روايتي الثالثة (( يا دنيا ارحميني )) .. قصة واقعية .. ReRez

[أم@الحلوين]

ماتشوفين شر

مافي بارت يديد؟؟

 

[ReRez]

بنات انا اليوم خشمي نزف خمس مرات .. ماقدرت اقعد اكثر عالجهاز .. امي زفتني ويابتلي ثلج وخلتني انسدح
وحطيته على خشمي من فوق .. وبعدها نمت ماحسيت على نفسي .. قمت قبل ساعتين كتبت بسرعه

بس الموقع مايفتح معاي طلعلي شي اول مره اشوفه .. مبدع فيني المنتدى كل يوم ايرور يديد .. شوفوه في احد يعرفه

تقريرك لا يمكن معالجتها لأن الرمز (token) قد انتهت صلاحيته
رجاء عد للخلف وحدث الصفحة السابقة.

حدثتها مليون مره وكله نفس الايرور يطلع

:nocommint:

المهم الحمدلله على سلامتي تفضلو البارت

----

- 14 / مصيبة دلال -

- بعد 3 دقايق هدت نوبة ندى .. وبطلت عينها على صوت امها ( امل ) تناديها وتطق الباب وبنفس الوقت عبدالله كان يبجي .. تمت منسدحه مكانها تحس بألم وطعم دم بحلجها –
أمل : ( تطق الباب حيل ) ندى يمه اخوج قاعد يبجي
ندى : ( حاولت تقوم بس حست بدوخه )
أمل : ندى ليش قافله الباب ؟؟ بطليه بسرعه

( ندى قامت خذت كلينكسات و امسحت فيها السانها كان الدم يصب وايد صج ان الجرح غزير .. بس الحمدلله يت على جذي .. لأن اذا مانحط شي بالحلج وقت النوبه ينخاف من الأسوء اما احتمال ان يصير شلل بالسان من قوة العضات عليه .. او لا سمح الله تختنق وتموت نتيجة بلع اللسان )

أمل : ندى بطلي الباب
ندى : كاني ييت ( راحت بطلت لها الباب )
أمل : ( تصرخ ) ليش قفلتيه ها ؟ ( راحت اركضت حق عبدالله وشالته ) بس يمه خلاص
ندى : ( واقفه تطالعها وماتكلمت )
أمل : ( استوعبت اللي صار ) ندى حبيبتي ليش مارديتي علي وانا اطق الباب ؟؟ صارتلج نوبه قبل شوي ؟
ندى : ( طالعتها و من غير أي كلمة خلتها واطلعت من الغرفة )
أمل : ( طالعت عبدالله واهو بايدها .. بعدها ارفعت راسها عالباب .. واسألت نفسها ) معقوله انا قاعده افرق بينهم ؟؟؟
---

- بالفندق –

حمد : ( قاعد يم فرح واهي بلبس العرس ) حبيبتي مستانسه ؟
فرح : ( تهز راسها – اي -)
حمد : ( وقف يشيل طرحتها ) اذا عورتج قولي .. لأني ماعرف اشلون يشيلونها
فرح : اوكي
حمد : ( بعد عناء قدر يشيلها وبطل تسريحتها )
حمد : قمر والله قمر
فرح : ( ساكته وحيل منحرجه )
حمد : حياتي مستحية ؟
فرح : ( تبتسم واهي ساكته )
حمد : ( مسك ايدها وباسها ) احبج
فرح : وانا بعد
حمد : وانتي بعد شنو ؟
فرح : ( تبتسم ) وانا بعد احبك
حمد : فديت عمرج .. اساعدج تبدلين ؟
فرح : لا .. انا ابدل بروحي
حمد : ( يبتسم ) يللا عيل بدلي
فرح : ( قامت ) بروح ابدل بالحمام
حمد : لا والله اتبدلين اهني وجدامي بعد
فرح : حمد عااد !!!
حمد : لا عاد ولا ثمود .. اتبدلين اهني يعني اهني
فرح : حمد مايصير جذي
حمد : شنو مايصير انتي مرتي خلاااااص حلالي
فرح : اي بس انت ماعطيتني فترة ملجة عشان آخذ عالوضع
حمد : فرووح اللي يسمعج يقول عرفتيني امس
فرح : لا بس يعني مادري اشلون
حمد : زين تبين عشى ؟
فرح : لأ
حمد : ولا انا ( قرب منها وباسها )
فرح : ( ارجعت لي ورى ) حمد عشان خاطري خلني اروح اغسل وابدل
حمد : اوكي خلاص .. بس اليوم بسمحلج
فرح : ( ابتسمت وقامت )
حمد : لا تتأخرين
فرح : ماراح اتأخر
---

