الكيراتين الامريكي الاصلي الجديد لانواع الشعر المتعددة دشو وشوفو التفاصيل

[Alesar]

حصري وخاص بكويتيتات​

مساء الخير بنات كويتيتات شلونكم عساكم بخير أمس وصلتني الطلبية الييديدة مالت الكيراتين الاصلي الحين الجلوبل الامريكي الاصلي بعدة انواع للشعر العادي والمتموج والشعر الكيرلي هذي اول طلبية وانشالله الشركة وعدتنا ان هالمنتج مطور وافضل من الي قبله والحين اخليكم مع الصور
الحين الجلوبل في منه الشوكولاه والفراولة والاش والكل متوفر عندي ولجميع انواع الشعر
والمنتجات العناية والعلاج الي بعد الكيراتين عندنا الشامبو والبلسم بالحجمين الكبير والصغير والحين في الكونديشنر الي نفس الماسك يجي مكثف وينحط على الشعر كجلسات علاج مرتين بالاسبوع او مرة على حسب الشعر



هذي صورة الجلوبل اليديد لو تلاحظون امريكي الصنع

 

[السيده برتقاله]

لو سمحتي نبي الاسعار و
عندكم بس بيع الشامبو والماسك وفي احد يسوي كراتين عندكم والمكان لو سمحتي

 

[Alesar]

هلا حبيبتي انشالله راح انزل كل الصور والمنتجات والاسعار وعندي مركز حياكي الله ونسوي ابتداء من 50 دينار للشعر الكاري القصير وعلى حسب طول الشعر تابعني وانشالله تاخذين كل المعلومات الي تحتاجينها علشان الكيراتين

 

[Alesar]

لاحظو بنات الانواع اليديدة وعلى العلبة واضح نوعية الشعر اذا كان عادي او متموج او اجعد وفي بالشوكولاه وفي بالفراولة

 

[Alesar]

طبعا كلكم تعرفون ان بداية الشغل تكون بغسيل الشعر بشامبو مخصوص لتنظيف البصيلات وتفتيح مسام الشعرة الى اقصى حد حتى تتقبل العلاج باقصى صورة

هذا الشامبو قبل الكيراتين واياكي تستخدمينه بعد الكيراتين

 

[Alesar]

طبعا طريقة الشغل معروفة عند الجميع عقب غسيل الشعر بالشامبو نجفف الشعر اما بس هوا او استشوار وهالشي يرجع على حسب الشعر شكثر تعبان
عقبها نحط الكيراتين نفس الصبغ على خصل ضعيفة ويظل على الشعر من 20 الى 30 دقيقة والافضل انه يكون بعيد 0.25 انش عن الفروة
وعقبها نبدي اسشوار وسيراميك على الشعر خصلة خصلة على ان يكون الخصل رفيعة وخفيفة الى ان ينتهي كل الشعر

 

[Alesar]

عقب ما خلصنا الكيراتين التزمي حبيبتي بالتاليى

لا يحوش الشعر ماي الافضل تكونين معذورة علشان الصلاة او انج تمسحين بس مسح على الشعر مو تبلللينه

تجنبي الرياضة والتعرق علشان لا تخترب الزوالف والقذلة بالذات

لا تربطين الشعر ولا تعجفين او تلمينه باي شي من الاشياء ممكن كلبسة صغيرة ومو قوية على الشعر اذا الموضوع ضروري

احذري من الاستيك مال النقاب خليه تحت الرقبة مو فوق الشعر وكذلك الامطة لا تكون قوية ومعفسة الشعر

 

[Alesar]

مدة الكيراتين أربع ايام تتضمن اليوم الي سويتي فيه الا اذا سويتيه اخر الليل بالشركة ينصحون ب 48 ساعة بعد العمل
يعني انتي سويتي يوم السبت الجدول يكون
الاحد - سيراميك
الاثنين - سيراميك
الثلاثاء - غسيل الشعر

احب انبه على شي مهم جدا بالنسبة للخدمة المنزلية

اختي الكريمة احنا ما نرفع اسعارنا بالنسبة للجلسة الاساسية يعني اذا يتي المركز اسوي ب 50 واذا يتيت البيت اسوي على نفس السعر وهالشي مراعاة للزباين الي تبي تسوي وما تقدر تيي او تهد اعيالها مدة عمل الكيراتين

بس عندج ثاني و ثالث يوم سيراميك ورابع يوم غسيل الشعر بالماسك المكثف تحت البخار لمدة 30 دقيقة هالتكملة هاذي اذا يتي الصالون حياكي الله بدون فلوس اكمل الشغل بس احنا ما نطلع يوميا على البيت مجانا علشان السيراميك 1

1 -الزبونة شنو تسوي بهالحالة

2 - تسوي سيراميك بروحها اذا عندها

3 - تروح اي صالون قريب منها على 2 دينار يسووون كيراتين

4 - تي عندنا الصالون حياها الله ببلاش

5- تشتري سيراميك من اي مكان احنا عندنا الامريكي على 35 دينار وفي نوع ثاني على 30 دينار


