Book Addicts Anonymous

[C'est La Vie]

ok deal :icon30:

 

[ScarletteO'Hara]

اي خلصتها على يوم الخميس
و انا رايي من رايج الاربعا زين

 

[C'est La Vie]

توني خلصتها
امبيه شقول عنها؟
الكلمة الوحيدة اللي توصفها (واااااااو)
مفاجأت وايد حلوة
جد لا تشوفون ويهي شلون صار جنه احد معطيني طراق

 

[GoLdeN~$~LaDy]

لااا سي شوقتيني وايد

انا بطيئة شوي ولا جان مخلصتها من زمان

وصلت أمس عند the thirteenth question
ان شاء الله اليوم أخلصها

ما فيني صبر متى يصير يوم الأربعا عشان الخميس عطلة

(شكو داشة عرض هههههههههه بس والله زهقت ابي بريك ههههههه)

 

[GoLdeN~$~LaDy]

بنات انا رحت جرير أمس واخترت الكتاب التالي


The Curious Case of Benjamin Button by F. Scott Fitzgerald

بقى الحين نسختين لحقوا عليهم يا سي و سكارليت


انا متأكدة انها أحلى من الفلم ب 100 مرة لأن وصلت لقناعة ان الأفلام صراحة تشوه الكتب !!

 

[C'est La Vie]

امبيه شهالصدفة
تصدقين عاد اختي شاريته من زماااااااااان
ولا قرته ليلحين لول
بروح الطشه منها :ceaf32e183:

 

[ScarletteO'Hara]

امبي جولدن و الله فبالي اني اخذ هذا الكتاب
خوش اختيار بس عسى احصله
انا شوي و اروح جرير

 

[ScarletteO'Hara]

بنات توني راجعة من جرير و ما حصلتها
اذا عندكم ارقام تليفونات المكتبة الي بالمثني و فيرجن عشان اجيك اذ عندهم و لا لأ بليز تعطيني باه
على حظي عاد كل ما اروح جرير و اشوفه ما اخذه

النسخة الي عندهم اهي السكرين بلاي مو الكتاب المعتاد

 

[GoLdeN~$~LaDy]

صباح الخير بنات

غريبة والله انا ما شريت منهم هالروايه انا عندي اياها من قبل بس كنت رايحه اشتري لاب توب وكنت حاطتها في بالي فقلت بشوف اذا في نسخ على الأقل ثنتين حقكم بس توني ادري انها سكريبت لأني لمن شفت الكفر والملخص اللي ورا ماعطاني انطباع انها سكريبت

وبالنسبة للأرقام ما عرف والله مادري يمكن سي عندها فكرة

على العموم هذي نسخة الكترونيه
http://www.4shared.com/get/88322693/abeba8a3/The_Curious_Case_of_Benjamin_B.html

وهذي وحدة ثانية
http://hotfile.com/dl/11002887/1ac63a4/BenjaminButton-01.rar.html

على فكرة بنات احنا بنقرى هذي بس مو القصص الثانية الموجودة (حق اللي عندهم هالنسخه) لأن انا نسختي مافيها قصص ثانية

أتوقع هالمرة it will take us only one week

انا خلصت slum dog امس متى نبدي الناقشة؟؟

 

[C'est La Vie]

سكارلت هالموضوع فيه ارقام كل المكتبات حتى مكتبة المثنى
http://q8yat.net/showthread.php?t=392001

بنات شنو يعني سكربت؟
انا نسختي فيها بس قصة وحدة ما فيها قصص ثانية
كيفكم اذا تبون نبدي المناقشة الحين ما عندي مانع :ggdw:

 

[GoLdeN~$~LaDy]

السكريبت هو نفس السكرين بلاي يعني النسخة اللي معدلينا حق الفيلم

يعني النسخة المشوهة:dddds:

يلا نبلش المشاركة

انا طبعا انصدمت :eh_s(1):

لمن عرفت ان السبب هو انه نفس الشخص المذيع هو اللي شوه his friends

بس حسيت شوي خرب السالفه هني

كنت أتمنى لو كان السبب غير جذي

بس بشكل عام الروايه وايد حلوة and full of surprises

حبيت شلون لمن حاول يعوض ربعه وحاول يستغل فلوسه عشان يدخل السعادة في حياتهم ويعوضهم من الحرمان

