روايتي الثالثة (( يا دنيا ارحميني )) .. قصة واقعية .. ReRez

[ReRez]

ok wait

يللا كاهو بالطريج :d

 

[cute princess]

بــــــــنــــــــــــــــــــات
تـــــــــــنـــــــــــــبـــــــــــيـــــــــــــه !!
ريـــريــــز بــــــــتــــــــــــنــــــــــــزل الــــــــبـــــــــــارت الــــــــــــحـــــــــــيـــــــــــــن
بـــــــــــس تــــــــــــرا مـــــــــــــــــاكـــــــــــــو غــــــــــــــيــــــــــــره الــــــــــــيـــــــــــــــوم
والـــــــلـــــــــــي تــــــــيـــــــــــي الــــــــســـــــــــاعـــــــــــه 6 تــــــــــســـــــــــــال ويـــــــن الــــــــــبـــــــــارت
راح تحسب في عداد المفقودين من عضوات المنتدى :rgewrg:

ونشكركم لحسن تعاونكم والسلام عليكم ورحمة الله وبركاته


​

 

[ReRez]

بــــــــنــــــــــــــــــــات
تـــــــــــنـــــــــــــبـــــــــــيـــــــــــــه !!
ريـــريــــز بــــــــتــــــــــــنــــــــــــزل الــــــــبـــــــــــارت الــــــــــــحـــــــــــيـــــــــــــن
بـــــــــــس تــــــــــــرا مـــــــــــــــــاكـــــــــــــو غــــــــــــــيــــــــــــره الــــــــــــيـــــــــــــــوم
والـــــــلـــــــــــي تــــــــيـــــــــــي الــــــــســـــــــــاعـــــــــــه 6 تــــــــــســـــــــــــال ويـــــــن الــــــــــبـــــــــارت
راح تحسب في عداد المفقودين من عضوات المنتدى :rgewrg:

ونشكركم لحسن تعاونكم والسلام عليكم ورحمة الله وبركاته


​

لوووووووووووووووووووووووووووووووووول بالظبط :d

ثاااانكس عالتنبيه المرعب خخخخخخ

 

[ReRez]

- 3 / دلال –

- صار عمر ندى 20 سنه .. وهذي ثاني سنه لها بكلية الهندسة تخصص هندسة كبيوتر.. و فرح 21 سنه معاها بنفس الكلية ونفس التخصص واهي بسنة ثالثة .. و نوره 22 سنة بكلية العلوم يمهم وهم اهي بسنة ثالثة لأنها كانت محوله تخصصها -

اما الباجي :
( ساره 28 متزوجه وعندها 3 صبيان .. ريم 26 هم متزوجه وعندها ولد وبنت .. جنان 23 توها متزوجة وسافرت مع ريلها يكملون دراستهم بره .. والأخير فهد عمره 14 سنة )
طبعا ماراح يهمكم الا ندى و فرح مثل ماقلنا اول شي .. خل اوصفهم لكم

ندى : ( ناعمه حيل ) بيضة و عيونها ناعسه ورموشها ماشاءالله وايد .. خشمها حلو وحلجها عادي لا كبير ولا صغير .. عندها غمازة قوية بخدها اليسار تطلع حتى لو ابتسمت ابتسامة خفيفة .. شعرها لي نص ظهرها ولونه بني بس بالشمس تبين لمعته ذهبية – مو متحجبه -.. ضعيفه ( من المرض لأن نفسيتها كانت وايد تتعب فما تاكل عدل ) بس عندها صدر فصاير شكل جسمها حلو .. طولها 160..