- غرفة ندى –

سامي : خلاص ندى بلا كثرة كلام باجر راح تروحين معاي المستشفى
ندى : بس للحين باقي وايد على موعدي
سامي : ميخالف بنروح قبل الموعد .. خل يشوفج الدكتور
ندى : اوكي يبه خلاص بروح معاك و الحين ممكن انام ؟
أمل : حبيبتي لا تتضايقين والله يمه هذا كله حق مصلحتج
ندى : ( اسكتت )
أمل : ( باست خد ندى ) يا روح امج كلميني ليش تسكتين
ندى : انتي حتى ما سألتيني اذا فيني شي او لأ
أمل : يمه اخوج كان يبجي حيل و ما انتبهت انج ...
ندى : خلاص عفية خلوني الحين برتاح وباجر اروح معاكم وين ماتبون
سامي : خلاص أمل امشي ( قامو اهو وامل )
أمل : تصبحين على خير حبيبتي
ندى : وانتي من اهله
سامي : اي يبه قبل لا انسى .. عطيني سويج سيارتج
ندى : ليش؟؟
سامي : ندى حبيبتي تدرين ان الدكتور محذرنا من هالشي .. ماراح اردلج السيارة الا اذا مر وقت طويل عاللي صار .. عشان نتطمن أكثر
ندى : اشكثر يعني طويل ؟
سامي : مادري خل يفحصج الدكتور واهو يقرر
ندى : ( خذت السويج من الميز يمها وعطته ابوها واهي معصبه )
سامي : ( خذاه منها ) يللا يبه نامي ولا تفكرين بشي ( اطلعو من الغرفة )

( ندى انقهرت حيل .. انقهرت من كل شي .. اقعدت تبجي لي الفير .. بعدها نامت )
----

- الصبح بالفندق –

حمد : ( يبوس خد فرح ) حبيبتي ( يبوس ارقبتها ) روحي
فرح : ( بطلت عينها وابتسمت واهي مستحيه ) صباح الخير
حمد : صباح العسل يا عمري .. نمتي مرتاحه ؟
فرح : ( تبتسم ) اي
حمد : ( قرب منها ) اشتقت لج
----

- بالمستشفى -

سامي : يعني بتكون احسن ؟
الدكتور : النوبة ردت لها بسبة الضجة اللي بالمكان .. بس لا تحاتي طول ما اهي بمكان هادي ماراح ترجع لها ان شاءالله .. بس لا تنسى النفسية ضروري تكون مرتاحة
سامي : زين عادي نخليها تسوق ؟
الدكتور : حاليا لأ .. انطر شهر عالأقل اضمن
سامي : سمعتي يبه ؟
ندى : امم
الدكتور : ندى انتي بنت عاقلة وفاهمة ماشاءالله .. يعني تدرين ان هالشي لصالحج
ندى : ( ساكته )
الدكتور : ( يبتسم ) و كلها سياره عادي يعني
ندى : بعد هالشهر اقدر اسوق ؟
الدكتور : اذا ماصارت نوبه اكيد تقدرين .. والادويه اهم شي تاخذينها بوقتها
ندى : اي ادري
سامي : يللا عيل ( قام ومد ايده حق الدكتور ) مشكور دكتور
الدكتور : مع السلامه
---

