لا حضرية ولا بدوية .. لا شيعية ولا سنية .. كلنا عيال الكويت وهذا الاهم

الحالة
مغلق و غير مفتوح للمزيد من الردود.

hello.kitty_85

New member
إنضم
14 يناير 2009
المشاركات
989
مستوى التفاعل
0
النقاط
0
العمر
40
الإقامة
kuwait
صباح الخير كويتيات شلونكم وشخباركم ؟

بصراحه ادري داشة بقوة لكن ابي اسألكم سؤال ؟ ليمتى واحنا جذي ؟ بالذمه ما تتضايقون لما تشوفون هالفتن اللي قاعده تصير بالديرة وبالنهاية كل من يدور مصلحته وتالي وين مصلحة الكويت من متى واحنا جذي ؟

ابي اقولكم نقاط وايد اتضايقني ومو موضوع كامل عن هالنقاط
1- التفرقه بين البدو والحضر ! ليش مو كلنا نحمل جنسية وحده ؟ مو كلنا وطننا واحد ؟ عايشين بهالديرة ومفروض هدفنا الاول شلون نحافظ على مصالح ديرتنا .. اي نعم كلن يفتخر بأصله وبأصل اجداده بس لازم مانخلي هالشي يخرب علينا ويزرع بين الفتن والعنصرية

2- شيعه والا سنه ! مو مسلمين ؟ مو كلنا نتبع ملة سيدنا محمد عليه وآله الصلاة والسلام ؟ مو مفروض احنا امة محمد اعظم الامم وافضلهم ؟ شالفرق اذا انا شيعية والا سنية ؟ مو بالنهاية مسلمة ؟ ليش قمنا نحترم المسيحي ونحترم ديانته ونخاف نقوله كلمة يزعل علينا او نحرجه او نضايقه صحيح اهوا انسان وما يجوز انجرح فيه ولكن وين اخوي المسلم من هالاحترام والا بس لانه يختلف مذهبه عن مذهبي اجرح فيه ؟ وافرق بيني وبينه ؟ هذي الفتن اللي صايرة بالديره ماتحرق قلوبنا وين وحدتنا الوطنية اللي نتكلم عنها ليش قمنا نسمح حق نار الفتنه تحرقنا هالشي مايرضي الله سبحانه

3- ليش انخلي الناس ياخذون عننا فكره غلط احنا مو جذي اجدادنا مو جذي ولا اهلنا علموننا على جذي وايد وايد مننا ما يحترمون الاخرين ما نحترم اصولهم ولا جناسيهم ولا خلقتهم .. هذا هندي وهذا مصري وهذا كذا وكذا !! مع انه احنا اكثر الناس ندعي الايمان وحافظين كتاب الله حتى عيالنا قاموا يعايرون الاوادم بجناسيهم باشكالهم هالشي مايجوز .. واحنا اللي ديرتنا مو مخليه قاصر على احد اتدز تبرعات وتسوي وتسوي واخر شي احنا مانحترم باقي الشعوب اسلامنا ما علمنا هالشي وديرتنا ماعلمتنا هالشي احنا احسن وافضل من جذي كمسلمين .. ورسولنا قال لافرق بين اعجمي وعربي الا بالدين . وبالتالي كل انسان جدامي بعيد عن دينه بعيد عن اصله بعيد عن شكله اهوا معجزة الرحمن بهالارض .. ومو حلوه نشوف نفسنا ونتكبر على غيرنا ترى اخرتنا تحت التراب ما ناخذ ولا شي معانا غير أعمالنا ودعوات الناس لنا وسمعتنا الطيبه

4 - بعض من الناس عندنا ينشرون غسيلنا ويطلعون عيوبنا وبس وما اتوقع فيه انسان ما عنده عيوب .. مثل بعض البنات بالمنتدى اللي كل ماشافت موقف صار معاها او شافته بمجمع او بمكان يات انقلت الموضوع هني وبالاساس موضوعها ماله فايده لنا بالعكس كله حش وكلام ماله داعي ومو مستوعبين حجم الخطر بالموضوع لما يدخلون ناس من جميع الدول ويقرون عن موضوع يتكلم عن بنات لابسين كذا شفناهم بأحد المجمعات وطحنا فيهم حش جنا احنا بالجنه واهما بجهنم وبالنهايه الموضوع يتسكر لانه موضوع غير هادف بس مجرد فضحنا بعض جدام الناس ولو نفكر قبل لا نتكلم ما راح انخسر شي وبعدين انرد ونقول من راقب الناس مات هما وكل انسان عنده عقل يفكر فيه ورب السموات موجود اهوا اللي بيحاسبنا مو احنا اللي بنحاسب بعض والنصيحه ماتكون بالحش او بإسلوب قاسي او فض .