فرح : بيضه و عيونها كبار وباجي ملامحها متناسقه .. عندها خدود .. نقدر نقول حلوه .. شعرها اسود قصير – متحجبه - .. جسها حلو وهم عندها صدر ( طالعين على امهم ) .. طولها 163 ..
--

من اليوم اللي اعرفت فيه ندى ان امها الصجيه اهي فاطمة .. واهي ماترضى تروح اهناك الا بالمناسبات .. و علاقتها مع خواتها بارده حيل ماعدا فرح كانت وايد تنام عندها وتسليها وصارو وايد قراب من بعض .. اما عن حالتها الصحية ف اهي تروح حق الدكاتره بشكل دوري ( حكم أمل وسامي ) .. و النوبات اتييها بين فترات بعاد عن بعض مرات من غير سبب ومرات من الاضاءة والارهاق .. وطبعا على طول تاخذ ادويه و ماتقطعها..

- كلية الهندسة –

فرح : حياتي ندوي والله امي كل ليلة تبجي حرام عليج عاد .. روحيلها طيبي خاطرها شوي
ندى : اووو فروح جم مره اقولج لاتفتحين معاي هالموضوع
فرح : بس امي..
ندى : اي بالظبط اهي امج انتي مو امي انا
فرح : اوكي خلاص اعتبريها خالتج و طلي عليها
ندى : ماصارت مناسبة عشان اروح .. وصراحه بس اشوفها اتذكر وحدتي طول هالسنين .. واشلون انتو كلكم مع بعض وانا بروحي
فرح : حرام عليج .. انا كل ويك اند نايمه عندج
ندى : انا اتكلم عن لمتكم انتو كلكم خوات مع بعض الا انا .. قطتني لأني مريضة ولأني بنت صح ولا لأ؟؟
فرح : ليش تقولين جذي ؟
ندى : لأن هذا الصج .. انتو بناتها ومافكرت تتخلى عن أي وحده فيكم .. بس انا عادي قطتني بكل سهوله
فرح : لو تبين الصج حياتج وايد احلى من حياتنا
ندى : ( بعصبيه ) مو كل شي ينقاس بالفلوس .. حنان الام يسوى فلوس الدنيا .. صج ان امي مو مخليه علي قاصر وحنانها مكفي وموفي بس هم مادري كل ما اتذكر اموت قهر .. حتى اعيال سارة و ريم مايعرفوني عدل
فرح : انتي اللي قطعتي ريلج عن بيتنا
ندى : منو المسؤول عن هالشي ؟
فرح : حمدي ربج انج عند خالتي امل والله لو كنتي عندنا جان حالتج اسوء
ندى : خلاص عفيه فروح تونا بداية الدوام بليز لا تعكرين مزاجي اكثر .. وفكيني من هالاسطوانه اللي انعيدها كل يومين
فرح : اوكي خلاص على راحتج
ندى : اشعندج وقت الغدى ؟ خاطري اتغدى بره الكلية
فرح : نطري خل اشوف ( اوقفت اتدوّر جدولها بالجنطه )
ندى : وانتي للحين ماحفظتي وقت محاضراتج ؟
فرح : لا طبعا .. تونا بسم الله صارلنا اسبوع مداومين شلون احفظه ؟
ندى : كا انا حافظة جدولي وحافظة القاعات بعد
فرح : انتي مخج كبيوتر ماشاءالله انا مخي على قدي
ندى : ( تضحك ) زين خلصيني اشعندج بعد الوحده ؟
فرح : ( تطالع جدولها ) مممم خل اشوووف .. ماعندي شي فاضيه .. والله اليوم جدولي يهبل الساعة 11 ونص اخلص
ندى : ويي .. انا عندي داتا ستركجر من 11 لي وحده .. خلاص شوفي .. انا احضر اول ساعه بعدين استأذن
فرح : صار عيل اذا طلعتي دقي علي ناطرتج
ندى : اوكي سي يو
فرح : باي
( كل وحده راحت محاضرتها )

