مكان جميل بالكويت بس للاسف أصبح بلا أهميه :(

[om_7amny 85]

السلام عليكم
اشلونكم يا بنات
اليوم انا يايبه لكم موضوع عن مكان جميل بالكويت يذكرنى بطفولتنا و أحنا صغار كنا وايد نزوره بس للاسف انهجر و انهمل بوقتنا الحالى

تدرون شنهو هالمكان[/SIZE][/COLOR] (( الجزيره الخضراء ))
ليش هالمكان صار ماله اهميه ألحين و ليش الناس ما قامت تزوره مثل قبل و ليش انهمل
خصوصا الاجيال اليديده ما يعرفون هالجزيره و لا عمرهم راحولها
مع ان هالمكان قمه و روعه فى الجمال و تصميمها و فكرتها وايد حلوه

و هذي بعض الصور لها

[

اتمنى ان يرجعون الحياه بهالجزيره و ترجع مثل قبل
يعنى مثلا ( يحطون فيها من هالمطاعم فرايدز وأبل بيز و جليز وفدريكرز )
و يفتحون فيها أكثر من سينما + يحطون فيها مسرح يديد
و يسون فيها برامج و مسابقات
و يحطولهم جم محل يم بعض مفتوحين على المكان يعنى تغيير عن جو المجمعات المصكره
و من هالحركات
بس للاسف ما حاولو ان يجددونها بشويت افكار

 

[روح الوردالاصلي]

مشكووره اختي على الموضوع

 

[الدنـ نور ـيا]

ياريت يهتمون فيها آنا دشيتها العام الماضي وانصدمت شي يلوع الجبد كل شجره تحتها عايله عربية تشوي وجنها شارع مو منتزه لوعه بمعنى الكلمة .

 

[Queena_85]

اي والله يا ليت يهتمون فيها .. حراام والله هالمكان ما يهتمون فيه
و مشكووره عالموضوع

 

[دهن العود74]

اي والله صاجه من زمان مو دخلة الجزيرة ولا بناتي والسبة ما كو شي يجذبج والمكان كئيب وياليت تهتم مشروعات السياحية وراح تصير الجزيرة روعة

 

[فزهةّ خٌفوق]

مشكوره حبيبتي

 

[a7la_frawla]

تسلمين حبيبتي

 

[black_arno0oBa]

اي والله ناقصها اشويه اهتمام ويسلموا على حبوبه على طرحج الموضوع

 

[supermarket]

صاجة حرااام على هالمشروع وحتى انا يمكن مودشاتها صارلي قرن

سويناه بوقت محد سوى جزر صناعية بالخليج

بس للاسف المشاريع اقتصرت عالمجمعات ونست الترفيه

 

[سارونه الكويت]

لا واللى احرج اكثر الدخله بفلوس على شنو ما ادرى ووين اودون هالفلوس ما أدرى لو اعدلون فيها المكان وسوون خدمات فيها جان الواحد ما يتحسف لما يدفع مو ادفع عند الباب علو ولا شى عل صبخه والله حسااااافه

 

[كويتيه ذربه]

اي والله حسافه على ايام الجزيره قبل كان في بيتزا ايطاليا

 

[sweety - Q8]

اي والله شخبااااااااري والله اذكر ابوي يوديني لهاا يوم كنت صغيره

والله ذكريااااااااات ياماا ركضت فيها وضعت لووول

ياليت بس يهتمون فيهاا مادري ليش صارت منسيه

 

[bride collection]

لا والله حلاته يخلونها مثل ما اهي بدون مطاعم وسينمات بس يكثرون زرع و كراسي وورد

و العاب صغيره حق الياهال و يخلونا ننطلق فيهاااا مثل قبل

 

[RaMoSha]

مشكوووره حبيبتي خوش موضووع شوقتيني اروح بس خل يتعدل الجو

 

[meme_alq8]

شخباااري حدها قديييمه اياام ياليت احد يهتم فيها في اماكن وايد بلكويت حلوه يبيلها اهتمام

 

[ترف 111]

حلاته يحطون فيها اكشاك نفس السوق الصيني ويبعون الاشياء اللي اتيي من الصين ويسوون فلكلور صيني ومسابقات وانشطه ويخلون فيها سباق للزوارق ديرتنا منسيه والله بس بوووق

 

[بنت الأصايل]

مافيها اي اهتمام بسبب اهمال شركة المشروعات السياحية لها

المفروض يحطون فيها مطاعم لأن هذا اهم شي عند كل العائلات
والمفروض يصير فيها عروض اسبوعية ومسرح للطفل وشخصيات
ولا فوق هذا بعد الدخلة بدينار ... على شنو

لاالعاب مثل الناس ولا اهتمام ولا مطاعم ولا فيها اي شي ممكن الواحد يتشجع يروح لها

 

[ملاك777]

الجزيره الخضرا للاسف صارت صفرا

 

[.. مـــلاكـ ..]

صاااااجة

 

[راعية الطويلة]

أي والله

ذكرتينا بالأيام الحلوة اللي مضت

الطفولة و الركض و الدراجات

يا حلوها أيام

يعطيج العافية ع الموضوع الحلو