- بالفندق –

حمد : امشي نسبح
فرح : لا انت اسبح قبلي
حمد : لا تعالي نسبح مع بعض و مو شرط تفصخين القميص اللي عليج
فرح : لا مابي
حمد : بلى تبين
فرح : لا والله مابي
حمد : اشق التذاكر والله
فرح : شكو ؟
حمد : بس اذا ماسبحتي معاي .. ماكو سفره باجر
فرح : ماتسويها!!
حمد : والله اذا ماقمتي معاي راح اشقهم
فرح : حمد ليش تحلف ؟
حمد : عشان اجبرج تقومين
فرح : خلاص شقهم عيل .. لأني ماراح اقوم
حمد : ( قام من السرير وراح صوبها وشالها ) ماينفع معاج الا هالشي
فرح : ( تصرخ ) حمد نزلني .. مابي مو غصب .. نزلني يللا عاد
حمد : ( دش الحمام واهي ترافس وتدزه وحطها بالبانيو غصب .. حاولت تطلع بس مسكها حيل وبطل الماي عليها )
فرح : ( اقعدت تبجي والماي يصب عليها )
حمد : ( مات ضحك ) يالياهل شكو تبجين ؟
فرح : ( و اهي تبجي ) قلتلك مابي مو غصب
حمد : ( قعد يمها تحت الماي ) عادي اشصار الحين لا تبجين يالسخيفه
فرح : ( تضحك وتبجي بنفس الوقت )
----

- حمد وفرح قررو يسافرون اكثر من شهر بيروحون ايطاليا بيقعدون فيها اسبوع وبعدها يروحون سويسرا و النمسا و آخر شي فرنسا عشان تتسوق فرح –
- أما ندى من بعد ماخذو سيارتها صارت دلال كل يوم تمرها .. يا اما يطلعون يتمشون او انهم يقعدون مره ببيت ندى ومرة ببيت دلال -
---

- و بيوم دقت دلال على ندى .. كانت الساعه 8 بالليل –
ندى : الو هلا دلال
دلال : ( ميته بجي ) دلول تعالي اخذيني
ندى : اشفيج تبجين ؟؟ من وين آخذج ؟
دلال : ( تبجي ) تعاليلي حولي الله يخليج ندى بسرعه
ندى : اهدي شوي خل افهم من وين آخذج بالظبط ؟ وشنو صاير ليش تبجين ؟
دلال : الحين انتي طلعي من بيتكم وانا افهمج بس امانه لا تطولين
ندى : زين زين خلاص يللا يايه باي

- انزلت ندى بسرعه اتدور ابوها .. بس مالقته .. وامها اساسا كانت قايلتلها انها عند فاطمة .. دشت غرفتهم وخذت سويج سيارتها من الدرج .. و واطلعت من البيت –

ندى : الو انا واصله حولي وينج انتي ؟
دلال : شفتي البانزين اللي كنا نترس عنده ؟ لفي اللفة اللي وراه بعدها اخذي يمين و .. ( وكملت لها باجي الطريج )
ندى : بس اهني كله عماير
دلال : ( ردت تبجي ) اي ثالث وحده لونها بني .. اوقفي عندها الحين انزلج
ندى : ( انصدمت ) شموديج اهني ؟؟
دلال : ( تشاهق ) ندى الله يخليج لا تطولين حيل تعبانه

- ندى اسمعت صوت يم دلال يقول " خلاص اهدي عطيني اكلمها " –
ندى : منو هذا علي ؟؟
دلال : اي .. عفية ندى وينج ؟؟
ندى : كاني وصلت
دلال : الحين انزل ( سكرت التلفون )
ندى : الله يستر شمسوية هالبنت

- بعد ثواني دلال انزلت واصعدت مع ندى السيارة –

دلال : ( اقعدت تبجي حيل واهي ماسكة بطنها ) ندى انا راح اموت وديني الطبيب الله يخليج
ندى : ( للحين واقفه ماحركت السيارة ) ليش ؟؟ اشفيج دلول ؟؟
دلال : ( حطت ايدها على فخذها من تحت نفنوفها وطلعتها متروسة دم ) حاشني نزيف وحيل تعبانة الله يخليج ساعديني مالي الا انتي
ندى : ( انصدمت اقعدت تطالعها ) دلال انتي اشسويتي ؟
دلال : ( تشاهق ) مو وقته عفية وديني اقولج تعبانة الله يخليج وديني
ندى : ( ماسكه راسها ) انتي اشسويتي ؟؟ ليش رضيتي يجيسج ؟؟
دلال : مادري ماكان قاصد .. ندى والله راح اموت تكفين امشي
ندى : ( هزت راسها ) ماقدر .. خليه اهو يوديج .. هذي مسؤولية والله ماقدر
دلال : ( ميته بجي ) ندى حرام عليج وديني والله ما اتحمل اكثر
ندى : ( بجت معاها ) ماقدر والله ماقدر .. دلال خليه اهو يوديج الله يخليج لا تدخليني بهالموضوع
دلال : ( امسكت بطنها وانزلت واهي تشاهق )
ندى : ( تطالع الكشن عليه دم دلال .. وداست حيل واهي ميته بجي )
---

