{ ...الدكتورة رشا الصفي تجيب على استفسارتكم ..} استضافة اسبوعية

[جنان2006]

السلام عليكم
يعطيج العافية دكتورة وعساج عالقوة

ماعليج أمر بسإلج شنو أقدر أعطي بنتي حليب من عمر 3 سنوات؟؟

اهيا من صغرها كانت تشرب أبتاميل كمفورت 1_2 ومن عمر سنة إلى 3سنوات تشرب ميلوبا3
بس محتارة الحين مادري شعطيها وجم مرة باليوم؟

ويزاج الله كل خير

 

[ريومةالمزيونة]

السلام عليكم دكتورة..

عندي بنيتي عمرها سنة وعشر شهور..لما تبي تبول تقعد تبجي وتقول يعورني
الظاهر عندها حصر او التهاب في البول
وديتها الطبيب قالي لازم تحليل بول
بس ماني عارفة شلون اخذ منها عينه من البول بهالعمر؟؟
شالحل؟؟؟الله يجزاكي كل خير..انصحيني شسوي؟؟؟

 

[Me too]

السلام عليكم دكتوره انا شريت حق ولدي فيتامين اسكيمو كيدز لاني احس انه اقصر من عمره طوله 77وعمره سنه ونص والصيدلي رشحه لي فحابه اعرف رايج واذا لا شنو تنصحيني اعطيه وشكرا علما ان طولي متوسط وابوه طويل

 

[FdeeT.BnaTy]

السلام عليكم ورحمة الله وبركاته ،،

يعطيج العافية دكتورة ..

بنتي بعد عشر ايام انشالله بتكمل 3 شهور ، سرتها ليلحين فيها سواد ولما امسحها بالكحول مايطلع شي يعني بس لون عادي والا اوديها الطبيب؟
وشكرا مقدما

 

[lulu2009]

السلام عليكم

دكتوره بعد اسبوع ولدي يكما 6 شهور باذن الله
شنو ابتدى اوكله و شكثر الكميه؟؟؟

وصوره الحليب السائل ما عرفت انزله بالمنتدى اذا عندج ايميل ممكن ادزها عليه اذا سمحتي

 

[د. رشــا الصفــي]

السلام عليكم

انا استخدم بديشاور لبنتي عمرها سنه و نصف

ابي اعرف هل هو حليب ام مكمل فقط ؟؟

و هل يصير اخلطة مع الحليب في الرضعه الوحدة؟؟؟

او اعطيها منه رضعه وحدة باليوم كافية ؟؟؟

لان ابنتي لا تاكل غذاء صحي

وشكرا

البيدياشور حليب و فيه مكملات غذائية

لا ما يصير تخلطينه مع الحليب لأنه أساسا حليب و هذا كلام الشكرة المصنعة نفسها

و تقدرين تعطينها منه رضعة باليوم و تكون اخر اليوم

علشان ما تسد نفسها

السلام عليكم

يعطيج العافيه دكتوره


انا توني والده وارضع بنتي طبيعي الحمدلله , بس ببتدي اشفط لها بغيت اعرف شكثر المده الي ممكن احفظ فيها الحليب بره وداخل الثلاجه وبالفريزر؟؟

سؤالج ممتاز

الحليب الطبيعي يتم صالح بدرجة حرارة الغرفة لمدة 24 ساعة بالكثير حتى لو يفصل و يصير طبقتين عادي ما يضره رجي الرضاعة و شربي البيبي

و بالثلاجة العادية 3 ايام

و بالفريزر 6 شهور

بالنسبة لتسخين الحليب الطبيعي

لا يغلى الحليب الطبيعي بقصد تسخينه و لا يوضع في وعاء به ماء مغلى

المفروض نسخنه بوضغه بوعاء به ماء دافي فقط

السلام عليكم
يعطيج العافية دكتورة وعساج عالقوة

ماعليج أمر بسإلج شنو أقدر أعطي بنتي حليب من عمر 3 سنوات؟؟

اهيا من صغرها كانت تشرب أبتاميل كمفورت 1_2 ومن عمر سنة إلى 3سنوات تشرب ميلوبا3
بس محتارة الحين مادري شعطيها وجم مرة باليوم؟

ويزاج الله كل خير

من عمر سنة واحدة ممكن يشرب الطفل اي حليب عادي مو لازم حليب الأطفال

الحين تقدرين تعطينها الحليب الفرش او البودر او اللي بالنكهات و مرتين باليوم كافي

السلام عليكم دكتورة..

