ديوانية شموسه ورينبو...الي ولادتها بالصيف تتفضل تقرق معانا

[donat]

هااااااااااي حوامل
اليوم ضيقت خلقي الدكتورة رحت مراجعتي جان تقول لي المشيمة نازلة بس ما قالت لي اسوي شي مع انها قالت للسستر كتبي السونار طبيعي و المشيمة نازله (طبعا بالانجليزي) وقالت لي شوفيها شوي نازلة بس قالت احتمال كبير ترتفع لان توني اليوم خلصت الاسبوع 19 وباجر ابدي ال20 يالله راحت نص المدة....
بنات منو صار معاها هالسالفة انا قمت احاتي
ريلي يقول كل هذا من دوارة الافينيوز.......هههههه

 

[rainbow_brite]

دونات لازم اتريحين انا ما صار الحمد الله معاي بس اعرف وحده كانت بالبدايه نازله وكل ما صارت بشهر يديد ترتفع بس اتذكر قالتلها الدكتوره اتنام على ظهرها كثر ما تقدر

 

[الفرحه السجينه]

السلام عليكم


شلونكم يا الربع



دونات ما تشوفين شر بس المشيمه ترتفع لا تشيلين همها بس قريت ان اذا المشيمه نازله تنامين على ظهرج و ترفعين رجولج شوي يعني حطي مخده او شي يرفعها وانتي نايمه ولا تكثرين من نزلة وصعدة الدرج


انتي سوي بحث بالنت وبتلقين مواضيع عن المشيمه

 

[donat]

مشكورين ان شاء الله بسوي بحث عن الموضوع
بس غريبة الدكتورة ماقالت لي شي عن الراحة او الدرج ولا عطت الموضوع اهمية بس قالت ان المشيمة عادة ترتفع بروحها

 

[بنت النوخذة]

هااااااااااي حوامل
اليوم ضيقت خلقي الدكتورة رحت مراجعتي جان تقول لي المشيمة نازلة بس ما قالت لي اسوي شي مع انها قالت للسستر كتبي السونار طبيعي و المشيمة نازله (طبعا بالانجليزي) وقالت لي شوفيها شوي نازلة بس قالت احتمال كبير ترتفع لان توني اليوم خلصت الاسبوع 19 وباجر ابدي ال20 يالله راحت نص المدة....
بنات منو صار معاها هالسالفة انا قمت احاتي
ريلي يقول كل هذا من دوارة الافينيوز.......هههههه

حبيبتي دونت لازم تريحين والجماع توقفينه لمدة شهر لأن أنا صار معاي في حمالي بنتي طيوبة وقالتلي لازم تنامين على ظهرج تقريبا على الأقل أسبوعين أقل شي

 

[بنت النوخذة]

والله بنت النوخذه ظايق خلقي علشانج ومعوره قلبي انا ولدي نص الليل يقوم يحك يحك لم افصخه واخليه بس بالفنيله واعلي التكييف يالله ينام وكل ما يسوي جذيه اتذكرج والله


انشا الله تروح الحكه بروحج ثقل وحمال الله يعينج اذا ما نفع هالدكتور غيريه سالي عن غيره عالاقل اتخف لان وراج ولاده انشا الله بتولدين والا بتحكين

متى بدت معاج مو جنه اول حمالج ما كان فيج اذا ما ني غلطانه

في كريم انا كانو يايبينه من السعوديه اسمه كريم الحجاز للاكزيما والله يودي الاحمرار بسرعه ويخفف الحكه كان عندي علبتين وحده عطيتها رفيجتي ووحده استخدمتها حق ولدي اتصدقين لو كان عندي جان عطيتج وايد زين انتي شوفي اذا احد رايح السعوديه وصي اييبلج بس هم سالي دكتورج لان في كرتزون وما ادري اذا يصير حق الحامل

