مرجع و تجمع محبات الكروشيه ( متجدد )

[Nonita-q8]

رد: تجمع محبات الكروشيه

انا اعرف اسوي من نفسي بس خاطري امشي على باترون بس لما الحين ماعرفت
مثلا هذا شلون نمشي بالضبط



بس حبيت اتاكد من الرموز

شلون شكل غرزه النصف عمود والغرزه المزدوجه ؟؟؟
اعرف اسوي بس :$ مااعرف الاسامي والرموز

 

[ام عزيزان]

رد: تجمع محبات الكروشيه

مافي شي اسمه اسوي من نفسي

وخاصتا في البدايه

لازم تمشون على باترون

وتحفظون اسماء الغرز بالعربي والانجليزي وشكل رمزها

وممكن تحطين اسم الغرزه باليوتيوب وتطلع لج فيديو وتصير اسهل عليج



==========================

ممكن انزل لكم ورش بس تعرفون بالباترون؟؟؟ واسماء الغرز؟؟؟

 

[crochet-lover]

رد: تجمع محبات الكروشيه

انشاله ودنا بورشات عمل عن الكروشيه بس اول شي ودي ايمع روابط المواضيع الي تخص الكروشيه بالمنتدى في الموضوع عشان لا نكون كررنا المواضيع ولا دمرنا جهود غيرنا لانهم اتعبوا بكتابة الموضوع .
وانا دزيت رساله حق وحده من المشرفات شفت اسمها محطوط بالمراقبات عشان اعرف الطريقه لاني عليميه بالهسوالف بس انا ماني عارفه منو مشرفة الاشغال اليدويه
واما بخصوص الغرزه اذا مستعيله عليها حطي بقوقل اسم الغرزه وراح تطلعلج او تنطرين لما اتعلم وانزل من كمبيوتري اسم الغرز وطريقتها

 

[Nonita-q8]

رد: تجمع محبات الكروشيه

لا حبيبتي ام عزيزان اعرف مو قصدي من نفسي يعني على الله لا اكون عارفه الطريقه بس ولا مره سويت على باترون

يلا خل نبدي بورشه سهله اذا حق ورود بجرب شرايكم

 

[sun_kisses]

رد: تجمع محبات الكروشيه

:>


تيااااااااااااااااا انا ييييييت
لوول

انا بعد احب الكوروشيه وتعلمته من النت وهم عندي مشكلة في التشبييك

ام عزيزان لول ادري بتقولين عني دعله بكل مكان طالعتلج لوووووووول بس شسوي احبج :**
ما عليج امر خيتوو علمينا التشبيك

 

[أم عبووووود]

رد: تجمع محبات الكروشيه

السلام عليكم

انا احب الكوروشيه وحاولت اتعلمه والحين على قولتهم اطقطق

تعلمت من النت والحمد الله اعرف جم غررزة

سويت كبوس وبلوزه حق بنتي بدون جموم :dddds:

وسويت كفرات حق التلفون وكانوا وااايد حلوين

تعلمت جم وردة سويت منهم شباصات وبس

بس كل شغله اسويها احسها انجاااااز ووايد استانس :eh_s(6):

وانا بنضم اليكم وان شالله نستفيد من بعض

 

[crochet-lover]

رد: تجمع محبات الكروشيه

انشاله اتكونين استفدت واي استفسار انا حاضره
غرزة النصف عمود :
(غرزة البريد المنزلقة ) ( الغرزة النصف مزدوجة )

رمز الغرزه:

الرمز في الباترون:

الإسم بالإنجليزية : half double crochet

الإختصار بالإنجليزية : hdc


غرزة العمود :
(غرزة البريد ) ( الغرزة المزدوجة )
رمز الغرزه:

الرمز في الباترون:

الإسم بالإنجليزية : double crochet

الإختصار بالإنجليزية :dc
والطريقه كما هو موضح في الصوره

حاولت احط مرفق وورد بس فشلت اقولي حجمه كبير

 

[ام عزيزان]

رد: تجمع محبات الكروشيه

تراني حطيييت اول ورشه

وابي اشوف التطبييييق

والتطبيق عليه شعار مميز

ويلا شدو حيلكم

http://q8yat.net/showthread.php?p=13814498&posted=1#post13814498

 

[مسك81]

رد: تجمع محبات الكروشيه

بنات اذا تبون خيوط حلوه ورخيصه راسلوني على الخاص

 

[الديار]

رد: تجمع محبات الكروشيه

انا مبتدئة ..... توني من شهر تقريبا تعلمت
والحمدلله من فضل الله اتقنت الشغله لاني حابتها
تعلمت من النت ومن المنتديات دخلت ورش وطبقت
بصراحة الكروشيه فن جميل ويملا الفراغ وفيه ابداع

