روايتي الثانية ...(( ضاعت حياتي بلحظة )) ... قصة واقعية .. ReRez

[lolo_82]

صراحه جرام ليش جدي يعورون القلب بس ميخالف اذا يحيها يتحمل وينطر بس اخوانها اهم لانهم مايتعوضون ابد
اما بدر لازم يقدر ظروفها بعد

 

[ام هديل 87]

ناطرينج عفيه لاطولين
ترى عليج ضربيه تاخير بارتين اتنزلين اليوم...خخخخخخخخ
عسى المانع خير

 

[روح كويتيه]

ناااااااااااااطرينج ريريز وان شاء الله تكوووووووووووونين بخير

 

[ReRez]

بنات اسفه والله ادري اني تأخرت بس كنت نايمه حتى المعهد مارحته
المهم دايما حطو في بالكم اذا البارت مانزل 9 ينزل 10 ان شاءالله ..
بس اليوم شكله مطول :$ :$
---

** البارت الثالث عشر **

( تمت روان نص ساعه تبجي بالسياره واتدق عليه بس مايرد .. ماكانت عارفه شتقوله بس ودها تسمع صوته )

- حطت التلفون على حضنها وشغلت السيارة ومشت رايحه بيت خالتها واهي ميته بجي -

( اوصلت بيت خالتها وامسحت دموعها ودقت على فجر )
روان : ( بصوت مبحوح ) فجر خليهم يطلعون انا بره
فجر : نزلي ليش تنطرين بره
روان : ماقدر خليهم يطلعون
فجر : روان اشفيج ؟؟ صوتج مو عاجبني .. نزلي قوليلي اشصار
روان : ( تبجي ) فجر والله تعبانه ماقدر انزل
فجر : خلاص انا الحين بييلج اقعد معاج لين يطلعون
روان : اوكي باي ( سكرت التلفون )
--
- بيت فجر –
فجر : ( حاطه على بجامتها عباية امها ولابسه ملفع ) خيريه جهزي الاغراض وقولي حق منول ومشاري يطلعون روان بره
ام محمد : وانتي وين على الله ؟؟ و شنو هاللبس ؟؟
فجر : بطلع اكلم روان بموضوع
ام محمد : واهي ليش ماتنزل ؟
فجر : مالها خلق خو مو غصب تنزل .. يللا بروح لها
ام محمد : خيريه عطيني فروس وروحي قولي حق اليهال ان روان بره
خيريه : ( عطتها فراس وكان حاط ايده بحلجه ) اوكي
ام محمد : ( توخر ايده ) وانت كله ايدك بحلجك
--

- بسيارة روان -

فجر : خلاص حبيبتي اهدي تلقينه معصب بس راح يرجع مثل قبل واحسن
روان : ( ميته بجي ) فجر ماشفتيه اشلون يكلمني .. قالي روحي موفقه
فجر : زين نزلي نامي عندي
روان : يبيني اهدهم وارجع معاه ماقدر اسويها .. ماقدر
فجر : انا راح اكلمه اذا شبك .. مسحي ادموعج ونزلي معاي
روان : ( تمسح دموعها ) ماقدر
فجر : بلى تقدرين .. بعدين انكلم عمج لا تحاتين شي
روان : فجر قلت ماقدر خلاص
فجر : روان لا تعاندين .. شوفي الحالة اللي انتي فيها اشلون تروحين اهناك ومرت عمج راح تغثج زياده انتي مو ناقصه
روان : ( ردت تبجي ) ماتدرين اشكثر محتاجه امي وابوي
فجر : ( دمعت عينها ) خلاص روان الله يخليج لا تسوين جذي بنفسج يللا نزلي حبيبتي انتي

- روان وفجر شافو اليهال يايين من بعيد جان يمسحون دموعهم –

مشاري : ( طق دريشه روان و بطلتها له ) روّوون عفيه عفيه عففففففففيه خليني انام بعد اليوووم باجر عطله
روان : ( بصوت مخنوق ) اصعد حبيبي
مشاري : ماراح اصعد خليني انام