شخصية رام واايد طيبه وعاطفيه ومعطاءة وبنفس الوقت حسيت انه لمن يحقد ما يرحم


(سي شلون تنظيم الجدول اليديد؟؟)

 

[C'est La Vie]

الكتاب حيل صغير نقدر نخلصه باسبوع
راح نبدي فيه عقب العيد انشالله
قولدن نسيتي تحطين تقيمج النهائي للقصة
جم تعطينها من 10 درجات؟


بالنسبة لي القصة حييييل عجبتني
وكل جابتر كان احلا من اللي قبله
رغم اني ما احب اللعب بالترتيب الزمني
بس هالمرة كان شي مبرر
لأن اذا كانت الاسألة بتمشي بالترتيب مع مراحل حياته جان صار شي غير واقعي
بس لأن الاسألة عشوائية فراح تاخذ مراحل مختلفة بحياته مو بالترتيب
بالبداية كان يكسر خاطري توماس
وكنت اقول شفيه ثقيل طينة وبارد
بس عرفت من المصايب اللي مرت عليه بحياته انه يكبت مشاعره
وأثبت هالشي يوم تعرف على شنكر وعلى نيتا
حبيت صداقته لسالم وانه ما تخلى عنه حتى واهو بعيد عنه
وكنت طول القصة اقول يا ترى شصار على مامان؟
هل ذبحه القاتل المأجور؟ ولا اهو نفسه اللي عذب نيليما ونيتا؟
صج توقعت ان اهو الشخص اللي توماس حلف انه بينتقم منه
بس انصدمت ليما طلع بريم كومار
امبيه ولا المقطع اللي بالحمام جد كانت صدمتني حيل كبيرة
والصدمة الاخيرة اهيا المحامية اللي بالاخير طلعت قوديا
وحبيت انه بين النهاية لكل شخصية ما خلا احد
حتى مامان برد جبدي فيه هالمجرم

والبرنامج يوم فلسو قلت قللللللللللللعة :dddds:

كانت القصة جدا ممتعة
واسلوب الكاتب مشوق
وما عندي مانع اني اقراله كتاب ثاني

تقييم القصة 10/10

 

[GoLdeN~$~LaDy]

الكتاب حيل صغير نقدر نخلصه باسبوع
راح نبدي فيه عقب العيد انشالله
قولدن نسيتي تحطين تقيمج النهائي للقصة
جم تعطينها من 10 درجات؟


بالنسبة لي القصة حييييل عجبتني
وكل جابتر كان احلا من اللي قبله
رغم اني ما احب اللعب بالترتيب الزمني
بس هالمرة كان شي مبرر
لأن اذا كانت الاسألة بتمشي بالترتيب مع مراحل حياته جان صار شي غير واقعي
بس لأن الاسألة عشوائية فراح تاخذ مراحل مختلفة بحياته مو بالترتيب
بالبداية كان يكسر خاطري توماس
وكنت اقول شفيه ثقيل طينة وبارد
بس عرفت من المصايب اللي مرت عليه بحياته انه يكبت مشاعره
وأثبت هالشي يوم تعرف على شنكر وعلى نيتا
حبيت صداقته لسالم وانه ما تخلى عنه حتى واهو بعيد عنه
وكنت طول القصة اقول يا ترى شصار على مامان؟
هل ذبحه القاتل المأجور؟ ولا اهو نفسه اللي عذب نيليما ونيتا؟
صج توقعت ان اهو الشخص اللي توماس حلف انه بينتقم منه
بس انصدمت ليما طلع بريم كومار
امبيه ولا المقطع اللي بالحمام جد كانت صدمتني حيل كبيرة
والصدمة الاخيرة اهيا المحامية اللي بالاخير طلعت قوديا
وحبيت انه بين النهاية لكل شخصية ما خلا احد
حتى مامان برد جبدي فيه هالمجرم

والبرنامج يوم فلسو قلت قللللللللللللعة :dddds:

كانت القصة جدا ممتعة
واسلوب الكاتب مشوق
وما عندي مانع اني اقراله كتاب ثاني

تقييم القصة 10/10

هههههههههههههههههههه

ياحلوج والله ضحكتيني لمن قلتي قلعه خخخخخخخخ

اي والله صاجه يستاهلون

بس صاجه شفتي بريم كومار شسوى فيه الخوف والصدمه عساه يستاهل

وصاجه حلوة طريقة شلون كل الأشخاص اللي عرفهم بحياته قاعدين يرجعون لحياته بطريقة أو اخرى

