ديوانية شموسه ورينبو...الي ولادتها بالصيف تتفضل تقرق معانا

[makeup story]

الله يسهل عليكم كلكم وانا بصراحه الحين بديت اثقل جني بالتاسع مع اني بحمالي مو جذي من السادس الله يسهل ونخلص ونولد ع خير وسلامة

انا للحين ماجهزت ودي اجهز لانه تنزيلاات بس شريت الافرولات ملوت مذركير كان عليهم تنزيلات انا احبهم للكد عجيبين ويتناقلونها اجيال بعد اجيال

 

[بنت النوخذة]

هلووووووووو

بنوتات شلونكم شخباركم سوري قطعت عنكم فترة بس شسوي اليوم رحت الطبيب وسولي تحليل دم طلع معاي كوريات الدم البيضة مرتفعه عندي جذي مسويتلي حساسية بجسمي كله حتى ويهي وهذا أكثر شي مضيق خلقي وعطاني ميضاد حيوي وحبوب للحكة وكريم حق ويهي محتاجة دعواتكم صج محتاجتها لأني جد جد تعبت ونفسيتي مالي خلق عمري

 

[شمس و قمر]

ذكريات 6-5-2007

كات وومن 26-5-2007

مي الحلوه 20-6-2007

دموع الذهب 23-6-2007

الفرحه السجينه 26-6-2007

ام عواشي 1-7-2007

شروفه 2-7-2007

زمرده 5-7-2007

جاكليت 12-7-2007

ظروف الليل 14-7-2007

رينبو 1-8-2007

زقرتيه 1-8-2007

شمس وقمر 1-8-2007

بنت النوخذه 2-8-2007

fjnt ام شيوخه 5-8-2007

منال88 5-8-2007

اوشال 8-8-2007

ام عبدالعزيز 9-8-2007

كويت ليدي 16-8-2007

lailalaila ليلىليلى 18-8-2007

ام فيونه 21-8-2007

ريماس 26-8-2007

ماي لوف 1-9-2007

ملاك هدية 3-9-2007

دونات 30-9-2007

 

[شمس و قمر]

هلوووو بنوتات :eh_s(9):


ازيكووو يا قماعه


باركوووولي اليوم شريت اغراض للبيبي :eh_s(9): والله وناسه اغراض البناااااااااااااااات زووووغه احلى من الصبيان بس انا فيني ولد ..بس كل ما شفت شي حلو يطلع حق بنت ماكو الوان صبي

خل اقولكم وين رحت


اول شي مريت مجمع الاتحاد عشان اختي بتسوي فورمات لجهازها ومن سنين ما مريته الا اشوف بالسرداب سوق شعبي قلت خل امره اتطمش :eh_s(10): ...طلع فيه قسم مواليد اخذت منهم طقم و تبانات يهبلووون وكابات ودسوس واخذت لي كابين حلووييين على شريطه واخذت ساده ومشجرات واخذت ديباج للبيبي يهبلللللل اهو الوحيد اللي صج حلو اخذت لون برتقالي في بيج وترى في منه لون فوووشي قووووي حق بنوتات اشحلاته ...بس مو للسرير اهو عشان تفرشينه عالارض وجذي ومعاه مخده وكوشيه ..بس الباجين مو شي ..بس اكثر شي عجبني فيه التبانات




طبعا انا واختي كنا متفقين نمر مذركير بس قالت خل نمر بيبي لوف بالاول

لقينا عنده شغلات عجيييييبه وكشخه خصوصا اطقم المهادات مع الاوفراول والدشداشه :eh_s(9): خخخخ شيسمونها

اخذت طقم ازرق ملبس باورقنزاعالصدر بس والباجي قطن بس نااااعم
واخذت طقم ذهبي

واخذت معاهم لفات نفس الديزاين ..طبعا هذولا كشخه لما يجونا ناس



واخذت جم طقم للبيت ومهادات ولفات وصدريات ودسوس بعد ودلاغات وجواتي على ستان يهبلون و النايلون اللي تفرشينه بالارض عشان التبديل وفوط للشاور وفوط الصغااار