عندي بنيتي عمرها سنة وعشر شهور..لما تبي تبول تقعد تبجي وتقول يعورني
الظاهر عندها حصر او التهاب في البول
وديتها الطبيب قالي لازم تحليل بول
بس ماني عارفة شلون اخذ منها عينه من البول بهالعمر؟؟
شالحل؟؟؟الله يجزاكي كل خير..انصحيني شسوي؟؟؟

حبيبتي ما تشوف شر

الظاهر التهاب بالبول

ترى الطفل بهالعمر ممكن يبول بالحمام بروحه

قعديها عالمرحاض و صبي عليها ماي فاتر و راح تبول و اخذي العينة

و اذا ما تقدرين ممكن الدكتور ياخذ عينه معقمة و مضبوطة عن طريق البربيش

تقدرين تراجعين الموضوع اللي بتوقيعي راح يفيدج وايد

السلام عليكم دكتوره انا شريت حق ولدي فيتامين اسكيمو كيدز لاني احس انه اقصر من عمره طوله 77وعمره سنه ونص والصيدلي رشحه لي فحابه اعرف رايج واذا لا شنو تنصحيني اعطيه وشكرا علما ان طولي متوسط وابوه طويل

طوله عادي مو اقصر من عمره

بس ما يعتبر طويل

و انا شخصيا ما انصح بالفيتامينات الا اذا الطفل عنده نقص معين

و عمرنا ما عطينا فيتامين للطفل علشان اهو قصير !!

لازم نفحص طوله مضبوط و تنابع نموه و اذا محتاج شي نعطيه

و طبعا هذا يعتمد على وزنه بعد و حالته العامة

انصحج :

الفيتامينات مالها داعي .. الهدف منها تجاري بحت خصوصا في حالة ولدج اعذريني على صراحتي !!

بس ما احب احس انه في شي مو عدل و اخليكم ما تدرون

و الشي الثاني ابيج تاخذين ولدج الى طبيب الأطفال بغض النظر خاص ولا حكومي يقيسون طوله عدل

على فكرة الطفل اقل من السنتين نقسي طوله بطرق معينه

لازم يكون نايم مو واقف

و ينام على جهاز معين و نقيس الطول

انتي شلون قستي طوله ؟

السلام عليكم ورحمة الله وبركاته ،،

يعطيج العافية دكتورة ..

بنتي بعد عشر ايام انشالله بتكمل 3 شهور ، سرتها ليلحين فيها سواد ولما امسحها بالكحول مايطلع شي يعني بس لون عادي والا اوديها الطبيب؟
وشكرا مقدما

لا حبيبتي شي عادي ما تحتاج طبيب اذا ما تطلع دم ولا خراج و لا فيها فاتق لا تحاتين

السلام عليكم

دكتوره بعد اسبوع ولدي يكما 6 شهور باذن الله
شنو ابتدى اوكله و شكثر الكميه؟؟؟

وصوره الحليب السائل ما عرفت انزله بالمنتدى اذا عندج ايميل ممكن ادزها عليه اذا سمحتي

الأكل حبيبتي تبدين اول شي بالعيش المسلوق تهرسينه طبعا و تصفينه و تعطينه

بالكثير قفشة وحدة او ثنتين بالبداية

عقب تزيدين الكمية بالتدريج حسب تقبل البيبي

و عقب تبدين تدخليت له البطاط و الكوسا و القرع و الجزر يعني خضار بصورة عامة و تشوفين تفقبله لكل نوع

و بعدين لمايتقبل الخضار تبدين تدخلين الفواكه و اخر شي السيريلاك و البسكوت

و الكميات اول شي وجبة باليوم و عقب وجبتين

و ما تخلينهم قبل النوم على طول علشان لا ينغث و يرجع

​

 

[FdeeT.BnaTy]

ماقصرتي ياقلبي والله يطمن قلبج مثل ما طمنتيني

 

[ريومةالمزيونة]