- بيت ام فهد ( فاطمة ) –

فاطمة : والله يا أمول اني كل يوم احلم فيها .. احس بعذاب والله
أمل : ( حطت ايدها على جتف اختها ) ادري والله حاسه فيج
فاطمة : ( بعصبيه ) لا مو حاسه فيني .. محد حاس فيني
أمل : والله اني كله اقولها اتطل عليج بس مو راضية وبصراحة اخاف اضغط عليها .. تدرين بعد حالتها الصحية تتعب و..
فاطمة : ادري ادري .. بس والله ولهت عليها وعلى ريحتها مايصير جذي ماتخليني اشوفها الا وين ووين
أمل : ( اسكتت )
فاطمة : وحتى لو ييت بيتكم تحبس روحها بغرفتها .. والله لو مو حالتها الصحية جان اجبرناها بالقوة انها اتزورنا انا وابوها
أمل : ( معصبة ) فاطمة انتي يوم عطيتيني البنت حلفتيلي انج ماراح تطالبين فيها .. وبعدين عن أي ابو تتكلمين ؟؟ مشعل اصلا مو عادها وحدة من بناته .. وهذا احسن عالأقل كان قد كلمته يوم عطاها اخوه
فاطمة : ( اقعدت تبجي ) أمل لا تحرقين قلبي اكثر الله يخليج تره انا اللي سويته حق مصلحتها .. والله لو كانت عايشه عندي جان حالتها الصحية و النفسية اسوء من اللي اهي فيه .. بناتي ما ترقعوا الا يوم تزوجوا .. طفولتهم ماكانت مثل غيرهم .. والحين شوفي نوره وفرح .. اهي سيارة وحده يتشاركونها معاي وكل يوم هوشة عليها
أمل : ( اكسرت خاطرها ) الله يعينكم .. تره والله لج اجر باللي سويتيه فرحتي قلبي بضنى وخليتيني احس باحساس كنت محرومه منه
فاطمة : ( ساكته )
أمل : ( تحاول تغير الموضوع ) وعلى طاري السيارة انا قلت منزمان خليني افتح لكم سيارة ثانيه حق فرح بس انتي الله يهداج مو راضية
فاطمة : لا مشكورة مانبي شي .. كافي بس تخلين بنتي تحبني .. تكفين حاولي فيها
أمل : ( تضايقت يوم اسمعتها اتقول بنتي ) ان شاءالله بكلمها بس ماراح اضغط عليها

- كلية الهندسة -
( بالمحاضرة .. ندى قاعده يم رفيجتها دلال و كل شوي تشوف التلفون وتجيّك عالساعه )

دلال : ( بصوت واطي ) اشفيج كل شوي تطالعين التلفون ؟
ندى : لأني بتغدى مع بنت خالتي فرح تأخرت عليها لازم اطلع الحين
( طبعا جدام الناس اهي وحيدة امها وابوها وماعندها خوات )
دلال : واي عاد انا ميته يوع واكره هالمحاضرة
دكتور ثامر : انتي وياها اذا عندكم سالفة مهمة كملوها بره القاعة
ندى : ( انحرجت حيل ) عفوا دكتور بس انا لازم استأذن عندي شغلة مهمة لازم اروح لها
دكتور ثامر : ( بنفسية ) حياج
ندى : ( بصوت واطي ) يللا اخليج استانسي بالدرس ( قامت )
دلال : ( بصوت عالي ) دكتور انا بعد بستأذن
( ندى طالعتها مصدومه .. بعدين سيدة طالعت الدكتور .. جنها تبيه يعارض طلعة دلال )
دكتور ثامر : روحوا فكووني خل اعرف اشرح
دلال : ( تضحك ) ثانكس داك
ندى : ( تتحلطم بصوت واطي واطلعت )
دلال : ( اطلعت وراها ) عبالج بخليكم تاكلون عني وانا ميته يوع
ندى : ( تبتسم ومالها خلقها ) كلمتي العنتر مالج اخاف مايرضى
دلال : لا ماراح اقوله مو ناقصه عوار راس
ندى : اوكي خل ادق على فروح