- ردت البيت كانو اهلها للحين مو رادين .. نادت الخدامه وقالتلها تغسل الكشن وماتقول حق امها وابوها أي شي .. اصعدت غرفتها –

ندى : ( تبجي ) ليش دلال .. ليش سويتي بنفسج جذي

- رن تلفونها وكانت اللي تدق دلال .. طالعت الشاشه بس ماردت عليها .. كانت حيل منقهره منها وماتبي تكلمها .. تم التلفون يرن مره مرتين .. عشر مرات .. اخر شي قعد يدق عليها رقم غريب أكثر من 7 مرات .. جان ترد –

ندى : الو ؟
.... : ندى ؟
ندى : اي منو ؟
.... : انا علي
ندى : ( بعصبية ) اشتبي ؟؟
علي : ندى تره دلال رفيجتج .. وقاعده تنزف للحين .. تبينها تموت يعني ؟
ندى : ( فيها غصة ) و آنا شكو ؟؟؟ انا اللي خليتها تنزف ولا انت ؟؟ روح انت ودها المستشفى
علي : اروح بصفتي شنو ؟
ندى : دام تدري ان مالك أي صفة عيل ليش سويت فيها جذي ؟
علي : مو وقت معاتب الحين .. انا داق و ابي منج طلب بسيط بحكم الصداقة اللي بينكم
ندى : اشبغيت ؟؟
علي : ابي رقم ملفج الصحي
ندى : ملفي انا ؟؟ ليش ؟
علي : ندى انا ادري انج مريضة .. دلال قالتلي .. وادري ان عندج ملف .. خليها اتدش باسمج .. اكيد ماراح يدققون على الدخول لأنج وايد تراجعين عندهم
ندى : لا آسفه ماقدر
علي : ماراح يصير شي صدقيني بس تدخل باسمج و يوقفون النزيف وبعدها والله مانطب هالمستشفى
ندى : ( تبجي وتصارخ ) قلتلك ماقدر خلاص لا تدق ( سكرت الخط واقفلت الجهاز بكبره ) دلال ليش سويتي جذي لييييييييش
---

- ثاني يوم .. أمل قاعده مع ندى بالصالة –

أمل : ندى حبيبتي .. شيريل قالت لنا انج طلعتي امس بالسيارة .. والكشن اللي يمج كان فيه دم
ندى : ( ارتبكت ) دم ؟؟ منو قال ان هذا دم ؟
أمل : شيريل
ندى : شيريل غبية .. الحمدلله والشكر واشياب الدم حق الكشن ؟؟ هذا شاني طاح مني وقلها تغسلة
أمل : زين ليش طلعتي بالسياره ؟ ابوج وايد عصب بس انا حلفته مايكلمج بالموضوع
ندى : يمه مر تقريبا 3 اسابيع .. خلاص والله تعبت
أمل : زين مو لو مستأذنتا احسن ؟ يمه احنا مانقدر انخلي البيت من غير سيارة .. و المفتاح حاطينه بالدرج بس حق الشي الطارئ لا سمح الله
ندى : خلاص ماعيدها
أمل : بعد عمري .. ادري فيج تسمعين الكلام وتره مابقى شي و نردلج المفتاح
ندى : ( اسكتت )
---

- مرت 3 ايام وندى للحين جهازها مغلق –
( الساعه 7 بالليل )

شيريل : ندوي .. تحت صالة في واحد مره يبي بابا و ماما
ندى : منو هذي ؟ تعرفينها ؟؟ اول يت بيتنا ؟؟
شيريل : لا انا مايشوف اول
ندى : قلتيلها محد موجود
شيريل : اي انا قول بس هيا مايبي روح
ندى : خلاص انا الحين انزل
شيريل : اوكي ( اطلعت من الغرفة )