حبيبتي والله انتي وبلش فيني من نص الخامس تقريبا أنا الحين بأول السابع بصيرلي شهرين والله ريبنمو حدي نفسيتي أكس تعبانه وساعات احك وأقعد أبجي من كثر ماني مضايقة من روحي الله كريم ياربي

 

[donat]

حبيبتي دونت لازم تريحين والجماع توقفينه لمدة شهر لأن أنا صار معاي في حمالي بنتي طيوبة وقالتلي لازم تنامين على ظهرج تقريبا على الأقل أسبوعين أقل شي

صار معاج جذيه بنفس مدة الحمل يعني الاسبوع 20 مثلي ولا اكثر
لان انا مستغربه من الدكتورة ماكو اي تعليمات عطتنى اياها وحتى الدكتورة المصرية اللي ندخل عليها عقب الكشف قالت عادي اهيا بروحها ترتفع عادة...
اي صج ولدتي طبيعي ولا قيصرية؟ قمت اوسوس....

 

[بنت النوخذة]

صار معاج جذيه بنفس مدة الحمل يعني الاسبوع 20 مثلي ولا اكثر
لان انا مستغربه من الدكتورة ماكو اي تعليمات عطتنى اياها وحتى الدكتورة المصرية اللي ندخل عليها عقب الكشف قالت عادي اهيا بروحها ترتفع عادة...
اي صج ولدتي طبيعي ولا قيصرية؟ قمت اوسوس....

أنا كنت بآخر الثالث والدكتورة قالتلي حاولي تنامين لما الخامس والحمدالله صج سمعت كلامها ورتحت وجماع ماكو حتى قضبت ريلي دكتورتي قالتله انتوا الحين أخوان لمدة شهر ههههههههههههه بس ريحي حبيبتي عن اللويه الزايدة الحمدالله ولدت طبيعي وسهالات ولادتي وأتمنى كل ولاداتي نفس ولادتي بطيووبه والله يحفظها كاهي الحين بتكمل 3 سنيين لا تتحركين وايد مرة ثانية أووقولج وربي يثبتج ياربي ويسهل أموورج ويثبت حملج

 

[rainbow_brite]

بنت النوخذه الله يعينج احس الموضوع متازم والجو كل ماله ويصير حار اكثر

 

[rainbow_brite]

طحت عليكم دونات وبنت النوخذه شتسوون الفير هني انشا الله تبون تواصلون لي الدوم

اتصدقون صليت الفير وييت بنام قلت خل اشبك واجيك عالديوانيه ما توقعت القى احد بس اشوه في ناس سهرانه وياي

 

[rainbow_brite]

دونات الدكتوره ما كتبتلج راحه من الدوام

 

[شمس و قمر]

شموسه ترجعلكم بعد الردح والتعب


ااااااااااخ الحمدلله عدت علي خير وحضرت عرس ولد خالي واستانست

قلت ارجعلكم اسلم عليكم

مع اني ماشبعت نوم

وفوق هذا شعري يعورني من البف والبوستيجات ولعنة الخير هههههههههه

 

[rainbow_brite]

شموسه صباح الخير:eh_s(3):


:eh_s(15): اقصد مساء الخير انا توني قاعده من النوم


مبروك عرس ولد خالتج

عندي لج طريقه حلوه حق البف لانه ادري يذبح اخذي دوش وغسلي شعرج شامبو وبعدين حطي في ايدج بلسم اللي ايي بروحه ودلكي شعرج عالراحه وبعدين غسلي ولم اطلعين مشطي عادي اتصدقين تتفكك كل الشعرات عشان ما يتقطع شعرج

 

[donat]

دونات الدكتوره ما كتبتلج راحه من الدوام

لا والله ولا جنه صاير شي انا هذا اللي مستغربة منه.... ما بقى احد ماقلت له الا قال لي ارتاحي و انسدحي ... الا الدكتورة ماقالت شي ... و الاغرب ان حتى الدكتورة المصرية اللي تدخلين عليها بعد الكشف هم ماقالت لي شي قالت عادة ترتفع بروحها وانتي مالك دخل بنزولها يعني مو من التعب او المشي او التشقل كل هذا مو سبب حق نزول المشيمة....
انا مستغربة الصراحه

