روايتي الثانية ...(( ضاعت حياتي بلحظة )) ... قصة واقعية .. ReRez

[miss disaster]

ويينج؟

ناطريين

 

[ReRez]

ادري تأخرت بس كنت ادرس اخوي الصغير امي زفتني وقالتلي ادرسه وحتى للحين ماخلصت منه بس قلتله ابي بريك

المهم الحين انزله يعني ربع ساعه بالكثير لا تعصبون برب

 

[بلووونه]

ناطلرين البارت ترى صارت 10

 

[ام جنه]

روري ترى بتنزفين صارت عشر وربع

 

[انا خطر]

الذين تشاهدون محتوى الموضوع الآن : 20 ( العضوات 5 والزائرات 15)
‏انا خطر, ‏دانه الاكوله, ‏om_7amo0od, ‏عاشقة^القمر, ‏عطر مذهب


ناطرين ريريز

 

[miss disaster]

الذين تشاهدون محتوى الموضوع الآن : 19 ( العضوات 5 والزائرات 14)
‏the baby, ‏دانه الاكوله, ‏om_7amo0od, ‏عاشقة^القمر, ‏عطر مذهب


ترى كل هذول ناطريين يلا لا تطوليين

يلا عشان ابي انام واري ثانويه

 

[weekend]

ناطرينج حبوبة

 

[بحرينية اصيله]

ريريز ناطرينج

 

[ReRez]

اليوم يمكن اتشوفون البارت نفس اللي قبله تقريبا بس قلت لازم احط لكم اللي صار لأن من البارت الياي تغيرت حياة روان
----

** البارت الرابع عشر **

- ارفعت راسها شافت جاسم واقف يطالعها ويبتسم –

جاسم : الله يخليج لهم ويخليهم لج
روان : ( تمسح دموعها ) تسلم جاسم
جاسم : ها اشفيكم قاعدين عالأرض ؟
مشاري : فروس مشى
جاسم : ( شال فراس من حضن روان ) عفيه عالبطل
فراس : ( يظحك ويمسك خشم جاسم )
جاسم : عجبه خشمي لأن وايد صغير ( يتطنز طبعا )
- جاسم طويل و عريض بس ضعيف .. اسمراني شعره اسود كثيف .. عيونه بنية خشمة نوعا ً ما اعظمته كبيره ( نوعا ً ما ) مو حيل يعني و مو مخرب عليه .. يعني اهو كله على بعضه لا باس فيه –
روان : ( ابتسمت وقامت اقعدت عالقنفه )
جاسم : ( قعد يمها وبيده فراس ) روان انا ما احصلتلي فرصة اقعد معاج واكلمج .. بس الحين بسألج سؤال وابيج تجاوبين عليه بكل صراحه .. امي مضايقتج صح ؟
روان : ( اتطالع منال ومشاري قاعدين عند التلفزيون ) لا ماضايقتني
جاسم : روان آنا قلت ابيج تكونين صريحة معاي .. كلنا ندري انها مضايقتج وادري انج بجيتي بسبتها .. بس والله اهي انسانه طيبه من الداخل بس مادري اشفيها
روان : لا عادي ماصار شي يستاهل
جاسم : امي وابوي مو اهني ؟
روان : لا طالعين
---

- بيت ابو محمد –
( فجر قاعده مع اهلها يتعشون جان يرن تلفونها )

