اراده حديديه مع passion لرجيم هلا فبراير

[احساس الغلا]

هلا بنات شلونكم

داشه ع السريع اسلم عليكم بس
واقولكم ان دايتي تمام

ولي قعده معاكم باجر

تصبحون ع خير

 

[passion.666]

السلام عليكم ورحمة الله وبركاته
كل عام وانتو بخير والكويت بخير
طبعا هالأسبوع كله عطل واحتفالات عيد الوطني عسى اتعود علينا وعلى الكويت بالمحبه والخير
مثل ما عطتنا حكومتنا الرشيده اجازات وعطل
انا راح اعطيكم اجازه وفري لنهاية الشهر فبراير
وراح انبش من اول شهر مارس اللي يصادف يوم الأثنين وهل مره انضباط ​

وكل اسبوع راح يكون في ميزان راح يكون كل اثنين موعد ميزان ان شاءالله لأن راح انبلش يوم اأثنين
رجيم ​

هل مره نبي جديه وانا معاكم وراح استمر حتى لو ظلت مشتركه
وانا شاده الظهر فيكم

بنوتة الطائف
سيلينا
علياء
احساس الغلا
مس سوليتير
جميلة العرب
كيكة توفي
والباجي اللي شاركو ثم اتقطعو عنا والغايب حجته معاه
هذي فرصه لكم ترجعون واتشاركون معانا على اول شهر 3
الرجيم يابنات فكرو بالرشاقه​

ناطره يومياتكم مع الصور اذا امكن
لاتخلون الرشاقه مهمه​

خربطو على كيفكم لغاية 28 فبراير
سيلينا استاتسي بالمزرعه اخذي راحتج لأن اليمعه توكل
علياء ن ماتشوفين شر اتروحين وتردين بالسلامه
بنوتة الطائف انتي مستمره بالرجيم الله يعطيج العافيه
وايضا كيكة توفي واحساس الغلا ومس سوليتير
يعطيكم العافيه​

 

[ღ°° دلوعـ دنيتي ـة °°ღ]

passion

هلا والله بالقائده

نبي بالملف الجديد عزيمه قويه وتشجيع أكثر

نبي تحفيز مع رياضه كافي لعب في القروب الأول

 

[ღ°° دلوعـ دنيتي ـة °°ღ]

passion

أنا من أمس بديت برجيم عذاري

وأن شالله ألتزم فيه

 

[miss_solitaire]

شلونكم بنات
أنا بالبحرين شابكة بتليفوني
قلت لازم أدش لأن اليوم الميزان
وزني سابقا  و الآن 
النزول  كيلو

 

[كيكه توفي]

السلام عليكم
شلونكم بنات
اليوم الميزان

الوزن : 77.7
الطول : 160
الهدف الأول : 68
الوزن قبل سبوعين : 75.2
الوزن الحالي : 74.3
بهالاسبوعين نازله 9 جرامات فقط
بس الحمدالله

 

[سيلينا]

قوووه بناااات

ان شاء الله بالتجمع الجديد ننزل كلنا النزول المطلوب

وزني سابقا

59.200

وزني اليوم

58،400

يعني نازله بس 800 غرام

مع اني قبل المزرعه كنت 58 بالضبط بس ان شاء الله من باجر التزم عدل

مجموع النزول ككل خلال هالتجمع 3 كيلو لاني ببدايه التجمع كنت 61،400 وباخر يوم انا 58،400

اعتقد انه نزول ممتاز لان التزامي بالفتره الاخيره تآثر بس الشهر الجاي ان شاء الله الوضع مختلف

موفقين جميعا

 

[NODA 2]

سلام شلونج باشن مشكروه على شوربة السلري صج مفعولها عجيب

الحين وصلت 61 بعد ما كنت 67 اممممممممممممممممم ودي 55 خلال ثلاث اسابيع
طبعا طولي 162

وإن شاء الله ودي اتابعكم واكمل رجيم وياكم بس بسبب ضروف الدراسه و الدوام ما راح ادش يوميا

وسؤال بسيط بخاطري اسوي مساج تخسيس تحسينه له نتايج باشن ولا عادي ودي اتشجع و اروح اسوي بس اخاف بس كلام وسمعت مره قلتي انج مسويه فشرايج فيه؟؟؟؟؟؟؟؟؟؟؟؟؟؟


ومشكوره

 

[سيلينا]

قوووه بناااات

ان شاء الله بالتجمع الجديد ننزل كلنا النزول المطلوب

وزني سابقا

59.200

وزني اليوم

58،400

يعني نازله بس 800 غرام

مع اني قبل المزرعه كنت 58 بالضبط بس ان شاء الله من باجر التزم عدل

مجموع النزول ككل خلال هالتجمع 3 كيلو لاني ببدايه التجمع كنت 61،400 وباخر يوم انا 58،400

اعتقد انه نزول ممتاز لان التزامي بالفتره الاخيره تآثر بس الشهر الجاي ان شاء الله الوضع مختلف

موفقين جميعا

سوري توني وزنت وزني 58،200

يعني نازله 3 كيلو و 200 غرام

وهالاسبوع نازله 1 كيلوو بس

 

[احساس الغلا]

قوه بناااات

انا المفروض اوزن اليوم

بس صارلي يومين بالبر وماعندي ميزان




متووووهقه

 

[سيلينا]

هلا احساس الغلاا

ولا يهمج عاادي لما تردين اوزني ماتفرق الكل فري هاليومين

علياء

تروحين وتردين بالسلامه يارب وناطرينج بعد السفره وان شاء الله تكونين نازله بصحه وعافيه من الحركه
ترى في بالعاده السفر يضعف