 

[rainbow_brite]

دونات انتي منو دكتورتج
اذا مثل ما قلتي عادي عندها وما وضحتلج روحي حق دكتوره ثانيه بس استفسري عن الموضوع
وما عطتج موعد قريب على الاقل اذا ما تغيرينها لازم اتعرفين شنو لازم اتسوين
اتذكر مرة حماي الدكتوره مانعتها من الجماع وحتى الدري ما تركبه والدوام الدكتوره قالتلها انسي

 

[donat]

انا دكتورتي معصومة مخصيد والله اهيا ممتازة
وانا سويت بحث في مواقع اجنبية مالقيت اني لازم اريح و انسدح لان حسب كلامهم اذا كان تشخيص نزول المشيمة قبل اسبوع العشرين فان احتمال ارتفاعها كبييييييييير و الموضوع مايشكل خطورة... خصوصا ان ما نزل علي دم ولا شي...

 

[donat]

انا حاليا موقفة الجماع و مسوية سكب حق ريلي مسكين وكله بالبيت ما اطلع بس اداوم

 

[أوشال]

حبيبتي بنت النوخذة
ما اقوول الا الله يعينج أنا اختي عندها اكزيما بس خفيفة
بس صوب اصابعها بس معذبينه تقول بالليل مكانهم يحرني
وتحكة وكله دم بس كريم كرتزون وايد مساعدها..


~~~~~~~~~~~~~~~~


دونات

حبيبتي ترى مش قصة كبيرة سالفة المشيمة
شوفي مرت اخوي كانت نازله عندها لدرجة ان ينزل عليها دم
وبالسونار قالت له الدكتورة ان المشيم وايد نازلة
وايد خطر وعطتها تعليمات براحة تااااامة .والحمدلله بالسادس ارتفعت

أنا بالاربع قالت لي الدكتورة بجري ان مشيمتي نازلة بس
بدون لا تعليمات ولا بطيخ دودهتني بعد اسبوع سويت
سونار عند دكتورة ثانية قالت موو وايد نازلة تقيبا مكانه طبيعي
يعني اكيد نزول المشيمة اللي عندج عادي لالالالا بل يكاد ان يكون طبيعي
لا تحاتين يا ام صج ما قلتي شنوو ناووية تسمينه ؟؟


بنااااااااات شنووو ناوووووووووين تسموون البيبيات !!!

 

[أوشال]

شمووووووووسة

حمدلله على سلامتج
الله يعينج انا انسانة احب الاعراس والتكشخ
بس اللويه والتعب اكثر شي يطفرني بالاعراس
يخلي نفسيتي مش ولا بد ....


رينبوو

حبيبت ألبي منوره
وطلعو عيالج شياطين الله يخليهم ويحفظهم لج
انا بنتي ما كملت سنة ام الله عليها مطلعتلي قرون





شرووووف ما اشووف لها ردود
شخباااارج وشالدنا فيج


ماي لووف

إن شاء الله رد الانترنت عندج وكل شي تمام علشان تشاركين
معانا


بنات شنوو جهزتوو وشنوو باقي لكم ومن ووووووين!!
سووووووولف خلونا نستفيد..
الكاكاو متى بتجهزوونه ؟؟

ماكوو شغل ما عندي شي قلت اقرق على راسكم

 

[donat]

مشكورة اوشال الظاهر كلامج صح لان حتى بالمواقع الطبية الاجنبية مو معطين الموضوع اهمية اذا كان بالنص الاول من الحمل وما فيه دم...

البيبي ان شاء الله بسميه (حمد) عشان اصير أم حمد.... ما تشوفيني رازة اسمي بالتوقيع أم حمد ..... الله يييب حمد بالسلامة يارب