قسمي معاشج وعن خبرة مع @ الرسامة @

[الملكيييية]

اذا معاشج بس 500 دينار
والقسط 160
والفيزا 100
والخدم 70
شنو يبقى؟؟؟؟؟؟؟؟؟؟

الباقي 170

يكفي للجمعية وطلعات اليهال وطلباتهم ؟؟؟؟؟؟؟؟؟؟؟؟؟؟

مالها حل

 

[وسن 11]

ابي الرابط مره ثانيه ...مو قاعد يفتح معاي؟؟

 

[الغــ مرت ــالي]

مشالله عليج اختي الرسامه
انشالله بحاول اني اوف واتبع خطواتج من هالشهر

 

[@ الرسامة @]

حياج الله وبالتوفيج

 

[غلاتي الكويت]

انا معاشي 400

ومو متزوجه وما علي اقصاد

150 دينار داشه فيهم جمعيه

وكل شهر 50 دينار مكالمات


يبقالي 200 تروح كلها على الطلعات والمطاعم والبانزين


بحاول اييمع منها ماكو فايده


حاطتلي حصاله بس ما قطيت فيها الا 5 دنانير يمكن لووول


بحاول ايمع لي مبلغ محترم حق العازة


وانا مفكرة اول ما استلم الجمعيه بقطها بالحصالة على طوول

 

[قمه النعومه و الأنوثه]

:eh_s(17): مشكوره الرسامه على الموضوع وعلى الفكره ومشكورين بنات على الأفكار موضوع عجيب ...ان شاء الله بحاول.:eh_s(17):​

 

[الكناري]

خلوني افيدكم بتجربتي انا قمت اقسم معاشي على الاسابيع

يعني احطلي اربع مضاريف واقسم المبلغ المتبقي من المعاش طبعا بعد توزيع الاقساط ورواتب الخدم والاستقطاعات اقسم المتبقي على اربع اظرف
يعني مثلا اخليلي مصروف 200 دينار واقسمهم على اربع مظاريف كل ظرف فيه 50 دينار واحسب ان راتبي اسبوعي مو شهري:eh_s(15): :eh_s(15): :eh_s(15):
وكل اسبوع اطلع ظرف
تدرون ان حسيت عندي فاااااااااااااااااائض مالي :eh_s(9): :eh_s(9): :eh_s(9
جربوا هالطريقه وادعوالي:eh_s(17): :eh_s(17): :eh_s(17):

 

[غلاتي الكويت]

بجرب الطريقة ان شا الله مالت الاظرف

 

[غلاتي الكويت]

بجرب الطريقة ان شا الله مالت الاظرف

 

[ضحكة الدنيا]

مشكووره حبيبتى الرسامه على الطريقه الحلوه
وانا اعجبتنى بعد طريقة الاظرف

 

[@ الرسامة @]

انا سامعة عن قصة الاظرف
ووايد بنات ماشين عليها وفايدتهم

 

[النبع الصافي]

يعطيج العافيه وفكرة المظاريف حلوه

 

[الحنونة]

ماشاء الله عليج يالرسامة

موضوعج ضرب على الوتر الحساس

أنا بصراحة مسرفة حدي

واول ماشتغلت يمعت مبلغ زين

وماكان عندي اقساط ولاشي

بعد جم شهر خربت التيمع ورديت على التفسف

بس بعدين دشيت جمعية ب100 وأنا موعدي قبل الاخيرة

وبصراحة مادي شبسوي فيها!!

وصار عندي قسط سيارة

عالأقل قسط احسن من الاسراف واللعب بالفلوس

----------------

بس صارلي مدة اقرى وابحث عن التوفير

تدرون شنو الطريقة المهمة اللي اتفق عليها الكل

(دفتر الميزانية)

تكتبين كل شي بدفتر

عشان تعرفين الخلل وتتبين ميزانيتج

لذلك قررت

معاش هالشهر بكتب

كل فلس شسويت فيه

وبجرب بعد طريقة الأظرف

والله كريم

-----------------خواتي زودونا بأفكاركم

 

[@ الرسامة @]

الحنونة

اذا بتكتبين كل شي راح تزهقين بالاشهر الياية

عندي لج طريقة

مثلا اذا بتشترين بدل ومكياج وبدل حطي لج مثلا مبلغ معين بس لا تحددين
يعني مو اذا صرفتي دينار كتبتي

يعني حطي بنود
بند المصاريف
بند الشخصيات ( ملابس وغيره )
بند التوفير


وحطي المبالغ يمها بحيث ماتطلعين من هالمبالغ

 

[كويتية أصيلة]

بصراحه انا ما قريت الردود كلها

بس قريت سالفة الاظرف هذي انا مجربتها يوم كنت بنت وايد وايد حلوه الطريقه

احط كل ظرف حق شي معين واصرف منه مثلا ظرف البانزين ظرف مصاريف الجمعية وجذيه

واللي يزيد من الاظرف كل شهر ادخله البنك طبعا حساب غير حساب المعاش واحط غيره اذا نزل معاشي بالاظرف وهكذا

تلقين نفسج يمعتي وانتي ما تدرين

 

[@ الرسامة @]

مشكورة على المشاركة

واتمنى من باجي البنات يعلمونا بطرقهم الخاصة للتوفير

 

[poneta]

يعطيج العافية

 

[كيوت_25]

موضوووووووووووع اكثر من رائــــــع


تسلمين يا الرسامه


انا ملاحظه مواضيعج ما شاء الله كل واحد احلى من الثاني



و يا ليت من المشرفات يثبتون هالموضوع لانه جدا جدا مفيد



وانا بقولكم قصتي مع التوفير



انا مو ظفه صار لي 4 سنوات عمري ما وفرت فلس


و توظفت بشركه اغلبها وافدين و خاصه الفلسطينين



امبيه ما تصدقون اشكثر يوفرون!!!!!