فجر : ( طالعت الرقم بس ماعرفته حطته ميوت ) الحمدلله انا شبعت
ابو محمد : يبه خلي عنج التلفون وكملي عشاج
محمد : واصلا شكو يايبه التلفون معاج عالطاوله ؟
فجر : روان متضايقه و أي وقت اتدق علي لازم ارد عليها
ابو محمد : زين كملي عشاج بعدين دقي عليها
فجر : اوكي
ام محمد : اي والله هالبنت وايد تكسر الخاطر .. الله يكون بعونها حست بالشقى واهي للحين ماتزوجت
ابو محمد : افا اشقصدج ؟
ام محمد : لا والله حشى ماقصدت اني بشقى .. بس اقصد مسؤوليه واعيال وتربيه وتدريس كل هذا حسته مره وحده حتى قبل لا تتزوج وتحمل
ابو محمد : الله يكون بعونها ويصبرها
ام محمد : والله لو محمد كبير جان زوجتها اياه عشان اتطمن عليها
محمد : زين ما انفع حق منال ؟
ام محمد : وييي .. هذي السـ..
فجر : ( انصدمت ) حموود استح على ويهك البنت ياهل ويع لوعت جبدي
ابو محمد : مسكين اشقال وبعدين بينهم سنتين عادي يكبرون ويتزوجون
ام محمد : اي والله هذي الساعه المباركه تكبر وانزوجكم مالك شغل باختك

( رن تلفون فجر نفس الرقم اللي قبل شوي )
فجر : ( قامت ) يللا الحمدلله .. لازم ارد عليها
----

- بيت ابو جاسم –

جاسم : زين انا بطلب شنو تبون عشى ؟
فراس : ( يقط نفسه على روان ) ماما وااان
روان : ( خذته من جاسم ) لا تسلم مانبي شي سلامتك
جاسم : ( جنه ماسمعها ) مشاري منول ؟؟ شنو تبون من المطعم
مشاري : أي مطعم ؟
جاسم : شنو تبي تتشرط يعني ؟؟ يبه مطعم فلافل وبطاط
مشاري : عندهم نقانق ؟
جاسم : اي عندهم
مشاري : زين ابي ثنتين مع كجب وجبن ومايونيز
جاسم : وانتي منول؟
منال : مثله
جاسم : ( يكلم فراس ) وانت ؟
روان : ( تبتسم ) لا هذا طلبه خاص سيريلاك وحليب
جاسم : زين وانتي ؟
روان : لا ما اشتهي تسلم
جاسم : يللا عاد طلبي عشان اخوانج
( روان قاعده تفكر ببدر ومتضايقه لانها تدري ان مايرضى تسولف مع جاسم )
روان : ( اوقفت ) لا مشكور مابي .. بصعد اغير حق فراس عن اذنك ( اصعدت وخلته بالصاله مع اليهال )
---

- غرفة فجر –

فجر : لا ماعرفتك منو معاي ؟
بدر : معاج بدر
فجر : ( انصدمت ) هلا بدر اشلونك ؟
بدر : تعبان
فجر : تره ما اسمعك عدل عندك هوا او شي مادري
بدر : اي انا عالبحر الحين رايح السياره
فجر : اوكي
بدر : ( ركب السياره ) اي فجر
فجر : هلا
بدر : انا قبل شوي مكلم روان مادري قالتلج او لأ
فجر : لا والله ماقالتلي
بدر : فجر انا اللي سويته صح او غلط
فجر : تبي الصراحه ؟
بدر : اكيد
فجر : اللي سويته حيل غلط .. اشلون تتخلى عنها واهي محتاجتك ؟
بدر : محد راح يفهمني .. بس انا ما اتحمل تبعد عني يوم واحد اشلون تبوني اخليها 4 سنين ومادري شيصير لها وبعدين
4 سنين تره عمر ومابي اعلقها كل هذا من غير زواج
فجر : عادي اهي راضيه و كلمها كل يوم بالنت و بالتلفون بس مو تهدها
بدر : صعب علي انا احترق من داخل اذا شفت احد يكلمها هذي واهي يم عيني اشلون اخليها واسافر كل هالمده ومادري شيصير ؟؟
فجر : ليش مو واثق فيها ؟
بدر : مو سالفة ثقه بس صعبه علي .. واذا ماتبي نتزوج خلال سنه خلاص خل اشوف حياتي و اهي اتشوف حياتها
فجر : زين عيل ليش داق ؟ اذا مو ناوي تحل المسأله
بدر : داق اسألج سؤال عشان اتأكد اللي سويته صج ولا غلط
فجر : شنو بتسأل
بدر : لو خليتها 4 سنين ورجعت وتزوجتها ورحنا سكنه بشقه .. اخوانها وين بتخليهم ؟
فجر : عند عمها اصلا اهو قايل لها انهم راح يكبرون تحت عينه
بدر : متأكده انها بتوافق اتخليهم ؟
فجر : اي اكيد بعد شتسوي مو معقوله تسكنهم معاكم بشقتكم
بدر : اوكي الحين اكلمها مشكوره
فجر : العفو .. مع السلامه
---

