روايتي الثانية ...(( ضاعت حياتي بلحظة )) ... قصة واقعية .. ReRez

[حامل يديدة]

متابعة

 

[baby johnson]

الذين تشاهدون محتوى الموضوع الآن : 25 ( العضوات 3 والزائرات 22)



لووووووووووووووووووول
امبيه صج شكلنا يفشل

 

[رفيف الورد]

حبيباتي بأي صفحه البارت اللي فيه أماني يدزون لها مسج وإهيا عند ضاري لأن بصراحه ما قريت هالبارت

 

[فوز وفواز]

رفيف لووووووووووووووووووووووووووووووووووووووووووووووووووول شكلج مضيعة

 

[baby johnson]

احم احم رفيف حبيبتي
اماني وضاري مو بهالقصه الله يسلمج
فديتج





ريريييييييييييز ناطرييييييييين ترى

 

[صباح الليل]

والله اني دخت يابنات
ابسلم امري لله وبنام
وباجر ان قمت انشالله اقرا البارت
تصبحون على خير

 

[ReRez]

:$ :$ ادري تأخرررررررررررت بس والله مو بيييييييدي خواتي السبب

وتره قصير بس لأن انتو طلبتو يكون اليوم .. المهم برب انزله

 

[JaN JaN]

ايوا ايوا :ggdw::ggdw::ggdw:

عاشت ريريز :ggdw:

 

[فوز وفواز]

ريييييييييريييييييييييييييز رييييييييييرييييييييييز هيه هيه تسلم ايدينج اموااااااااااااااااااااااااااااه

 

[madam_chocolate]

ريريز صارلج ساعتين،بتنزلينه ولا لأ>>>لأني حدي متنحه بنام بس إذا بتنزلينه بنطر!

بليز ردي بسرعه حدي دايخه​

 

[ReRez]

صارلي اكثر من 3 ساعات احاول بالمنتدى عل جبببببببدي .. وماقدرت ازيد عالبارت لأني حدي مقفله نعساااااانه والله واختي كانت عندي امس فما قدرت اكتب الا هالبارت العنون ولأني وعدتكم اني انزله ماحبيت اخلف بوعدي وانام وانا مو منزلته

** البارت العشرون **

روان : جاسم ؟
جاسم : هلا
روان : ناطرتك
جاسم : نص ساعه وايي

(( روان سكرت التلفون ودموعها انزلت على خدها .. راحت الحمام – عزكم الله – و تسبحت عالسريع كانت تبجي تحت الماي بس قررت ان من اليوم بتعدل حياتها ( وياكثر ماتقول هالجمله ) .. اطلعت من الحمام نشفت شعرها بالفوطه و حطت كريمات وعطر و تكشخت ( كحل ومسكرا وجلوس وردي ) بطلت درج كبتها وطلعت قميص أبيض البسته وراحت اقعدت عالسرير ومخليه شعرها مبطل واهو رطب ( مبلل شوي ) بس شكلها كان وايد حلو ))

- واهي ناطرته حست ان قلبها بيوقف كانت وايد مرتبكه وتفرك ايدها عشان توقف الرجفه وطبعا طول هالوقت ماقدرت اتشيل بدر من بالها واسرحت واهي تتذكر عيونه ابتسامته حنجه المقسوم .. لحيته الديرتي كل شي تذكرته بهاللحظه وجنها تشوفه جدامها .. خذت نفس طويل عشان لا تبجي .. بهالوقت دش جاسم –

( أول ماشافها حس وده يروح لها ويلمها وينسى كل اللي سوته بحقه .. بس مسك نفسه و راح قعد جدامها عالسرير )