اما اذا تبي البنت تطلعها علشان السيراميك ترى احنا ناخذ 5 دنانير على اليوم وللعلم الملبغ هذا للسايق لانه يحاسبني بالمشوار انبه على الجميع لانه وايد حصل سوء تفاهم واضطريت ادفع انا للسايق على زبونة دافعة 50 دينار اددفعلها انا من 10 الى 15 دينار للسايق وما يطلعلي ربح فعن الاحراج بنات

 

[Alesar]

الحين بعد ما سوينا الكيراتين لازم تستخدمين شامبو وبلسم ماسك مخصوص حق الكيراتين والا عقب شهر او شهرين ما يظل للكيراتين الاثر في الشعر وترد الزبونة تقول الكيراتين ما تم وياي الفترة صدقيني بالالتزام تحصلين النتيجة الي تبينها واحسن منها بعد

اهم شي شامبو وبلسم خالي من كلوريدات الصوديوم واول مرة اييب المجموعة الكبيرة 1000 مل للشامبو والبلسم
بناء على طلب وايد زباين ان الاولية صغيرة وما تكفي ومن هالكلام والمجموعة ب 50 دينار

وقبل الهجوم والتعليقات على السعر حطي ببالج ان العلبة 1000 مل يعني كيلو وشوفي جم DHL ياخذون عليها وما عندي الى 6 مجموعات للي تبي تطلب لاني حبيت اشوف الاقبال من تجربتي الزباين يطلبون ويتشرطون ويوم تييبين وتتعنين وتتخسرين كلمن تتشرط والبضاعة تتم بويهج علشان جذي يب بس 6 مجموعات وفي 6 ثانين بالطريق ومجرد تجربة في اقبال يبت اكثر مافي اقبال خير وبركة كمية قليلة ولها زبونها

وهذي الصورة

 

[Alesar]

وطبعا في نفس المنتج الحجم الصغير 300 مل وسعره 25 دينار والحين صورة راح تطلع مع المجموعة كاملة

اليديد في المووضوع هالكوندشينر العلاجي وهو نفس الماسك المكثف وينحط مرة بالاسبوع او مرتين بالشعر يعني ككورس مغذي ومرمم وسعره 15 دينار

 

[Alesar]

وهذي صورة المجموعة كاملة

الكيراتين
الشامبو قبل الكيراتين
الشامبو بعد الكيراتين الحجمين 300 مل و 1000 مل
البلسم بعد الكيراتين الحجمين 300 مل و 1000 مل
الماسك المرمم العلاجي
وفي بعد السيروم بس كان خالص من عندهم راح يوصل خلال جم يوم بس عندي حبيتن ما صورتهم

 

[Alesar]

وفي الختام راح احطلكم شوية صورة من طلبيتي اليديدة وصلت امس والي تبي اي استفسار او بتحجز موعد تكلميني على الرقم 99599846 واذا مارديت اكون لاهية ويا زبونة دزيلي مسج اكلمج يوم اخلص وانا بالعموم ارد اتصل على كل الي دقو علي وانا مشغولة وما رديت عليهم والافضل يكون الاتصال مساء

اخليكم مع مخزني

 

[ريماا]

موفقة

 

[المستغفره ربها]

مشكوررررررررررررررررره

 

[السيده برتقاله]

مشكوره واااااااااااااااااااااااااااااااااااااااااااااااااااااااااااااايد نتصل فيج انشاء الله

 

[ام قلبين]

مشكورةوانشاله اتصل باقرب وقت

 

[Alesar]

مشكورين بنات واي استفسار انا حاضرة

 

[dla3_princess]

حيااااااااتي اليسااار انا سووويت عندج كيرااتين و والله حبيييت شغلج

والله كنت خاايفه ان يطييح شعرري او اتبهذل بس الحمدلله تماااام و شعرري ناااعم ولله الحمد ياارب

جزاااااااااااااج الله خييير

بس بسألج ابي شامبوو و بلسم الحجم الصغير بجم ؟؟

انا شريت مااسك اللي ب 10 و شريت مثل بخااخ leave in conditioner اب 10

بس ابي الشاامبوو و البلسم اشلوون ؟؟ و ابي صغير لان ميزاانيتي لج عليها شووي هالشهر

لووول



نااطرتج حيااتي

 

[Alesar]

حيااااااااتي اليسااار انا سووويت عندج كيرااتين و والله حبيييت شغلج

والله كنت خاايفه ان يطييح شعرري او اتبهذل بس الحمدلله تماااام و شعرري ناااعم ولله الحمد ياارب

جزاااااااااااااج الله خييير

بس بسألج ابي شامبوو و بلسم الحجم الصغير بجم ؟؟

انا شريت مااسك اللي ب 10 و شريت مثل بخااخ leave in conditioner اب 10

بس ابي الشاامبوو و البلسم اشلوون ؟؟ و ابي صغير لان ميزاانيتي لج عليها شووي هالشهر

لووول



نااطرتج حيااتي

حبيبتي الغالية مشكورة عالمشاركة دزيلي العنوان بالخاص او مسج على تلفوني وانا اوصلك للبيت واحنا ما ناخذ على التوصييل لا تحاتين :tek:

 

[miss t]

الله يوفقج يارب

وكثير يمدحون شغلج