{ ...الدكتورة رشا الصفي تجيب على استفسارتكم ..} استضافة اسبوعية

[بنتي حياتي]

مشكوره يادكتوره عالرد

طيب يصير استبدل رضعة اللليل بس بحليب نيدو بالعسل لاني احسه خفيف والباقي اعطيها من بروجروس

لأني بديت اسوي هالطريقه مره وحده والحمد لله مااستفرغت بس وقفته قلت بستشيرك ذا صح سويت هالطريقه

انتي وش رايك دكتوره

معليش دكتوره غلبتك معي بس وش اسوي من قلقي على بنتي

ومافيه الا انتي اساله بعد الله

انا قطعت عنها بروجرس نهائيا والنيدو بعدى

وبديت استخدم لها الان غين بلص ادفانس 3

فـ وش رايك فيه !!

هل استمر عليه او ارجع للنيدو !!

وهل حليب سميلاك غين بلص ثقيل مثل بروجرس

وهل هو يسمن الطفل لاني ماابي شي يسمنها لان بسم الله عليها صحتها زينه

معليش دكتوره اسالتي كثير بس وش اسوي من قلقي على بنتي والله

ومشكوره مقدمآ

 

[صدى الأفراح]

بتمنى تجاوبيني على أسئلتي وألف شكر لكي
انا بنتي عمرها 9 ايام حابه اعرف كيف اميز بين المغص أو دلع البنات انها تكون تعودت عالحمل لني لما امسكها وضع وقوف عكتفي تسكت وتنام ولما بتصحى بتكون بتشد عحالها وبتبكي بصوت جدا عالي كانها موجوعه وكيف ممكن اعالج المغص بهالعمر سمعت عن نقاط اسمها دسفلاتيل ونوع تاني اسمه غاز بيبي بتمنى تنصحيني مين أفضل نوع فيهم ومن الأعشاب شو ممكن أشربها يانسون ؟ كراويه؟ سكر نبات؟؟
لأن دكتور الاطفال حكالي قبل 3 شهور ما أعطيها اي شي بس مو معقول مافي حل ؟؟
وبالنسبه لحليبي انا مابشربها صناعي أبدا بس حابه اعرف منك ممكن أحفظ الحليب بالفريزر لمده كم؟؟؟
واخر سؤال بتمنى تتحمليني معلش بعرف ان الرضاعه بتساعد على تنزيل الوزن بس انا عندي زيادة وزن كبيره فهل لو استخدمت ماء الزعتر الزموته ممكن يضر بالحليب؟؟ لأني سمعت ان ماء الزعتر بنزل الوزن وكنت حابه أستفسر منك
واخيرا بتشكرك من كل قلبي وشرف كبير انك معانا بالمنتدى

 

[ipink]

السلام عليكم

دكتوره بنتي اسمالله عليها تقريبا 8 شهور عمرها بس للحين اعاني وياها بالقعده بلييل تقوم تبي ترضع وتنام يمكن ثلاث او اربع مرات واهيا متعوده تنام على الساعه 11 بس وايد تقعد شلون اعودها انه ماتقعد وتسحب النومه لي الخمس تقريبا او على الاقل تقوم مرتين بليل لي الصبح اهيا تقوم الساعه 2 وتقوم 4 وتقوم 6 وبعدها تقعد 8 ونص او مرات 9 انا ما اعطيها حليب اخليها تقعد اريقها بعدها بنص ساعه او ساعه ترد تنام لي الساعه 12 تقوم واغديها شرايج بجدولي صح جذي؟ بس ابي اعلمها انه ماتقوم وايد والمشكله بليل اخلي الحليب حقها 150 ويزيد وايد وينقط وقمت اخليه 120 هم يزيد مرات يعني احسها دلع تشرب رقم او رقمين شوي وتنام

وبالنسبه حق الاكل عادي اعطيها العيش الاسمر لانه الياف واحسه افيد ؟ ومتى اقدر اعطيها لبنه وزعتر سمعت انه الزعتر حار ؟ والتوست اي عمر؟؟

 

[noha33]

السلام عليكم دكتورة
1- ولدي طعمته تطعيم شلل الأطفال النقط ورجع عقبها بنص ساعة لازم أعيد التطعيم؟
2- متى أقدر أوكل البيبي روب مع العلم أن عمره 5 شهور
3- هل عمر 5 شهور مناسب لإعطاء البيبي عصير؟ لازم أخفف العصير بالماي؟