( منال وخيريه وفراس اركبو وره )

منال : خلاص عاد لاتصير ياهل واصعد
مشاري : انتي مالج شغل اهي اختي الكبيره مو انتي
منال : تكلم معاي عدل فاهم
فجر : بس خلاص لا تتهاوشون .. ( تطالع روان ) روّون قلبي نزلي نامي عندي
روان : ( بصوت واطي ) ماقدر
مشاري : ( يصرخ ) امي كانت تخليني انام على كيفي .. ماحبج انتي نحيسه وكل شي احبه ماتخليني اسويه حتى بيتنا طلعتيني منه غصب

( كان كلام مشاري مثل القشه التي قصمت ظهر البعير , يعني بمعنى ثاني ان روان كانت غصب ماسكه نفسها وكلام مشاري خلاها تنهار )

فجر : خلاص روان عفيه هدي نفسج
روان : ( ميته بجي ) خلاص خليهم عندج انا باخذ فراس و اروح
مشاري : ( مصدوم ) خلاص روان والله انتي مو نحيسه .. لاتبجين
منال : اشفيج روان ؟
روان : ( امسحت ادموعها واسكتت شوي عشان تهدى ) مافيني شي حبيبتي نزلي مع مشاري باجر آخذكم
منال : لأ انا بروح معاج
فجر : روان خلاص عاد نزلي معاي
روان : اوكي ( طفت السياره ) يللا نزلوا

- انزلو كلهم ومشاري مسك ايد روان –

مشاري : والله العظيم انتي مو نحيسه بس كنت معصب وقلت جذي
روان : ( بصوت هادي ) خلاص حبيبي مافيني شي الحين
منال : ( امسكت ايد روان الثانيه ) تره هذا غبي مايقصد اللي قاله
مشاري : اي اي انا غبي والله
فجر : خلاص عاد لا تأذونها

- بيت ابو جاسم –

ام جاسم : شوف هذي حالتهم مايردون البيت الا متأخر
ابو جاسم : خلاص والله تعبت من حنتج
ام جاسم : و انت اشدراك انها عند خالتها ؟
ابو جاسم : اتقي الله يا مره اشهالحجي؟
ام جاسم : زين خلك جذي ياغافلين لكم الله
--

- غرفة فجر –

روان : اخاف يصر على رايه شسوي ؟
فجر : لا ان شاءالله راح يرجع لا تحاتين

( رن تلفون روان جان يفز قلبها وامسكته بسرعه وشافت الشاشة وطلع اللي داق عليها عمها حمد )

روان : ( متضايقه ) هذا عمي .. ومالي خلق ارد عليه
فجر : ردي قوليله انج بتنامين عندي
روان : ( ساكته اتطالع الشاشه )
فجر : يللا ردي قبل لا يتسكر
روان : ( ردت ) الو .. وعليكم السلام هلا عمي
ابو جاسم : هلا روان .. ها متى اتيون ؟
روان : عمي انا واليهال بنـّام اليوم اهني
ابو جاسم : لا يا حبيبتي ردوا البيت مايجوز تنامين من غير محرم

( روان اخنقتها العبره وماقدرت تتكلم بس أشرت حق فجر ان مو راضي )

فجر : ( اسحبت منها التلفون ) الو .. السلام عمي انا فجر
ابو جاسم : هلا يبه فجر اشلونكم؟
فجر : الحمدلله بخير .. بس الصراحه روان تعبانه نفسيتها وحيل متضايقه .. خلها اليوم تنام عندي وباجر ان شاءالله ترجع
ابو جاسم : ليش عسى ماشر اشفيها ؟
فجر : ماشر عمي .. بس شوي نفسيتها تعبانه بعد تدري اللي صارلهم موشويه
ابو جاسم : خلاص عطينياها ومشكوره يبه
فجر : ( عطت روان التلفون ) هاج وتره كل شي تمام
روان : ( خذت التلفون ) الو ؟
ابو جاسم : خلاص روان ناموا اليوم وباجر ترجعون ماشي يبه ؟
روان : اوكي عمي
ابو جاسم : يللا مع السلامه
روان : مع السلامه ( سكرت التلفون )
فجر : اشرايج فيني ؟؟ تره يسموني فجر طوارئ
روان : ( تبتسم ) وتقدر فجر طوارئ تنقذني بموقف ثاني؟
فجر : اكيد تقدر نطري بس خل يشبك واذا ماشبك انا ادق عليه حتى لو من تلفون الفرع واخليه يرجع
---