معاشاتهم ربع معاشاتنا ويوفرون بالالاف !!!!!


و الله يجزاها خير كانت معاي موظفه فلسطينيه حرمه عوده ناقشتني بهالامور


و قالت لي انتو يا الكويتين ما تعرفون توفرون ((و اهي صاجه))



و تقول ان راتبها 300 تصرف 100 و توفر 200 !!!



ادري بتقولون هم مصاريفهم غير عنا مو مثل مصاريفنا



بس الفكره انه التوفير عندهم شي اساسي و بمبالغ كبيره مو صغيره و تقول انها حاطه خطه معينه يعني مثلا بالشهر تروح مره السينما و مره تاكل بمطعم مع رفيجاتها تستانس وتصرف بحدود ال100 فقط لاغير


و الحين شوفوا الودايع الي عندها و شوفوا البيوت والاراضي ما شاء الله


و انا خلف الله علي



تصدقون ان معاشي








850 د ك





مو موفره ولا ربع دينار



اللهم قبل جم شهر نزل البونص والحين اقولكم اشسويت فيه مع تسلسل القصه


<<<<< قــــــصــــــــه !!!!!! وييي الحجيه مطوله بتقول قصه حياتها :eh_s(14):



امبيه ادري طولت عليكم بس شسوي يا بنات و الله الموضوع حده ضرب على الوتر الحساس :eh_s(3):


المهم يا محفوظين السلامه


اول شي تسوينه عشان توفرين انج تحطين فبالج مبلغ معين تبين توصلين له بنهايه مده معينه او يكون فبالج هدف يعني مشروع معين او شغله غاليه بتشترينها عشان و انتي تيمعين هالشي يشجعج انه كل فتره لما تحسين انج مليتي و ودح تفسفسينهم !!

بس لما تشوفين جم يمعتي و جم باقي عشان توصلين حق المبلغ الي حاطته فبالج فتتحسفين انج تصرفينه الين تكملين المبلغ كله:eh_s(15):

<<< وااااي هالفقره مو جنها لغز ..... لوووووووووول


شوفوا انا عن نفسي هدفي الرئيسي اني




اشتري شقه بالكويت



و طبعا عشان اوصل حق الهدف الرئيسي لازم احقق اهاف ثانويه خطوه بخطوه توصلني لهدفي الرئيسي بإذن الله


الاهداف الفرعيه



الهدف الاول

كان هدفي ايمع اول ألف دينار و احطها ....




(( وديعه )) ...





إي إي وديعه علامكم تخزوني:eh_s(13): .....


إي يبا في وديعه في بنك التمويل تبدأ من الف دينار الى 4900 دك حق صغار المستثمرين الي نفسنا :eh_s(22):

و اخترت احطها وديعه عشان لو تنقلب الدنيا ما اقدر اجيسها :eh_s(4):



الهدف الثاني :

واااااااااااااااي تعبت و انا اكتب خل ارتاح شوي و بعدين

اكملكم اهدافنا و خطتنا الماليه الي راح تخلينا ......





مليونيرااااااااااااااااااااات :eh_s(20):



<<<< اشدعوه عليج اخاف صج :eh_s(3): ​

.

 

[كيوت_25]

عـــدنـــا :eh_s(3):


الهدف الثاني

اكمل توفير بحساب توفير وكل ما انتهت سنه الوديعه الماليه ازيد عليها المبلغ الي وفرته بهالسنه و اجدد الوديعه مره ثانيه
يعني مثلا عندي وديعه 1000 دك و خلال السنه يمعت 700 دك فلما يجي وقت تجديد الوديعه اروح زايده عليها ال700 الي وفرتها و تصير وديعتي 1700دك ((عشان ما اجيسهم لو اموت )) و ارد اوفر من اول و جديد و هلم جرا ....

ألـيـن أوصل الهدف الثالث

لما يصير عندي تقريبا 5 الالاف اشتري فيهم ارض بعمان او براس الخيمه يقولون بعد سنه تيبلج دبل سعرها و انساها جم سنه و طبعا ارد اسوي الخطوه الاولى توفير و أحط بوديعه ثانيه ألين يرتفع سعر الارض و ابيعها:eh_s(6):



و الهدف الرابع

بعد ما اخذ قيمه الارض و ازيد عليها من الي وفرته اشتريلي شقه بالكويت و أجرها و يكون اجارها جنه معاش ثاني لي :eh_s(15):

هاااااااااااااااااااا

اشرايكم بخطتي المتواضعه:eh_s(9): ​

 

[ديسكفري]

جميع اقتراحاتجطبقتها من قبل عشرتعشسنة وما نفعت الحين معاشي فوق الالف ومو قادرة اوفر فلس واحد الحل الوحيد علشان نقدر نوفر لازم التجار والحكومات تراعي حال الشعب والناس بالاسعار قبل كانت العشرة تسوي شغل بجمعية او بسوق الحين اقل دخلة للجمعية وباشياء بسيطة طلع حسابج خمسين او ستين دينار والله ما اقول الا الله يساعد الرياييل