مرجع و تجمع محبات الكروشيه ( متجدد )

[دلوعة ابوها2]

رد: تجمع محبات الكروشيه

سلام عليكم اناحبيت اني اشاركم بموضوعكم واللي شدني انه فعلا شيق وانا طحتلي على وحده تسوي هالشغل بحركات يديده ولمسات يديده واللي يحب يشوف شغلها يدش على توقيعي

 

[chocolat]

رد: تجمع محبات الكروشيه

هلا حبوبات شلونكم يالله نبي ورش حلوه اتفيدنا ومشكورين على توضيح بعض الغرز

 

[ريـمــاس]

رد: تجمع محبات الكروشيه

مشكوره حبيبتي (crochet-lover)

شرحج كافي و وافي ومفهووووم واخييييرا سويت الغرزه شكلها وايد حلو اطلعت سهله حيييييل وانا كنت مستصعبتها

يعطيج الف عافيه

بصراحه خوش تجمع شرايكم يابنات نحط ايدنا بيد بعض و وحده تعلم الثانيه عشاااان نفيد ونستفيد...؟

 

[ريـمــاس]

رد: تجمع محبات الكروشيه

سوري ريماس تاخرت عليج

بس الغالية كروشيه لوفر ما قصرت

و الغرزة حدها حلووة و تسوي حركة بالقطعة اللي تشتغلينهم

لا حبيبتي عادي وتم التطبيييييييييق وفعلا اطلعت وايد حلوه وسهله بعد

 

[ام خليلوه]

رد: تجمع محبات الكروشيه

فكره جدا رائعه وانا ما عندي مانع اعلم الكروشيه لكني في الرياض

 

[دلع86]

رد: تجمع محبات الكروشيه

وااااااااااااااي

انا خاطري اتعلم

تهقوون اقدر اتعلم بروووحي من النت ؟؟

واسوي حق بنتي كبابيس وشباصات وجاكيتات

 

[*أم*خالد*]

رد: تجمع محبات الكروشيه

دلع تقدرين تتعلمين من النت وتقدرين تتعلمين ابـ بركات

اول شي روحي الكلف اشتري خيط صوف متين ( أسهل بالشغل من القطن الضعيف ) مع ابره كروشيه حجم 5 أو 6 حسب المناسب للخيط اللي شاريته

ودشي اليوتوب كتبي crochet lesson أو how to crochet وتعلمي الغرز الأساسيه كلها
بعدين عاد شللي بالقطع الحلوة

 

[ريـمــاس]

رد: تجمع محبات الكروشيه

فكره جدا رائعه وانا ما عندي مانع اعلم الكروشيه لكني في الرياض

حيااااج الله معانا حبيبتي (ام خليلوه) وياهلاااااااا فيج وبأهل الرياض كلهم ويشرفنا تواجدج معانا بهذا التجمع الطيب

وااااااااااااااي

انا خاطري اتعلم

تهقوون اقدر اتعلم بروووحي من النت ؟؟

واسوي حق بنتي كبابيس وشباصات وجاكيتات

اي حبيبتي تقدرين تتعلمين من النت مثل ماقالت ام خالد بس لازم اول شي تشترين الادوات عشان اتطبقين خطوه خطوه مع الفيديو

http://www.youtube.com/watch?v=hVBnFHGbeK4


يلا زهبي ابرتج وخيطج وطبقي وعاد اذا سويتي شي خلينا نشوف شغلج حبيبتي

 

[ريـمــاس]

رد: تجمع محبات الكروشيه

بناااااااااااات منو فيكم تعرف طريقة هالورده انا اسميها (ام كشه) ودي اسويها بس ماعندي بترونها منو فيكم تعرف الطريقه ....؟

[/url][/IMG]

 

[دلوعة روحي]

رد: تجمع محبات الكروشيه

تفضلي حبيبتي

http://www.kreinik.com/PDF/chrysanthemum.pdf

نسألكم الدعاء

 

[ريـمــاس]

رد: تجمع محبات الكروشيه

تفضلي حبيبتي

http://www.kreinik.com/pdf/chrysanthemum.pdf

نسألكم الدعاء

مشكوره حبيبتي ماقصرتي عسى ربي يوفقج انشالله

بس يليت كان فيها بترون عشان يكون اوضح او اذا تعرفين طريقتها بالعربي وبالخطوات

لان محسوبتج كسلانه برموز الكروشه خصوصا اختصارات الكتابه بس شاطره بالبترون

 

[مجنونة نت]

رد: تجمع محبات الكروشيه

شوفوآ وش سويت بآلكوروشيه

 

[دلع86]

رد: تجمع محبات الكروشيه

دلع تقدرين تتعلمين من النت وتقدرين تتعلمين ابـ بركات

اول شي روحي الكلف اشتري خيط صوف متين ( أسهل بالشغل من القطن الضعيف ) مع ابره كروشيه حجم 5 أو 6 حسب المناسب للخيط اللي شاريته

ودشي اليوتوب كتبي crochet lesson أو how to crochet وتعلمي الغرز الأساسيه كلها
بعدين عاد شللي بالقطع الحلوة

مشكوووووووره والله رفعتي معنوياااتي وانشالله اليوووم اذا قدرت ارووح محل الكلف بشتري وبجرب وانشالله اضبط الكرووووشيه

 

[دلع86]

