ليش بنتكم ما حملت !

[G!RLooNa]

قوووه








شرايكم بهالسالفه

ما صادفوكم ناس ملاقيف جذي؟؟


يعني الحين 2 تزوجوووو

بسم الله ما كملو شهر

تبدا الناس تتكلم

ها ماكو شي بالطريج :eh_s(1):

اي شي صحححح


ولا اثنين دارت عليهم سنه

وماكو ياهل

يقعدون يتكلمون

اي فلانه تزوجت معاها كاهيا حامل

و مادري منو تزوجت عقبها داشه الرابع

شفيها بنتكم ما حملت :eh_s(1):


صجج احسه سؤال مو بس لقافه لا قلت ادب

انتو شكو حملت ما حملت

المره وريلها كيفهم

يمكن البنت بعدها بتكمل دراستها

يمكن مايبون بيبي باول جم سنه زواج

يمكن صج في مشكله و قاعدين يعالجون حرام تحرجونهم

وحده اعرفها تقول اهيا وريلها متفقين ماكو عيال الا عقب ما تتخرج من الجامعه

بس الام تبي تشوف احفادها

وتنام براس ولدها

و كل شهر تسأل البنت ياتج الدوره :eh_s(1)::eh_s(1):

مو لهدرجه عاااااااااااااااااااد


انا من اسمع بنت يسوون لها جذي والله انا احتررر واتنرفزززز


بس بعد شتسوي الوحده اذا في ناس جذي ما تستحي


صادفوكم هالملاقيييييييف؟؟؟؟ و تردون عليهم ولا تعطونهم طاااااااااااف؟؟؟ اثرو عليج ولا على ريلج؟؟

يالله ناطرتكم ,,, :ggdw:

 

[اشتياق]

ذكرتيني بأم ريلي الأولي تعرف موعد دورتي وكل ماهل شهر دقت هاه انزلت ؟؟اقول اي اتصكه خخخخخخخخخخخخ

يامعوده طااف الناس ماتخلص قرقه مطماشه حدهم ماكو شغل

 

[chanel N22]

جبتيها على الجرح والله
اذبحونا واحنا نبي عيال بس الله ماكتب وانا وياها ان شاء الله سليمين وانا بغربه حتى ماقالوا حرام بغربه مانبي نحرجها ونضايقها بس شتقولين لو وحده من بناتهم تأخرت جان ولا وحده تكلمت
الله كريم يرزقنا ويرزق كل محروم يارب ادعيلنا يالغاليه ياقلبي

 

[++MesK++]

؛
؛


اشرايج عاد انا تزوجت و رحنا قعدنا بالفندق 3 ايام

و احنا رادين من الفندق مرّينا بيت اهلي نسلم عليهم

و لا اشوف رفيجة امي مسيره على امي

اول ما شافتني جان تقول هاااااا بشري ما حملتي؟؟

انا عيوني جذي @@

3 ايام و حامل شلون؟؟

فلم هندي هذا

الاسبوع الياي و لدي ضابط هههههههههه

الملاقيف واااااااااااااااايد

و عساني اشوفج عروس يا جيرلونا يا بنت ام جيرلونا

؛
؛

 

[حرم راشد الماجد]

شفتي اللي قلتيه هذا كله

تخيلي من اول شهر بزواجي سمعته مع اني تزوجت شهر 3
وحملت

بس ماكنت ادري لي موعد الدوره عرفت تخيلي بهالفتره البسيطه سووني فيها ما ييب عيال
وفيني بلا
لووووووووووووووووووووووووووووووووووووووووووووووووول

بس هذا الناس

اذا لنت قالو فلانه ماتزوجت ؟
اذا تزوجت
قالة فلانه ماحملت ؟
اذا حملت
قالو فلانه ما ولدت ؟
اذا ولدت
قالو فلانه مالها نيه تييب بعد ؟