- انزلت ندى ودشت الصالة لقت بويهها ( ام دلال ) –

ندى : ( انصدمت بس راحت تبي تسلم عليها ) هلا خالتي
ام دلال : تخلخلت اعظامج قولي آمين
ندى : ( منصدمة تطالعها ) ليش؟
ام دلال : ( تصرخ ) يالوصخه تخربين بنتي ؟؟ انا اعلمج والله لخليهم يذبحونج اليوم نطري علي يالقذره ياللي اهلج ما اعرفو يربونج
ندى : ( دموعها بعينها ) ليش انا اشسويت ؟؟
ام دلال : جب كلامي مو معاج يا عديمة التربية

(ندى من الصدمة ماعرفت شتقول .. بس كانت دموعها تنزل .. دشت غرفة امها وخذت المفتاح وعلى طول اطلعت من البيت اتسوق السيارة واهي ميته بجي )
---

تحياتي
ⓡⓔⓡⓔⓩ

بنات دريت اني ماقدر اكتب الساعه 6 حيل قمت اتعب ومايمديني .. من اليوم البارت بينزل على موعدي القديم

كل يوم الساعه 10 بالليل .. ادري بتشكون من الموقع بس شوفو ثاني يوم الصبح او الظهر .. بس والله قمت اتعب
ماقدر عالساعه 6 .. مشكورين حبي

 

[over love]

وى وى وى دلال لابارك الله فيها تسوى سواتها وتتبلى على بنت الناس حسبى الله ونعم الوكيل فيها وفى على
واى أنقهرت

 

[zooz92]

ويييييي شصاااااير مسكييييينة ندى

الله يستر :s

يحليلهم حمد وفرح

يعطيييييج العاااافية على البارت حبيبتي

ناااااطرينج :**

 

[DALLY]

واااااااااااااااي شالاحداث اشفيها ام دلال شكو ندى ف مصيبة دلال


اففففف نو كومنت


وسلامتج الف سلامه ريرررريز وناطرررينج بأي وقت تنزلين فيه البارت اخذي راحتج المهم يوميا يكون اكوا بارت لووووول
والمنتدى تعودنا على الايرور العجيب لدرجه مره طلع لي بلغه غريبه كلش مو مفهومه


يللا غود نايت

ناطرينج باجر شوقتينا انتي واموره

 

[أم@الحلوين]

وااااااااااااي دلال صج ماتستحي وام دلال قليلة ادب شالاسلوب ختروح اتأدب بنتها بالاول@@

مشكوووره قلبوووو ع البارت

 

[am_kshaa]

راح تكون حقيرة دلال اذا قايله شى جذب عن ندى
وثانيكووووووووو على البارت
والله يعينها من صدمات ثانيه ندى

 

[ReRez]

بناااااات في جم وحده .. تقول اني انا اتحجج واقول اني مريضه و عندي ظروف والسبه اني ابي يزيدون قرائي

فاللي يعرفني عدل ومتابع قصصي اللي طافت .. يدري ان ماعندي هالحركات .. و لو ما اعزكم ماجان قلتلكم ظروفي

بالعكس جان خليتكم تنطرون من غير لا اقول اي عذر ..

مشكورين عالمتابعه كلكم .. واتمنى محد يفكر مثل هالتفكير لأن كلش ماعجبني

 

[MC ANFAL]

dlaaal >>>>:eh_s(1)::eh_s(1)::eh_s(1)::eh_s(1)::eh_s(1)::eh_s(1)::eh_s(1)::eh_s(1):
ndaa>> kasra 5a6ri 7eeeeeeeeeeeeeeeeeeeeeeeeeeeeeel
thnx rerez 3la el.part

 

[Danya =)]

مرحبااااا

ولهت علييج ريريز وعلى قصـتج

قرييت كل البارتات اللي فاتتني

مسكينه ندى كاسره خاطري كل شي يطلع بويهها

والله يهني فرح وحمد ان شاء الله

ودلاال صدمتني ما توقعتها توصل لي هالمواصيل ! وامها ما تستحي اتيي تتهجم وبس !