 

[aso00ora]

لا تغيرين الحليب كملي على سيميلاك 2

و ماكو ازعاج ولا شي و كلام الدكتور صحيح

يعطييج العافييية دكتوورة

 

[مــوج البحـــر]

السلام عليكم يادكتوره كيفك انشاء الله بخير حبيت اسئلك حبيبتي عن ولدي عمره 3 سنين وشهيته للاكل قليله مره والاشياء لي كان يحبه كره وتعبني مره بس يشرب حليب وعصائر بس ممكن تقولين لي وش اسوي معه وارجوك ردي علي الله يسعدك دني واخره :33_1185028183:

 

[د. رشــا الصفــي]

مشكوره يادكتوره عالرد

طيب يصير استبدل رضعة اللليل بس بحليب نيدو بالعسل لاني احسه خفيف والباقي اعطيها من بروجروس

لأني بديت اسوي هالطريقه مره وحده والحمد لله مااستفرغت بس وقفته قلت بستشيرك ذا صح سويت هالطريقه

انتي وش رايك دكتوره

مو مشكلة تقدرين تسوين الي يرحك و يريح بنتك

 

[د. رشــا الصفــي]

دكتوره عادي اوكل ولدي عمره خمس شهور وشنو اعطيه بالضبط وكم مره باليوم واذا خضار اعطيه الي جاهزه بالجمعيه او اسلق خضار بالبيت ماضيف شي عليهم ويصير اعطيه سيليلاك انا حاليا اعطيه منقوعة التمر

توكلينه من 6 شهور مو خمسة و تبدين بالعيش الابيض ثم الخضار ثم الفواكه ثم منتجات القمح

اكل البيت افضل و اصح من الاكل الجاهز

السيريلاك بعد الشهر السادس و بعد ما تعودينه عالخضار و الفواكه

 

[د. رشــا الصفــي]

السلام عليكم
هلادكتوره
الغده اللي بولدكي نفس اللي بولدي الله يحفظهم
طلبوا منه اشعه وتحاليل قبل العمليه وبعدها
نفسي اسوي لولدي عمليه وارتاح بس سمعت ان عمليات الغده الدرقيه خطيره لانها
بالقرب من الاحبال الصوتيه
وخايفه عليها
ايش رايك يا دكتوره
لو اتركها عادي ماتاثر عليه

العملية بعدية عن الأحبال الصوتية الغدة هذي قريبة جدا من الجلد و ازالتها سهلة جدا

وسؤال يخص بنتي
قريب تخلص سنتين اول ما ولدت ما شالله بيضاء
وبعد 3 شهور سمرت سمار فضيع وخاصه الرقبه
سمار اللي يشوفه يحسبني ما اهتم فيها ولا احممها
ابوها اسمر بس مو سمار لدرجتها
الحمدلله اهم شي العافيه عندي بس نفسي اعرف السبب الي قلب لونها
بنتي مرها نحيفه ولا تشرب الحليب الصناعي
فطمتها من شهر عن صدري
ياقلبي طولت عليكي بس تحمليني
وما راح انساكي من الدعاء
ومشكووووره

عادي يتغير لون البيبي مع مرور العمر بس اذا الشي خارج عن الطبيعي الافضل ان تراجعين الدكتور

 

[د. رشــا الصفــي]

>روضـة الحسـن<<, post: 15156605, member: 27766"]مرحبا دكتوره رشا
دكتوره انا ولدي عمره خمس سنوات ونص اكله احيانا بسيط ولايشتهي الاكل
واحيانا ياكل بس احس مايبين فيه يعني لايمتن ولايتغير فيه شئ
يعني ماشاءالله الاطفال اللي بعمره صحتهم زينه اما بالطول او المتن
اما هو اللي يشوفه مايعطيه عمره مادري شسوى

اذا نشاطه و تركيزه طبيعي لا تحاتين يكون بنية جسمه جذيه
لا تقارنينه بأحد
تأكدي من نسبة دمه اذا طبيعية لا تحاتين

 

[د. رشــا الصفــي]

مرحبا دكتوره
انا بنتي باقي لها يومين وتدخل الشهر الرابع ان شاء الله وهاليومين بديت احط لها ربع بسكوتة فارليز مع الحليب لان بنتي تشرب حليب صناعي 120 مل بس ومارضعت طبيعي كلش لظروف واهي كل ساعتين ترضع بس لين تنام تطول 6 او 7 ساعات ماتصحى هل هذا طبيعي
وشنو ممكن اعطيها غير الحليب لان احسه مايشبعها