جاسم : روان انا مابي تسوين هالشي عشان خاطري وبس .. انا ابيه طالع من اهني ( أشر على صدرها ) اذا الشي ماطلع من الخاطر مابيه
روان : ( طالعته ودموعها بعينها حست ان كسر خاطرها وانها وايد اغلطت بحقه )
جاسم : ليش ماتقوليلي شنو فيج تره صارت تطري على بالي اشياء ماودي افكر فيها ريحيني وقوليلي بشنو تفكرين ؟
روان : ( نزلت راسها ) اخاف اني ما اسعدك
جاسم : بس انا متأكد انج بتسعديني
روان : ( طالعته )
جاسم : ( مسك ايدها وباسها ) تدرين اني احبج ؟
روان : ( حست الكلمه عورت قلبها زياده ودها تحس بهالشي ناحيته بس موقادره )
جاسم : ( يبتسم ) ومتأكد انج راح تحبيني لأني انحب
روان : ( ابتسمت بضيق )
جاسم : ( باس راسها وابتسم ) الحين نامي ومتى ما استعديتي عدل سويلي نفس اللي سويتيه الحين ( قعد يطالع ارقبتها وجتفها بعدين قام يبدل )

( قلب روان قعد يدق بسرعه واهي تطالعه يبدل ملابسه.. تم عالشورت وسكر الليت وانسدح يمها )

جاسم : ( مد ايده عشان تنسدح عليها ) تعالي يمي
( انسدحت على ايده ولمها وغمض عينه )
روان : ( متردده حيل بس خافت لو هدها اليوم على راحتها تصعب عليها الامور اكثر ) جاسم ؟
جاسم : هلا حبيبتي
روان : ( كانت ترجف حيل بس حطت ايدها وره ظهره ولمته )
جاسم : ( حس بشعور حلو و ماوده تهده .. باس راسها ولمها ) نامي حياتي
روان : ( بصوت واطي ) مابي انام
جاسم : أكيد ؟
روان : اي اكيد

( نزل راسه وباسها وتجاوبت معاه وخر عنها يبي يشوف اذا راح ترجع لي وره او لأ بس ما بعدت عنه بالعكس كانت حاطه ايدها على ظهره )
---

- غرفة فجر –
( الساعه 6 الصبح .. رن تلفونها وقعدها من النوم )

فجر : ( اتطالع الرقم وغصب استوعبت ان هذا رقم بدر ردت عليه ) الو ؟
بدر : ( صوته تعبان ) قعدتج من النوم؟
فجر : وعليكم السلام اي قعدتني من النوم وليش داق انا مو قلتلك اذا بتسأل عنها اسأل بالمسنجر وبس؟
بدر : فجر وصلت عند بيتها ورجعت قوليلي شسوي احس اني راح اين
فجر : ( صحصحت و اقعدت عالسرير ) شنو؟؟؟ لا صج انت ينيت وخلصت
بدر : اي ينيت احس قلبي يتقطع وانا اتخيلها بيد غيري والله ودي اذبحه
فجر : بدر اشفيك انت اللي هديتها
بدر : ( يصارخ ) مو داق عليج عشان تعيدين لي هالاسطوانه ادري اني هديتها والحين بموت من الغيره
فجر : زين لا تصرخ اهدى شوي
بدر : مابي اهدى ابي اشوفها واكلمها لو مره وحده بس عفيه فجر قوليلها اني بالكويت يمكن ترضى تشوفني آخر مره بس
فجر : ( منصدمه مو عارفه شتقول ) ماني عارفه شقولك والله انربط الساني انت انسان غريب
بدر : اذا ماراح تساعديني انا راح ادق عليها او ادز لها مسج
فجر : تبي تخرب بيتها يعني ؟
بدر : لا مابي اخرب بيتها والله ابيها تعيش مرتاحه ومتهنيه بس ودي اكلمها لو مره وحده بس
فجر : ماراح يصير هالشي لأنها الحين متزوجه .. و لو سمحت لا تدق عليها .. واذا للحين تحبها لا تخرب حياتها كافي اللي شافته منك