رد: تجمع محبات الكروشيه

اي حبيبتي تقدرين تتعلمين من النت مثل ماقالت ام خالد بس لازم اول شي تشترين الادوات عشان اتطبقين خطوه خطوه مع الفيديو

http://www.youtube.com/watch?v=hVBnFHGbeK4


يلا زهبي ابرتج وخيطج وطبقي وعاد اذا سويتي شي خلينا نشوف شغلج حبيبتي[/QUOTE]


انشالله عن قرييييييييب راح تشوفووون شغلي بس خل اتعلم الغرز وبحاول اضبط الشغله

 

[دلوعة روحي]

رد: تجمع محبات الكروشيه

مشكوره حبيبتي ماقصرتي عسى ربي يوفقج انشالله

بس يليت كان فيها بترون عشان يكون اوضح او اذا تعرفين طريقتها بالعربي وبالخطوات

لان محسوبتج كسلانه برموز الكروشه خصوصا اختصارات الكتابه بس شاطره بالبترون

لا و الله هذا اللي لقيته

السموحة :eh_s(1):

 

[دلوعة روحي]

رد: تجمع محبات الكروشيه

شوفوآ وش سويت بآلكوروشيه

رووووووووووووووووووووووووووووووعة

ماشاء الله تسلم ايدج

شغل مرتب

 

[دلوعة روحي]

رد: تجمع محبات الكروشيه

وااااااااااااااي

انا خاطري اتعلم

تهقوون اقدر اتعلم بروووحي من النت ؟؟

واسوي حق بنتي كبابيس وشباصات وجاكيتات

دلع انا تعلمت من النت

مع انه امي اعيزتو اهية تعلمني جدامي كانت تشتغل

بس سبحان الله النت كان اسهل لي

ان شاء الله تتعلمين و تراوينا مشاريعج

 

[Rock Star]

خووووووووش تجمع ويبيله قسم حق الكرووشيه لييش لااا

وااااااااااااو عاد أنا غراامي شي أسمه كرووشيه .. ماشااء لله عليهاا

تعلمت الكروشيه صارلي 3 سنوات
على أياام الثانويه >> السالفه قديمه شوي ههههه
كنت أشوف بنتين من صفنا يسوون قبعاات كرووشيه .. ويبونهم المدرسه و يروناا .. وكنت ميته على هالسواالف

والحمدلله تعلمت وصرت محترفه ..
سويت قبعاات + نفنوف حق أختي الصغيرة
بونشو بعد حق أختي الصغيرة
حذاء حق البيت سويت حقي وحق أخوي
برووشاات
كفراات حق الموباايل + الإي بود طبعاا ما بقي أحد ما سويته كفر لوول كنت مستاانسه ( شغل البداايه لااازم نفرح فيه هههههه )

وسويت بعد شاال + جاكيت حق احتي الصغيرة

طبعاا أختي الصغيرة إهيه العاارضه اللى تعرض تصاميمي ههههه

واللحين إن شااء الله أبي أسوي جنطه بس قااعدة أدور خيووط حلوة حق الجنطه اللى أبي أسويهاا

طبعا الخيوط أيبهم من مجمع بيروت اللى بحولي في هنااك مكاان حق الكلف وهالسواالف عنده خيوط لونهم واحد بس
يعني
ما عنده مثل خيوط بركاات اللى فيها أكثر من لون بالبكرة الوحده .. يعني مشكل
بركات أحسه أفضل بألوان الخيووط اللى تكون مشكله مثل ما قلت لكم


وبس هذي سالفتي ... طولت عليكم


يالله باايو

 

[مجنونة نت]

بنآت دقيت على وحدة تجيب صوووف من تركيآ عندهآ أشكآل وألوآن .. وتصدقون إن آلبلوكآت يآخذون منهآ؟؟

وبركآت يآخذ منهآ؟؟ روحوآ شوفوآ آللي عندهآ وآللي بآلسوق وشوفوآ فرق آلسعر..

عندهآ آلصووف على دينآر وربع ودينآر ونص.. وبتلقون نفس اللي عندهآ بآلضبط برآ بدينآرين ونص..


وغير هذآ عندهآ مختلف آلآلوآن وأسلووبهآ يهبل.. خذيت رقمهآ من بنت موجودة بآلمنتدى.. وقلت لآآآآآآآآآزم أعلم خوآتي

بدل مآ تشترون آلشي بدبل آلسعر.. ومت قهررر إني كنت أشتري من بركآت بمبلغ وقدره

وبآلنسبة لصووفهآ عندهآ أنوآع وأشكآل وكله 100 جرآم.. حقيقة ليتني عرفتهآ من زمآن.. كآن وفرررررررررت آلمبلغ

طبعآ للي بتسأل .. هي بيتهآ بآلعدآن تروحين لهآ أنتي للبيت لآن مآ عندهآ مندوبة.. وحآولت فيهآ بس آلصووف وش كثره مآ شآء آلله

فصعب تطلعه برآ.. وعندهآ صوف وقطن وصوف مع قطن ومخمل << خيوط مخمل.. آلمهم روحوآ وشوفوآ بعيوونكم

وخلوونآ نشووف إبدآعآتكم بآلكوروشيه عشآن نتشجع

 

[دلوعة روحي]

مجنونة حطيلنا الرقم عاد

تصير يمنا انا بالعدان

لا يكون اللي بيتهم بقطعة 3 ؟؟