أما بالنسبة للتقييم أقول 8/10

لأن أحس على إنها حلوة وممتعه ما توصل للعشرة

هذا رايي may be because it didn't touch my heart

 

[C'est La Vie]

it's ok golden
تقييمج وانتي حرة فيه


تذكرون قلتلكم عندي surprise بقولكم عنها عقب ما نخلص؟
ههههه
انا سويت كويز صغير عن الكتاب :ggdw:
يالله كل وحده عينها بورقته وما تطالع مني مناك <--- عاشت ابلة حكمت :dddds:

http://www.goodreads.com/trivia/search?q=slumdog+millionair

 

[ScarletteO'Hara]

القصة حلوة
وخرتني عن النمط الي انا ماشية عليه باقراية
تعاطفت مع رام كونه يتيم و انحرم من القسيس الي عطف عليه بطفولته الصعبة
موضوع مامان مع اليهال واقعي لانه بالدول الفقيرة اليهال الي يطرون لازم يكونون ما يشوفون او مشوهين يعني اغلبهم جذي فحسيت بترابط بالقصة من هذي الناحية
صور واقع الفقارة بالهند و شلون عايشين, مع ان الشارع الهندي ما تقبل هذا الموضوع و قالوا ان الكاتب مبالغ بالقصة خصوصا و انه ما زار الslums و شاف بعينه العيشة هناك شلون صايرة
بس عموما ما اقدر اقول ان كل الجابترز حلوين
جابتر الجندي حسستني اني بشق الكتاب من الملل
و هم بعد في نقطة ما عجبتني الا و هي الصدف الي تمر عليه
يعني بالله الهند شكبرها, و رام اساسا كان بآغرا و مومبي و دلهي
و جم نفر فيها عشان يقابل سليم بشوارع مومبي من غير سبق معاد و محاميته تطلع قوديا الي دافع عن شرفها؟
not realistic at all
و الانسان ممكن انه يكون محظوظ بس مو لي هذي الدرجة
يعني ممكن يصيب بسؤال سؤالين, خمس بالكثير بس كلهم
احسه استخفاف بعقول القراء
بس غير جذي استمتعت فيها
خصوصا لما بين سبب مشاركته بالبرنامج
تفاجأت فيها وايد
و اعترف اني كنت متوقعة انه دخل المسابقة عشان يفتك من الفقر
يعني لو كان هذا السبب جان صارت القصة مبتذله
اعطيها 9/10


مشكورين يا سي و جولدن على اللينكس

جولدن انتي النسخة الي شفتيها بجرير شلون كان كفرها؟
على براد بيت و كيت بلانشيت و لا نفس الي كنتي حاطه صورته؟

 

[ScarletteO'Hara]

سويت الكويز
و يبت 10
غلطت بهارون امير للحين ما ادري اهو منهو
و نسيت رام وين قابل سلييم
و قطو غوديا شنو اسم قطوها
مو شاطرة

 

[C'est La Vie]

لا عادي حبيبتي
it's just for fun :edbf4317b9:

بما ان المود هندي ناخذ فاصل غنائي
http://www.youtube.com/watch?v=33gPevH5csU

 

[GoLdeN~$~LaDy]

صباح الخير

سكارليت الكفر ما كان عليه براد بيت ولا هو نفس الكفر اللي انا حاطته

كان جنه رسمه ريال كبير بس الكفر وااااااايد حلو عجبني بس ما يبته لأن عندي already

كان في الرف اللي يحطون فيه new arrivals من ورا

روحي دوريه مرة ثانيه انا متأكدة انج بتلاقينه (اذا ماراح يعني)

الكويز طلع عندي ثنتين غلط :tomato2:

 

[C'est La Vie]

اعلان:

انتهت قراءة Slumdog Millionaire by Vikas Swarup

 

[GoLdeN~$~LaDy]

قوة سي شلونج

مو انا ذبحتني اللقافة

بديت اقرى The Curious Case of Benjamin Button أمس :tomato2:

ممتعة

وشكلي بخلصها اليوم لأن تدرون مو طويلة

بديتو reading ؟؟