وطقم ابيض خفيييف ناعم حيل وبارد

تبانات على نص دينار بس خامتهم حلوه

المهم خميت شكثر شغلات وطلع ب32 دينار جذي هذا بس عند بيبي لوف


بس يقول انه يفصل حسب الطلب يعني مكن تختارين اللون والخام والقصه ويسوون لج كفر نفاس مع طقم البيبي والسرير وكلللللللللللللل شي بس انا كللللش ما عجبوني الاورقنزات اللي حاطهم جاهزين حسيتهم دفااااشه بس اخترت الشغلات الناعمه

بس اللي تسوي استقبال تقدر تخليه يفصل لها

بس المحل صج يهبلللل خصوصا للبنات عنده اطقم نفانيف بنات على اورقنزا وستان وطبقات وكشكش ناااعم وشرايط جذي تلقونهم اطقم بكرتون محطوطه اول ما تدشون بالوجه ( مو معلقهم ) نفس نفانيف الديزاين الاوروبي

وعنده جناط واجياس للمميه وصابون وشغلات من جونسون وبيجون

والمهادات والتبانات والاغراض شكثرررررررررر مكوووود


وترى ارخص من السرداب اللي دشيته بالاتحاد

الاطقم ما تعدت 2 ونص او 3 والمهادات نفس الشي

وعنده سراير بس مادري ما عجبوني حيل انا في بالي ملوت لاند مارك انعم مادري ليش كرهت اللي فيهم ستان واورقنزا احسهم دفاشه والناس اذواق


وطبعا سرقنا الوقت وما قدرنا نمر مذركير عشان ورانا طلعة المدارس

عليج بالعافيه ان شالله
والله يتمملج على خير

نصيحه روحي لدبنهامز الي بالافنيوز روووووووووووعه

اغراض الصبيان عندهم تشلع القلب
ملابس البنات اغلبها خالصه على حظي

بس الصبيان متوفره افرولات ولفات تجنننننننننن

وعندهم تنزيلات عجيبه عجيبه

 

[شمس و قمر]

شمس وقمر ضيفوني للقائمه السوداء :eh_s(9): انا ولادتي تاريخ 26 - 6 باذن الله

:eh_s(8):
تم اضافتج للبلاك ليست

 

[شمس و قمر]

ههههههههههههههه

حلوة القائمة السوداء

ذكريات








ابيج بكلمة راس

















ماولدتي!!:eh_s(3): :eh_s(3):

 

[شمس و قمر]

الله يسهل عليكم كلكم وانا بصراحه الحين بديت اثقل جني بالتاسع مع اني بحمالي مو جذي من السادس الله يسهل ونخلص ونولد ع خير وسلامة

انا للحين ماجهزت ودي اجهز لانه تنزيلاات بس شريت الافرولات ملوت مذركير كان عليهم تنزيلات انا احبهم للكد عجيبين ويتناقلونها اجيال بعد اجيال

الله يهون عليج وعلينا

لاتطوفين التنزيلات

مثل ماقلت للفرحه السجينه

دبنهامز عجبني حيييييييييييل

 

[شمس و قمر]

هلووووووووو

بنوتات شلونكم شخباركم سوري قطعت عنكم فترة بس شسوي اليوم رحت الطبيب وسولي تحليل دم طلع معاي كوريات الدم البيضة مرتفعه عندي جذي مسويتلي حساسية بجسمي كله حتى ويهي وهذا أكثر شي مضيق خلقي وعطاني ميضاد حيوي وحبوب للحكة وكريم حق ويهي محتاجة دعواتكم صج محتاجتها لأني جد جد تعبت ونفسيتي مالي خلق عمري

سلامتج الف الف سلامه

ماتشوفين شر حبيبتي

اقري على نفسج وان شالله تصيرين احسن

 

[شمس و قمر]