قطييعه ..

تسلم ييدج ريريز وما تشوفيييين شر

وعاذرينج حبيبتيي اذا تعبانه لا تكتبين وريحي اهم شي راحتج

ناطريين التكمله حياتي

 

[<> إيلاف الكويت <>]

أمبيييييي :|

شنو هالظلم :|

في احداث بالبارت حدددها تقهر :/

وااااي دلال بطت جبدي اهي وامها استغفرالله :x

تسلم ايدج ريريز

وناطرين البارت اليااااي :eh_s(15):

 

[noof>>]

يعطيج العافيه حبيبتي على البارت

 

[بلووونه]

يعطيج العافية ريريز حياتي على هالبارتات
ودلال نرفزتي شكو جذي تسوي وامها شفيها جذي هايجة على ندى
وندى كاسرة خاطري هالبنت مو مترقعة
وفرح وحمد الله يخليهم حق بعض وما يغير عليهم
وخدامة مريشيل نرفزتني فتينية
و ريريزحبيبتي ارتاحي ما يصير جذي انتي تعبانه واحنا مو مشكله ننطر اهم شيء صحتج

 

[G!RLooNa]

امبيييييه الحقيره دلال قطتها براس ندى !!!!

والله قالتلها فرح وخري عنها :s

 

[Low_Fat]

ماتشوفين شر واذا عالموعد ميخالف الدنيا ماراح تطير ننطر المهم انه الدم يوقف من خشمج :×

ودلال اصدمتني شكو ندى ؟ اشسوت لها ؟

 

[sweety_love2]

وااااااي شنو هذي دلال مو صاحيه
والله مسكينه ندى
هذي اخرتها لانها رافجة انسانه مو زينه وتكلم رياييل

 

[sweety_love2]

الله يعطيج الصحه والعافيه يارب
متى ما صرتي زينه كملي

 

[ReRez]

سلاااااااااااامتج حبيبتي ما تشووووووووفييييين شر مو مهم البااااارت اهم شي صحتج

و اذا ما قدرتي لا تضغطييييين على نفسج


>> متابعه بصمت :$

تسلمييييييييين يارب .. لو ادري جان منزمان صاكه راسي بالطوف ومنزله الدم من خشمي بس عشان نشوف هالطله الحلوه
لا تقطعين حبي ^_^ مشكووره فديتج

ambbby laaa2 rerez mallah da3y waaalaah aham shay ra7tich mo zein tswen bnafsech ch.thi !!! @@@@
3ady 3ady nn6er bacher aw elly 3qba !! :|
pllz t.c

تسلمييين فديت التقدير والله ان ذوقج على راسي حبي انتي

وي حبيبتي سلامتج
و ما تشوفين شر

الشر ما اييج يارب مشكووره

سلامتج ريريز

متى ما حسيتي نفسج زينه وقادره تكتبين فكري بالبارت

اهم شي صحتج قلبووو

تسلمييييييييييين والله انكم تقدييييييير .. احبكم بنات

سلامات حبوبه ماتشوفين شر
ادا ماتقدرين لاتضغطين على روحج اهم شي صحتج

تسلمين يا قلبي ونستوني بتقديركم والله

هلووو ريريز .. سلامات يا قلبي وما تشوفين شر

و ثانك يو حياااتي على البارت
الله يهني فرووحه ويوفقها
والله يعين ندى على فراقها

يسلموو حياتي ولي عوده للبارت القادم ان شاءالله

تسلمين حبيي مشكووره فديتج .. خلينا انشوفج مسن وايد قاطعه

سلاااااامتج ري ري ما تشوفين شر ان شاءالله

صحتج اهم شي !

واحنا ننطر

الله يسلمج حبي روونه

سلااااماات ومـآ تشوفين شر حبيبتي ..

اذا تعبـآنه خليهـآ بآجـر لا تضغطين ع عمرج ..