- دلال وايد حلوه برونزيه وشعرها لي جتفها كله تسويه كيرلي .. و وايد جريئة .. معنها رفيجة ندى و معاها بأغلب المواد .. بس للحين مو قادرة تتأقلم مع جرأتها سواء بطلعاتها معاها او بطريقة كلامها مع الدكاترة .. وطبعا فرح كلش ما تبلعها وكله تترجى ندى انها تقطع علاقتها بهالبنت –

--
راحت ندى عند سيارتها – بي ام سوده موديل السنة - و كانت فرح واقفه اهناك تنطرها بس اول ماشافت دلال معاها انقلب ويهها

فرح : ( لايعه جبدها ) ها دلال اشلونج
دلال : ميته يوع
فرح : اها .. انا بعد الحمدلله زينه
دلال : ( تضحك ) زين وين بناكل
ندى : بسم الله اول ركبو السياره وبعدين انشوف وين نروح
فرح : ( اتخز ندى ) لا خلينا ناكل اهني بالكفتريا
ندى : فرح صعدي السيارة و بلا سخافه
فرح : اوكي عطيني السويج انا بسوق
ندى : ( بطلت السيارة واقعدت ) لا حبيبتي السيارة سيارتي وانا اللي راح اسوق
( فرح اقعدت يمها .. ودلال اقعدت وره )
فرح : جنج ذالتني لأني ماعندي سيارة ولأنج كل يوم تمريني
ندى : وااي فروح شكو هذا باللي قلته ؟
دلال : خلاص انتي وياها تره اليوع يخليني اعصب الحين انزلكم من السيارة ثنتينكم واروح اكل بروحي
فرح : ( بصوت واطي ) قطييعة يعني شوفوني دمي خفيف
ندى : ( تسولف مع دلال عشان لاتسمع تحلطم فرح ) زين يا ام اليوع وين بتروحين ؟
دلال : لا يبه خلي فرح تختار شكلها معصبه اخاف اختار شي مايعجبها
فرح : ندى وديني ماك البحر
ندى : اوكي
---

- اوصلو ماكدونالز البحر اسفطت سيارتها .. وكان بره متروس سياكل وشباب –

دلال : وااي وناسه .. خل ننزل حدي يعت
فرح : ( لفت على دلال ) والله انج مستانسه عالسياكل مو عالاكل
دلال : وانتي ليش كله حاطه دوبج بدوبي؟
ندى : بس بنات خلاص عاد .. ننزل ولا نروح مكان ثاني؟
دلال : لا شكو مكان ثاني اهي اختارت ماك وراح تنزل ( بطلت الباب وانزلت )
فرح : ويع وييع اشهالبنت ؟؟ ندوي شكو يبتيها تكفين الحين تلم علينا الشباب كلهم
ندى : خلاص عاد لا تنكدين علي .. امشي ننزل وراها دشت بروحها حرام
فرح : حرام؟؟!!! .. والله تلقينها مستانسة عبالج تخاف؟
ندى : زين نزلي عفية قاعدة اترجاج
فرح : اوكي امشي الله يستر

( انزلوا ودشوا داخل لقو دلال حاجزة طاولة قريبه من طاولة شباب وقاعدين يطالعونها كلهم واهي تتبوسم )

فرح : شايفتها ؟؟ والله ماراح نقعد يمها امشي نقعد اهناك ودقي عليها قوليلها اتييلنا ( راحت حق طاولة بعيده ومافي يمها احد )
ندى : آآخ منكم بتحوشني جلطة بسبتكم ( اقعدت يم فرح ودقت على دلال )
دلال : ( ردت عليها بصوت دلع ) الوه .. وينكم؟
ندى : احنا داخل بس صوب الزاوية .. تعاليلنا
دلال : ( تطالع الشباب ) لااا عاااد ندوووي والله حجزتلكم طاولة تهبل
ندى : اوكي ماتبين اتيين خليج اهناك بروحج باي ( سكرت الخط )
فرح : زين تسوين فيها

- ثواني ويت لهم دلال .. تحلطمت شوي وبعدين اطلبو و خذوا الاكل واقعدوا مكانهم ياكلون –
شوي جان اييون نفس الشباب واقعدو جدام طاولتهم .. و بس دلال انتبهت عليهم لأن فرح وندى كانو ماعطينهم ظهر

ندى : فروح اليوم الدكتور ثامر عصب وفشلني شنو تمنيت الأرض تنشق وتبلعني
فرح : ويع ياكرهه هالثامر سامعة عنه وايد ان يغازل البنات
ندى : اي عينه زايغة شوي

- فرح وندى طالعو دلال ولا عينها كانت بعييد مو صوبهم .. متعديتهم .. و شوي من المايونيز موصخ شفايفها وكانت تلحسه عالبطيئ .. فرح التفتت وراها وشافت الشباب قاعدين يخزونهم ويضحكون –

فرح : هي انتي ما تستحين اشهالحركات القذرة ؟
ندى : خلاص فروح .. تعوذي من ابليس
دلال : ليش يمه اشسويت ؟
فرح : ( قامت ) والله ما اقعد وهذي معانا .. لا ليش تلحسين شفايفج جذي روحيلهم وخلصي عمرج
ندى : عيب فرح اشهالحجي
( دلال منصدمه قاعده اتطالع الشباب )

واحد من الشباب : هذي يعني عايشه دور الأم المربية
دلال : ( اضحكت )
فرح : ( خزت الصبي بعدين اطلعت من المطعم )
ندى : ( قامت ) انا رايحه بتيين تعالي ماتبين خلي أي احد يردج
دلال : لا شوي والحقج بس خل اتهنى بالصمونة
ندى : ( خلتها واطلعت ورا فرح )

- بره المطعم –

ندى : ليش سويتي جذي ؟ جان حقرتيها إلا تخربين الطلعه؟
فرح : ندووي اشفييج ؟؟ ماشفتيها شتسوي ؟؟ ماتستحي اشكره قاعده تغازلهم
ندى : أي و احنا شكو فيها
فرح : لا والله ؟؟ اهي طالعة معانا .. لمت علينا الشباب ماشفتيهم غيرو طاولتهم واقعدو يمنا ؟؟؟
ندى : زين خلاص اهدي وركبي السيارة
فرح : ( واهي تبطل الباب ) قطيعة هذا وعندها حبيب جذي تسوي
( اركبوا السيارة وانطروا دلال )


( كان في اثنين واقفين بره يم سيارتهم – لمبرجيني حمره – سافطينها يم سيارة ندى .. واحد من هالشباب كان يدخن .. مز مزة من الزقارة وقطها وداس عليها .. و أشر حق رفيجه عشان يركبون السيارة )

- أول ما يت دلال اصعدت ورى .. والبست الهاند فري وعلت على اغنية بتلفونها –

فرح : سويتي هالحركة السخيفة عشان ما اتكلم يعني ؟
ندى : تكفين فروح خلاص طاف
فرح : زقمتني والله ماتهنيت بالوجبة
ندى : تعالي بيتنا والله امي تسوي احلى من ماك بألف مرة
فرح : اشرايج انتي اتيين تتغدين عندنا
ندى : ( تبتسم ) لا مشكورة
فرح : اوكي انتي الخسرانة

( بعد فتره لفت فرح على دلال لقتها تسمع اغاني ومعليته حده حتى الصوت طالع بره الهاند فري وقاعده تكتب مسجات بتلفونها )

فرح : اقطع ايدي اذا ماخذت رقم واحد فيهم
ندى : زين واحنا شكو فيها ختولي
فرح : لا بس اهي عندها حبيب شكو تاخذ ارقام ؟
ندى : عاد اشدراني عنها .. اتصدقين هالسيارة ورانا من حركنا من المطعم
فرح : تهقين جمهور دلال لاحقنا ؟
ندى : ( تضحك ) يجوز
فرح : الله يستر من هالبنت
---

- بسيارة الشباب –

شاب1 : اي كيفي ولا تتدخل
شاب2 : يعني بنقعد اليوم كله وراهم منصجك ؟
شاب1 : اي طبعا منصجي واليوم ماراح ارجع بيتنا الا واهي ماخذه رقمي
شاب2 : وايد واثق
شاب1 : ( ابتسم وحط زقارة بحلجه وولعها ) بتشوف..

--------

بنات مثل ماقلت دشو آخر صفحة وبتلقون رد في ارقام الصفحات سواء مني او من البنات
مو مقصرين يعطيكم العافيه

____________


----


// ما أحلل أي أحد ينقل رواياتي ومايذكر اسمي ReRez //
---
ادعوووولي أتوظف وربي يشافي امي وابوي ويوفقني انا وخواتي وأهلي اجمعييييييين ياااارب

 

[MeeMeeYoo_2]

وااااي دلااال مو صج :| :|

يعطييج العافيه حبيبتي

 

[MeeMeeYoo_2]

ايي ونسيت اقوولج

زين انج نزلتي البارت هالحزه

لان من الساعه 6 وفوق يفصل المنتدى علينا وانا اتعذب على ما اقرى البارت

 

[zooz92]

ويييييي هذي دلال حددها ما تنبلع وووع

مسكيينة فاطمة كسرت خاطري

يعطيييج العااافية على الباااااااارت

نااااطرينج

 

[cute princess]

ندى شدعوه كرهت امها لي هالدرجه :×
ودلال هذي شنو ؟! ويع لوعه !!
والشباب شيبون ؟ :×

 

[SoS <3]

waaaaaaaaaay ReRe lesH ma 8ltili enCh mnzla Raya ydeda

:balo: ma y5alef 5la99 sam6tcH adre enna kThar elle yBoncH T8olilHom

ylla aNa Bro7 a8Ra w a8ol Raye almhm loooool

BrB :eh_s(21):

 

[girl0lisheis]

يسلمووووووووووووووو عالبارات ناطره البارت الياي

 

[dlo3t^baba]

وييييييع دلال شنو هذا مو من صجها :rgewrg:
وندى عاد بسج دلع روحي طلي على امج مهما يكون هاذي امج :eh_s(10):

بنـــــــــــــــــــــــــــــــــات البارتات صفحه
1 و 7 و 11 ​

 

[ReRez]

وااااي دلااال مو صج :| :|

يعطييج العافيه حبيبتي

الله يعااافييج حبوو

ايي ونسيت اقوولج

زين انج نزلتي البارت هالحزه

لان من الساعه 6 وفوق يفصل المنتدى علينا وانا اتعذب على ما اقرى البارت

هههههههههه لا تستانسون مو دايما .. بس لأني قمت مبجر وكتبت
اذا قمت مبجر مره ثانيه اعيدها عشان خاطرج :eh_s(21):

ويييييي هذي دلال حددها ما تنبلع وووع

مسكيينة فاطمة كسرت خاطري

يعطيييج العااافية على الباااااااارت

نااااطرينج

تسلميين حبووو زووووزييي ^_^

ندى شدعوه كرهت امها لي هالدرجه :×
ودلال هذي شنو ؟! ويع لوعه !!
والشباب شيبون ؟ :×

كيوت محد يقدر يحس باللي تحسه ندى .. لأن اول شي هذا احساس مانتخيله ان امي عطتني وحده ثانيه
وخواتي كلهم مع بعض الا انا بنت البطه السوده مقطوطه بروحي .. وثاني شي اهي مريضه فحالتها النفسيه تعبانه اكس
من قلب .. واهي تتعالج عند طبيب نفسي غير طبيب الاعصاب .. ف مانقدر نقيس احساسها و تفكيرها بتفكيرنا احنا ..

ودلال اي حددده من قلب ويع والقادم ألوع :×
والشباب مادري اشيبون يمكن يبونج

waaaaaaaaaay ReRe lesH ma 8ltili enCh mnzla Raya ydeda

:balo: ma y5alef 5la99 sam6tcH adre enna kThar elle yBoncH T8olilHom

ylla aNa Bro7 a8Ra w a8ol Raye almhm loooool

BrB :eh_s(21):

:$ :$ :$ :$ آآآآسفه جدا .. احبج سوس :$
اي عفيه ابي رايج .. البارتات ص 1 . 7 . 11 شكرا مقدما

يسلمووووووووووووووو عالبارات ناطره البارت الياي

الله يسلمج حبووو

 

[الليدي ديانا]

واااي ندوي شكو مرافجه دلال وع هيلقيه


قواج الله ريريز

 

[sweet_girl96]

يعطيج العاآآفيه ع الباآرت

دلال مو منصجهاا ويع ويع @@

برررب :*

~

 

[ReRez]

بناااااااااااااااات قبل لا كل وحده تقول شي عن ندى وليش ماتروح حق امها خل اعييد اللي قلته حق كيووووت
----
محد فينا يقدر يحس باللي تحسه ندى ولا انقيس تفكيرنا بتفكيرها .. لأن اول شي هذا احساس مانتخيله ان امي عطتني وحده ثانيه لأني بنت
واهي تبي ولد وهم لأني مريضه ومو قادره على تربيتي غير هذا خواتي كلهم مع بعض الا انا بنت البطه السوده مقطوطه بروحي .. وثاني شي اهي مريضه فحالتها النفسيه تعبانه اكس من قلب .. واهي تتعالج عند طبيب نفسي غير طبيب الاعصاب ..

واهي حساسه اووفر بسبة المرض خله نفسيتها تتعب لأبسط الاسباب .. عشان جذي مانقدر كلش نحط نفسنا بمكانها

وشكرا اتمنى اني قدرت اوضح الصوره

:balo:

 

[ReRez]

وييييييع دلال شنو هذا مو من صجها :rgewrg:
وندى عاد بسج دلع روحي طلي على امج مهما يكون هاذي امج :eh_s(10):

بنـــــــــــــــــــــــــــــــــات البارتات صفحه
1 و 7 و 11 ​

تسلميييييييين على كتابة الصفحااات فدييتج .. وبخصوص ندى اقري التعليق بالأحمر

واااي ندوي شكو مرافجه دلال وع هيلقيه


قواج الله ريريز

ههههههههههههههه اعجبتني هيلقيه لوول
تسلمين حبوو ليدي ..

يعطيج العاآآفيه ع الباآرت

دلال مو منصجهاا ويع ويع @@

برررب :*

~

هههههههه اهم شي ان البارت باسمها خخخخخخ
تيت

 

[cute princess]

ريريز !! انشالله ما تكتبين كل هذا بخط عريض وعندي :|
حسستيني سبيتها :| لوووووووول خو سؤال بسيط مو قصدي سامحيني اسفه ماعيدها

 

[انا خطر]

وااااااااي

قطيعه تبط الجبد دلالو((( الله يستر بس ))))

ناطرينج باجر

 

[Danya =)]

يا حياااتي ندى من حقها ما تحب تشوف امها



وشنو هذي دلاااااال قطييعه :s وع اتلوع الجبد

ثاااانكس حبيبتي ريريز عالباررت

ناطريينج باجر

 

[ReRez]

ريريز !! انشالله ما تكتبين كل هذا بخط عريض وعندي :|
حسستيني سبيتها :| لوووووووول خو سؤال بسيط مو قصدي سامحيني اسفه ماعيدها

لوووووووووووووووووووووووول والله موتيني ضحك لوووووووووووول
موقاصده :× بس كان قصدي اني اوضح المسأله وشنو اتحس اهي لأن احنا لو شنو سوينا مانقدر نفكر مثلها
لووووووووووووووووول أخ بطني .. خايسه كيوت زيييين