم الكاتبه

ورسائل الخوف ...قصص.........؟؟ وشرايكم فيها بعد
لأن بحط لي لسته وبروح المعرض مره 2

 

[سبائك]

ويييييييي

انا رحت امس وشريت وايد كتب بس شكلي برجع مره ثانيه لما شفت هالموضوع!!!!

بالنسبه لي شريت التالي:

- من غريب ما سألوني للشيخ عبدالله نوري(جزأين) كنت قاريتها من مكتبة ابوي وانا بالمتوسطه والحين برد اقراها مره ثانيه عجيبه

- موسوعة غرائب القصص (( أحمد بن سالم بادويلان ))

- الشفق twilight والجزء الثاني منها قمر جديد new moon اهي عباره عن اربع اجزاء & مكتوب عليها افضل كتاب لهذا العقد في امازون &

- جمان (( علياء الكاظمي ))

- الرحيق المختوم (( من أفضل كتب السيره النبويه ))

- سورة النور (( للعلامه الشيخ محمد متولي الشعراوي رحمه الله ))

- من بلاتينيوم خذيت
- رسائل الخوف 1و2 ((عبدالوهاب السيد))
- المصعد رقم 7 ((وائل رداد))
- الآن نفتح الصندوق 1و2 ((د.احمد توفيق))
- الغرفه رقم 8 ((يحي خان))

- مؤلفات قماشه العليان:
- الرجل الحائط
- خطأ في حياتي

- من الروايات الأفضل مبيعا في السعوديه:
- نواح الصمت ((ابتسام عرفي))
- الملعونه ((اميره المضحي))

- قصص حقيقيه مرعبه من الواقع الكويتي ((احمد جاسم كرم))

- ما وراء الظلام ((ماجد القطامي))

- كشكول طالب ثانوي(( الطالب محمد الهويمل))

 

[rawona]

بنات يعطيكم الف عفيه على المرور والمشاركة ..


بصراحة كل ما اشوف مشترواتكم اتحمس اكثر على الرجعة لمعرض الكتاب مره ثانية .. ماشاءالله عليكم خوش كتب و اختيارات ..


واشكر الكاتبة سارة الراشد "أسرار" دخلت على الصفحة و شفت مشترواتج اتهبل ..


بنات وين ألاقي كتاب السجينة؟؟


​

 

[Kadin Cligin]

خوش موضوع ، راجعه لكم باذن الله



حبوبه من وين شريتيهم وبجم ؟

هلاا

شريتهم من الدار العربية اثنينهم بـ9

:aha:

 

[Kadin Cligin]

بنات ابي اسألكم اللي شروا
هذا انحرافي لبشاير القطان
شنو طبيعه الكتاب ...روايه ولا شنو
وشرايكم فيها لأن اول مره اسمع باسم الكاتبه

ورسائل الخوف ...قصص.........؟؟ وشرايكم فيها بعد
لأن بحط لي لسته وبروح المعرض مره 2

الكتآب عبآره عن مجموعه مقآلآت

هذا اول كتاب لها ومااشاءالله ابدعت

حلووو ويستااهل انج تقرينه


رسائل الخوف جزئين كل جزء فيهم فيه قصتين

تتكلم عن الرعب الغامض واشياء تحدث ماوراء الطبيعه

اسلوب الكاتب حلوو ويشوق مع اني مو من محبين هالنوعيه من القصص بس اسلوبه وطريقته في سرد الاحداث تشووق

تحسسج جنج تشوفين فيلم جدآمج حلويين حبيت قصصه

 

[عيون منوعه]

بنات يعطيكم الف عفيه على المرور والمشاركة ..


بصراحة كل ما اشوف مشترواتكم اتحمس اكثر على الرجعة لمعرض الكتاب مره ثانية .. ماشاءالله عليكم خوش كتب و اختيارات ..


واشكر الكاتبة سارة الراشد "أسرار" دخلت على الصفحة و شفت مشترواتج اتهبل ..