ادري الموضوع فيه نقاط وايد من كل صوب ولكن بالنهايه لو رجعنا حق هالنقاط صدقوني بتشوفون انه وايد اشياء احنا نسويها غلط بحق بعض او بحق الناس اللي حوالينا وكل هالاشياء تهدم حياتنا ما تفيدنا بأي شي غير الذنوب وتربية ابناءنا بشكل غلط

اتمنى محد يزعل مني واذا ضايقتكم بشي سامحوني .. ومعا لكويت اجمل هذا اللي اتمناه
 

حلا طيبة

New member
إنضم
24 أكتوبر 2009
المشاركات
378
مستوى التفاعل
0
النقاط
0
فديتك حبوبه لو انا مو كويتيه لكن هالسالفه والخرابيط اللي صايره مو بس عندكم بالكويت اعتقد باخليج كلها

ماعرف ليش مسابقه حق فضح بعضنا وكره بعضنا البعض والله صدق كلامك اروح لك فدوووه
وعجبني حيل حيل حيل نقطة رقم 2 هذه كلنا بالخليج تقريبا الاماندر مبتلشين فيها

والله عن نفسي انا لما كنت بالمدرسه صديقاتي مثل العسل شيعة وسنه وماكو فرق وفي النهايه كلنا بنموت وامرنا لربنا
مدري ليش هالكره صرنا مصخره حق دول الغرب ويفرحون لمايشفون المسلمين متضاربين سنه وشيعه
والله عيب عيب عيب مدري متى نصحى
ماكني طولت اسفه بس منقهرررره حدي
 

المكسيكيه

New member
إنضم
11 سبتمبر 2009
المشاركات
21,679
مستوى التفاعل
0
النقاط
0
مشكوره على الطرح
ومافي فرق بينا كلنا عيال الكويت
 

hello.kitty_85

New member
إنضم
14 يناير 2009
المشاركات
989
مستوى التفاعل
0
النقاط
0
العمر
40
الإقامة
kuwait
حلا طيبة
والله صاجه بس احنا ما كنا جذي كلش يعني عمرنا مافرقنا من قبل بهالاشياء بس ماندري شاللي صاير عسى الله يوحدنا كلنا ك كويتيين وكمسلمين والله محتاجين حق بعض
وانشالله نرد نفس قبل واحسن ومشكورة على مشاركتج الطيبه

المكسيكية
حبيبتي مشكورة على الرد وانشالله مافي فرق بيينا كلنا عيال الكويت وكلنا مسلمين ونحمدالله سبحانه انه احنا من امة محمد عليه وآله الصلاة والسلام
 

روحها لكويت

عضوه موقوفة
إنضم
29 أبريل 2009
المشاركات
608
مستوى التفاعل
0
النقاط
0
الإقامة
بقلب زوجي
عن نفسي صديقاتي السنيات أكثر من الشيعيات ولا عندي فرق بصراحه أحبهم ويحبوني بس في ناس جذي تحب تهلق على ناس

موضوع حلو يزاج الله خير عليه
 

hello.kitty_85

New member
إنضم
14 يناير 2009
المشاركات
989
مستوى التفاعل
0
النقاط
0
العمر
40
الإقامة
kuwait
الله يسلمج روحها لكويت ونورتي الموضوع يالغاليه
 

SILVER ROSE

New member
إنضم
22 أغسطس 2007
المشاركات
5,224
مستوى التفاعل
0
النقاط
0
الحمدلله هالشي موموجود عندنا
ربونا اهلنا من صغرنا مانفرق بين حضر وبدو شيعة وسنة
وفريجنا خليط والكل متجانس مع بعضه الله يحفظنا من الفتن
 

hello.kitty_85

New member
إنضم
14 يناير 2009
المشاركات
989
مستوى التفاعل
0
النقاط
0
العمر
40
الإقامة
kuwait
Silver rose
الله يديم هالشي بينكم يارب بحق محمد وال محمد
 