وهكذا


الناس همهم هالايام متابعة اخبار الناس وبس

 

[G!RLooNa]

؛
؛


اشرايج عاد انا تزوجت و رحنا قعدنا بالفندق 3 ايام

و احنا رادين من الفندق مرّينا بيت اهلي نسلم عليهم

و لا اشوف رفيجة امي مسيره على امي

اول ما شافتني جان تقول هاااااا بشري ما حملتي؟؟

انا عيوني جذي @@

3 ايام و حامل شلون؟؟

فلم هندي هذا

الاسبوع الياي و لدي ضابط هههههههههه

الملاقيف واااااااااااااااايد

و عساني اشوفج عروس يا جيرلونا يا بنت ام جيرلونا

؛
؛

:krkrkr::krkrkr:


لالالا بدعوووو

3 ايام عاد :krkrkr:

لو ناطرين اسبوع عالاقال :dddds:


و مشكوووووره عالدعوه :**

 

[q8-moda]

الله يرزق الي ما عنده وكلشي بيد رب العالمين

واذا وحده سؤلوها سواء تبي عيال وله ما تبي خل تقوول الله كرييم وتسكت

 

[G!RLooNa]

حرم الله يعينج عليهم

صج ما يخلووون احد بحاله

وعلى قولتج اذا حملت وولدت

يقولون يالله متى الياهل الياي

عاد انا طفارتي اللقافه و احد يتدخل بحياتي الخااااااااصه

 

[choclate-_-q8]

واي بنات ذكرتوني بخالتي ام ريلي الله يسامحها توني عروس ماصارلي شهرعاد توني كنت حامل بسبوع رفست باب الشقه ودشت تعالي ابيج ويايبه معاها زيت بقره على بطنج انتي اكيد ماتيبين عيال ليش هذاك طلقج والله عبالهم كل وحده مطلقه موزينه جان اقطها بويها هذاك مو ريال ارتحتي وحتى لما حملت شنو فيج والله ماقلت لها شنو وبولدي الثاني بعد وايد متفائله انتي فيج بنت كسرت عينها ويبت ولد ولا تقول الحين لا تحملين مانبي بسنا 2 مادري اهي الي بتربي ولا انا الحمدالله اني بشقه بروحي ونزور بلاسبوع مره عن المشاكل

 

[{عسوله مطير]

أوكي أنتي طنشي ملاقيف
والله كريم

^^

 

[alooya]

ايييييه انا صارلي متزوجة تفريبا سنه و 4 اشهر بس انا و زوجي ما نبي الحين لانه زوجي يدرس ما تخرج و انشاالله ما بقى شي و يشتغل بس عاد الناس ويييييييييين تفهم عاد انا ما احب اروح بيت اهله و السبه هالسالفه هااااا ماكو شي بالطريق .. ترى العمر يركض ( يعني عشان انا 25 ) .. كل ما اقولهم انشالله لما يشتغل زوجي و احنا ما نبي الحين يقولون لاااااا الياهل اييب رزقه معاه !!!
شلون يعني :eh_s(10): و نعم بالله ..... بس يحسسوني يعني جني انا فيني شي و قاعده ارقع حق عمري
ويييييييييييييييييييع :jumpon:​

 

[ام احلى خلودى]

امبيه هالسؤال وايد ينرفزنى فى ناس جد مايستحون شكو يسالون مادرى ؟ اذكر ول ماتزوجت صارلى 3 اسابيع ها حملتى ولا لا امبيه شكو ؟ اذكر وحدة سالتنى قتلها لا جان تقولى فلانه اصغر منج والحين حامل بالثانى انزين شسويلها ؟

 

[*عاشقه الورد*]

اااااااخ عـــــــــــــاد انا متحلفه فيهم هذول اللي يسألون

اول ما تزوجت حملتي ماحملتي وهالمنوال لمده سنه

الحين يبت ياااهل >>>>>> هااا مو مفكره بالثاني والحين ولدي عمره سنه وطوووول هالسنه حامل مو حامل <<<<لوعوا جبدي

والسؤال اللي يبط الجبد ..اذا اتني قاطه حبوب منع الحمل ليش مو حامل ؟!!!

