~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[teenaa]

ثينكيوووووووووو منمن

وعقبال كل الي يلبسون عدسات ونظارات

 

[عنيّد]

اهاااااا يعني اليوم العله بمارينا وانا شككت بالسياره :eh_s(10):

هممممم ماسمعت سؤال نغم الصباح ، بس أنا من أنصار الدبله وبقوووووه
اذا ضيعها بقص صبعه


زيون ،، صباح الخيراااااات ، اي انا اسجل ملاحظاتي البيتيه واقارنها مع العيادة دايماً :rerrerek:

 

[teenaa]

وين هذا مجمع البيرق
؟؟؟

 

[just-me]

بطه بلا اشاعات مو حامل انا تاركة لكم الحمال انتي و زيون و من من و ام فجر و نحوله

ام فجر الله يسلمج هذا تحليل حق الريجيم الدهون و الكلسترول شكلج ولا مره سويتيه ؟؟؟

تزهبي أكيد المطوع بيطلبه منج زهبيه على شهر 2 اذا الله عطانا عمر

 

[mn.mn]

جسوت بعد عمري والله انا بعد ما استغنااااااااااااااااااااااااااش

عنيد لووووووووووووول فيها قص اصابع السالفة ؟ الله يعين عتريسج عيل

نداااااااااااااااااااااء العمل

 

[teenaa]

اليوم ما سمعت العبد شقال

منو سمعه ؟:eh_s(2):

ماادري ليش ما حطوه

 

[بطة رشيقة]

موفقه ... تينا ترى انا مسويتها من سنتين ان شالله سهاله انا تعبت شوى بس الحمدلله احسن الحين واكيد تفتكين من النظاره والعدسه وماكو الا العافيه ان شالله

 

[mn.mn]

وين هذا مجمع البيرق
؟؟؟

في منطقة العقيلة صايرة ورا مبارك الكبير وجبالها الفنطاس

 

[teenaa]

بجاوب لووووووووول

غصبا عنه يلبس الدبله واذا ما بلسها انا بعد ما البسها

اصلا افكر بيوم الملجه احط فيها صمغ سريع علشان تلزق وما تطلع
لان اذا شالها راح اشيل عمره معاه <<< معصبه لوووووووووووووووووووووووووووووووووووول

 

[just-me]

بنات See You بروح أخلص لي جم مشوار

حافظكم الرحمن

ستيلا ذكرتيني باللي فات امانه اذا قدرتي ابي رقم الصفحه اللي كنت اكتب فيها

ذكرياتي ايام المطوع ااااااه عل و عسى

بنات مو تاكلون يالله عاد خل نساعد بعض الايام تركض ورنا هدف يديد

ورا العيد ------> السنه الجدبده باذن الله و الله يجعلها سنة خير علينا جميعا




سلام

 

[teenaa]

بطبط ليش تعبتي ؟؟؟

منمن ثانكيو بس حيييييييل بعيد عني :eh_s(10):

 

[Na77olah]

بطاقتي الشخصيه


انثى لووووووووووووووووووووووووول


عمري 31
ووزني 69 <<هذا يوم الاحد بس الحين ما ادري لوووول
وطولي 156

موظفه

وبعد شنو سالوني وبجاوب لووووول

 

[بطة رشيقة]

جسووت اها تونى افهم خلاص بسووووووويه باذن الله ..

منمن بالعافيه روحه البيرق .. بيرقنا بيرق منصووووور .. خخخخخخ وان شالله اروح

ولا انا تينا ماسمعت شقال انا حاطه على ازاعه القران ..