جنـــا

New member
إنضم
10 أكتوبر 2009
المشاركات
1,521
مستوى التفاعل
0
النقاط
0
صح لسانج موضوعج من اروع ما يكون

وبصراحه اللي يزيد الفتن المواضيع بالمنتديات

و اقلام الكتاب في الصحافه

صار عندنا تفرقه على حسب الاصل والمذهب والمكانه

ما كنا جذي .. تغيرنا
 
إنضم
3 نوفمبر 2009
المشاركات
122
مستوى التفاعل
0
النقاط
0
يسلم لسانج وصح لازم مانفرق كلنا عيال قريه تسلمين يالغاليه
 

C'est La Vie

New member
إنضم
11 يونيو 2008
المشاركات
8,022
مستوى التفاعل
1
النقاط
0
الإقامة
بين صفحاتي
صح لسانج
هذا الكلام الزين
مادري ليش كل فئة تستصغر الفئة الثانية بسبب اصل ولا مذهب ولا غيره؟
يعني الواحد الله خلقه جذي شيسوي يتبرى من اهله عشان يرضى الناس؟
لو الله يفكنا من هالفتنة والفرقة بين الناس جان احنا بخير
 

hello.kitty_85

New member
إنضم
14 يناير 2009
المشاركات
989
مستوى التفاعل
0
النقاط
0
العمر
40
الإقامة
kuwait
sowsan
جنـــا
ام عبدالله 22
C'est La Vie
عاشقة الكاكاو
مشكورين على ردودكم الطيبه وعسى الله يجمع وحدة هالديرة ديرة الخير
 

تنآهيد ..~

New member
إنضم
12 مارس 2008
المشاركات
8,255
مستوى التفاعل
0
النقاط
0
العمر
36
مثل ماقالت أختي silver rose إن هالشي مو موجود عندنآآ وأهلنآ ربونآ إنه مآفي فرق بين سني وشيعي كلنا وآآآحد ~ :)
 

hello.kitty_85

New member
إنضم
14 يناير 2009
المشاركات
989
مستوى التفاعل
0
النقاط
0
العمر
40
الإقامة
kuwait
تناهيد
مشكورة ياقلبي على مشاركتج الطيبة

يابنات والله انا تكلمت بكذا نقطه بس اشوف كلكم علقتوا على نقطة وحده
وانشالله مافي فرق بين الكل وهذا شي كل كويتي خايف على مصلحة ديرته يتمناه وكلنا مسلمين انشالله مايكون في اي فرق او عنصريه بيننا
 

تيوليب

New member
إنضم
31 مايو 2009
المشاركات
1,124
مستوى التفاعل
0
النقاط
0
الإقامة
الكويت
السنة والشيعه كلهم اخوان انا عن نفسي سنيه بس عندي رفيجاتي شيعية وربي عسسسسسسسسل وحييييييل طيبيين
ياااااااليت بعض الناس يشيلون فكرة التفرقه عن راسهم .. كلنا مسلمييين الحمدلله ..


وانا من وجهة نظري من اسباب العنوسه ان في ناس مايزوجون بناتهم الا من نفس القبيلة او العايله !!

قال الله سبحانه (وجعلناكم شعوبا وقبائل لتعارفو )

قول الرسول الكريم : " زوجوا بمن يتق الله فإن أحبهاأكرمها وأن لم يحبها لم يظلمها " وقوله : " من زوج كريمته لفاسق فقد قطع رحمها " أي فقد ظلمها


" إذاجاءكم من ترضون دينه فزوجوه إلا تفعلوا تكن فتنه في الأرض وفساد كبير "


وبالنسبة للتفاخر بالانساب : هذي ذكرها الرسول الكريم انها من صفات الجاهليه وتعد من الكبائر
وفيه احاديث كثيره عن موضوعج مثل ...
(وعدّ النبي – صلى الله عليه وسلم – التفاخر بالأنساب من أخلاق الجاهلية فقال :
( أربع في أمتي من أمر الجاهلية لا يتركونهن : الفخر في الأحساب ، والطعن في الأنساب )


(وعن عقبة بن عامر رضي الله عنه أن النبي - صلى الله عليه وسلم – قال:
( إنَّ أنسابكم هذه ليست بسباب على أحد ، وإنَّما أنتم ولد آدم ، ليس لأحد على أحد فضل إلاَّ بالدين أو عمل صالح )
رواه أحمد .