منال : خالتي؟؟
ام محمد : هلا يمه؟
منال : فروس قبل لا يسوي حادث كان يمشي الحين كله قاعد او يحبي .. يعني ماراح يرد يمشي مثل قبل؟
ام محمد : بلى حبيبتي بس لأن كان مده نايم فياخذ وقت وان شاءالله بيرد يمشي
منال : متى يعني؟
ام محمد : مادري بس قريب ان شاءالله
مشاري : اذا مشى يصير شيطان خلوه جذي احسن
ام محمد : لا حبيبي مشاري مايصير تقول جذي هذا اخوك
منال : ماشي انا اقول حق روان انك قلت جذي اخليها تزعل عليك مره ثانيه
مشاري : خلاص والله كنت اتغشمر لا تقولين لها الله يخليج
منال : تعطيني مصروفك لمدة اسبوع وما اقول
ام محمد : ( تظحك ) يحليلكم والله جني اشوف توم و جيري كله نجره
--
- اليوم الثاني –

( روان واخوانها ارجعوا البيت )
ام جاسم : ( بطنازه ) تو مااانور البيت اهلا وسهلا
روان : ( شايله فراس ) السلام عليكم
ابو جاسم : وعليكم السلام ورحمة الله .. ها يبه اشلونج الحين؟
روان : الحمدلله بخير
ابو جاسم : تعالوا قعدوا يمي يبه
( راحوا اقعدوا يمه )
ابو جاسم : يبه تره انا مو غريب عنكم انا عمكم واحبكم مثل ما احب جاسم وهلا
فراس : ( مسك لحية عمه ) داااد دااا
روان : ( تمسك ايد فراس ) لا ماما عيب
فراس : ايب
روان : ( تظحك ) اي ماما عيب
(مشاري ومنال قاعدين يظحكون على فراس )
ابو جاسم : اي جذي يبه وروني ظحكتكم ماتدرون اشكثر ارتاح اذا شفتها
روان : الله يخليك لنا ان شاءالله
ابو جاسم : ان شاءالله ويخليكم سالمين من كل شر

- بعد 3 اسابيع –

باللليل روان كانت اتدز مسجات حق بدر واتدق عليه وكان محول مغلق لأن المسجات كانت توصل فيبين ان محول
( بعد فتره وصل لها مسج )

روان : ( واهي تبطله ) يارب يكون من بدر
- المسج -
" روان والله اني تعبت و فكرت فيها وايد ولقيت اني مستحيل اخليج 4 سنين بعيده عن عيني "
- ردت عليه –
" الله يخليك رد علي بكلمك وغلاة اللي بينا اترد علي "

( دق عليها )