( روان نومت فراس وانسدحت يمه جان يرن تلفونها )

روان : ( قلبها يرقع وردت على طول ) الو ؟؟
بدر : اشلونج روان
روان : ( عيونها دمعت ) ولا شي من بعدك
بدر : روان لو فرضت اني بتحمل اعيش بروحي وبعيد عنج كل هالوقت .. ورجعتلج وتزوجنا .. فكرتي وين بيكونون اخوانج ؟
روان : معاي
بدر : بشقتنا يعني ؟
روان : لا في بيتنا اللي خليناه
بدر : يعني اسكن ببيت مرتي ؟
روان : اي عادي
بدر : اول شي مو عادي عندي .. ثاني شي تتوقعين عمج بيخليهم عندج؟
روان : ( بجت ) اذا ماعطاني اياهم مستعده ارفع عليه قضيه بس لا تخليني
بدر : متأكده ؟
روان : اي والله متأكده بس الله يخليك لا تخليني انا ماقدر اعيش بدونك
بدر : اوكي ماراح اخليج
روان : ( تظحك وتبجي بنفس الوقت ) صج ؟؟
بدر : اي صج .. وتره عقب باجر مسافر
روان : اقدر اشوفك قبل لا تروح ؟
بدر : ( متضايق ) لا باجر مشغول مع الاهل
روان : ولا حتى 10 دقايق ؟
بدر : احاول يللا مع السلامه ( سكر الخط )
( روان لمت تلفونها واهي تبجي ماتدري من الوناسه ولا من الضيق )
----

- ثاني يوم –
( روان داقه على فجر )

روان : بروح الحين اشوفه .. ماتدرين اشكثر ولهت
فجر : ادري والله ادري والحمدلله رجعتوا حق بعض
روان : ( تظحك ) زين الحضانه تستقبل يهال اليوم ؟
فجر : وانا اقدر اقول لأ ؟؟ والله ابتلشت فيكم انتو الاثنين
روان : حياتي فجر ماتدرين اشكثر وجودج يمي مهون علي
فجر : ( تظحك ) بس عاد اخجلتي شعوري .. ييبيهم ناطرتهم وخصووصا فروس المتروس
روان : فجور قولي اشاءالله
فجر : ماشاءالله لا اله الا الله زين جذي ؟؟
روان : فجور اخليج الحين .. بدر خط ثاني
--
بدر : ها متى تطلعين ؟؟
روان : ( تبتسم ) الحين اقطهم واطلع
بدر : اوكي
روان : ماسألتني منو اكلم ؟؟
بدر : مايهم يللا ناطرج بنفس المكان ( سكر التلفون )
( روان انصدمت من اسلوبه بس طوفت )

