دليل قاموس الفاظ كويتيات ..

[UK_Girl]

صباح الورد .....اولا عطروا افواهكم بالصلاة على محمد (صلي الله عليه واله وسلم)..

لما اقرا بعض المواضيع حالي حالكم اعصب اتضايق اتنزفز يطلع لي قرون وذيل بعد ..واولع نااااااار من الحره مرااااااااات ومراات..بس مهما كان للناس احترامهم ويومهم .. يمهل ولا يهمل :مجرمين ..مولعين بخيام ((نصره :eh_s(14))..مولعين بالقلوب ((اه ياقلبي )).. قتله... خونه ((راجعوا قسم المتزوجات))..خبثاء ..

بس شنو اسوي وانا منقهره وبشقق ثيابي اعد 1..2..3.. ومرات اعد اكثر او اسكر الموضوع وانحاش منه وتالي ارد اعلق علشان لا أسيء لاي كان بكلمه ..حتى لوماعرفه ولا يعرفني حتى لو انكتب عنه بالاخبار .. ماالي خلق اشيل اثم وذنب انسان مادرا عن هوا داري ...كافي ذنوبي بهالزمن المليااان فتن وكل فتنه احلى من الثانيه تناديني تعاليلي تعاليلي ...اروح ولا ما اروح :tomato2:؟

المهم نتيجة الغضب والعصبيه تخرع وشوفاو مثال هذه حصيلة القاموس اللغوي "الادبي" ..على موضوع واحد انا شايب شعر راسي من الموضوع بس شاب اكثر من قرائتي لهالكلمات بالردود :

من تحت راسه الغبي
مالت عليه وعليها
زباااااااااااالة .. حشاكم
قلعته عليه الغبي
مالت عليك
بس حتى مالت
الخايس
الخايسه
بالطقاق
يعلها الماااحي ...
حشاكم هالجلبة بالعنه الي تلعنه
يسطفل
وتخسي
جعلهم الماحي
الله يجننه

الخايسه ..

انا من زمان ودي ايمع واسوي قاموس لكويتيات بهالكلمات ..وحابه تشوفونه ..

لان لما تكتب رد غير عن لما ايي واحد وراك ويقرا ...بس ماعندي وقت كافي عموما ودي تشوفون الكلمات بذمتكم ما تحسون بالغثيان منها وتفكرون شلون قلتوها ؟!ولا عادي بحكم انها كلمات متعودين عليها ؟
وهاوو هذا بعد حجينا ..ومانقدرش نغيروا ...الا للاحسن برايي ..

وشكرا ورمضان مبارك على الكل :klhfl:

ملاحظه : القاموس مفتوح لتجميع الكلمات ..لمن اراد المشاركه..شوي واهيا متيمعه يبين ثقل الكلمه على القلب .

 

[UK_Girl]

اب
نشوف تغريد العصافير ...اقصد كلام البعض

 

[لبـى قلبـي]

؛

روحــــي ....


بصرآحه أنـــا ملآحظه هـ الشي إلي تقولين عنه ..
التهجــم ,, واللعن ,, والسب ....إلخ ..


إسلوب أبعد مايكون عن الرقي ,, والمشكله الأغلب يدعي الرقي والفهــم ..

البعض يدخل ويلعن ويطلــع ..!

طيب وين الفآيده من ردك ..!

لو موفرته كآن أحسن ...

من كآن يؤمن بالله فلـ يقل خيراً أو يصمت ..



وعليه أفضــل الصلآة والسلآم ....:eh_s:

 

[جوك احلى جو]

كل وحده تعكس بردها بيئتها

 

[sereen]

ايه والله انتى يببتيها على الجرح انا مرات لما اشوف ردود البعض او حتى صاحبة الموووضع حووووووووووووووواجبى تصعد ليه فوووق , بس تالى اقووول احنا back ground عندنا يختلف , وواللى انا ارضاه غير ى مايرضا بالتالى انا معاج ودنا نرتقى بالاسلوب واختيار الكلمات لكن كلها فروقات فرديه , ونقدر نمسحها يبيلها قرووووون عشان ننظف القاموس الكويتى منها خاصه لما تصدر من بنت اشين واشين ,ياحلاتها ليه كتبت كلمات ذربه , تدل على الذوق والاحترام العام
لكن للاسف اصابع ايدنا مووووسوى , على العموووووم عمرى خوووووش مووضع يبيله تثبيت للعبرة والتذكير

 

[C'est La Vie]