روان : الو ؟؟
بدر : ( صوته تعبان ) هلا روان
روان : ( بجت ) ماكنت متخيله اني راح اسمع صوتك .. امانه بدر لا تخليني والله احبك
بدر : ماقدر انا خليتج جم شهر حسيت عقلي بيطير وانتي بديره ثانيه .. بعد ماكنتي قريبه مني وكل يوم اشوفج والله صعبه اخليج ومادري شيصير ومحد ضامن عمره وماقدر اعلقج كل هالسنين
روان : انا مستعده انطر لو العمر كله مايهمني
بدر : بس انا يمهني .. روان انتي اللي كنتي ماسكتني عن اشياء وايد حتى ربعي اللي اهناك والله قاطعتهم عشانج والسبه سوالفهم .. و ماقدر اكون اهناك وقلبي اهني راح اتعب اكثر
روان : بس انا راح انطرك
بدر : روان بقعد معاج سنه وقرري فيها اتيين معاي بعدها او خلاص الله يوفقج
روان : ( تبجي ) بدر انا ماراح اخليهم واسافر
بدر : زين لو خذتج بعد 4 سنين وقلت نبي نسافر عندي شغل بره او بنسافر سياحه لمدة 3 اشهر نفتر العالم او أي شي من اللي خططنه له شيكون ردج ؟
روان : ماقدر اخليهم
بدر : خلاص عيل الله يوفقج
بدر : ( ميته بجي ) بدر لا تتخلى عني الله يخليك انا محتاجتك
بدر : وانا بعد محتاجج .. ابيج تمسكيني .. مو تخليني بروحي بره اخاف اسوي أي شي تعتبرينه خيانه لج وهم بنفس الوقت ماقدر اخليج اهني ومادري شيصير 4 سنين تره مو شويه.. وبغض النظر عن كل هذا انتي قاعده اتقولين حتى لو تزوجنا ماراح نطلع بره الكويت ؟؟
روان : اي ماقدر اخليهم افهمني الله يخليك
بدر : ( يتنفس بعصبيه ) خلاص روان أحسن شي كل واحد يشوف حياته والله يوفقج
روان : بدر لا تقول جذي اترجاك
بدر : تره اخوانج عند عمهم مو قاطتهم بالشارع .. فكري بكلامي ورديلي خبر قبل لا اسافر مع السلامه ( سكر الخط )

- روان لمت مخدتها واقعدت تبجي مثل اليهال –

~~~~~~~~~~~~~~~~~~~

كلن له الله لو تخليت عني
محدن يموت يا صاحبي قبل يومه
مادام قلبك جرح قلبي و طعني
ما اشره على إنسان بعدك و ألومه
كل المصايب دلن طريقي وجني
و الحزن أرسل لي باقي همومه
من كثر همي أحس الهم مني
لاغآب هم ٍ يجي هم يعلن قدومه
شمت كل عدآي وخيبت ظني
والقلب حطمت به باقي عزومه
تعآل شوف اليآس حلّ وسكنـّي
والجسم مايقوى يرفع هدومه
~~~~~~~~~~~~~~~~~

- منال دشت عليها وشافتها جذي –

منال : ( اقعدت يمها عالسرير ) روان اشفيج؟
روان : ( تمت دافنها راسها بالمخده بس امسكت بجيتها ) مافيني شي حياتي روحي لعبي تحت
منال : ( اتنعم على شعر روان ) صارلج جم يوم تبجين حتى بالليل اسمعج تبجين .. اشفيج اشتقتي حق امي وابوي ؟
روان : ( ردت تبجي وقامت لمتها ) مافيني شي بس البجي حزات يريح
منال : ( صوتها بدى يتغير جنها بتبجي ) انا ادري ان خالتي ام جاسم اهي السبب .. روان خلينا نرجع بيتنا
روان : ( امسحت دموعها ) مانقدر

- دش مشاري يركض –

مشاري : والله العظييييييم تعالوا معاي تشوفون شي حلو تحت
روان : ( تبتسم ) شنو والله العظيم تعالوا معاي ؟
منال : اي والله جنك هندي
روان : ( امسحت دموعها عدل و امسكت ايد منال ومشاري ) يللا ننزل

( انزلوا لقو فروس واقف وماسك ريل خيريه )

خيريه : توه يمشي شويه شويه
روان : ( اقعدت على اركبها ومدت ايدها واهي مبتسمه حيل ) فروسي تعال حبيبي
فروس : ( مشي 4 خطوات ) مااماا واان (وبغى يطيح جان تمسكه )
روان : ( لمته وماتت بجي ) حياتي انت
مشاري : روان ليش تبجين؟؟
روان : لأني احبكم تعالوا ( مدت ايدها لهم )