لالالا ربع البسكوتة بالحليب اكبر غلط
يغير طعم و مكونات الحليب المناسبة لعمر البيبي
بالاضافة الى ان القمح ممكن يسبب حستسية لعمر اقل من 6 شهور

حاليا حليب و بس لغاية الشهر السادس تبدين توكلينها

 

[د. رشــا الصفــي]

مساء الخير
يعطيج العافيه دكتوره وماتقصرين على وقتج الثمين الي تجاوبين فيه على الاسئله وعساه في ميزانج يارب
دكتوره انا ولت بالاسبوع 33 ولدي عمره الحين 43 يوم ومن انولد واهو على النيوشور
انولد وزنه 2 كيلو بس خلال يومين صار 1830 وتم على هالوزن 10 ايام مابين يصعد 5غرام ويننزل 5 غرام
وتالي الحمدلله بده يزيد وزنه وطلعوه لمه صار 1995 ظل 17 يوم بالمستشفى 15 يوم بالحضانه 2 بالسرير
مامان يعاني من اي شي الحمدلله الا الوزن مايزيد وهذا متوقع للخدج مايزيدون بسرعه اول اسبوعين

الحين اهو ياخذ نيوشور والطبيب قالي بس يوصل وزنه 3ونص نحوله على التركيبه العاديه
بالنسبه لج كاطبيبه شنو تقترحين علي انا عندي غيره اسم الله عليهم بس هذا شوي دقيقه بالنسباله
لانه خديج هل احوله على سيميلاك ادفانس ولا اي نووع تقترحين
وثاني شي انا قلت للطبيب ليش مااخليه على النيوشور او 6 شهور

قالي مانفضل التركيباتي الي فيها النمو سريييع يطول عليها الخديييج اذا وصل 3500 نحوله لانه يقول تكون مجهده على الجسم
يوم عمره يوم كان شهر 2400 وبعد جم يوم عنده موعد ان شاء الله يكون وصل 3 كيلو

هل لو استمر على النيوشور اول 3 شهور ياثر عليه وباي تركيبه تنصحيني

شوفي حبيبتي النيوشور مسوينة بطريقة خاصة للأوزان القليلة فمجرد ما يوصل البيبي للوزن الطبيعي نرده عالحليب العادي

ماله داعي نعطيه شي اهو مو محتاجه

بالنسبة للحليب الثاني تقدرين انتي تختارين من الانواع الموجودة اللي يناسب ولدج من ناحية تقبل الطعم و الغازات و الامساك

النيوشور يليه السيميلاك بس انتي لج الحرية انج تغيرين للنوع اللي تبينه

 

[د. رشــا الصفــي]

مشكووره دكتووورنااااااا على الاجابه ياارب يكون في ميزان حسناتج

حبيبتي بنت اختي عمرها 10 اشهر يابتها كيلوين ونص والحين وزنها 11 اسم الله عليها دبدووبه هلى وزنه زين او زااايد

اعيالي فيهم نشله وكحه اعطيهم ثلاث مرات فينستيل ودوا الكحه ماعرف اسمه الي في عشبه الخضره الحين صارلي 3 ايام والكحه ليلحين موجوده شسوي شعطيييهم

هل التطعيم 6 اشهر يسخن منه البيبي؟؟

مشكووووره واااااااااااااااااااااايد

وزن بنت اختج زايد بس مو وايد وايد لا عادي مجرد ما تبدا تتحرك و تمشي بينزل وزنها

الكحة يبيلها وقت علما تروح

عطيهم دوا الكحة اللي عندج بروسبان و ما يحتاجون شي ثاني الا اذا زادت وايد وديهم الطبيب يجيك صدرهم

نعم تطعيم 6 شهور يسخن منه البيبي

 

[د. رشــا الصفــي]

دكتوره بنتي خمس اشهورسارلها اسبوع تكرمين اسهال ولتهاب بلحفاض موطبيعي السهال مووره بعض بس اتسويها يمكن سبع مرات بل يوم

ولتهاب الحفاض شي عجييب استخدمت لها ببانيتن ولاياب فايده ولحين استخدم اكريم daktacort بس ماياب نتيجه وعلى فكره فيها كحه

شسوي حق التهاب الحفاض والاسهال هادين حيلها حطيتلها نشى وعطيتها بطاط مافي فايده

او اسفه عل ازعاج

الاسهال يبيله تغيير حليب الى حليب خالي من اللاكتوز

و الاتهاب الحفاظ حطيله طبقة سميكة من السودوكريم ووقفي اي كريمات ثانية

لا تغسلينها بماي و صابون الا مرة باليوم قبل النوم

نظفيها خصوصا هالوقت بمناديل الحفاظات مثل السيباميد ممتاز او الجونسون مع اللوشن

 

[د. رشــا الصفــي]

السلام عليكم؟... دكتورة عندي بنتي بعد اسبوع راح تكمل الشهر السادس... التطعيم مال الشهر الرابع للحين ما طعمتها لاخا كانت الفترة الي طافت كل ما نويت اوديها تطعيم تمررض حراارة وسخووونه ونزلة برد ... عادي دكتورة اذا تاخر التطعيم كل هالفترة؟؟

والله يعافيج دكتوورة انا توني بديت اوكل بنتي .,, وجبتين باليووووم.. العصر اعطيها ميلوبا الي اهو قمح مع الحليب ...وبليل اعطيها وجبة سيريلاك القمح بعد ... فا زين جذي ولا انا مثقل عليها واهي توها بالشهر السادس ..............


ودكتورة اذا الطفل يكون متجمع ورا اذنه ماي.. هالشي شنو اعرااضه ؟..وشلون طريقة الفحص عشان يعرفون اذا في ماي او لا .......مشكوووورة

التطعيم اذا تأخر تتأخر كل التطعيمات اللي عقبه

يسوون لها اعادة جدولة للتطعيمات عادي

لالا ثقيل جذيه

ابدي بالخضار عقب الفواكه اخر شي القمح

 

[د. رشــا الصفــي]

السلام عليكم دكتوره

ولدي الله يحفظه عمره 8 اشهر

من 5 ايام الدكتور كتبله ابره مضاد حيوي لانه قبلها باسبوع كان ياخذ شراب ولانه كان يرجعه ظل فيه التهاب بالاذن اليوم خامس ابره والاخيره ان شاء الله بس الفجر ارتفعت درجه حرارته لين 38 بس الحين حرارته مستقره انا مستغربه شلون رده ترتفع؟؟

و الحين صاير كلش ما يشتهي ياكل بس الحمدلله يرضع عادي

الدكتور كتب حق ولدي فيتامينات اسمها (minadex orange flavour tonic) لانه الحديد نازل عنده لانه الله يكرمج اسبوع كامل كان فيه اسهال

السؤال هل الفيتامينات تفتح الشهيه انا ما ابي ولدي يصير متين انا احب الصحه وما احب المتن..؟؟

الحراره حق التسنين لي وين توصل؟؟ و جم يوم تاخذ؟؟

هل عادي بعد المضاد الحيوي ترتفع درجه الحراره؟؟

انا مو عايشه بالكويت و الحين انا بالكويت ومن و صلت و اهوا مريض هل احتمال يكون هذا سبب الحمدلله؟؟

و يعطيج الف عافيه

الفيتامينات ما تفتح الشهية لا تحاتين

حرارة التسنين ممكن توصل 39 و ممكن يصاحبها اسهال او نزلة برد و ممكن يطلع السن بدون ما تحسين فيه

بعد المضاد ممكن ترتفع الحرارة شي بسيط اذا كان المكروب فايروس مو بكتيريا

لا حبيبتي ماله علاقة انتقالج من مكان لي مكان

 

[د. رشــا الصفــي]

السلام عليكم
دكتوره هل قله التغذيه تسبب تصبغات جلديه على بشره جسم الطفل

وجزاكي الله خير

يعتمد على نوع النقص

بس غالبا لأ

 

[د. رشــا الصفــي]