هلا يوكي غيرل
حبيبتي لازم تراعين ان الناس بالمنتدى من جميع مستويات المجتمع
والبيئات تختلف من بيت لي ثاني
في ناس عندهم هالكلام حتى على غشمرة يقولونه
فالناس الثانية تنقد عليهم بس ما يدرون ان صج هذي تربيتهم وطبعهم
صج انج تحترين ليما تشوفين المستوى اللي يوصلونه بعض الناس
بس تصدقين انا اكتشفت ان محد راح ينضر من هالكلام الا اللي قاله
قال تعالى :"فبما رحمة من الله لنت لهم، ولو كنت فظاً غليظ القلب لانفضوا من حولك، فاعف عنهم واستغفر لهم وشاورهم في الأمر"
وفي مثل وااااايد حلو يقول: "حل لسانك كل الناس خلانك"
الكلمة حلوة ببلاش وخفيفة على للسان والقلب
بس شوفي اثرها تكسبج محبة واحترام الناس
مادري ليش الناس يستخسرونها بعمرهم
احنا هني مشاركين بالمنتدى عشان نساعد بعض ونفضفض عن همومنا ونتشارك تجاربنا ونتعرف على ناس يدد
ونبعد عن المشاكل بحياتنا
وبعدين ننصدم ان في ناس تدور المشاكل حتى بالمنتدى!!
بس مثل ما قلتلج محد خسران غيرهم
واحنا ما بيدنا غير ندعيلهم ان الله يهديهم

 

[آلسحرآلحلال]

صح معاج حق ... تعبناا وحنا نعلم بس ماكو فايدة لانه هذا الحجي الدارج عندهم
ويستخدمونة بحياتهم العادية برة المنتدى

 

[النهج الاسمى]

الناس أجناس

كل واحد يعكس تربيته واخلاقه اللي تربى عليها!!!

 

[Ibtisama]

والله انا اتعب نفسيا لمن اسمع كلمات جذي بس شنقول .. تخافين تكلمينها تكمل عليج بعد


ما نقول غير الله يهديهم

 

[روح مغليهآ]

هالشي انا ملاحظته فقط في قسم الحياة الزوجيه وللحين مو عارفه السر اشمعنه بس هالقسم صايرين جنهم وحوش كل وحده تغلط عالثانيه وغصب طيب تطلعها جذابه!! وللأسف اذا وحده كتبت مشكلتها هناك وشاركت بمواضيع ثانيه يعايرونها بمشكلتها يعني بمعنى اصح خل تفكر مليون مرة قبل لاتكتب سالفتها او مشكلتها!!بس كل وحده وتربيتها

 

[غريبه بلا وطن]

الله يهدي الجميع ان شاء الله ونشوف منتدانا خالي من هالكلمات ومشكوره صاحبة الموضوع.

 

[AnnaLina]

صلى الله عليه واله

في ناس فعلا زباله شنسوي احنا؟ واذا ربج شبه المنافقين بالانعام اللي اهم البهايم تكرمين ...تلومينا احنا؟
انا ما اقصد امشي واسفل بالناس من دون سبب ولا حيا...بس في ناس ما يحترمونج لازم تسمعينهم جم كلمة تليق بمستواهم عشان يسكتون
بس فعلا قسم الزوجيه زاد عن حده

مشكورة على الموضوع

 

[المكسيكيه]

al_nas ajnas

 

[đeɱɛɼɑ™]

انا انقد على البعض اللي يستخدمون هالالفآظ النآبية
بس مرآت صج تحترين وتطلع الكلمة
مثلا مسآع قريت موضوع بقسسم الزوجية
عن وحدة تعرفت على وحدة عن طريق المنتدى واعتبرتهآ رفيجتهآ ودخلتها بيتهآ
وبالاخير بآقت ريلها @@@ وفوق هذا مطرشة لهآ مسسج تقولهآ بمآ معنآه:
بقت ريلج وهذا اللي كنت مخططة له من زمآن !! صرآحة ما تمآلكت نفسي وقلت عنهآ " وقققققققحه " !

يعني سآعات الواحد غصبن عليه‘

بس موو بكل وقت ولا بكل حزة يصير هالسب

انا ضد ضد ضد اللي يقولون كلآم وصخ ويسبون ويقفذفون بسبب ومن غير سبب
حتى البعض يختلق المشآكل بس عشآن يتهآوشون ! احسس متعتهم الهوآش والنجرة

الله يهديهم

 

[UK_Girl]

"وهاوو هذا بعد حجينا ..ومانقدرش نغيروا ...الا للاحسن برايي .."
الهدف التغيير للاحسن خصوصا من قبل امهات الحسن والدلال

صباح الورد
اشكر جميع المشاركات ازدان الموضوع عسل وحلاوه بكلامكم ..انا شخصيا استفت وتعلمت منكم ..

انا موافقتكم الراي : التربيه والبيئة تنعكس على صاحبها وكلامه وافعاله ...وايضا شكل الموضوع المطروح يلعب دور بااختيار اسلوب الرد وهذا شي بديهي ..
بس كان ودي وهدفي من القاموس.."التغيير للافضل للاجمل للارقى"...حتى لو كنا في حاله غليان واستياء من بعض البنات ومواضيعهم ..
استخدام هالالفاظ والعبارات من تلك النوع يثير الغثيان سواءا مكتوب او يقال على الهواء مباشره ..
نعم
االالفاظ تفضح وتدل ع التربيه والبيئه ...وبما ان اغلب كويتيات بنفترض بنات واعيات وكبار وبقسم الزوجيه الطافح معاير وشتايم تحديدا "امهات وكل وحده فيهم مربيه اجيال مثل مانقول " فاقصد ليش ما يتم تنظيف اللسان من "الاوساخ " والبذيء من الكلام وتدريبه على اختيار اجملها ...