بنات وين ألاقي كتاب السجينة؟؟


​

بالعاااافيه

****

هم بعد انا ابي كتاب السجينه فرييييت المعرض كله ولا لقيته وين موجود

و انا سألت عنه قالولي احتمال بعد يومين يجيبونه((انا رحت السبت))


و الي تعرف خل تكتب و تنبهني :d

 

[Kadin Cligin]

بنات انا لقيت السجينه مكووود بس ماااااذكر اي مكتبه

اهي بقاعه 5 عند بوآبه اللي اذكره ان كان فيها كتب تويلايت وذا نيو مون مترجم رحت خذيت لاختي ولا اشوفه

سووري بس مااذكر اسم المكتبه وللأسف الجيس مال المعرض مو مالهم

 

[rawona]

بنات انا لقيت السجينه مكووود بس ماااااذكر اي مكتبه

اهي بقاعه 5 عند بوآبه اللي اذكره ان كان فيها كتب تويلايت وذا نيو مون مترجم رحت خذيت لاختي ولا اشوفه

سووري بس مااذكر اسم المكتبه وللأسف الجيس مال المعرض مو مالهم

خوش عيل يبيلي فرة مره ثانية بصالة 5 :gr4uu:

​

 

[loony]

بنات بلييز هذا انحرافي عن شنو يتكلم

 

[rawona]

بنات بلييز هذا انحرافي عن شنو يتكلم

انا شريته بس ماقريته للحين ..


من المقدمة مبين انه مجموعة مقالات وخواطر لفتاة كويتية .. وجذبني اسلوب الكاتبة اذا قريته باقول رايي فيه اكيد

​

 

[loony]

اممممممممم بروح بعد شوي معرض الكتاب شتنصحوني فيه اكثر شي بس اللي راح اخذهم اكييد الشفق توايلايت و هذا انحرافي شديتوني له وايد و عجبني اسم كتاب كشكول طالب ثنوي

 

[عيون منوعه]

بنات انا لقيت السجينه مكووود بس ماااااذكر اي مكتبه

اهي بقاعه 5 عند بوآبه اللي اذكره ان كان فيها كتب تويلايت وذا نيو مون مترجم رحت خذيت لاختي ولا اشوفه

سووري بس مااذكر اسم المكتبه وللأسف الجيس مال المعرض مو مالهم

:e3::e3:

وين لقيتيه انا فرييت 5 و 6 و سألت المكاتب قالوا مو موجود الكتاب :eh_s(10)::eh_s(10):

 

[rawona]

اممممممممم بروح بعد شوي معرض الكتاب شتنصحوني فيه اكثر شي بس اللي راح اخذهم اكييد الشفق توايلايت و هذا انحرافي شديتوني له وايد و عجبني اسم كتاب كشكول طالب ثنوي

ماشاءالله .. اختيارات البنات وايده .. والواحد صج يحتار شنو يشتري وشنو يخلي ..


انا بعد ودي اروح المعرض احس ما شبعت :rerrerek:

​

 

[Kadin Cligin]

:e3::e3:

وين لقيتيه انا فرييت 5 و 6 و سألت المكاتب قالوا مو موجود الكتاب :eh_s(10)::eh_s(10):

حبيبتي ماطالعت فاسم المكتبه انا كنت امشي شدتني روايه تويلايت متجرمينها عربي وشفت الجزء الثاني بغيتهم لاختي

جان اشوف روايه السجينه واااااااااااجد اطالعهم واقول عندي هالروايه وحتى ماقريتها وبعدين خذيت الكتب ودفعت ورحت

بس اللي اذكره كان عند المكتبه بوابه اي وحده مادري بس بقاعه 5 سوووري والله

 

[Ms_sWeeTaa]

الي يدورون كتاب السجينه شفته اليوم بس ما انتبهت على اسم المكتبة
وحتى جنه معاه كتاب الشفق
والمكتبة اتوقع قريبة من دار الصحوة
سوري ما نتبهت

رحت انا اليوم الصبح مرة ثانية حق المعرض
كنت ابي اشوف الكتاب
بس حسافة ما لقيت ولا احد لوول ما اييون الصبح
يبيله روحة بليل بس اخاف زحمة مالي خلق

اول يوم رحت المعرض خذيت كتب كاتبنا المفضل عبدالوهاب السيد





واليوم خذيت كتاب الحرف التاسع عشر واسرار ممنوعة
شوقونا عليهم بنات المنتدى ويستاهلون التشجيع كاتباتنا



وخذيت كتب خالد النصر الله احس يشوقون ووايد تكلموا عن كتبه بالمنتدى



وفي جم كتاب موصية بنت خالتي تاخذهم :$
الان نفتح الصندوق جزئيين
حكايات القبو
المصعد رقم 7
هذا انحرافي

وسلامتكم

 

[Dr.Nouf]

كتتتتتتتتتتتتتتتتتتتتتتتتتبكم تشوووووووق ، يعطيكم العافية عطيتوني فكرة

 

[عيون منوعه]

كتبكم تشــــوق بالعاااافيه

والله ما شفت كتاب السجينه مع اني رايحه المعرض عشاانه

ضروووووووووووووري اروح مره ثانيه