الف شكـــــــــــــــــــــــــر لج دكتورة

استفدت واايد من موضوعج عن التهاب البول عند الاطفال

الله يجزيك عنا كل خير وعساج على القوه وبارك الله فيج

 

[tmtmt]

السلام عليكم .. يعطيج العافيه دكتوره

بنتي عمرها الحين 9 شهور .. صارلها فتره مو حابه حليبها معنها كانت تشربه وعادي تحبه حييل بس هالفتره
عاد قمت ما اعطيها حلييب كللش قطعتها من المميه وحليبها .. قمت اعطيها حليب كي دي دي بارد خالي الدسم
واعطيها حليب ككاو وموز وفراوله وهالسوالف ...

واكلها اسم الله عليها ممتاز ..

عادي ؟؟؟؟

لنه الكل يقولي لا مو عادي بس شسوي اذا اهيا مو باغيته .. حطيتلها بقلاص وشربتها بعود هم ما تبيه

واذا لازم اعطيها جم رضعه باليوم ؟؟

ويعطييج العافيه

 

[mooony_14]

البيدياشور حليب و فيه مكملات غذائية

لا ما يصير تخلطينه مع الحليب لأنه أساسا حليب و هذا كلام الشكرة المصنعة نفسها

و تقدرين تعطينها منه رضعة باليوم و تكون اخر اليوم

علشان ما تسد نفسها​

..
انا اعطيها برجرس 3 = يعني اعطيها برجرس مرتين باليوم

وبالليل اعطيها بديشاور



يعطيج العافية

ومشكورة ما قصرتي​

 

[الزيـــــن]

يعطيج العافيه دكتوره رشااا

بنتي عمرها شهرين و15 يوم وزنها الحمدلله زين ومن ولدتها وهالغازات معاها مره تخف ومره تزيد والحين زايده بشكل مو طبيعي وحتى بطنها مثل الصخره وماتخرج الا بعد يومين وبطلعت الروح مسكينه تتعذب وعذبتني معاها الحين اعطيها 7 نقط من ديسفلاتيل مرتين باليوم وانقع لها حبه حلوه وكمون بمطارت الماي وحليبها ابتاميل 1

ساعديني الله يجزاج خير شنو اسوي لها مابي اكثر زيارات للطبيب واكثر من هالادويه شنو تنصحيني اسوي اغير حليبها لكمفورت للمغص والامساك واشرايج بماي الغريب تنصحيني فيه

 

[وداعيه]

مشكوره حبيبتي

 

[nono78]

السلام عليكم

دكتوره عندي ولدي عمره 5 سنوات

ما شاء الله ما يقعد حركي وايد يعني حتى بلعبه للأشياء احس حركته سريعه واذا مثلا مجابل الرسوم المتحركه

يقوم يناقز ويقلد حركاتهم مايقعد ابداااااااااااا

حتى اذا منسدح يحرك ريوله يرفعهم ليي فوووق

بحركة دائريه وحتى ايده ولمن اقوله شنو قاعد تسوي يقولي قاعد اسبح بالبحر !!!

انا خايفه انه في نشاط زايد بس دايما النشاط الزايد اقره معاه قلة تركيز ولدي ما شاء الله ذكي وشاطر

وعلى فكره وايد ياكل حلويات + كاكاو + بسكوت + كورن فلكس


والحين باديه اقطعه عنه النشويات والسكريات قلت يمكن سبب لهالنشااااااااااااااط ( صراحه ينرفزنييييييييييييييييييييييييي ) بهالحركات

ابي نصيحتج

وهل يحتاج مراجعه طبيب مختص

وشاكرتلج

 

[monaty7]

السلام عليكم ورحمة الله وبركاته00

الله يعطيج العافيه دكتوره ويجعل ماتسوينا معانا في ميزان حسناتج00

دكتوره انا بنتي بعد جم يوم بتكمل السنه وانا اعطيها حليب نوفالاك ايه ار 2والحين ابي

اغير حليبها الي سيملاك 3 شلون ابتدي معاها سيده او اخلطه مع حليبها اول شي واذا اخلطه شلون

ومشكوره حبيبتي وماقصرتي على سعة صدرج0

 

[dalooo3h]