 

[عنيّد]

نحوله ،، عرباويه ولا قدساويه ؟ :d

 

[Na77olah]

لووووووووووووووووول عنيد لا هذا ولا هذا اكره الكره بسبت ريلي غاثني فيها

 

[teenaa]

لوووووووووووول عنيد سؤالج عجيب

انا باكل 3 بسكوتات دايجستف مع القهوه

 

[بطة رشيقة]

تينا حبيبتى الله يسلمج انا سويت العمليه عند الدكتور محسن ابل .. قبل سنتين ووووو 5 شهور تقريبا ... سويت عمليه اسمها

ebbe laisec

موليزك ابيليزك جذى اسمها .. ما ابى اخرعج بس انا تعبت وايد وايد اللى صار ان العين الله يسلمج اهو مو سوا العمليه ويقول ان طبقات العين لما تنفتح ما ترجع بخياط ولا شى فحطهم بس جذى وقال عقب ايام راح يبرى بروحه انا لا ما قدرت انام ولا اسوى شى عوار فضيع وقمت اصرخ من قمه راسى رديت رحت له والا طلع ان العين منجرحه وقام سوى لى مثل عمليه صغيره تصحيح حق الخطا اللى صار وعقبها تميت وقت صج فى الم بس شوى شوى راح وعقب تقريبا اسبوعين صرت افضل الحمدلله وبس تميت على النظاره شهر ونص ما افصخها كلش يمكن بس انا هذى حالتى وصارت صدفه والا مشالله رفيجتى توها مسويتها بدار الشفا قبل 3 اسابيع عادى تبارك الرحمن مافيها ولا شى .. بس اقولج انا يمكن صارت صدفه معاى الخطا اللى صار بس اقول الحين الف الف الحمدلله وربى يتمم علينا نعمه النظر ولا يحرمنا منها ويعافينا بعويناتنا ولا يخرب العمليه ان شالله وربى يوفقج يارب ...

 

[teenaa]

واااااااااي بطبط حدي تصرقعت :s

رفيجتج سوتها عند اي دكتور بدار الشفا ؟؟

تعبت او شي ؟؟

 

[teenaa]

شكثر تطول نص ساعه

الحمدلله على سلامتج بطبوووووط

انا عيني كله جفاف من العدسات صج تعبت
صارلي 8 سنين البس عدساات

 

[عنيّد]

على طاري الليزك
انا وخالتي كنا ناوين نسوي ، بس بيوم من الأيام فجأه كنسلت !
اقولها ليش ؟
تقولي شفت اشلون يسوون العمليه بالتلفزيون واخترعت ، وخرعتني وياها


عاد توه وصلني هالخبر ع الايميل

----------
آخر صيحة في طب العيون- لا حاجة لتشطيب الليزك القديم والمكلف جدا
متابعات – عبدالله القنبر - طهران


أصبحت إيران في عداد الدول السبعة الأولي في العالم التي تمتلك أكثر تقنية متطورة لطب العيون بعد افتتاح مستشفي نور للعيون في العاصمة طهران اليوم الأحد .

وكالة فارس للأنباء نقلت أن مستشفي نور في طهران باتت اليوم تتبوأ موقعا طبيا عالميا يمتلك كل الخصوصيات لاستقطاب المرضى من خارج إيران وخاصة في منطقة الشرق الأوسط .

وافتتح رئيس منظمة التراث الثقافي والسياحة رحيم مشائي صباح اليوم الأحد هذا المستشفي بصورة رسمية حيث تم فيه أول عملية جراحية لعين رجل وامرأة عبر جهاز كانسرتو التقني الإيراني الصنع والذي ينافس التقنية الألمانية الوحيدة بالعالم حيث يعمل بالليزر وشاهد الحاضرون بالمستشفي كيفية إجراء هذه العملية بصورة مباشره من غرفة العمليات .

وتعتبر احدي أهم مطاليب المراجعين لهذا المستشفي أن تزداد نسبة قوة ودقة العين بعد إجراء العملية الجراحية وخاصة في الليل قياسا لجهاز اللينز .

و من خصوصيات هذه التقنية المتطورة التي تثير الدهشة والاستغراب هي قصر فترة العملية بشكل مذهل للغاية حيث أن مدتها تتراوح بين 10 إلي 12 ثانية ..

الجدير بالذكر أن الأطباء في هذا المستشفي الخاص بالعيون أكدوا أن نفقة العملية الجراحية التي تتم بجهاز الليزر تبلغ لكل عملية نحو 550 دولارا
----------------------

:eh_s(10): :rerrerek: