{ ...الدكتورة رشا الصفي تجيب على استفسارتكم ..} استضافة اسبوعية

[ملاك ^ الحب]

شلونج دكتوره بغيت اسالج عن حليب بدياشور انا اعطي بنتي عمرها سنه ونص هل اهو زين ولا لا ومتى اوقفه وما اعطيها

طبعا انا اعطيها مره حليب ومره بدياشور واستخدملها حليب بروجرس

واسفه عالاطاله

 

[كتكوته551]

مشكوووووووووره دكتوره رشا
الله يجعله بميزان حسناتج طمنتيني على بنوتي

 

[نورالقمر24]

السلام عليكم

دكتوره انه بنتي عمرها اربع اشهر بديت معاها الاكل الي حق اربع اشهر عادي اشنو اعطيها

امشكوره اممممممم اهيه 4 اشهر داشه الخامس

 

[طيف الغربة]

حبيبتي يا ريت يجيكون على اللحمية

احيانا اللحمية تسوي هالمشكلة

الله يكتب لك الجنه دكتورة اتعبتك معي

الغالية شالو له اللحمية مع اللوز من 6 أشهر على اساس انها هي السبب بس تمت المشكلة معه

دكتورة بغيت اسألك بالنسبة لجهاز الرذاذ (البخار ) عندي في البيت هل ينفع اسوي له فيه فقط ماء وملح واخليه يستنشقه بدل هالادوية الي هلكته هل يجيب نتيجه ووممكن يشيل او حتى يخفف الاحتقان الي في الانف لأن بخاخ الماء والملح ما يسوي شيء له بطبيعه الاحتقان الي في انفه مزمن ومستمر طول فترة المدرسة ثقيل ما يطلع ابداً من الامام كله للخلف ويعمل مضاعفات في الاذن والصدر

 

[مراااااحب]

مرحبا دكتورتنا
الله يجعله بميزان حسناتج
انا ولدي عمره شهرين ونص لمن جبته كان وزنه 3.600 رضعته 10 ايام طبيعي بس بعدين حطيته على السيميلاك وصار معه غازات كثير ويخرج بعد يومين ويرجع مع خشمه وحلجه بس كان يحب يشربه وغيرته لرونلاك للغازات اسبوع ومايشرب الرضعه بعدين ابتاميل 1 ارتاح من الغازات بس يرجعه مع حلجه وخشمه اعطيه 3 ارقام بعد ساعتين والحين استعمل 26 ايه ار للارتجاع وردت الغازات بس مايرجعه ويشرب رقمين كل ساعتين هل استمر عليه ولا لاومتى اغيره ومن ناحيه القيمه الغذائيه نفس الحليب العادي وشنو افضل حليب يمتن البيبي هو وزنه الان 5 كيلو لاني اخذته بدون وصفه طبيه معذره للاطاله

 

[سيدة الذوق]

مرحبا دكتوره عندي بنتي عمرها 4سنوات ونص الاول وماعندي غيرها من سنه تقريبا ابتدت تآتآ بالكلام وتنطق حرف الراء غين....ماني عارفه شلون اعدل التاتاه شنو تنصحيني فيه سمعت ان من الصراخ والهواش ومن الخوف تاتا بس وحرف الراء مع ان قبل ومرات تنطقه عادي ....
شتنصحيني بعياده او دكتور او خطوات اتبعه بالبيت ..وشاكره لج مساعدتج حبيبتي ..

 

[قناديل الخير]

يعطيج الف عافيه دكتورتنا والله انشاء الله يكون في ميزان حسناتج دكتوره انا عانيت مع ولدي من كان عمره اربع شهور في ازمة الصدر والكحه الي كانت مسكين ما تخليه ينام ويرجع اذا كان يشرب حليب طبعا جربت الكمام وادويه كثير غيره مافي فايده كل شهر حايشته الازمه اذا مو مرتين في الشهر الى ما وصفولنا دواء للوقايه واهو السنقولير البودره وانا استخدمه من شهر 5 الي طاف يوميا الحين الحمدلله في تحسن عمره الله يحميه سنتين وثلاث اشهر السوال اقدر اخفف يعني ما اخليه ياخذه بشكل يومي وهل في اي مضره من كثرت اذا اخذه بشكل مستمر واذا قطعته ياثر عليه لاني سمعت انه ينتكس واخر سوال اقدر احطه مع الحليب او العصير في الرضاعه لانه الدكتوه قالتلي اخلطه مع الروب اواي اكل لين بارد مثل السيريلاك واسفه طوات عليج

:krkrkr:الله يرضى عليج ماجاوبتيني صارلي اسبوع انطر

 

[tmtmt]

لا تحطينها على بطنها تعصب

خليها قاعدة و حطي الالعاب بعيد شوية عنها تتعلم شلون توصل للأشياء

شيلي الدراي و بتلاقينها سوت كل شي

الله يخليها لج يا رب

ما حطها بالدراي الحين اول ... واسوي نفس ما تقولين هم ماكو فايده تمد اييدها وتجندس شوي
بس لا شافت نفسها ما طول تهون وتخلي الالعاب ...

عاد امي تحن تقول ردي حطيها بالدراي خل ترد تحرك ريولها

مشكوووره حبيبتي اذييتج معاي ... يعني ماكو خطر ان شاءالله

 

[كبسولة]

السلام عليكم دكتورة رشا الصفي ويعطيك ألف عافية​

بنتي عمرها سنة ونص تعاني من فطريات بالفم موقادرة تاكل ولا تشرب الحليب ولا تقدر تنام بسبب الفطريات موعارفة شنو اسوي لها وصف لها الدكتور جل ومضاد حيوي كل 6ساعات 5ملم اسمة mycostatin وولدي عمرة شهرين ونص ويعاني من نفس المشكلة وعطيته نفس الدوا لكن 1ملم وأبي أعرف شنو سبب الفطريات بفم الطفل؟
وكل الشكر لج حبيبتي.

 

[طيف الغربة]

دكتورة طلبت من الصيدلي قطرة ماء وملح اعطاني هذا (tonimer baby )

صورة هنا

http://zeymeplemesodu.typepad.com/.a/6a00d834b87af853ef010535cac805970b-800wi






هل من ضرر في استخدمه لمده طويلة

 

[سيده نفسي]

السلام عليكم دكتوره


حبيت اسالج متى العمر الطبيعي ان الطفل يسنن و يحبي

انا بنتي عمرها 8 شهور وداشه بالتاسع

وابي اعرف شنو الحين اوكلها


ومشكووووره

 

[مراااااحب]

ولدي تعبني

مرحبا دكتورتنا
الله يجعله بميزان حسناتج
انا ولدي عمره شهرين ونص لمن جبته كان وزنه 3.600 رضعته 10 ايام طبيعي بس بعدين حطيته على السيميلاك وصار معه غازات كثير ويخرج بعد يومين ويرجع مع خشمه وحلجه بس كان يحب يشربه
وغيرته لرونلاك للغازات اسبوع ومايشرب الرضعه
بعدين ابتاميل 1 ارتاح من الغازات بس يرجعه مع حلجه وخشمه
والحين استعمل 26 ايه ار للارتجاع اسبوع وردت الغازات بس مايرجعه وصارت معه حساسيه بالصدر وديته الطبيب وعطاني مضاد والحين استعمل بيبلاك وصار معه اسهال مادري من المضاد او الحليب
وهل حليب الارتجاع نفس القيمه الغذائيه للحليب العادي
شنو افضل حليب تنصحيني استخدمه ؟

 

[oum^zozo]

قوه دكتوره

ولدي عمره شهرين و نص و الغازات ذابحته طبعا بدون مبالغه مابقه دوه ماجربته فيه و الدكتور غير حليبه من ابتاميل الى نوفولاك حق المغص


الشي الوحيد اللي نفع ويا ولدي اني قللت عنه الحليب

قبل اعطيه ١٢٠
كل ٣ ساعات الحين قمت اعطيه ٩٠ كل ساعتين او ساعتين و نص
الغازات خفت بس يصارخ
ماقام يشبع

جم اسويله رضعه و كل جم ساعه احسن حق عمره و حالته؟

يصير اني اخفف الحليب يعني مثلا اسوي ١٢٠ مل ماي و ٣ قفشات حليب بدال ٤ ؟


يعطيج العافيه

 

[د. رشــا الصفــي]

شلونج دكتوره بغيت اسالج عن حليب بدياشور انا اعطي بنتي عمرها سنه ونص هل اهو زين ولا لا ومتى اوقفه وما اعطيها

طبعا انا اعطيها مره حليب ومره بدياشور واستخدملها حليب بروجرس

واسفه عالاطاله

حليب البيدياشور زين و ما تحتاجين توقفينه

بس اذا تبين تقدرين توقفينه بأي وقت عادي

بس البروجرس و البيدياشور نفس الشي

عبارة عن حليب غني بالسعرات الحرارية اكثر من الحليب العادي و بس

 

[د. رشــا الصفــي]

مشكوووووووووره دكتوره رشا
الله يجعله بميزان حسناتج طمنتيني على بنوتي

العفو حبيبتي حياج الله

 

[د. رشــا الصفــي]

السلام عليكم

دكتوره انه بنتي عمرها اربع اشهر بديت معاها الاكل الي حق اربع اشهر عادي اشنو اعطيها

امشكوره اممممممم اهيه 4 اشهر داشه الخامس

حبيبتي الأفضل انه تنتظرين لما تكمل البنوتة 6 شهور افضل حسب التوصيا اليديدة علشان نتفادى حساسية الامعاء