- ام فجر دشت عليها الغرفه –

ام محمد : انتي تكلمين منو من صباح الله خير صوتج واصل لي الممر
فجر : خلاص روان انتي نامي واذا قمتي انكمل سوالف .. باي ( سكرت التلفون بويه بدر )
ام محمد : اشفيها روان ؟
فجر : قامت تصلي ودقت تسولف والحين بترد اتنام .. زين انتي اشقعدج ؟
ام محمد : تذكرت ان يعقوب عنده علوم اليوم وموصينه اييب البالطو الابيض رحت اجهزه له قبل لا يروح المدرسه ويتوهق
فجر : اوكي عيل انا برد انام .. اذا قاعده الساعه 8 قعديني لأن محاضرتي الساعه 10
ام محمد : وانتي كله تاخذين ساعتين تتزهبين قبل المحاضره حشى رايحه عرس مو كليه ( خلتها واطلعت )
فجر : ( تمت اتطالع التلفون واهي خايفه من بدر ) الله يستر لا يخرب عليها
----

- غرفة روان وجاسم –
( روان منسدحه على جنب وجاسم لامها ومنسدح وراها )

جاسم : ( بصوت هادي ) نامي حياتي .. انا بعد شوي اودي اليهال المدرسه لا تحاتين شي
روان : ( مغمضه عينها تتذكر و ادموعها تنزل )

- بريطانيا : جامعة كامبريدج –
( درس الاسعافات الأوليه .. بكتب الحوارات بالكويتي )

الدكتور ديفد : تعالي روان شوي
( روان قامت راحت حق الدكتور و طالعت بدر واهي تبتسم )
الدكتور : عطيني ظهرج بليز
روان : ( لفت عطته ظهر )
الدكتور : لاحظوا معاي كلكم لو الشخص غاص وكان يختنق .. تروحون وراه بهالطريقه وتحطون ايدكم تحت الصدر مباشره ( كتـّف ايده وحطهم تحت صدر روان )
روان : ( خافت من بدر ماحطت عينها بعينه )
بدر : ( وقف وراح حق الدكتور ) دكتور لو سمحت
الدكتور : ( هد روان ) نعم ؟ اشبغيت ؟
بدر : ( مسك ايد روان وكلمها بالكويتي ) روحي قعدي مكانج يعني ماقدرتي اتقوليله لأ ؟
الدكتور : تكلم بلغة افهمها شاللي قاعد يصير اهني؟
روان : ( انحرجت من الموجودين وردت مكانها واهي معصبه من غيرة بدر )
بدر: دكتور انا آسف بس اهي خطيبتي وبديرتي مايصير احد يمسكها بهالطريقه الا زوجها .. تقدر تكمل الشرح علي آنا
---

- عند روان وجاسم -

روان : ( فجأه ماتت بجي ماقدرت تمسك اعصابها اكثر )
جاسم : ( فتح عينه ولفها عليها ) اشفيج اشصاير ؟

( روان تمت تبجي بصوت عالي مثل اليهال واهو يحاول يهديها )

جاسم : اشفيج فهميني ؟ في شي يعورج ؟ تبين اوديج الطبيب ؟
روان : ( تبجي وتهز راسها - لأ - )
جاسم : زين فهميني اشفيج ؟
روان : ( لمته وادفنت راسها بصدره واهي تبجي ) تذكرت امي حسيت اني محتاجتها
جاسم : ( لمها ) ادري ياعمري ادري انج فاقده وجودها خصوصا بهالوقت .. بس انا راح اصيرلج كل اهلج لا تبجين خلاص عاد
روان : ( تمت تبجي مده لين هدت )
جاسم : ( باس يبهتها ) لا تبجين خلاص .. ( يبتسم ) الحين صرتي مره عيب تبجين
روان : ( ردت تبجي وتشاهق )
جاسم : ( لمها اكثر واهو يظحك ) آسف عمري كنت اتغشمر معاج والله .. بس عاد خلاص اهدي

- انطق عليهم الباب –

خيريه : بابا .. مشاري منول يلبس خلاص متى ودي مدرسه ؟
جاسم : ( يعلي صوته ) كاني قايم الحين اوديهم
جاسم : ( يطالع روان ويمسح دموعها ) روّونه خلاص عشاني لا تبجين رايح اغسل واوديهم واذا رجعت ابي اشوفج نايمه اوكي؟ ومابي دموع زين ؟
روان : اوكي
جاسم : ( باسها بوسه سريعه على خشمها وقام واهو يبتسم ) الساعه 7 الا ثلث والله أخرناهم وايد ( خلاها ودش الحمام )