يالله الحين بسولفلكم عن الي سويته اليوم<<<< ياحبج للهذره

موضوعي وكيفي ههههههههههههههه

الله يسلمكم رحت للافنيوز مع خواتي الثنتين

ياساتر زحمه موووووو طبيعيه

دخلت اتش اند ام مالقيت شي يذكر

دخلت دبنهامز وعندهم تنزيلات عجيبه

لقيت ملابس الموليد تهببببببل افرولات صج صج راقيه

واللفات ياسلام سللللللللم

بس القهر شغلات البنوتات اغلبها خالص

واستاندات الصبيان مليانه<<<< عاد مت قهر

ومادري شفيني كل ماعجبني شغله طلعت ولادي

عاد عجبتني لفه بيج تهبببببببل كانت ب7ونص.... وصارت ب3ونص<<يابلاش

خذيتها وخذيت افرولين يمشون معاها.... الافرولين مع بعض يجون وسعرهم بعد التنزيلات ب 4

وعلى فكره اللفه والفرولات ملوتها تميل للولادي بس مالي شغل خذيتهم

وخذيت افرولين هم يجون مع بعض وسعرهم بعد التنزيلات ب4
لونهم وردي حلوووووووو

وبعدين قلت لازم اخذ قياس اكبر

لان الي اخذتهم قياسهم نيو بورن......... يلبس لحد 3ونص كيلو

اخذت افرولين من 0-3 هم مع بعض وغير شامل التنزيلات ب7

بس صج الي فيها ولد لااطوف هالتنزيلات

انا الي اخذتهم ست افرولات ولفه وحده وطلعوا علي ب 18 دينار بس

واختي عاد شقرديه حلفت علي انها هي الي تحاسب حق ملابس سميتها

لاني واعدتها اسميها عليها

 

[donat]

هلا والله دونات
الله يسهل عليج وتوقمين بالسلامه انتي والبيبي انشالله ه>ا اهم شي
دونات لاجهزين الحين صبري ليما تتاكدين
انا مثلج قالولي ولد من الشهر الثالث يمكن 7 مرات بس انا للحين خايفه ابي ليما اتاكد اكثر
دونات انتي بناتج السونار يضبط ميطلع غير
انا خالتي امخرعتني تقول لاتصدقون السونارات دايم غلط اقولها الاجهزه تطورت وصار نادر مايغلطون وهي غثتني مو راضيه تقتنع وكله توسوس فيني ولياحين خايفين انجهز

ماي لوف
انا ولا مرة صارت لي هالحالة دايما السونار يضبط معاي و اشوف اعضاء البيبي بعيوني (خبرة من المواقع)
وحتى هالمرة قالت لي الدكتورة ولد مرتين مرة بالاسبوع 12 و مرة بالاسبوع ال16 وسالتها يعني 90% دكتورة قالت لالالا 100% ان شاء الله
و السستر لما شافت صورة السونار المطبوعه قالت لي الصورة وايد واضحة بيبي بوي و تدرين الحين تغير نظام معصومة اهيا بس تفحصج و بعدين تدخلين على الدكتورة المصرية عشان تعطيج التعليمات فلما شافت الصورة مالت السونار قالت لالا مابدهاش دا كده باين 100% مبروك.

 

[donat]

بنات وين بيبي لوف هذا؟ اي صوب صاير ما اعرفه؟

 

[جاكليت]

هلوووو بنوتات :eh_s(9):


ازيكووو يا قماعه


باركوووولي اليوم شريت اغراض للبيبي :eh_s(9): والله وناسه اغراض البناااااااااااااااات زووووغه احلى من الصبيان بس انا فيني ولد ..بس كل ما شفت شي حلو يطلع حق بنت ماكو الوان صبي