يعني انا شدراني ليش مو حامل الله مو كاتب ولا اقولها ريلي حاط ..... ولا شرد عليهم

يعني شرد عليهم

 

[the note book]

اااااااااااييييييييييي مرروا علي وااااااااااايد



انا حملت عقب العرس بست شهوور



ذبحوني بالكلام


و مره وحده شافتني بحفله انا كنت حامل بالشهر الاول و كنت توني محلله فماتكلمت الا عند القراب


يعني هاذي ماتدري يات جان تقولي



شلوونج انتي ويا هذا (.........سج) عرفتوا شنو اسم اللي عندنا قالته اشكره



اللي ما يشتغل عدل


للحين ما حمل!!!!!!!!!!!!!!!!!!!!!!!!!!!!!!!!!!!!!!




شووفووووو الوقاحه لي وين واصله!!



و اصلن ما عرفها عدل مادري شلون تجرأت و قالتلي هالكلمه


بس الناس ما تبي تشوف واحد مستانس تبي تغث و بس



يعني لو انا كنت مو حامل جان مت من القهر و البجي

 

[om-HaSsoOon]

الحمدلله على كل حال ربي يرزق كل محروم بالذريه الصالحه السليمه عاجلا غير اجلا يارب

 

[حروف من ذهب*]

الملاقيف واجد بس الوحد ما تاخذ على كلام الناس اذا بتركض وراهم ماراح تخلص

 

[ba6bo6a1]

انا ما احب اللقافة بس في ناس فضول عندهم

 

[زيــنه]

واااي على هالسؤال <<<<<<<<اكرهــــه

انا قعدت ثلاث سنين ويسألوني هالسؤال
يعني الواحد يطوف وفي ناس تدعيلج والدعاء حلو وجزاهم الف خير عالدعاء

بس خلاص يعني اعرفوا ان في مشكله واعالج وهمن يسألون يعني خلاص سكتو الواحد كافي الي فيه,,
بس الصراحه بالبدايه كنت اطوف وعادي بس بعدين اتضايق ,, ولا لمن وحده تي يمج وتساسرج ها ما حملتي؟ انتي ما ترفعين ريلج ؟ انتي ماتتغذين عدل؟ منج وله منه؟ انتي تعالجين؟ الدوره منتضمه؟ شكوووووووووووووووووووووو انتي شكو
,,,

,,,
بعد الولاده والحمدلله

ها تاخذين حبوب منع الحمل؟؟؟ج:اي
انتي شنو ماتخافين ماتردين تحملين مره ثانيه؟؟؟
,,

,,

وتي خالتي ام ريلي تحذيرات من حبوب منع الحمل اقولها خالتي ما اقدر اخاف احمل عقب الاربعين..تقولي اذا حملتي انا اتقاعد واجابل البيبي
ياربــــــــــــــــــــي

,,

والمسلسل مستمر...

 

[برونزية الكويت]

والله الناس ما عرفنا لهم اذا ما تزوجت عسى ما شر ليش ما تزوجت جنه الشي بيدها المسكينه واذا تزوجت بسم لله ها ما حملتي واذا حملتي ها متى بتولدين واذا ولدتي بسم لله ما مدانه ها متى الثاني وهذا حال الناااااااااس

 

[ايمان80]

الملاقيف وايد بهالدنيا
وانا ذبحتني مرت عمه
كلما تشوف ويهي تسألني (هاماحملتي)
انتي شكوووو؟؟؟؟ انا امي اللي يابتني عمرها ماسالتني هالسؤال ولا خالتي بعد عمري

ويوم اللي حملت وولدته ومات
حتى الحمدلله عالسلامة ماقالتها لي