تحياتي
ReRez
-----------------------------------------------------

أدري قصير بس كانت عندي ظروف قاهره اليوم و انا خيرتكم اما اليوم قصير او اذا خليته لي باجر يكون طوييييل وانتو طلبتو اليوم :×
بس المنتدى علق وكل شوي بنام بس ماتهونون علي لين توه بطل المنتدى وقطيته لكم

 

[ReRez]

بنااااااااااااات راحت اختي الساعه 11 باللليل يالله قدرت اكتب وهم امي وابوي يبون مني جم شغله يللا خلصت هالبارت الصغير الساعه وحده
وقلت بنزله بس والله المنتدى طلع روووووووووووووحي كله جاري التطوير عاد مادري شنو طورو
من سنه واهو جاري التطوير ..

المهم يللا توه بطل والله مقفله حييييييييييييييل بس عشانكم نطرته لين بطل ونزلته لكم وماقدرت ازيد عليه لأني بموت من النعس

تصبحون على خيييير وسامحوني مو مني من الظروف ومن المنتدى

الى اللقااااااااااااااااء

 

[madam_chocolate]

وناااااااااااااااسه لحقت عالبارت قبل لانام...مشكووووووره ريريز(( حدج فنانه ))
حلو البارت،،مزيج من المشاعر،،مادري أحس مستانسه علشان رواان إنها اندمجت شوي عالأقل>>بدايه طيبه
يحليلها روان كل ماتذكرت بدر قطت السافه بالوالده الله يرحمهه

 

[zooz92]

عجييييب البااارت الله يوفقهم ياارب بس الله يستر من بدر احس راح يسووي شي موب زيين

مشكووورة على البااارت ريريز يعطيييج العاافية مو مقصرة معااناا

وانتي من اهله نوووم العوااافي

ناااااطرينج

 

[بحر الحزن]

يعطـــــــــــيج الف عافيه حبيبتي

عالبــــــــــآرت وناطرين بارت باجـــر

 

[Strawberry Shortcake]

هياا اخيراا نزل البارت

وانشالله روان تقدر تنسا بدر :/

يعطييج العافيه ريريز والله ان قصتج رووعه وانتي ارووع 

 

[Low_Fat]

ان شاء الله تنسى بدر وتتأقلم مع جاسم خوش ريال:hjy5jewf:
وبدر رووووووح الله حسييييييييييبك تجرح قريبك
وخط بيدك خط النهايه
<< دشت جو

 

[om_7san]

محد باط جبدي غير بدر وبس لازم روان تنسا بدر علشان جاسم مسكين شنو ذنبه
امبي حدي ابي اعرف شنو بعد بيصير
ناطرينج

 

[؛؛دلع بس بسنع؛؛]

فعلآ فناااااااااااااااااااااااااانه

اسلوبج عجيب ومشوق ؛؛

زييييين اللي لحقت عليه قبل لا نام.

 

[v i c t o r i a]

واااااااااااااااي :eh_s(11)::eh_s(11)::eh_s(11)::eh_s(11):

روااااان خلاص بس كفاايه تعب تعب حياتهاا تعب وقلبهاا تعب وعقلها تعب :0bee2e8d89:
من ماتوا امها وابوهاا وانتهت حياتهاا والله قلبي عورني مووت في هالباارت

جااااسم حبييييته يحليله طللع يحبهااا :ggdw:ياارب تحبه اكثر من بدر :yaaaaaarb::yaaaaaarb:

بدر وااااي علييه مالومه :eh_s(11):بس خلااص يووم تزوجت يبي يكلمهاا مو من حقه لااا مابي يتعب روان اكثر

يعطيج الف عافيه صج قصييير بس رهييييب

:hjy5jewf: