روايتي الثالثة (( يا دنيا ارحميني )) .. قصة واقعية .. ReRez

[The purple]

كيوت بسرعاااااااااااااااااااااا جدامي اشوف اعتذارج ؟

وعليه محد غيري كان مصدق حمد

خوش ولد والله يوفق فرح خير ومايندرى ماهو القادم ~

 

[JaN JaN]

الله يسهل عليها انشالله

 

[spongebob93]

loool allah y5lekom lba3a'9 enshaalah .., w yGawmha belsalama enshallah .., w e5thay ra7tich ma wrana shay ;Pp
waiting

 

[ReRez]

بناااااااااااات حبي انتو مشكووورييييييين عالتفااعل فديييييييتكم بس البارت للحين ماخلصت نصه :$
مو مني :$ من اختي خلتني اصبغ شعرها و عفست الدنيا ووصخت ايدي ومايرووووووووووح كل هذا عشان قاعدين نستعد حق
ودلادة اختي الثانية واستقبال المستشفى .. اتقول حاسه انها بتولد باجر او عقبه فصاير لويه عندنا

المهم بس اكمله انزله لكم فديييتكم وفديييييت التقديييييير ^_^

واللي قالوا يكرهون ندى تره حراام والله .. فديتكم اسم ا لله عليكم بس الله لا يحط احد بمكانها .. وتره نفسيتها مو مثلكم لأن من انولدت معاها مرض
واهلها اللي من دمها مو عايشين معاها ولا تنسون انها بشكل دوري اتروح حق طبيبه نفسية واهي حساسه حيل فلاتقولون مليقه وماتنبلع
قولو الحمدلله عالعافية والنعمه اللي احنا فيها

وشكرا :$ برب

 

[cute princess]

كيوت بسرعاااااااااااااااااااااا جدامي اشوف اعتذارج ؟

وعليه محد غيري كان مصدق حمد

خوش ولد والله يوفق فرح خير ومايندرى ماهو القادم ~

لووووووووووول انا كنت احبه من الاول :$
وكنت اسال ريريز متى بتكرهيني فيه ؟ :$
بس ماقلت جذاب :$
بعدين ما اعتذر حق احد انا .... خُذيييييييي :23_asmilies-com:

 

[~RouNa~]

لاااااااااااااااااااااا كيوت مو من صجج

على اساس صرتي المتحدث الرسمي

صرتي تمشين و تكفخينا !

ري ري , الله يسهل على اختج ان شاءالله

و يقومها بـ السلاااامة

اخذي راحتج

 

[The purple]

لووووووووووول انا كنت احبه من الاول :$
وكنت اسال ريريز متى بتكرهيني فيه ؟ :$
بس ماقلت جذاب :$
بعدين ما اعتذر حق احد انا .... خُذيييييييي :23_asmilies-com:

لووووووووووووووووووووووووووووووووووووووووووووووووووووووووووووووووووووووووول


:krkrkr:
:krkrkr:
:krkrkr:
:krkrkr:
:krkrkr:
:krkrkr:
:krkrkr:
:krkrkr:

محد خُذييييي غيرج :23_asmilies-com: :j013: <انتي ام الذبانات انا البيضاء المشتطه !!

لا لا كلش ما كتبتي حق Rouna معلقه بس عشان قالت الغايب عذره معاه :krkrkr:

الله يصلحج تطقيني ووراي جيلوجيا بروحها ماتحبني خلقه :23_asmilies-com:

:friends: < حقج xD

 

[ba6re8a]

:23_asmilies-com:كيوووووووووووتو انا خذيييييته قبلللللللللج

ريري اخاف كلهذا ويطلع جيكر حطي صووورته دخيل الله لا نبتلش فييييييييييييييهppp :eh_s(20):

 

[The purple]

بطريقااااااااااااااا @@
انتي مو متزوجه @@ ؟

 

[كويتية و النعم]

اخذي راااحتج حووبي
ان شاء الله اختج توولد بالسلاااامة
ناطريــــــــــــــــنج ريريز =)

 

[بلووونه]

الله يقوم اخت بالسلامة
وعادي متى ما خلصتي البارت نزليه

 

[sarouy]

loooooool a5tch mo wgtha toold 3gb ma andmjnaaa hahaha alla ygwmha fee alslamaa ya rb a5thee ra7tch ma wrana shai a7na

 

[ba6re8a]

اييييي
الشرررررررع محلل 4

 

[ba6re8a]

بطريقااااااااااااااا @@
انتي مو متزوجه @@ ؟

اي الشرع محلل اربعه :sfg:

:nocommint:

 

[فيلجـ كول ـاويه]

ويييييييي مسكييين حمد لووووووووول

يعطيج العافيه عالبارت وناطرينج حبووو

 

[صباح الليل]

واااااااااااااااااااااااااااااااااااااااو
انا مستانسه اكثر من فرح بصراحه كنت شاكه في حمد
بس اثبت انه رياااااال
والفال حق ندى
الباااااااارت روووووووووووووووووووعه
يسلمووووووو ياحلوه وناطرينج

 

[ReRez]

- 12 / الخطبة -

- صار يوم الخميس .. يوم وصول الخطاب ( حمد واهله ) –

( ندى توها واصله عند بيت فرح .. سمت بالرحمن وانزلت )

فاطمة : هلا بحبيبة قلبي ( باست ندى ولمتها )
ندى : هلا خالتي اشلونج
فاطمة : ( ماتحب تسمع هالكلمة بس شتسوي راضية بالقليل ) الحمدلله كلنا بخير الا فرح شكلها بتهون وماتنزل حق الأوادم
ندى : ( تبتسم ) خلاص عيل خل اصعد لها
فاطمة : روحي يمه ويا عساني اشوفج عروس بعدها على طول قولي آمين
ندى : ( كملت طريجها جنها ما اسمعت شي )
--

- غرفة فرح –

ندى : ( طقت الباب ودشت لقت فرح ونوره قاعدين عالسرير ) السلااام عليكم
فرح : ( قامت لها بسرعه ولمتها ) ندوووي حديي خايفه مادري شسوي
ندى : ( بصوت واطي ) وليش خايفه ؟ مو انتي تحبينه ؟
فرح : خايفه من اهله مادري احس ماراح اعجبهم
ندى : مالج شغل المهم عجبتيه اهو
نوره : اقول ندى يعني مع فرح عرفتي الواجب .. ومعاي انا تحججتي بحجج فاضية ها ؟
فرح : نوره خلاص عاد
ندى : ( تبتسم ) لا يمكن لأن فرح غير
نوره : ( هدت المكياج اللي بيدها ) اقول فرح خلي هذي تضبطج انا رايحه غرفتي ( خلتهم و اطلعت )
فرح : ( اقعدت عالسرير ) اووو ليش جذي ندوي والله خربتو علي هاليوم
ندى : ( راحت اقعدت يمها ) ماعليج من اللي صار والله الحين اسويج احلى عروس .. اشوف وريني شعرج

(فرح عطتها ظهر عشان تشوفه .. كان شوي مرفوع نص بف ومن وره حاطه مشبك ذهبي حلو والشعر اللي نازل مسويته ويفي )

ندى : سويتيه بصالون ؟
فرح : اي
ندى : وايد حلو
فرح : زين ندوي تره بعد ساعه راح اييون والله قلبي بيوقف
ندى : بعد ساعه ؟؟ عيل شناطره تمكيجي
فرح : ماقدر حاولت بس ايدي ترجف والآي لاينر مايضبط .. عفست الدنيا قبل شوي ورحت غسلته
ندى : كسرتي خاطري حالتج كسيفة .. خلاص انا راح احلطج
فرح : اي يللا عفية ماكو وقت
ندى : بتلبسين اوف وايت بذهبي صح ؟
فرح : اي
ندى : احلى شي حق المكياج قعدي عدل خل احطلج

- ندى اقعدت تحط حق فرح مكياج خفيف ذهبي على نحاسي و اهي قاعده تحط لها مسكرا رن تلفونها جان تنقز ووصختها على خدها –

ندى : فروح اشفيج ليش نقزتي جذي ؟ دمرتي ويهج
فرح : مادري مادري والله حدي مرتبكه ( خذت التلفون وردت عليه ) الو هلا حبيبي
حمد : حبي تره بعد شوي بنطلع من البيت قلت اقولج عشان تستعيلين ادري للحين ماخلصتي
فرح : ها ؟؟ ليش اتيون الحين تو الناس
حمد : شنو تو الناس ؟ المفروض يايين منزمان .. خلصي بسرعه تره اول شي ينزلون امي وخواتي وبكون ناطرهم بره اذا دقو علي راح ادش وبكحل عيني فيج وشكلي راح ابوسج جدامهم
فرح : ( حدها ارتبكت زيادة ) حمد عااد حرام عليك بروحي مو ناقصه
ندى : ( حطت طرف الكلينكس بقلاص ماي يمها واقعدت تمسح خد فرح ) فروح خلصيني سكريه ورانا شغل
حمد : يللا حياتي اخليج الحين باي ( عطاها بوسه وسكره )
فرح : ( قاعده ترجف وحطت التلفون يمها ) يقول يايين الحين
ندى : اشدعوه علييج فروح ليش قاعده ترجفين الدخله اليوم ولا شالموضوع ؟
فرح : والله مادري اشفيني .. خلصي مكياجي يللا بحاول ما اتحرك

( اقعدت ندى تكمل لها المكياج وحطت اللمسات الأخيره بلاشر و حمره وكان شكل فرح وااايد حلو وكانت حيل ناعمة )

فاطمة : ( دشت عليهم ) ها بنات كل شي تمام ؟
فرح : مادري يمه احس حدي خايفه
فاطمة : ماشاءالله تبارك الرحمن اتهبلين فروح
فرح : ندى مكيجتني
فاطمة : ايي وانا اقوول ليش طالعه قمر
ندى : ( ابتسمت )
فرح : ( معصبه ) لا والله ؟؟ يعني انا سحت ؟؟
فاطمة : ( راحت لمتها واهي تضحك ) لا ياقلبي انتي اتيننين و ندوي اعرفت اتطلع جمالج عدل

(ندى تطالعهم وحاسه بغصه .. هذي امها بس كلش ماحست بحنانها مثل ما قاعده تحسه فرح بهاللحظه .. وبكل لحظة )

فرح : يمه البنات يو ؟
فاطمة : اي ريم وساره تحت قاعدين يبخرون ويحطون الحلو وهالسوالف .. نورو وينها ؟
فرح : بغرفتها
فاطمة : زين خلصي لبسي ( اطلعت وخلتهم )
---

- خلصت فرح لبس وكانت طالعه حدها اتينن .. كانت لابسه نفنوف ناعم لونه اوف وايت طوله لي نص الركبة جمومه طويله بس شفافه وبنهايتها صوب الاطراف ذهبي .. وصوب الصدر هم كله شيفون شفاف لي الرقبة وبعدها في مثل الطوق ذهبي حواليها .. والبست تراجي ناعمين –

ندى : ماشاءالله فروح اتيننييييين
فرح : ( حدها مستانسه واقفه عند المنظره ) صج ؟؟
ندى : اي والله صج
---

- اوصلوا ( ام حمد و خواته ثنتين .. هدى 28 سنة .. مشاعل 25 سنة ) –

فاطمة : حياكم الله تفضلوا
ام حمد : ( ويهها اصفر ومبين عليه التعب ) الله يحييج دام فضلج
هدى ومشاعل : الله يحييج ( اقعدو يطالعون الصالة بطريقة غريبة )

( صالة فاطمة حلوه و شرحه وأثاثها متناسق بس فرق كبير بين صالتهم وبين أصغر صالة من صالات بيت أم حمد )

- ام حمد اقعدت تسولف مع فاطمة وتعرفها على بناتها .. ونفس الشي فاطمة اقعدت تعرفهم على سارة و ريم -

ساره : ( صبت لهم قهوة وعطتهم اياها مع حلو حطته عالطاولة جدامهم ) حياكم الله
هدى : ( مالها خلق ) الله يحييج
مشاعل : ( تساسر هدى ) يعني حمد من صجه ؟
هدى : خلاص سكتي
فاطمة : ها عيل وين بنيتنا عبير ماشفناها
هدى : قاعده مع اعيالي مرضى اسم الله عليهم عاد انا بغيت اجابلهم بس شنقول بعد اضطريت ايي مع امي
ام حمد : ( تبتسم ) اي والله اعيالها صغار و يبيلهم احد يحط عينه عليهم مانقدر نعتمد عالخدم ينخاف منهم
فاطمة : اي والله صاجة
ام حمد : نادو العروس خل نشوفها
فاطمة : يمه ريوم نادي اختج
ريم : ان شاءالله ( قامت دشت داخل )
---

- فوق عند فرح –

فرح : ( تتكلم بالتلفون ) حمد مااقدر احس ريلي ماراح تشيلني
حمد : عمري هدي نفسج .. وتره ماراح ياكلونج عادي يعني خليج طبيعيه
فرح : الله يستر

- دشت ريم –

ريم : فروح امي تقول يللا نزلي
فرح : ( قلبها طاح ) اوكي روحي لاحقتج
ريم : يللا لا تتأخرين ( اطلعت )
فرح : بسم الله وجعلنا من بين ايديهم سدا ومن خلفهم سدا فأغشيناهم فهم لا يبصرون .. خلاص حمد يللا باي بنزل الحين
حمد : ( ميت ضحك ) تدرين والله كسرتي خاطري خلاص مو لازم انا هونت
فرح : حمد خلاص عاد باي
حمد : ( للحين يضحك ) باي
ندى : ( تضحك ) رايحه تجهادين انتي ؟
فرح : ( معصبه ) خلاص انتي الثانيه
ندى : يللا روحي
فرح : ( قامت غصب وتحس معدتها تقلب ) بسم الله الرحمن الرحيم ( اطلعت بره الغرفة واهي تقرى المعوذات )
ندى : ( اقعدت عالسرير وتنهدت ) الله يوفقج
---

- فرح دشت الصالة وريلها غصب شايلتها –

فرح : السلام عليكم
ام حمد : وعليكم السلام ماشاءالله اشلونج فرح
فرح : ( سلمت عليها خد بخد ) الحمدلله بخير

- راحت تسلم على خواته بس كانت نظراتهم ماتريح –

هدى : هلا
مشاعل : انتي فرح ؟
فرح : اي
مشاعل : ممم

- راحت فرح اقعدت يم امها .. وام حمد اقعدت تسولف معاها واهي ترد على قد السؤال ماتقدر تسولف من الاحراج –

مشاعل : ( تكلم هدى بصوت واطي ) شكلها اعجبته .. باينه مو هينه ولا شكو لزّم الا ياخذها اهي
هدى : مادري عاد حدهم دون المستوى
مشاعل : اكسسواراتها مو اصلية اشكره مبينين أي شي
هدى : زين خلاص بعدين امي تنحرج بسبتنا .. والله لو مو مرضها جان ماوافقت على جذي نسب
ام حمد : بندخّل حمد اذا ممكن
فاطمة : يمه فرح قومي لبسي ونزلي بسرعة
فرح : ( حست قلبها بيطلع من مكانه ) ان شاءالله يمه ( اصعدت فوق )
---

- بعد 10 دقايق انزلت لابسة ملفع و تحت النفنوف ليقينز بني وحطت عليها جاكيت بني قصير اللي يكون بس جم –

حمد : ( طالعها وابتسم )
فاطمة : يمه قعدي عالغنفة اهناك ( أشرت لها على غنفة بعيده عنهم )
فرح : ( ماقدرت تقول شي بس راحت واقعدت )
فاطمة : قوم حمد يمه اقعد يمها اكيد في اشياء تبون تعرفونها عن بعض
حمد : ( قام واهو يبتسم ويطالع امه )

- راح قعد يم فرح واهي حييل منحرجة –

حمد : ( بصوت واطي ) اشفيج جنج اول مره تشوفيني .. رفعي راسج طالعيني
فرح : ( طالعته )
حمد : اشحلاتها حبيبتي قمر والله قمر
فرح : خلاص حمد لا يسمعونا
حمد :لا تخافين قاعدين يسولفون مو معانا كلش
فرح : وايد حلوه عليك الدشداشه والغترة
حمد : اي اعجبج
فرح : ( تبتسم )
حمد : اخت فرح انتي أي سنه الحين وشنو تخصصج ؟
فرح : ( تطالعه منصدمه ) شنو ؟
حمد : ( يبتسم ) لا بس قلت اعيش الدور اني ياي اخطب وجذي
فرح : ( تضحك )

- الكل التفت عليهم واهي ماتت من الاحراج .. بعدها ام حمد اقعدت تسولف مع فاطمة عشان لا يحرجونهم –

حمد : فضحتينا
فرح : ( شوي وتبجي ) كله منك

- بعد ماخلصو زيارتهم .. مشو حمد واهله –

فاطمة : والله الام عسل وتدخل القلب بس خواته دمهم ثقيل
فرح : ( تبتسم ) اي الام شكلها طيبه
فاطمة : واشلون الولد ؟ شكلج خذيتي عليه بسرعه
فرح : ( ويهها قام يقط الوان ) باين ان دمه خفيف
فاطمة : بس تره يدخن
فرح : قال ان شاءالله راح يقطع قاعد يحاول من الحين
ريم : ماشاءالله حلو و شكله خوش واحد
فاطمة : يعني انتي موافقة ؟
فرح : ( اسكتت وهزت راسها )
فاطمة : ( لمتها ) عيل الف مبروك

- ندى انزلت واستأذنت انها بترد البيت لأنها تأخرت .. اطلعت وخلتهم مع بعض .. خوات و أم يضحكون ويباركون واهي تبارك عالماشي وتطلع من البيت اللي المفروض يكون بيتها و ترجع حق البيت اللي كان بالاساس مو بيتها –

( دشت البيت لقت سامي توه بيدش غرفته )

سامي : ها يبه ندوي ؟ اشلون الخطبه ؟
ندى : زينه الحمدلله .. وين امي نايمه ؟
سامي : اي يبه امج اليوم تعبانه ولازم ترتاح
ندى : اقدر اشوفها ؟
سامي : نايمه يبه خليها وقت ثاني
ندى : اوكي عيل انا رايحه غرفتي
سامي : الله معاج يبه ( دش الغرفه وسكر الباب وراه )

- ندى راحت بدلت ملابسها و اسبحت واطلعت انسدحت تطالع تلفونها –

ندى : محد يدق الا فرح ودلال .. والحين فرح خلاص الله يوفقها .. مابقت الا دلال وهم مناشبيني لأني اكلمها ( دقت على دلال )
دلال : الو
ندى : هلا دلول ها شتسوين ؟
دلال : طالعه مع علي
ندى : دلول ويعه الساعه 10
دلال : اي بعد شوي ارجع اشفيج عادي
ندى : زين واشرقعتي حق امج وين قلتي انج رايحه ؟
دلال : ( تضحك ) طالعه معاج طبعا .. ليش احنا مو طالعين مع بعض ؟
ندى : بلى بلى طالعين مع بعض بس لا تطولين ردي بسج عاد
دلال : اوكي عمري اموواح بايوو
ندى : باي ( سكرت التلفون ) والله هالبنت على هبالها بس متى مادقيت احصلها .. وكله تسأل يحليلها

- دزت حق فرح مسج " مبروك حياتي .. يللا الفال حق العرس .. تصبحين على خير " .. بعد شوي وصلها مسج .. " وانتي من اهله حبي " –

ندى : ( بقلبها ) اكيد قاعده تكلمه ولا جان دقت .. الله يهنينها .. ( حطت التلفون تحت مخدتها ونامت )
--

- الساعه 12 بالليل .. غرفة أمل –

سامي : حبيبتي قومي مايصير لازم اوديج الحين
أمل : وندى ؟
سامي : خليها نايمه ماراح نقعدها
أمل : ( متألمه ) سامي انا خايفه
سامي : ( باس راسها ) لا تخافين فكري انها كلها جم ساعه وتشوفين عبود اللي طول عمرج ناطرته
أمل : ( دموعها انزلت مو مصدقة انها بتشوف ولدها ) يللا عيل ييبلي عباتي و خل نروح
سامي : ( قام يابها ولبسها اياها ) يللا قومي

( مسك ايدها وقومها واطلعو من البيت )

----
تحياتي

ⓡⓔⓡⓔⓩ
:eh_s(22):

 

[بنت الكويت 15]

يعطيج 1000 عافية حبيبتي ريريز على البارت
و الله يعينج عندكم ولادة و حوسة
أنا شينطرني شهر لين تخلص القصة ... و اي كل يوم أنطر على نار
تسلم إيدج و ما تقصرين

 

[3rbawia 7lwa]

انا ما ارد وايد بس هالممرة رح ارد علشان لا ازعلج مسكينة كسرتي خاطري حالتج كسيفة الله يعينج
البارت مو قصير حيل حلووو خوات حمد وايد ملاقة من شاف شكلهم عاد اشكالهم احس خايسين

 

[BiiShOoO]

يعطيييج الف عاافيه على البااارت خيتووووووووووووووووووووو