السلام عليكم دكتورة رشا الله يعطيج العافية أنا عندي بنت توها كملت السنة حيل أعاني منها مالقيت لها حل ولا علاج انشاالله ربي يكتب لها علاج على ايدج بنتي ماتاكل أكل خشن اعتمادها على الحليب وسيريلاك وأهرس لها في الخلاط عيش وجزر وبس وغيره ماتقدر كله ترجع حيل حيل ترجع باليوم يمكن مرتين كل ماحاولت أعودها على الاكل الخشن واللي بعمرها يقعد معنا على السفرة وياكل والله ذبحتني عرضتها على كذا دكتور قال عادي شالحل يادكتوره

 

[(100%)]

السلام عليكم
ولدي عمره سنه وسبع شهور بس مايتكلم ويسمع بس مايطبق شي من اللي اقوله اذا يبي حليب ييبلي المميه حاولت اعلمه اكثر من مرا بس بدون فايده حتى ماما وبابا ما يقول يحب يلعب مع الاطفال ويعشق التلفزيون من كان صغير دكتوره حالت ولدي طبيعيه ولالا ياليت تفيديني اهوا بجري وماعندي غيره بروحه بالبيت

 

[المحتاره]

[COلسلام عليكم
يعطيج الف الف عافيه وماقصرتي لي سؤال الله ياجرج. انشاء الله وتجاوبني لاني جد خايفه علي وليدي..دكتوره من جبته وفيه بقع بيضه بالاول امي عيالها وحام بس ما اعتقد دكتوره البياض كبير من بطنه وتحت ومفي باباطه وشوي رجوله وعرضته علي دكتور اطفال من قبل شهرين وقال احتمال يروح مع الوقت ونصحني ما اعرضه علي دكتور جلديه بليز دكتوره ما مرت عليج حاله نفس ولدي علمااا اني جبته باخر الثامن وكامل وحالته كانت زينهLOR="Purple"]ا[/COLOR]

 

[Q8_Rose]

دكتوره طفلي عمره 5 اشهر وبديت اوكله لمده سبوع ميلوبا بالارز والحين باجر يكمل الاسبوع الثاني من الخامس ببدي ادخل خضراوات بس شلون ابدي جزر وبطاط ولا كوسا وبطاط وشلون طريقه عملهم هل مع الحليب احطه او بعده وشكثر الفتره اللي لازم يكون فرق بين شرب الحليب والاكل ؟

 

[مزايا الصمت]

يعطيج العافيه دكتوره عندي سؤالين ..
الاول... بخصوص ولدي عمره سنتين وشهر مايتكلم الا بكلمة اته او بكلمات غير مفهومه ... ولحد الحين مايفهم كلامي مثل سكر الباب او تبي حليب مايفهم على.. اذا جاع بكي من غير مايؤشر اخذنا عليه تخطيط سمع والحمد لله السمع زين
يحب التلفزيون لدرجة الادمان ويحب يلعب كثير ...لاحظت انه مايركز عدل بس تركيزة على الاشياء اللي يحبها
هل هو توحد مع ان ولدي يحب لعبة انى اركض وراه ويلحقنى او العكس يعني اشوف شوية تجاوب

السؤال الثاني
بخصوص بنتى عمرها ثمان سنوات بثالثة ابتدائي ...وشوى قصيره البنات اللي بأولي ياطولها او اطول ودايم تشتكي من قصرها بالمدرسة تقول انا اقصر وحده بالصف
وديتها عيادة الطفل السليم ولما اخذ قياسات الطول والوزن قال الطول انقص من المعدل الطبيعي بسانتى ونفس الشي الوزن انقص من الطبيعي وعطانا موعد بعد ثلاث شهور يبي يشوف تزيد او لا
سؤالي هل فيه شغلات تزيد الطول من ناحية الغذاء او الحليب مع العلم انها ماتشرب حليب
واذا لاسمح الله مازادت خلال هالثلاث شهور هل مشكلتها لها علاج

وشاكرة لج

 

[ام هيفاء2]

هلافيك دكتوره اناعندي بنوته عمره سنتين واعطيها حليب سميلاك 3 هل اكمل معها برنامج الحليب لان فيه لحد اربع سنوات وخمس علما اني ارضاعها رضاعها طبيعيه مع الحليب الصناعي وش تنصحيني فيه