بليز تجمع للمصابين بالقولون وامراض واضطرابات المعده والجهاز الهضمي

[Om-Alkatkot]

متى حاشج؟
من سنتين تقريبا
شلون بدا؟
بعوار بطن وحسيت بضيق بصدري
شنو اعراضه؟

اسهال مع مرات خفقان بالقلب مع مغص

منو شفتي من دكاتره؟

د. مساعد العصفور
شنو جربتي علاج؟

ماخذيت شي لأن هالشي أحسه نفسي مو عضوي
توصلتي لعلاج؟
لا - بس راحه البال واااااااايد تفيد


واذا ماتوصلتي شتسوين لاياج وشلون نفسيتج؟


كثر ماأقدر أحاول اهدي نفسي اذا كنت مضايقه وابتعد عن المحاتاة لأنها تزيد


اللهم رب الناس مذهب الباس اشف فيث شفاء لايغادر سقما
آآآآآآآآآآآآآآآآآآآآآآآآآآآآآآآآآآميييييييييييييييييييييييييييييييييييييييييييييييييييييييييييييييييييييييين يارب العالمين

 

[روروو]

لولي سلامات خير ياقلبي وش فيك فضفضي ترى كل وحده هنا مثل اختك ترى الانسان اذا قال اللي بصدره يرتاح
سوسو اتركيها وجيبي بنوته مزيونه مثلي :tomato2:​

 

[لولي**]

باذن الله اسطوره بدلع ولايهمك

رورو
مافي شي ياحلوه مشكووووووووووووره على اهتمامك بس ضيق من القولون


عسى الله يشفينا جميعاااااااااااااااا

 

[اللهم الجنة]

بنات اشرايكم بحبوب الفحم

 

[لولي**]

اللهم الجنه

شنو هذي حبوب الفحم

وضحي لي

 

[اللهم الجنة]

هذى الله يسلمج حبوب اخذها من الصيدلية مثل الفحم بالضبط تريح القولون

 

[*^^حرم الدكتور^^*]

قوة بنات شلوونكم و شخباااركم انشالله كلكم بخير بشرو عنكم

وااااي صارلي جم يوم اللوعة خافة بس الألم بالمعدة يذبح و انتفاخ .. لما رحت الدكتور قالي عندي التهاب بكتيري بالمعدة اسمها غريب المهم يخرع و طلع عندي التهاب بالبول و اشياء ثانية مني مناك >> حسبي الله على اللولب ما خلى فيني شي صاحي

بعدين قاللي يبي يسويلي منظار للقولون و انتو أدرى مني فيه رفضت قلت له و الله استحي موووت .. ما سويه ..
سألته عن الحبة الذكية اللي فيها كاميرا قاللي مارح تفيدني .. و هني عيووني اغرورقت بالدموووع >> خطيرة اغروروقت نص ساعة و انا اكتب فيها
المهم و قمت ابجي و الدكتور يقولي انا ادري من اول ما دخلتي العيادة و انتي عيووونج حمر و ريلي مسكين طالعني كاسرة خاطره فقلت له و الله تعتبت من الالم انا من النوع اللي اتحمل بس ما اقدر اتحمل الاستمرار بالألم 24 ساعة بال7 ايام عذاااب
قالي خلاص بسويلي اشعة مقطعية و بشوفلي كل وظائف الجسم بهالاشعة و منها الرحم لأن شاكين بشغلة مادري شنو اهيا ريلي و الدكتور تكلمو بمصطلحات طبية و ما فهت شي>> اكره شي بحياتي
ريلي ترجملي كل المصطلحات الطبية من اول القعدة بس لما يوو على هالنقطة ما ترجم و لا سألته مابي احاتي
قالي اذا في شي رح نعالجج ما في شي الحين ما له دوا و إذا كل شي طبيعي رح اهديج علبة كلينكس عشان تبجين على راحتج و تفرغين اللي بقلبج و هذا اللي لازم يصير ما تكتمين لأن يطلع بجسمج بعدين .. و بعدين سالني عن حالتي النفسية فشفت ريلي قاللي الدكتور لا تخافين منه تكلمي اذا في شي >> انا لا شعوريا طالعت ريلي و امبيه بينت نظرتي انه في شي و اني خايفة اتكلم عشان ريلي قاعد يعني خايفة منه مع انه حرااام بريء بريء ،، و قلت له الحمدلله كل شي تمام
و بس الحين ناطرة بعد العيد اروح احط موعد للأشعة

و هذا اللي صار معاي .. دعوااتكمـ

 

[بنت الديك]