<< بس بنتطمن ع ندى تكسر الخآطر =(

تسلمين يالذوق فديتج انا

@@ يالهوى
يعنى ماكو بارت اليوم
ماتشوفين شر انشالله

الشر ما اييج بلى فيه وانا اقدر ما انزل بارت اخاف منكم صراحه

خطاج السو

و ماتشوفين شر

مستخدمين موجودين حالياً يشاهدون الموضوع: 27 (8 أعضاء و19 ضيوف)

تسلمين حبي الشر ما اييج فديتج

ماتشوفين شر ان شاءلله نفس ماصار فيني ربي يعينج

اي والله بس ضغطي ارتفع صار جذي الله يعيين

سلااااااماااااااااااات يالغاااااليه مااااتشووووفين شررر

شكل في فيوووز عندج ضرررب من كثررر ماتعصررين بهالمخ لوووول

لاتسكتين ع عمرررج رووحي شووفي شساااالفة النزززيف

عاااد انااا وحده مو مستعيله ع البااارت عندي ضيوف لوووول

ولا يطوووووفج كل شوي امر واسوي تحديث لصفحه

يلااا افداااج ديري بااالج على عمررررج

ومااااتشووووفين شررررر​

​

تسلميييييييييييين حبيييبتي .. لا تصيرين ابوي كل شوي زافني روحي وروحي اي ماحب اروح طبيب اكره المستشفيات
:×
مشكووره فديتج عالمرور والكلام الحلو

بعد عمري ريررريز ماتشوفين شي

اهم شي راحتج

تسلمين يارب مشكوره

ماتشوفين شر ياحبيبتي ولا تضغطين على نفسج

الذين تشاهدون محتوى الموضوع الآن : 33 ( العضوات 7 والزائرات 26)
عاشقة المسك, ‏أوراد3, ‏الصبر له حدود, ‏بحرينية اصيله, ‏زينة الأب+, ‏عطر مذهب, ‏نجاح بلا حدود

ماشاء الله لوووووووووول

تسلميييين قلبي

ابييييييييي بااااااااااارت

اول ماصرت زينه حطيت لكم اهم شي راحتكم

سلااامتج وماتشووفين شرر يالغلااا

ومتى ماحسيتي نفسج زينه ان شاء الله تردين لنا ف بارت احدااثة قويه وطووووووويل

تسلميييييييين مشكوووره

ماتشوفين شر يالغاليه
ديري بالج على نفسج
واحنا مستعدين ننطرج سنه مو يوم (ترى كله من غلاج)

وبالنسبه اابارت الاخير عوااااااااااار قلب
تسلمييييييييين ياحلوه
وانشالله تقومين باالسلامه وتنوين روايتج بردودج الحلوه

فدييييييييييت كلامج والله انج كلج ذوق والله ماتقصرين ردج وايد ريحني

ناطرين البارت اليااي

ثانكس حبو

 

[*الغاليه*]

بناااااات في جم وحده .. تقول اني انا اتحجج واقول اني مريضه و عندي ظروف والسبه اني ابي يزيدون قرائي

فاللي يعرفني عدل ومتابع قصصي اللي طافت .. يدري ان ماعندي هالحركات .. و لو ما اعزكم ماجان قلتلكم ظروفي

بالعكس جان خليتكم تنطرون من غير لا اقول اي عذر ..

مشكورين عالمتابعه كلكم .. واتمنى محد يفكر مثل هالتفكير لأن كلش ماعجبني

الحمد لله ع السلاااامه غلااااي وماااتشوووفين شررررر

البااارت من حلااااته انرربط لساااني عن التعليق مدرري شقووول حدددددددددددده اااه واااه على ندوووي مسكينه

امااا بالنسبه للكلام اللي قلتيه بالرررد غلااي ماايحتااااج تبررين حق رووحج اللي بيعذررج بيعذررج

واللي بيطلع كلاام مجرد انه يبي الباارت ينزل وبأي طريقه اتمنى ماتردين عليه ولا تعطينه اكبررر من حجمه

البنت تعبااانه يعني اقل شي نقوووله ماااتشوووف شرررر


وناااطرررينج غلاااااي

وممكن البااارت بسرعه بدوون اعذاار <<<شكلي انااا اللي بنطق لوووول :23_asmilies-com:



,,,,​

 

[مياسين الحب]

الحمدالله عالسلامه
ماتشوفين شر
البارت حلو ودلول مالت عليها هالضايعه لاوبعدتبغى رقم ملف ندى مسكينه وتتبلى عليها اكيد