 

[Nonita-q8]

رد: تجمع محبات الكروشيه

وينكم وي طخيتو ان شاء الله تكونون كل وحده ماسكه ابرتها وخيطها ونشوف الابداع بالاخر

 

[فيوقه]

رد: تجمع محبات الكروشيه

تعلمت التريكو من أمي الله يرحمها والكروشية من معلمة زميلة لي في المدرسة علمتني جزاها الله خير المبادئ والباقي تعلمته من النت

 

[دلوعة روحي]

رد: تجمع محبات الكروشيه

شلونكم بنات

انا وحدة صارلي جم سنة احاول اعلم من امي و ما قدرت

لما لقيت هني بالمنتدى دورة تعليم الكروشيه

ما قصروا معاي علوية و برينسيس اكس

برنسيس اكس خو ما اطلع من يزاها بيضتها الصراحة

و حاول انا عقب اطور من روحي بالنت

و سويت وايد اشياء

مشكلتي اللي اعاني منها

مافيني صبر

يعني ما اخلص شغلة

الا بادية شغلة ثانية

من جذي عندي وايد مشاريع مسوية نصها و حاطتهم على طرف

حاليا موقفة اي شي يديد مع انه ايدي تحكني و قاعدة اكمل النواقص

 

[Nonita-q8]

رد: تجمع محبات الكروشيه

مليومه حبيبتي هذي اللي تعلم تيي البيت ولا احنا نروح لها

 

[دلوعة روحي]

رد: تجمع محبات الكروشيه

مليومة ان سيفت الرابط عندي و ان شاء الله اتطمش فيه

على فراغتي باجر

ما قصرتي يا قلبي

 

[ريـمــاس]

رد: تجمع محبات الكروشيه

السلام عليكم مرحبا بنات انا احب الكروشيه من زمان و قبل سنتين دخلت دوره وتعلمت الاساسيات وسويت جم شغله وماشيه فيه الحمدالله

بس الحين اكتشفت ان في بعض الغرز ماعرف اطبقها فقلت ابي اشارك معاكم عشان افيد واستفيد....

وهذا بترون الغرزه الي محيرتني موعارفه اسويها حاول بس للاسف فشلت

[/url][/IMG]


بنات الي تعرف شلون طريقتها لاتبخل علي بالشرح

وياليت يحطون لنا قسم خاص للكروشيه

 

[دلوعة روحي]

رد: تجمع محبات الكروشيه

ريماس الصورة مو طالعة عندي

 

[ريـمــاس]

رد: تجمع محبات الكروشيه

حبيبتي سوي ريفرش للصفحه

[/url][/IMG]

 

[crochet-lover]

رد: تجمع محبات الكروشيه

هذي شرح غرزة البريده الاماميه والخلفيه اذا تبين صوره اوضح للشرح بدورلج انشاله

غرزة العمود الأمامية ( غرزة البريد الأمامية )

الإسم بالإنجليزية
الإختصار بالإنجليزية

front post double crochet
fp dc
- طريقة العمل :
غرزة العمود الأمامية أو( البريد الأمامية ) مثل غرزة العمود العادية ولكن الفرق في طريقة إدخال الإبرة في الغرزة المراد عمل العمود عليها أي أنه بعد لف الخيط لفة واحدة على الإبرة يتم أدخالها خلف الغرزة المراد عمل العمود عليها كما في الصورة الأولى حيث يشير السهم ( من الأمام إلى الخلف إلى الأمام ) ثم يتم لف الخيط لفة واحدة على الإبرة وسحبها من خلف الغرزة ليتكون 3لفات من الخيط على الإبرة ثم يتم استكمال الغرزة كما سبق شرحه في غرزة العمود العادية .

تتبعي بالأسهم

غرزة العمود الخلفية :
الإسم بالإنجليزية
الإختصار بالإنجليزية
back post double crochet
bp dc

- طريقة العمل :

غرزة العمود الخلفية تتم بلف الخيط لفة واحدة على الإبرة ثم إدخال الإبرة من الخلف في الجانب الأيسر من الغرزة المراد عمل العمود عليها إلى الأمام ثم إلى الخلف من الجانب الآخر من الغرزة ثم لف الخيط على الإبرة لفة واحدة ثم سحبها من نفس طريق دخولها كما هو في الصورة الأخيرة ثم يتم استكمال الغرزة كما في غرزة العمود العادية
تتبعي الأسهم[/

 

[دلوعة روحي]

رد: تجمع محبات الكروشيه

سوري ريماس تاخرت عليج

بس الغالية كروشيه لوفر ما قصرت

و الغرزة حدها حلووة و تسوي حركة بالقطعة اللي تشتغلينهم