مشتركه بنادي مساج اي شي يختص بالتنحيف تعالي نسولف

[ii DareeN ii]

هلا بنات اشلونكم ان شاء الله طيبين

بما ان كلنا ودنا نوصل للوزن شبه المثالي والقوام الممشوق عشتو مادري متى بوصله وجربنا ولازلنا نجرب تعالو نسولف بتجاربنا وشلون قاعد نستفيد منها
وشنو الي فرق وياج بجسمج ولا بوزنج او حصلتي على شد يكون تجمع لنا ونذكر فيه شنو استفدنا وشنو الشي الي ماستفدنا منه ونقول انتقاداتنا حق المراكز الي نروح لها​

​

 

[ii DareeN ii]

ابلش انا اول وحده طبعا اول مساج جربته كان عند مدام ايفون نزلت وايد عندها وتعدل جسمي وايد بس خفت من سالفه البقع الزرق وسوالف الاوعيه الدمويه وقفت فتره


جربت ريكفري كورس خمس جلسات بس ماقدر احكم على المساج من خمس جلسات ماحسيت بتغير جذري مكانهم حيل نظيف وهادي والي تسويلي صينيه حتى مساجها مايعور


حاليا اسوي عند معهد الكويت الصيني توني مبلشه وياهم ياريت بنات نتفاعل عشان نعرف منو احسن مكان ممكن نروح له

 

[Alia]

اي والله بنات وينكم ؟؟

ايفون اهي اللي تسوي عندها الهام الفضالة؟

 

[رشروشة]

انا اشتركت عند الجورى بس مااستفدت شى مااخذت الا خسارة الفلوس والعوار والتزرق عقبها سويت عند المركز الصينى مساج ماكان يعور بس مااحس انى استفدت شى.: بس ودى يابنات اذا تعرفون وحدة تجى البيت تسوى مساج عدل يعنى يضعف ويشد بلغوووووووونى الله يعافيكم

 

[ii DareeN ii]

والله جوري هذي عيزنا نقول تروحون لها موزينه نصب بنصب حرام عليها بس تكفخ بهالبنات بس حبوبه وين المساج الصيني الي رحتي وستفدتي

وبنسبه حق المساج خدمه منازل في رقم في دليل المعاهد وحده مدحت الصينيات الي ايون لها خليت الرقم بس للامانه انا مو مجربته تبين اتصلي فيهم وجربي

 

[شمع تحترق]

حبيباتي انا اول شي جربت المشي و هو فضيع بس ما قدرت اكمل و رفيجتي كملت و جسمها الحين ما شاء الله

جربت حمام السباحه هم عجيب

جربت المفتريه ايفون و صرت عندها مانيكان بس عقب 6 اشهور رديت العن من اول

و اخر شي جربت خلطه من وحده شغل بيت كلها مواد طبيعيه و اهي كانت احسن شي استخدمته وخرت الكرش و شدته و وخرت الخطوط و الخلطه تنحط على اي مكان بتضعفينه او بتشدينه او بتوخرين الخطوط منه و نتيجتها عجيبه بس اطريت اوقفها لان زوجي رد من السفر و اهي ريحتها فتاكه بصراحه و زوجي لما رد من السفر استغرب هدني بس اسبوعين و اول ما شافني انبهر و قالي انتي شمسويه اشلون صرتي جذي

نسيت اقولكم اني استخدمت جل من زين الاتات و الله يلا يواريكم و لا تاثر و لوعه

و جربت تمارين الكرش بس لمدة طويله بس العنيده و لا تاثرت الا على خلطة الاخت اللي شريتها منها

 

[مدرسه اول سنه]

من وين هالخلطه اختي نورينا

 

[ii DareeN ii]

نفس حالتي شمعه بس من اين لك هذا :eh_s(20): شنو هالخلطه وبجم ومن وين التفاصيل التفاصيل حق خواتج الدباديب

 

[jolie_q8]

همممم من وين الخلطه !!

انقذينا

 

[شمع تحترق]

حبيباتي بكلم المره اذا رضت بنزله بالمول انشاء الله عطوني فرصه بس لي باجر

لانه بصراحه عجيب و جزاها الله خير و اذا رضت بعطيكم خبر و اذا ما رضت احتمال اهربه لكم

 

[حضن امى]

موفاهمه اختى يعنى هو بس تحطينه على المكان اللى تبين تضعفينه؟وكم سعره؟وجزاج الله خير على المعلومه

 

[حضن امى]

موفاهمه اختى يعنى هو بس تحطينه على المكان اللى تبين تضعفينه؟وكم سعره؟وجزاج الله خير على المعلومه

 

[مرايم]

يا شمعه يا علج دايم مولعه افيدينا افادك الله حتى نرضى على شكلنا ملينا من كل التجارب نبي الكريم السحرى بليززززززززززززززززززززززززززز

 

[اليمامه الحلوه]

وينج ياشمعه مولعه تكفين انقذينا

 

[?Me]

شمعة الله يهداج حمستينا على موضوعج
نبي نعرف ماعليج امر

 

[رومية]

اشسالفه مدان ايفون ؟؟...عندها معهد؟؟ انا والده ويبي لي مليون جلسه مسااااااااج!

 

[رهــــف]

شمعه شرااايج مدام ايفون الانه مشكلتي زنودي جسمي حلوو بس الزنود الله لايوريج محتاره ابي راايج دام مجربتها

 

[yam_yam]

انا عن تجربتي عند معهد الكويت الصيني عجيب و رخيص 150 جلسة مع مساج اليد و الجهاز و الحبوب و الشاي 15 مرة و بصراحة عجيب
أنا راحت سفطات ظهري و الزنود و الحين الكرش بلشت تختفي و اللي خبرج خفت حيييل و كل من شاف جسمي انهبل عليه طبعا مع تخفيف أكل بسيط
بصراحة حلو و رايد نسق جسمي
انصحكم تروحون له وة راح تدعون لي
و هذا الرقم 9624918 اسمهها لولو
بس أمانه قولولها انكم من طرف مريم عشان تعرف أني اجيبها زباين أوكي

 

[yam_yam]

انا عن تجربتي عند معهد الكويت الصيني عجيب و رخيص 150 جلسة مع مساج اليد و الجهاز و الحبوب و الشاي 15 مرة و بصراحة عجيب
أنا راحت سفطات ظهري و الزنود و الحين الكرش بلشت تختفي و اللي خبرج خفت حيييل و كل من شاف جسمي انهبل عليه طبعا مع تخفيف أكل بسيط
بصراحة حلو و رايد نسق جسمي
انصحكم تروحون له وة راح تدعون لي
و هذا الرقم 9624918 اسمهها لولو
بس أمانه قولولها انكم من طرف مريم عشان تعرف أني اجيبها زباين أوكي

 

[استغفرك يارب]

وين الخلطة