( مشاري ومنال اقعدوا يمها ولموها وبحضنها فراس )

روان : والله ماراح اخليكم .. انتوا دنيتي كلها

- ارفعت راسها شافت جاسم واقف يطالعها ويبتسم –

جاسم : الله يخليج لهم ويخليهم لج

----------------------------------------------------------

 

[ام هديل 87]

البارت حده ينن
بس نبي بارت ثاني ضريبة التاخير
نوم العوافي حبيبتي

 

[cute princess]

ريرييييييز نايس بارت حبيبتي والله شوي وابجي كله منج كابتيني لووووول

 

[انا خطر]

وااااي يا حلاتهم

و لما الحين ما عرفنا شنو راح اتسوي ؟؟؟

نا طرينج باجر

لا تنسينا عفية

 

[Danya =)]

ياربي البارت حددده يبجيييييي

مسكيينه روان كسرت خاطري مع اخواانها

وشكله جاسم بدى يحبها

واتوقع ان بدر راح يخلي روان وجاسم بياخذها

تسلم اييدج حبيبتي عالبارت

ويعطييج العافيه

 

[روح كويتيه]

نوم العوافي

عيني دمعت من نهايه البارت والله تخيلت الموقف جدامي


بدر عللللللللللللللللللللله غثني غثني غثني

عطيييييني رقمه

 

[UNiQe^PRiNceSs]

ريرييييييييييييييييز حرام عليييج والله
قاعده اتخيل موقفها مع اخوانها اخر شي لااااا الله يكون بعونها والله
مسكينه
ثانكس على البارت يا قلبي
كملي ناطرييينج ;********

 

[um hamed]

ريريز نووم العواافي
الباارت حده عجييييب يعوور القلب
الله يعينهاا رواان بس شكلها بتتزوج جاسم
والله يعينهاا على مغثة امه

 

[Low_Fat]

مليييييييييييييييييييييييييييييق بددددددددددددددددددددددر
يسلمووو عالبارت
حسيت بغصه بس ما بجيت

 

[سيتي]

القصة حدددها عجيييبة تسلم ايييدج حبيبتي

مسكييينة روااان البااارت يبجيي حدددده

الله يعييينها مسكييينة تكسر الخااطر بس شكله ما راحت تاخذ بدر وبتاخذ جاسم

يعطيييج العااافية على البااارت الحلووو

نااطرينج

 

[هاناا]

خوش باااارت


راح ابجي على حال روان


حلها الوحيد تتزوج جاسم


بلا بدر بلا عوار قلب


نوم العوافي


ترى ناطرين البارت باجر


لا تتأخرين

 

[madam_chocolate]

ثانكس عالبارت...متابعه​

 

[zooz92]

وييييي بدر ليش يسوي جذي حرام مسكينة

شكلها بتحب جاسم وبحبها بس مسكين شكله خوش صبي

يسلموو على البااارت

ناطرينج

 

[over love]

البارت اينن الله يصبر قلب روان ويعينها وبصراحه بدر ماله حق بالى سواه والى يقوله !

صح اربع سنين مو شويه بس هم مو وايد اذا كان يحبها صج

الحب تضحيات وتنازلات ومواقف وله عتبارات

والأربع سنين اقل شي يقدمه لها لو كان يحبها ويبى يواسيها بضروفها ومعاناتها ويثببت لها أن يبيها

 

[baby johnson]

امبييييييييييييه
قاعد ابجي من قلبببببببببب
شنوو هذي روان والله تعور القلب

اخييييييييه
حبيبتي والله الله يعينها
وعورت قلبي اكثر يوم قالها فرووس ماما روان




مشكووووووووووووره ريري

 

[أميرة البجع]

وااااااااااااااااي روعة روعة
مشكورة عالبارتات اللي تهبل
والله احترت منو أحب بدر؟؟ والا جاسم؟؟
يلا ناطرينج لا تتأخرين

 

[com-teacher]

تسلم الايادي