عن أبي بن كعب رضي الله عنه قال :
انتسب رجلان على عهد رسول الله - صلى الله عليه وسلم - فقال أحدهما : " أنا فلان بن فلان ، فمن أنت لا أم لك ؟ " ، فقال رسول الله - صلى الله عليه وسلم - : ( انتسب رجلان على عهد موسى عليه السلام ، فقال أحدهما : " أنا فلان بن فلان - حتى عد تسعة - ، فمن أنت لا أم لك ؟ " ، قال : " أنا فلان بن فلان بن الإسلام " ، فأوحى الله إلى موسى عليه السلام أن هذين المنتسبين : أما أنت أيها المنتمي أو المنتسب إلى تسعة في النار ، فأنت عاشرهم ، وأما أنت يا هذا المنتسب إلى اثنين في الجنة ، فأنت ثالثهما في الجنة ) رواه الإمام أحمد .


واسمحيلي على هالمداخله بس حبيت افيدكم ووووووشكرا ربي يجزاج خييير ويوفقج ,,,,,,,,
 

hello.kitty_85

New member
إنضم
14 يناير 2009
المشاركات
989
مستوى التفاعل
0
النقاط
0
العمر
40
الإقامة
kuwait
السنة والشيعه كلهم اخوان انا عن نفسي سنيه بس عندي رفيجاتي شيعية وربي عسسسسسسسسل وحييييييل طيبيين
ياااااااليت بعض الناس يشيلون فكرة التفرقه عن راسهم .. كلنا مسلمييين الحمدلله ..


وانا من وجهة نظري من اسباب العنوسه ان في ناس مايزوجون بناتهم الا من نفس القبيلة او العايله !!

قال الله سبحانه (وجعلناكم شعوبا وقبائل لتعارفو )

قول الرسول الكريم : " زوجوا بمن يتق الله فإن أحبهاأكرمها وأن لم يحبها لم يظلمها " وقوله : " من زوج كريمته لفاسق فقد قطع رحمها " أي فقد ظلمها


" إذاجاءكم من ترضون دينه فزوجوه إلا تفعلوا تكن فتنه في الأرض وفساد كبير "


وبالنسبة للتفاخر بالانساب : هذي ذكرها الرسول الكريم انها من صفات الجاهليه وتعد من الكبائر
وفيه احاديث كثيره عن موضوعج مثل ...
(وعدّ النبي – صلى الله عليه وسلم – التفاخر بالأنساب من أخلاق الجاهلية فقال :
( أربع في أمتي من أمر الجاهلية لا يتركونهن : الفخر في الأحساب ، والطعن في الأنساب )


(وعن عقبة بن عامر رضي الله عنه أن النبي - صلى الله عليه وسلم – قال:
( إنَّ أنسابكم هذه ليست بسباب على أحد ، وإنَّما أنتم ولد آدم ، ليس لأحد على أحد فضل إلاَّ بالدين أو عمل صالح )
رواه أحمد .

عن أبي بن كعب رضي الله عنه قال :
انتسب رجلان على عهد رسول الله - صلى الله عليه وسلم - فقال أحدهما : " أنا فلان بن فلان ، فمن أنت لا أم لك ؟ " ، فقال رسول الله - صلى الله عليه وسلم - : ( انتسب رجلان على عهد موسى عليه السلام ، فقال أحدهما : " أنا فلان بن فلان - حتى عد تسعة - ، فمن أنت لا أم لك ؟ " ، قال : " أنا فلان بن فلان بن الإسلام " ، فأوحى الله إلى موسى عليه السلام أن هذين المنتسبين : أما أنت أيها المنتمي أو المنتسب إلى تسعة في النار ، فأنت عاشرهم ، وأما أنت يا هذا المنتسب إلى اثنين في الجنة ، فأنت ثالثهما في الجنة ) رواه الإمام أحمد .