و نتأكد جاهزية الامعاء لأستقبال الأكل الصلب

و بالنسبة لنوعية الأكل تبدجين بالعيش ثم الخضار و عقب الفواكه و اخر شي القمح

 

[د. رشــا الصفــي]

الله يكتب لك الجنه دكتورة اتعبتك معي

الغالية شالو له اللحمية مع اللوز من 6 أشهر على اساس انها هي السبب بس تمت المشكلة معه

دكتورة بغيت اسألك بالنسبة لجهاز الرذاذ (البخار ) عندي في البيت هل ينفع اسوي له فيه فقط ماء وملح واخليه يستنشقه بدل هالادوية الي هلكته هل يجيب نتيجه ووممكن يشيل او حتى يخفف الاحتقان الي في الانف لأن بخاخ الماء والملح ما يسوي شيء له بطبيعه الاحتقان الي في انفه مزمن ومستمر طول فترة المدرسة ثقيل ما يطلع ابداً من الامام كله للخلف ويعمل مضاعفات في الاذن والصدر

لا حبيبتي ماكو تعب ولا شي

جهاز الرذاذ ممكن يفيده بس مو وايد

تدرين جهاز البخار ممكن يريحه بعد اللي من الصيدليات تحطين فيه ماي و تخلينه يبخر الدار ببخار الماي

وايد مريح جربيه

 

[د. رشــا الصفــي]

مرحبا دكتورتنا
الله يجعله بميزان حسناتج
انا ولدي عمره شهرين ونص لمن جبته كان وزنه 3.600 رضعته 10 ايام طبيعي بس بعدين حطيته على السيميلاك وصار معه غازات كثير ويخرج بعد يومين ويرجع مع خشمه وحلجه بس كان يحب يشربه وغيرته لرونلاك للغازات اسبوع ومايشرب الرضعه بعدين ابتاميل 1 ارتاح من الغازات بس يرجعه مع حلجه وخشمه اعطيه 3 ارقام بعد ساعتين والحين استعمل 26 ايه ار للارتجاع وردت الغازات بس مايرجعه ويشرب رقمين كل ساعتين هل استمر عليه ولا لاومتى اغيره ومن ناحيه القيمه الغذائيه نفس الحليب العادي وشنو افضل حليب يمتن البيبي هو وزنه الان 5 كيلو لاني اخذته بدون وصفه طبيه معذره للاطاله

شوفي حبيبتي

الحليب بمختلف انواعه له نفس القيمة الغذائية

بس تقبل الحليب يختلف من طفل لي الثاني

اللي فهمته انه ارتاح اكثر شي على الابتاميل بس كان يرجع

شوفي اذا تحصلين ابتاميل للارتجاع ( مو متأكدة عندهم ولا لأ )

او جربي اي نوع ثاني للارتجاع

ماكو طبيب بيعرف شنو الحليب اللي راح يناسب ولدج

ممكن نوع يناسب وايد يهال و ما يرتاح عليه ياهل واحد

و هكذا

بس شوفي الغازات مقدور عليها و ما ردها بتروح مع الوقت

و الترجيع طالما وزنه يزيد معناته ارتجاع بس

اذا تبين ممكن تاخذين موعد بعيادات الاطفال يوصفون للبيبي ادوية للارتجاع و يرتاح

 

[د. رشــا الصفــي]

مرحبا دكتوره عندي بنتي عمرها 4سنوات ونص الاول وماعندي غيرها من سنه تقريبا ابتدت تآتآ بالكلام وتنطق حرف الراء غين....ماني عارفه شلون اعدل التاتاه شنو تنصحيني فيه سمعت ان من الصراخ والهواش ومن الخوف تاتا بس وحرف الراء مع ان قبل ومرات تنطقه عادي ....
شتنصحيني بعياده او دكتور او خطوات اتبعه بالبيت ..وشاكره لج مساعدتج حبيبتي ..

والله لو تتابعين مع دكتور اكيد افضل

اخذي تحويل على مركز سالم العلى يقيمون حالتها

 

[د. رشــا الصفــي]

ما حطها بالدراي الحين اول ... واسوي نفس ما تقولين هم ماكو فايده تمد اييدها وتجندس شوي
بس لا شافت نفسها ما طول تهون وتخلي الالعاب ...

عاد امي تحن تقول ردي حطيها بالدراي خل ترد تحرك ريولها

مشكوووره حبيبتي اذييتج معاي ... يعني ماكو خطر ان شاءالله

مع الوقت بتتشجع و بتمد روحها تاخذهم و تحبي

و هم في اطفال ما يحبون على طول يمشون

بس انتي شيلي الدراي دام بنوتج كبيرة بعمر حباي

خليها تحاول

و بعدين ما اذيتيني ولا شي

انا هني لخدمتكم انتو و عيالكم

حياج الله