خل اقولكم وين رحت


اول شي مريت مجمع الاتحاد عشان اختي بتسوي فورمات لجهازها ومن سنين ما مريته الا اشوف بالسرداب سوق شعبي قلت خل امره اتطمش :eh_s(10): ...طلع فيه قسم مواليد اخذت منهم طقم و تبانات يهبلووون وكابات ودسوس واخذت لي كابين حلووييين على شريطه واخذت ساده ومشجرات واخذت ديباج للبيبي يهبلللللل اهو الوحيد اللي صج حلو اخذت لون برتقالي في بيج وترى في منه لون فوووشي قووووي حق بنوتات اشحلاته ...بس مو للسرير اهو عشان تفرشينه عالارض وجذي ومعاه مخده وكوشيه ..بس الباجين مو شي ..بس اكثر شي عجبني فيه التبانات




طبعا انا واختي كنا متفقين نمر مذركير بس قالت خل نمر بيبي لوف بالاول

لقينا عنده شغلات عجيييييبه وكشخه خصوصا اطقم المهادات مع الاوفراول والدشداشه :eh_s(9): خخخخ شيسمونها

اخذت طقم ازرق ملبس باورقنزاعالصدر بس والباجي قطن بس نااااعم
واخذت طقم ذهبي

واخذت معاهم لفات نفس الديزاين ..طبعا هذولا كشخه لما يجونا ناس



واخذت جم طقم للبيت ومهادات ولفات وصدريات ودسوس بعد ودلاغات وجواتي على ستان يهبلون و النايلون اللي تفرشينه بالارض عشان التبديل وفوط للشاور وفوط الصغااار

وطقم ابيض خفيييف ناعم حيل وبارد

تبانات على نص دينار بس خامتهم حلوه

المهم خميت شكثر شغلات وطلع ب32 دينار جذي هذا بس عند بيبي لوف


بس يقول انه يفصل حسب الطلب يعني مكن تختارين اللون والخام والقصه ويسوون لج كفر نفاس مع طقم البيبي والسرير وكلللللللللللللل شي بس انا كللللش ما عجبوني الاورقنزات اللي حاطهم جاهزين حسيتهم دفااااشه بس اخترت الشغلات الناعمه

بس اللي تسوي استقبال تقدر تخليه يفصل لها

بس المحل صج يهبلللل خصوصا للبنات عنده اطقم نفانيف بنات على اورقنزا وستان وطبقات وكشكش ناااعم وشرايط جذي تلقونهم اطقم بكرتون محطوطه اول ما تدشون بالوجه ( مو معلقهم ) نفس نفانيف الديزاين الاوروبي

وعنده جناط واجياس للمميه وصابون وشغلات من جونسون وبيجون

والمهادات والتبانات والاغراض شكثرررررررررر مكوووود


وترى ارخص من السرداب اللي دشيته بالاتحاد

الاطقم ما تعدت 2 ونص او 3 والمهادات نفس الشي

وعنده سراير بس مادري ما عجبوني حيل انا في بالي ملوت لاند مارك انعم مادري ليش كرهت اللي فيهم ستان واورقنزا احسهم دفاشه والناس اذواق


وطبعا سرقنا الوقت وما قدرنا نمر مذركير عشان ورانا طلعة المدارس

يعطيج العافيه والله يسهل عليج وعلى الجميع
بس ممكن أعرف وين صاير بيبي لوف ؟؟

 

[جاكليت]

هلا والله هلا
بأحلى حوامل بالكويت
اشلونكم وشالأخبار
اتصدقون أحسن شي انه احنا راح نولد بالعطله يعني ما نحاتي المدارس:eh_s(15):
بس المشكله ما كو سفر:eh_s(16): ​

 

[donat]

اي والله ماكو سفر حكره بالبيت
انا عن نفسي حجزت الخيران اسبوع باخر شهر 6 عشان العيال يستانسون شوي

 

[الفرحه السجينه]

السلام عليكم


شلونكم كلكم بدوون استثناء


شمس وقمر شكرا لاضافتي للقائمه السودا :eh_s(6): يا حليلها ذكريات اول وحده متصدره الفريق طالعه الأولى علينا بالكرش :eh_s(3):


دونات الاخيره ههههه ياليل مطولك يعني ولد دونات بيكون القعده :eh_s(15):