بتمنى تجاوبيني على أسئلتي وألف شكر لكي
انا بنتي عمرها 9 ايام حابه اعرف كيف اميز بين المغص أو دلع البنات انها تكون تعودت عالحمل لني لما امسكها وضع وقوف عكتفي تسكت وتنام ولما بتصحى بتكون بتشد عحالها وبتبكي بصوت جدا عالي كانها موجوعه وكيف ممكن اعالج المغص بهالعمر سمعت عن نقاط اسمها دسفلاتيل ونوع تاني اسمه غاز بيبي بتمنى تنصحيني مين أفضل نوع فيهم ومن الأعشاب شو ممكن أشربها يانسون ؟ كراويه؟ سكر نبات؟؟
لأن دكتور الاطفال حكالي قبل 3 شهور ما أعطيها اي شي بس مو معقول مافي حل ؟؟
وبالنسبه لحليبي انا مابشربها صناعي أبدا بس حابه اعرف منك ممكن أحفظ الحليب بالفريزر لمده كم؟؟؟
واخر سؤال بتمنى تتحمليني معلش بعرف ان الرضاعه بتساعد على تنزيل الوزن بس انا عندي زيادة وزن كبيره فهل لو استخدمت ماء الزعتر الزموته ممكن يضر بالحليب؟؟ لأني سمعت ان ماء الزعتر بنزل الوزن وكنت حابه أستفسر منك
واخيرا بتشكرك من كل قلبي وشرف كبير انك معانا بالمنتدى

بالنسبة للغازات عند الرضع تتوفر لها لاجات عديدة و ما نقدر نفضل نوع على الثاني المهم تقبل البيبي للعلاج

الديسفلاتيل و الغاز بمبي و ماي الغريب و الاعشاب كلها مجربة و فعالة بس مو كل الاطفال يستجيبون لها بنفس الدرجة

فلازم تجربين و تشوفين

و الاعشاب ما ننصح فيها الا للحالات القصوى لأن الافضل حليب الام فقط لغاية الشهر السادس بدون اي اضافات

بحرارة الغرفة 24 ساعة
بالثلاجة 3 ايام
بالفريزر 6 شهور

بالنسبة لنزول الوزن لا تفكرين فيه حاليا
توج والدة حرام
لا تكثرين حلويات و دهون
كثري خضار ورقية و بروتينات علشان يزيد الحليب بدون زيادة وزن

 

[د. رشــا الصفــي]

معليش دكتوره غلبتك معي بس وش اسوي من قلقي على بنتي

ومافيه الا انتي اساله بعد الله

انا قطعت عنها بروجرس نهائيا والنيدو بعدى

وبديت استخدم لها الان غين بلص ادفانس 3

فـ وش رايك فيه !!

هل استمر عليه او ارجع للنيدو !!

وهل حليب سميلاك غين بلص ثقيل مثل بروجرس

وهل هو يسمن الطفل لاني ماابي شي يسمنها لان بسم الله عليها صحتها زينه

معليش دكتوره اسالتي كثير بس وش اسوي من قلقي على بنتي والله

ومشكوره مقدمآ

غين بلس ادفانس ممتاز انا شخصيا كنت اسنخدمه لبنتي وايد كان زين

و ميزته انه اخف من البروجرس و ما يسمن لا عادي

 

[د. رشــا الصفــي]

السلام عليكم

دكتوره بنتي اسمالله عليها تقريبا 8 شهور عمرها بس للحين اعاني وياها بالقعده بلييل تقوم تبي ترضع وتنام يمكن ثلاث او اربع مرات واهيا متعوده تنام على الساعه 11 بس وايد تقعد شلون اعودها انه ماتقعد وتسحب النومه لي الخمس تقريبا او على الاقل تقوم مرتين بليل لي الصبح اهيا تقوم الساعه 2 وتقوم 4 وتقوم 6 وبعدها تقعد 8 ونص او مرات 9 انا ما اعطيها حليب اخليها تقعد اريقها بعدها بنص ساعه او ساعه ترد تنام لي الساعه 12 تقوم واغديها شرايج بجدولي صح جذي؟ بس ابي اعلمها انه ماتقوم وايد والمشكله بليل اخلي الحليب حقها 150 ويزيد وايد وينقط وقمت اخليه 120 هم يزيد مرات يعني احسها دلع تشرب رقم او رقمين شوي وتنام

وبالنسبه حق الاكل عادي اعطيها العيش الاسمر لانه الياف واحسه افيد ؟ ومتى اقدر اعطيها لبنه وزعتر سمعت انه الزعتر حار ؟ والتوست اي عمر؟؟

بالنسبة للنوم لا تخلينها تنام بالنهار وايد

و لما تقوم بالليل لا تعطينها حليب

مكن شوية ماي

و رضعة الليل خليها بعد العشا بساعتين او 3

الأكل تو الناس على العيش الاسمر صعب هضمه بالنسبة لعمرها

و اللبنه و الزعتر حامض عليها خليها عقب السنة

التوست مجرد ما تقدر تبلعه عطيها بس بهالعمر اتوقع تغص ما تعرف