الله جميل يحب الجمال من كل نواحي ياحلوات ..وكل ما جاءت نوبة غضب استشعروا جمالية تدريب النفس على "الحلم والصبر " وتعوذاو من ابليس الرجيم وشوفاو النفسيه شلون بتكون ..عسل مع انفسكم وعسل مع الطرف الثاني سواءا بالمنتدى او بره المنتدى ..

تدريب النفس على كل ماهوجميل ..مثل ما تبحثون عن المكياج لتجميل وجوهكم "في قسم الجمال والمكياج "امر لا بد منه ...اتمنى وصلت المعلومه ..وان يصل الامر للتطبيق الفعلي.......

لا ادعي الكمال ولكني مدربه نفسي على تذوق اجمل العبارات والكلمات وبالتالي افرزها مع لعابي ....سواءا معصبه او هاديه دايما في حالة سلم مع نفسي وحب وغرام "جربوا مكياج اللسان " محد راح يخسر شيء لانه ابلاش ..بس راح تكسبون الدنيا بما فيها
وشكراا

 

[UK_Girl]

الAnnaLinaعسل

موافقتج الراي :في ناس ماكأنها ناس ولكنها تظل ناس ... بس عمرج حبابه لا تنزلين بالمستوى لمن هم اقل منج في اي شي ..ارتقي ارتفعي ..
وشكرا على المشاركه ولو ان في كلمه بمشاركتج زعلتني واتمنى تتقبلين كلامي بصدر رحب ..بالمختصر خلي روحج رياضيه معاي بليز وماصارحتج الا من باب المحبه شلون حبيتج مادري من الله

 

[لبـى قلبـي]

هالشي انا ملاحظته فقط في قسم الحياة الزوجيه وللحين مو عارفه السر اشمعنه بس هالقسم صايرين جنهم وحوش كل وحده تغلط عالثانيه وغصب طيب تطلعها جذابه!! وللأسف اذا وحده كتبت مشكلتها هناك وشاركت بمواضيع ثانيه يعايرونها بمشكلتها يعني بمعنى اصح خل تفكر مليون مرة قبل لاتكتب سالفتها او مشكلتها!!بس كل وحده وتربيتها

؛


إي والله جبتيها ..

وأخرتها أمس وحده تقول لوحده أشوى إني قريت موضوعك إلي زوجك كآن بيطلقك .... :eh_s(1):

مع إن الموضوع مآكآن له دخل بزوجها بس من بآب الشمآته يعني ...

 

[كيك وحلاوة]

تسلمين على هيك موضوضوع انا من زمان ودي افتح عن هذا الموضوع وسبقتيني بس معليش كني انا كاتبته0000
شوفي انا كابة موضوع عن الجمال كله في النجديات ومعروف عندنا ان فيه نجديات نعول الله يكرمك وفي خروف نجدي وفيه سعودية نجدية فانا اللي اقصده في الموضوع الخروف النجدي وفية وحدة من البنات ردت وقالت انتي تقصدين النجديات وش بينك وبينهم تشبهينهم بالعنز ورديت عليها وقلت انا نجدية والشاهد الله ومااعتقد باسب نفسي وان كان مافهمتي قصدي فهاذي مشكلتك وفيه رد ثاني من عضوتين اخر الصفحة والله اترفع الرد عنهمواقول اللي ما يفهم الموضوع لايرد ويسوي نفسه فاهم0000اسفه قرقت عليكي000 ومشكورة على الموضوع خليتيني اطلع اللي في قلبي 000تقبلي مروري 000كيك وحلاوة

 

[لبـى قلبـي]

^ ^ ^

تصدقين عآآآآد ..

أنا مرررآ أزمني موضوعك ....


إستغربت إنو بنآت كثير مو فاهمين الموضوع ولا كلفوا نفسهم يقرون الردود عشآن يفهمون قصدك .. :eh_s(1):

-> كنها تحمست بالموضوع وقامت تكثر بردوود ..


سووووري صآحبة الموضوع ...:eh_s(22):

 

[راحيل العبدلي]

..

فعلا و مو بس بالمنتد حتى بين الرفايج ..
تخيلي تشوفين ثنتين يسلمون على بعض ويقولون مفردات بذيئه عن أبهاتهم ..
أمحق رفجه والله ..
الحمدلله ما أمدح عمري بس أذكر أيام المعهد كانت زميله فالشعبه لسانها متبري
منها و تنادي البنات بـ أسم حيوان و دايما على لسانها ..
و جان تناديني بهاللفظ جان أقولها شنوووو بإستنكار جان وجها يطيح من الفشله ..
لازم كل وحده توقف عند حدها ..
إذا هاذي بيئتج و عادي عندج غيرج مو عادي عنده ..
.