مغتربات امريكا منو يبي يروح المؤتمر بكاليفورنيا

[o_mermaid_o]

انا بروح وحجزنا التذاكر والفندق يعني اكيد ان شاء الله نشوفج مرميده

انا بعد حجزت كل شي ان شاءالله نشوفج هناك

 

[مليومه]

وي حتى انا استحي اقط نفسي وارز ويهي حق البنات بالمؤتمر يعني تعرفوا علي

ولا مره تعرفت على احد بهالطريقه لووول

<-- تتخيل انه ريلها وافق لووول الي يقول الحين خلاص بتروح هههههه

 

[مليومه]

انا جني خليت موضوعج شات ؟ امبيه فشله حدي قرقه لاتلوميني بس وربي من الوناسه قمت اهذر اسمحيلي

 

[مغتربة 2006]

انا ريلي كان متردد بس قتله فرصه وجذي واحنا كله محكورين هني على بو دراسه وبالاجازه نرجع الكويت ما شفنا امريكا الصراحه
فرصه المؤتمر
انا رايحه سياحه الصراحه هههه

 

[مغتربة 2006]

لا وناسه ما صدقنا نشوف احد من امريكا
حدي ماله ودي انام بس هم عيزانه

 

[مليومه]

اها لا انا ماشفت امريكا ولا شفت امريكان بس شفتهم بالمطار و اطلطل من البلكونه واشوف الاوادم اخخخخخخ

اي والله فرصه المؤتمر بناااااااات تراكم شيشتوني على هالمؤتمر لله يعينه اليوم بقعدله قعده على السالفه ههههههه

 

[o_mermaid_o]

انا ودي اروح العام رحت ونااااااااااااااااسه بس بعيده علينااا سيع ساعات طياره
بنوتات تصوتون ولا لا

ليش انتي باي ولايه
انا ما اصوت ريلي الي يدرس مو انا

 

[مليومه]

مغتربه جم الساعه عندكم وانتي بأي ولايه ؟

انا في اوريغون بورتلاند وعندنا الحين الساعه 10 ونص بليل


انا ماأصوت وريلي الي يدرس مو انا

انا مرافقه وبشهر 12 أو 1 قررت ادش معهد خلاص طفح الكيل غيرت من ريلي اهو يدرس وانا قاعده

 

[مغتربة 2006]

احنا بعد والله المسافه بعيده ورح ناخذ ترانزيت بس هم اهون من رده الكويت
انا بعد سفر الكويت لي امريكا صار عندي كل شي عادي
اصلا لما يقولون سفر 5 ساعات ولااااا شي غمضه عين هههه

 

[o_mermaid_o]

اها لا انا ماشفت امريكا ولا شفت امريكان بس شفتهم بالمطار و اطلطل من البلكونه واشوف الاوادم اخخخخخخ

اي والله فرصه المؤتمر بناااااااات تراكم شيشتوني على هالمؤتمر لله يعينه اليوم بقعدله قعده على السالفه ههههههه

ههههههههههههه انا كنت نفس حالتج اول ما ييت امريكا بس الحين الحمدالله فرجت رحت ولايه ثانيه وبنفس السكن معاي كويتيات بس حسافه ماراح ايون المؤتمر وحده حامل بالشهر الاخير والثانيه ريلها مشغول

 

[مليومه]

اف العن ام البدليات

قصدي غرت *

لا احنا 14 ساعه بالسياره

 

[مغتربة 2006]

احنا في فرجينيا نورفولك الساعه 1 ونص بالليل

 

[مليومه]

اها 1 ونص بليل

بس بنات اذا بتروحون قولوا شتلبسون ههههه

انا احاتي اللبس لاني متعوده قبل ماأتزوج اني استشير خواتي على لبسي واقول حلو هذا ولا لا لايق علي ولا لأ خخخخخخخخخخخخخخخخ
اذا بتروحون شتلبسون وبتكشخون ولا عادي

لاني مااعرف شنو الوضع اهناك اول مره اروح مؤتمر وحاطه فبالي مؤتمر يعني ناس كشه

 

[chanel N22]

انا بفلوريداااا

 

[o_mermaid_o]

اي انا مع زوجي ودنا نروح بالطياره بس قاعدين انيمع فلوسنا علشان نشتري سياره خخخخخخخخ

الله كريم شكلي بقعد بروحي بشقه يومين وريلي بيروح مع ربعه الله كريم انشالله

دقيت على ريلي توني قلتله انشالله اروح معاك المؤتمر جان يقول مادري ليلحين مو اكيد

بس اول مايوافق ادزلج رساله خاصه واقولج ونتعرف وااو قاعده اتخيل عاد ولا مره حضرت مؤتمرات جذي شلون صاير هالمؤتمر يعني كله كويتين والناس يكشخون انزين واذا رحت لازم اكشخ ؟

لوووول احاتي اللبس من الحين

اي والله البنات هناك كلهم كاشخين وانا يوم رحت وشفت الكويتين استانست احس جني بالكويت ترى المؤتمر يسوى انج تتعنين له حتى لو بالسياره

 

[مغتربة 2006]

والله انا عادي رحت بلبسي لان ما كنت احضر الندوات ما اعرف بالسياسه ومالي خلق
اللهم اول ندوه عشان يكرمون المتفوقين
لان انا اروح اتمشي بالمدينه والمتاحف وسوقه
فاخذ شي مريح مو كشخه عاد انتي وكيفج
اذا بتظلين بالندوات كشخي

 

[o_mermaid_o]

انا بفلوريداااا

من أي مطار مسافرين ؟ لأن من مطار تامبا, فلوريدا لي مطار لوس انجليس تقريبا 5 ساعات و 24 دقيقه

 

[chanel N22]

ياريت نقدر نروح صج عقب مسافه السفر من الكويت لي امريكا تهون كل المسافات

والله ما ادري ريلي قالي سبع ساعات من مطار اورلاندووو


بنات عمركم رحتواا السوق في بلاك فرايدي؟؟

 

[مغتربة 2006]

انا ولا مره رحت ريلي كله يقول زحمه واهو دم ضروسه الزحمه يقعد يطنقر طول الطريج

 

[o_mermaid_o]

انا مدمنه بلاك فرايدي صج زحمه والله اقعد من الفيربس تقعدين بالمحل ساعه ياله تحاسبين