- قطت اخوانها واسفطت يمه وانزلت اركبت سيارته –

روان : ( طالعته وامسكت ايده ) الله لا يحرمني منك
بدر : ( مبين انه متضايق ) اشلونج ؟ واشلون اخوانج
روان : بدر اشفيك متغير علي
بدر : لا ماكو شي بس مستعيل شوي مسويلي عشى وبييون الربع
روان : متى طيارتك ؟
بدر : الفير
روان : راح اشتاق لك
بدر : ( ساكت )
روان : راح تشتاق لي ؟؟
بدر : اي
روان : احبك
بدر : يللا روحي تأخرت
روان : ( حست بغصه ودها تلمه وتبجي ) بدر
بدر : ( عينه عالسكان ) هلا
روان : ( قربت يمه تبي تلمه ) لمني قبل لا تروح
بدر : ( طالعها مده بعدين لمها ثواني ووخر عنها )
روان : ماعجبتني هاللمه
بدر : روان انا مستعيل روحي يللا
روان : اوكي توصل بالسلامه ( باست ايده وانزلت وادموعها بعينها )
---

- بعد شهر .. في بيت فجر –

روان : ( تبجي ) تعبت فجر والله تعبت مايكلمني عدل ومايشبك واذا دزيت 10 مسجات يرد عليهم بمسج واحد ويكتب انا مشغول .. ليش جذي يعاملني ؟؟
فجر : مادري عنه .. حتى انا ما اشوفه يشبك .. خلاص اهدي روان لي متى بتمين على هالحال
روان : لين يردلي بدر اللي عرفته
فجر : بدر هذا غير .. هذا يبيج تسافرين معاه وتهدين اللي وراج ودونج
روان : بس انا ماقدر اهد كل شي واروح معاه
فجر : ادري بس خلاص حبيبتي هدي نفسج
روان : ( تمسح دموعها ) يللا لازم امشي
فجر : تو الناس
روان : اليهال بروحهم بالبيت وماحب اخليهم مع مرت عمي
فجر : اوكي مع السلامه
----

- غرفة روان -
( روان مقعده يمها فراس وماعطيته دفتر وقلم )
- امسكت تلفونها و دزت حق بدر مسج -

" بدر الله يخليك اترجاك اتقولي اخبارك اشفيك شاللي مغيرك علي "
( دق عليها )

روان : الو ؟؟
بدر : ( صوته معصب ومتضايق ) روان بتكلم وانتي بس اسمعيني لا تقاطعيني
روان : اوكي
بدر : انا تعبت وماني متحمل هالوضع .. امس كنت سهران عند ربعي ماغيرهم اللي منعتيني عنهم .. سهرت عندهم عشان ما افكر فيج .. حاولت امنع نفسي بس ماقدرت كنت ابي الهي عمري بأي شي حتى لو بالخراب
روان : ( دموعها تنزل ) بدر يعني انت ..
بدر : ( يصرخ ) قلتلج لا تقاطعيني .. مالج شغل شنو صار اهناك .. أي شي صار فهو بسبتج انتي .. و حسافه طلعت رخيص عندج لهالدرجه
روان : ( بجت ) بدر انت اشقاعد تقول ؟؟ تراهم يتامى و مالهم غيري
بدر : ( يصرخ ) اوووووه .. شنو مالهم غيري جم مره افهمج انهم عند عمهم يخاف عليهم مثل مايخاف على عياله
روان : ( تبجي زياده ) بس انت وعدتني ماتتخلى عني
بدر : اي صح وعدتج بهالشي .. وراح اتم معاج بس نكون ربع تسألين عني اسأل عنج ناخذ اخبار بعض بس لا اكثر ولا اقل
روان : اشلون يعني ربع ؟؟
بدر : يعني اسوي اللي ابيه وسوي اللي تبينه .. ومتى ماتبين تكلميني راح اكون موجود
روان : ( اسكتت من الصدمه بس دموعها تنزل على خدها )
بدر : سامعتني ؟
روان : تتوقع اقدر اكون صديقتك بعد ماكنت حبيبتك ؟؟
بدر : ( متضايق ) اي تقدرين
روان : ( امسحت دموعها ) لا ما اقدر .. خلاص موفق يابدر
بدر : متأكده ؟؟
روان : اي والله موفق دير بالك على نفسك
بدر : اوكي موفقه انتي بعد .. مع السلامه ( سكر الخط )