السلام عليكم جميعا تمنياتى للجميع بالصحه والعافيه امين حبيبتى الاسطوريه انا طقه وطقه مره احس انى احسن لم بديت اشرب الكراويه وساعات ماتفيد معاى الله المستعان شندوخه شلونج الحين بشرينى عن فيث شلون صحتها الحين يارب تكون احسن حرم الدكتور ماتشوفين شر حبيبتى وقوى قلبج حاولى تشدين على عمرج توكلى على الله وان شاء الله ماكو الا كل خير شوفى حبيبتى نصيحه من اخت النفسيه جزء كبير من المرض عدلى نفسيتج شوفى شلون صحتج تتغير للاحسن بس احنا الحساسيه الزايده ذابحتنى وماثر على نقسيتنا الحمدلله على كل حال حبيبتى لسويتى الاشعه طمنينا عنج موتنسين والله يشافيج ويسهل امرج وان شاء الله خير

 

[روروو]

حرم الدكتور سلامات بقولك شي من تجربه ترى التهابات الرحم عموما تتعب النفسيه ويبين التعب ع وجه الحرمه والتهابات البول بعد بس عادي لاتتوترين الحمدلله كل شي له علاج تخيلي كنت الله يكرمك ماجلس دقيقتين عن الحمام ووقت الدوره لان كان رحمي نازل احس الله يكرمك وانا اغسل كاني اغسل رحمي الين رحت لدايه قالتلي رحمك نازل وعطتني تحاميل الحمدلله ارتحت عليها قالتلي تعب الرحم يتعب الجسم وانتي ع كلامك مركبه لولب متعب وعندك المنطقه تعبانه الله يعينك

بنت الديك+شندوخه+فيث+لولي +سوسو كيف حالكم ؟​

 

[روروو]

يسعد صباحكم
انا ع 2 بالليل شربت عصير برتقال حامض واكلت كبه كذابه وحبتين بسكوت بندق لما حطيت راسي بنام كنت حاسه بكتمه عرفت انه القولون بس طنشت قلت انا بصوم مع الصيام يروح وانا بنام افكر ان مابقي ع صلاة الصبح شي واني راح اقوم اصلي المهم راحت عليه نومه من شوي قمت احس الم في بطني مثل الابر بس ع خفيف يعني كانه وحده تجي والثانيه بعدها بشوي واحس رجليني بارده واحس كاني متضايقه يعني تتوقعون هالشي من القولون:0bee2e8d89:​

 

[*^^حرم الدكتور^^*]

بنت الديك .. مشكووورة يا قلبي و صااجة النفسية إذا تعبانة تأثر على كل الجسم ،، و انشالله بطمنكم اول بأول مشكوووورة

روروو.. الله يسلمج يا قلبي مشكووورة ،، تصدقين وااايد تصير معاي التهابات مادري من شنو و آخر شي اللي بالمعدة و الرحم مع اني اهتم بنفسي واااايد ،، و على فكرة انا شلت اللولب بس هذي من آثاره
سبحان الله صج الدورة مهمة و تنظف جسم المرة الحين حسيت بأهميتها لأنها مقطوعة عني من شهر 6 و من يومها و انا اطلع من التهاب و ادخل بالتهاب سواء بالمعدة او البول او الرحم ..

رووروو من كلامج ترا نفس اللي يصير معااي احس جنه احد يغزني ابر ببطني غير البروووودة .. و ترا على فكرة عصير البرتقال أففف يذبح كل ما اشربه يحرقني وااايد جني ماكلة فلفل .. سلامات حبيبتي و ما تشوفين شر

 

[روروو]

يسلمو حرم الدكتور تصدقين بعد ماكتبت كلامي رجعت ع سريري زاد الالم صرت وانا نايمه اون احس ابر بمصاريني لاوالبرتقال مو اي برتقال اساسا مبين ع شكله انه حامض لونه احمر مو برتقالي بس الكسل اني ارجع للتلاجه وادور وحده حاليه امي لما شافتني اليوم قالت انتي اللي جبتي لنفسك مع اني كنت محليته بعسل ومخففته بماي بس النفس وماتهوى تووووووووبه
حرم الدكتور انتي ليه ماتروحين لدايه اذكر موضوع هنا بالمنتدى وحده من البنات تمدح حرمه تعالج وحطت رقمها بدوره واحطه لك جربي ماراح تخسرين شي​

 

[الاسطورية]

هاي بنات شلونكم مامداني اقرا ردودكم بس بقولكم اليوم عيدميلادي ابيكم تشاركوني فرحتي لانكم صديقاتي اقصد 24 -11

 

[*^^حرم الدكتور^^*]

ماشالله اي هذي الأخبار الحلوة تبارك الرحمن .. اهداء مني لج :

هابي بيرث داي تو يو .. هابي بيرث داي تو يو
هابي بيرث داي تو سوسو .. هابي بيرث داي تو يووووووووووووووووو

يالله حالا بالا حالا حيو ابو الفاصاد يالله نحي معانا الليلة اجمل الأعياد .. فاليحيا ابو الفاصاد هـــــــــــي:ggdw::ggdw:

كل عاام و انتي بألف خير و عقبال امية سنة يااااارب ،، و انشالله تتحقق كل امنياتج بهالسنة:klhfl: ​

 

[شندوخه]