واسمحيلي على هالمداخله بس حبيت افيدكم ووووووشكرا ربي يجزاج خييير ويوفقج ,,,,,,,,


حبيبة قلبي ومشكورة وايد على هالمداخلة الطيبة على راسي والله وهذا الحجي الصح كلنا اخوان ومسلمين وبالنهايه كلنا ابناء ادم وحوا والله سبحانه وتعالى ساوا بيننا بكل شي اذا الواحد يفكر صح يعرف هالشي مادري شلون اوصل الفكرة بس يمكن انا فقيره وعندي صحتي واخوي غني وصحته على قده بالنهايه احنا الاثنين متساويين بهالشي
ومو مهم انا منو اهلي وشنو اصلي المهم شنو عملي بالدنيا وسمعتي بين الناس
 

تيوليب

New member
إنضم
31 مايو 2009
المشاركات
1,124
مستوى التفاعل
0
النقاط
0
الإقامة
الكويت
صح كلامج وانا معاج.. وربي يوفقج ويحققج اللي في بالج
 

Stylista_Q8

New member
إنضم
7 يناير 2009
المشاركات
11,958
مستوى التفاعل
31
النقاط
0
الإقامة
بقَلْبَهُمْ،، اللّهّ يِخَلِيِنَآ لٍبَعَضْ دُوْمْ ي
امبيه مثل تفكيري بالضبط !

كل النقاط اللي قلتيهـآا صح !!

1. الفرق بين البدو والحضر لنه كل واحد تربى غيـر !! يعني عاداتنا وتقاليدنا مو مثلـهم يعني نحبهم ويحبـووناا بس مرات هالشي يسبب مشـآاكل بين بعـض .. يعني اهم متعودين على شغله واحنا نطالع حق هالشغله بنظرة ثانيـة وان شالله فهمتـي قصـدي ^^

2. أيـآأم أول هالشي ما كان يسبب مشـآأكل !! ماكو فرق سنه وشيعـه بس بسبـب الاعـلآام والجـرآايد لو تلاحظـوون بدت التفرقــه !! والله اذكر لما كنت بالمتوسطه والثنووية ما كنا نقوول هذي شيعيه .. هذي سنية ؟ كلنا على قلب واحد بس الحين وايد اشياء تغيـرت ليش مـآادري ;s يعني احنا مو مثل العرااق عشان يصير بين السنه والشيعه حزازيات ..! بس الله الهـآادي .. والله مادري الناس اللي يسوون فتن شنو بيستفيــدووون

3. أذكر لما كنا بالثنـوية أبـلـة الاجتماعيات تقول من الاسباب اللي تخلي الكويتي شايف روحه لنه احنا اقليه يعني احنا جالية الكويت في الكوويت فهالشي وايد مأثر عليناا ونبي نثبت روحنا للعاالم ونبين لهم انه احناا كويتيين !! ولما نقول حق الناس انه احنا نقدم تبرعات لنه في ناس من دول ثانية يشوفون انه لكويت ما سوت شي يذكر فـ احنا لنا حق انه نفتخر بشنو ديرتنا الحبيبة سووت وبصراحة في دوول ما تستاااهل هالتبرعات اللي نعطيهاا يعني بالغزو ما اوقفوا ويانا وصاروا ضدنا والحييين نساعدهم :) !! يعني الكويت تبرعاتها أولى حق عيال ديرتهـآا ..!

4. والله هالشي يقهرني يعني الوحده لي كتبت فلانه سوت وعلان سوا شنو بتستفيد ؟؟ صج انه في ناس راح يتعلمون انه هالشغله عيب وحرااام بس البنت اللي كتبت عنهاا ماراح تعدل من روحهاا واللي يدخلون المنتدى ويقروون هالشي بيكون إبالهم انه الكويتيين كلهم جذي !! يعني شوهواا سمعتنـآاا والله يعني كافي المسلسلات اللي يحطونها اللي تشوه سمعتنا هالدور يتكلمون عنااا بالنت جدام اللي يسوا واللي ما يسوااا :/

ذاك اليوم واحد في منتدى خلط ومعروووف هالمنتدى حيييييل كااتب في قسم القضايا انه البنات صاروا خفاف طبعا البنات الكويتيات وانه جم بنت تحرشت فيه مادري مهند على غفله ؟! المووهم هالمنتدى وااايد ناس مو كويتين يدخلونه يعني شبيقولون عنـآأ !!!!

ومشكوورة حبيبتي ع الموضوع ^^
 
الحالة
مغلق و غير مفتوح للمزيد من الردود.