( روان اتطالع التلفون ودموعها معلقه بعينها بس امسحتهم وخذت نفس عشان ماتبجي )

فراس : ( قط راسه على حضنها ) ماما وااني
روان : ( شالته وباسته ) من اليوم بعيش غير .. بعيش لكم وبس .. بدر مات خلاص
---------------------

ابا عز الدموع الي غشت خدي عقب فرقاك
واداوي نزف جرح سال دمه من شرايني
واعز النفس عن حبك مادام اني عجزت القاك
تعبت من الصبر واتعبت من كثر السهر عيني

تعبت استعطفك وارجيك وامشي في سبيل ارضاك
وتلعب بي على كيفك تبعدني وتدنيني
تحملتك وانا صابر وادور لك عذر لخطاك
ولكن مانفع صبري معك واليوم يكفيني

خلاص اليوم قررت انسحب من دنيتك واسلاك
ابا ارحل منك فد لو صاح لي صوتك يناديني
ابرحل للبعيد اللي ينسيني اسى ذكراك
وابترك كل شي منك لا شفته يبكيني

اغنية يديده ( حسين الجسمي ) بالظبط على موقف روان بس اتعب اقول روعه
~ اهداء~

http://song72.6arab.com/jasmi_t3bt.rm

(( مشكوره يونيك عالاغنية فديتج ))
:tek:

 

[miss disaster]

ثانكيو على البارت

والاغنيه عجيبه


وناطرينج باجر

 

[Ms.PinK]

Thnxxx waid
na6reeen the next one

 

[ام جنه]

بدر شفيه جذي بدى يطيح من عيني ترى
حراام يا رواان ما تستاااهل ولا القهر انها بايسه ايده
يسلموووووووووووووو حبوبه

 

[shaja]

امبيه الاغنيه اقمتتني اتعور القلب .. ليش بدر صار جذي ما يستاهلها..!!!

مااقدر اقول الا انه كل يوم البارت يكووون ابــــــــــــــــــــــــــداع

وثانكيوو قلبي بس اليوم من صج بجيتيني

 

[ملآمح يوسفيه]

مفروض بدرر يقول وجهة نظره ورايي بالعلاقه باسلوب ثاني

بعيد عن الصراخ وتبهذل

الله يعينها روان





​

 

[weekend]

يعطيج العافية عالبارت

وبدر خلاص صج قام ينرفزني :eh_s(14):

الصراحة مو حسافة عليه لما تهده بين شنو معدنه

أنا لو مكانه صج بتضايق من وضعها مع اخوانها بس مو اهدها وي ويها <<< هدوني ترا حدي معصبة :eh_s(14):

 

[MISS.D&G]

وااااااااااااااااااااي آخ يا قلبي
:0bee2e8d89:
شقول بعد ما اقول الا ناطرين البارت الياي
:0bee2e8d89:
:0bee2e8d89:​

 

[أميرة البجع]

لالالالالالالالالا ريريز حيرتينا
مرة نقول بيردون ومرة يهدون بعض
الله يعين روان مسكينة
يلا ناطرينج حبي

 

[zooz92]

مسكيييييينة حرااااام ليش بدر يسوي معاها جذي صج تكسر الخاطر

مشكووورة حووبي على الباااارت

نااااطرينج

 

[over love]

بدر لو بطلق العنان لنفسي راح ادش فيه جهنم

مالت عالحب الى جذى والله مايعرفون الحب ولايفهمونه الحب أكبر من تفاهته

روان حطمتنى حيل

مادرى شقول مشكوره ريريز

 

[صباح الليل]

ابييييه شي يعور القلب
هذا الحب وما يسوي
مايجيب الاعوار الراس

متى يصير باجر الساعه تسع

شكل البارتات الجايه واااااااااااااو

تكفين نزلي لنا بارت
عربون صداقة يعني ولا مانستاااهل