شمس وقمر الخميس اللي طاف كنت بدبنهامز وكان تنزيلات عالملابس ومادري ليش ما شفت لبس المواليد يمكن عشان اختي تدور مكياج وقمصان ولهيت وياها ..المهم رحت لاتش ام وما عجبوني لبس المواليد هناك

ما تدرين لي متى التنزيلات بدبنهامز ؟


انا هم ما دفعت شي من جيبي كله على حساب اختي :eh_s(9): لا ومسويه نفسيه مستحيه مابي اثقل عليها ما اخمط شغلات واجد واهي متحمسه وتمشي وتحط والحين تقول باجي لج طقمين ماركه ارماني و بربيري:eh_s(20): ...بس اختي الثانيه تقول حلاتها لا صار عمره 4 شهور جذي لبسيه ماركات وامي نفس الشي بس خالته الدفيعه مو راضيه وانا حدي مستانسه خخخخخ بس جني زودتها انا وولدي :eh_s(9): :eh_s(9):




في فكره حلوه يا بنات سووها

تعرفون التور الواقف اللي جنه جيبون خفيييييف ناعم يحطون فيهم اطقم المواليد بالمحلات ...اختي قاعده تسوي لي جم جيس ومركبه عليهم شرايط ومعلق بمعلاق ستان فيه شريطه ... انا شريت لي طقم وكان جذي مجيس واختي قالت بتسوي لي جم جيس نفس طريقته

بدل ما تصير الاطقم فوق بعض وتصفطينهم بالكبت علقيهم بالمعلاق واهم داخل التور وكل طقم حطوه كااامل مع اللفه والدلاغ والدسوس عشان كل ما غسلتي طقم على طول تحطينه بالجيس ماله وبسرعه تطلعينهم

واذا ما تبون المعلاق حطوهم بالتور ومربوط بشريطه حلوه وحطوهم بالرفوف حتى بعد النفاس بشقتكم بسرعه تطلعون اللبس وارتب واحلى


ان شاءالله بحط لكم صورة الاجياس اذا خلصت ...

بس مادري من وين احصل المعاليق الستان ...اختي تقول جنه شايفتهم بايام زمان او طيور الجنه

 

[الفرحه السجينه]

جاكليت

دونات


بيبي لوف موجود بالفروانيه تعرفون المجمع اللي فيه محل النسايم والمطعم الصيني ( مجمع السميط ) دشوا المجمع تلقونه فوق بالزاويه

وعالجيس مكتوب ان لهم فرع بحولي بمجمع سنام

و الفحيحيل مجمع الشرهان شارع حمود عبدالعزيز السنان هذا الرقم عشان ما تضيعون 7952530

 

[الفرحه السجينه]

بنات بسألكم

معاكم افرازات بالحمل ؟ يعني عادي ؟

انا معاي افرازات صفرا بس من زمان يعني طول فترة الحمل بس مو اللي تنزل وجذي على قولة وحده فيكم سنسون خخخخخ لا موجذي

بدايه الحمل اخذت لي تحاميل وغسول وعلاج للالتهابات وخفوووووووووووا واجد يعني فرق عن اول

انتوا معاكم افرازات عادي ولا صج مو زينه عشان الخياط لا يلتهب وجذي ؟؟ لان مالي خلق آخذ مسحه ياربي صرنا فرجه ابلاش حق هالدكتورات :eh_s(13):

 

[ذكريات]

اي و الله فروووح حطيلنا الصورة لان انا ما فهمت ؟؟

و منو الوحدة اللي قالت سنسون:eh_s(1): ؟؟

لايكون وحدة من حمل ابريل و مايو :eh_s(3): ​

 

[&**زمردة**&]

لخباركم
؟
انا زينه الحمد لله
وللحين ماجهزت ان شاء الله الاسبوع القادم

 

[مدام زيزو]

بنات حبايبي من خلال سوالفكم فهمت انكم قزيزة اقصد دايرين السوق
منو شافت الجياس الي نغطي فيها الممية؟ وقت الياهل لما يشرب حليب