اسطوريه كل عام وانتي بخيييييييييير وبعيده عن الام القولون ان شاءالله وهذا اهم شي

وبنات حبيايبي كلكم كل عام وانتو بخير وعيدكم مباارك الله يعيده علينا وعليكم بكل صحه وخير وعافيه

 

[شندوخه]

بنت الديك .. مشكووورة يا قلبي و صااجة النفسية إذا تعبانة تأثر على كل الجسم ،، و انشالله بطمنكم اول بأول مشكوووورة

روروو.. الله يسلمج يا قلبي مشكووورة ،، تصدقين وااايد تصير معاي التهابات مادري من شنو و آخر شي اللي بالمعدة و الرحم مع اني اهتم بنفسي واااايد ،، و على فكرة انا شلت اللولب بس هذي من آثاره
سبحان الله صج الدورة مهمة و تنظف جسم المرة الحين حسيت بأهميتها لأنها مقطوعة عني من شهر 6 و من يومها و انا اطلع من التهاب و ادخل بالتهاب سواء بالمعدة او البول او الرحم ..

رووروو من كلامج ترا نفس اللي يصير معااي احس جنه احد يغزني ابر ببطني غير البروووودة .. و ترا على فكرة عصير البرتقال أففف يذبح كل ما اشربه يحرقني وااايد جني ماكلة فلفل .. سلامات حبيبتي و ما تشوفين شر

تدرين لو تشيلين اللولب وتنزل دورتج تروووووح منج كل هالاعراض
ترى الله ماكتبلنا الدوره الا لانها خيييييير للمرا تنظف جسمها من السموم والبلاوي سبحان الله ووسعي صدرج ودايما خلي ذكر الله على لسانج والله تهدا نفسيتج وامورج ان شاءالله والحمدالله دام عمليه ولدج خلصت على خير ليش تحاتين ماكو شي يسوى
استغلي الفرصه هالايام دام الجو حلوو وبراد طلعي استانسي وتمشي فيه واذا عندكم مخيم روحي غيري جو سبحان الله هوا البر يخلي النفسيه تتغير 180 درجه

 

[روروو]

عيد ميلاد سعيد سوسو عقبال 100 سنه
كل سنه وانتو طيبين ياحلوين الله يجعل ايامكم كلها فرح واعياد
بنات سارونه وينها ماعاد طلت علينا اللي تعرفها تقولها اني اسال عنها ​

 

[*^^حرم الدكتور^^*]

روروو حبيبتي مشكووورة و الله تعبتج معاي مادري شقوولج يزاااج الله خير بحاول ادق عليها هاليومين

شندووخة مثل ما قلتلج الحمدلله انا شلت اللولب بس للحين ما نزلت الدورة .. احس انشالله لي نزلت بتختفي مثل ما قلتي الأعراض و النفسية بتهدي شوي لأن حساسيتي زايدة على اي شي ابجي غير اني صرت عصبية شوي بعد .. و الجو صااجة عجيب و منعش خاصة اليوووم ماشالله .. و يزااج الله خير على النصيحة و انشالله بسوي اللي قلتيلي عليه .. و كل عام و انتي بخير



بنات كل عام و انتو بخير و انشالله من العايدين الفايزين و ربي يتقبل منا و منكم صالح الأعمال

 

[شغوف بدويه]

كل عام وانت بصحه وعافيه سلم الله انا كنت اشكى من هالمرض والحمدلله مازلت لكن صرت اعرفله يعنى صرنا اخوان اهم شى انج تلتزمين باكلج شنو تاكلين وشنو تشربيين لانه مهم مثل اهميه نفسيتج الحوار ممنوعه التوابل كذلك درجه الماء ماتكون بارده اذا كنت شربت شى حار قبلها لازم تتوازنيين علشان ماتسبيبين صدمه للمعده ويصيير عندج تلبك المهم الخضروات الخضرا مهمه جدا لانها تشييلج الغازات اللى تسبب القولون وتهيجه عليج بعضهم يسبب امساك وبعضهم يسبب اسهال له علشان جذى لازم خضروات وعشبة الشمر وبذور القاطونه للقولون وحده بوحده فبل النوم ملعقه على طول ونامى طريقتهم 100غ شمر +100غ بذورقاطونه مطحونات وخلطيهم مع بعض وعندالنوم ملعقه اكل هذا اخذته من د.اعشاب وطب بديل وعساج ماتشوفييين الاالخير

 

[بنت الديك]

السلام عليكم جميعا كل عام وانتى بالف خير حبيبتى وعقبال مليون سنه يارب يشافيج وتصيرين احسن ياكريم رورو انا بخير دامج بخير حبيبتى ولابد من معانات القولون الله يعين شندوخه حبيبتى شلونج وشلون فيث حرم الدكتور حبيبتى ماتشوفين شر يارب رورو انا لشربت البرتقال اتعب انسدح بالفراش من العوار لان فيه حموضه ولا مايتم بطنى تكرمين ترجيع ولوعه ودوخه كله بسبته الحمدلله على كل حال