باشن

يالله كلنا فري هاليومين وناطرين التجمع الجديد حبيبتي

مس سوليتير

مبروك النزول حبيبتي والله يردج بالسلامه ياااارب حبي


نودا

الف مبروك النزول حبيبتي وموفقه ياااارب

كيكه توفي

مبرووووك النزول حبيبتي والله يتمم عليج ياااارب خوووش نزووول

 

[مدرسة طفشانة]

اشلونكم بنات
حبيبتي باشن انا انقطعت عن التجمع اول شي عشان السفرة
والحين انا شابكه من المستشفى عند بنتي الله يشافيها
كنت وايد مشغولة ومتضايقة ما قدرت اشبك
وان شاء الله اذا طلعت بالسلامة راح التزم باللي اقدر عليه
والله يعين

 

[passion.666]

مسااااااااااااااااااااااااااااااااااااااااااااااااااء الخير​

حبايبي شلونكم
اولا احب اقول حق المشتركات مبروووووووووووووورك على النزول ما شاءالله عليكم
خلال شهر اللي نزل كيلوين ولي 3 وللي 4 حتى كيلو يعتبر انجاز مع ان الكل خربط
والصراحه الأكل حلو لازم يسير بوق بالأكل وقت اليمعه ​

بس الحين خلاص اللي يبي يخربط حده اليووووووووووووووووووووووووووووووووووووووم
بس باجر لالالالالالالالالالالالالالالالالالالالالالالالالالالالالالالالالالالالالالالالالالالالالالالالالا​

حبايبي راح انبلش من باجر يوم​

موعد الميزان راح يكون كل اسبوع يوم الأثنين وراح تكون وجبه من 3 وجبات تختارينها اتكون فرييييييييييييييي
ويفضل وجبة الغداء
يعني موعد الميزان يوم الأثنين 8\3\2010 وتكون وجبه من 3 فرييييييييييييييي ​

الألتزام اعتقد كفايه تخربط​

مدرسه طفشانه


ماتشوف شر بنتج الله يقومها بالسلامه​

ارجو منكم كتابة اليوميات والصور اذا امكن​

 

[سلايل*عبس]

بسجل بليييييييييييييييييز لاتطردوني مثل قروب لاتيئسين (كرهتهم خلاص)

الوزن : 75
الهدف الاول 65
الهدف الاخير:60 وان قدرت 57 >>>طماعه


الهـــــــــــــــــــــــــــــــــــــــــــــــــــــــدف الاكبـــــــــــــــــر : وراي عرس شهر9 وعمري ماوصلت هالوزن وبنزل قبل لايلاحظوني
طبعا سيي نفختي الفجأه مو الحمل والولاده بلعكس طلعت منهم رشيقه والنتيجه فقر دم ونقص في كل شي
بس عقبها زوجي الله يهديه ماياكل الا عيش ويزعل اذا مااكلت معاه يقول ماحبج تقعدين تلعبين بالصحن (بهذي لاتحبني اخوي كيفك)
بس خلاص قررت اسويله ريجيم معاي واقوله انتا زايد يمه ترا تنسى روحك وخرعه وخليه يخليني بحالي خخخخخ
طولي:163
الريجيم : ناويه امشي على ريجيم د.عبدالله المطوع
الرياضه:المشي اذا ربي قدرني
الاعشاب : زنجبيل او جاي اعشاب
الادويه : ماافكر اخذ ادويه وان شاءالله مااااانحد عليها

بنات عاد سجلت نفسي كيفكم لاتقولون خلص تسجيلنا .. طحت بجبدكم

 

[miss_solitaire]

أنا مازلت بالبحرين _ و أمس خربطت بالأكل _ الله لا يوريكم صار معاي نزله معويه حادة و للحيني أحس عوار بمعدتي ماني مشتهية آكل أي شي _ انشاء الله باجر رادة الكويت

 

[ღ°° دلوعـ دنيتي ـة °°ღ]

صباح الخير بدايه موفقه

اليوم راح ألتزم برجيم وأتبع رياضه

لأن الشهر الي طاف رجيم مع تخبيص بدون رياضه

شهر هذا غير

 

[كيكه توفي]

السلام عليكم .. شلونكم بنات

مدرسة طفشانة

ماتشوف شر بنتج الله يقومها بالسلامة

باشن

انشالله بلتزم بهالشهر لان ماكو عطل لوول

سلايل*عبس

لووول ضحكتيني انشالله باشن تسجلج معانا

مس سوليتير

ماتشوفين شر حبيبتي وانشاءالله ترجعين بالسلامه

بنوتة الطائف

يالله انشاءالله تضعفين بهالشهر اكثر

بنات انا اليوم قلت بمشي على رجيم التمر اذا شفت نفسي اليوم اتحمل هالرجيم بكمل عليه اذا ماتحملته لا برجع اسوي رجيمي العادي

احساس .. انتي جربتي رجيم التمر شكثر ينزل ؟؟

 

[جميلة العرب]

السلام عليكم

كيفكم

اليوم الاثنين والثلاثاء والاربعاء بسوي دايت الزبادي والتمر

ويوم الخميس ملكة اختي فالاكيد بجيب العيد


ويوم السبت قررت اسوي هذا الدايت

رجيم ينحف 10 كيلو من الدهون في اسبوع


ان النقص في هذا النظام نقص حقيقي لانه يتم من دهن الجسم لذا ليس من السهل اعادة تكوينه في فترات قصيره لذلك يبقى الشخص دون زياده لفترات طويله جدا طالما حافظ في اكله على نظام متوازن وقللمن السكريات والدهون

وان النقص وان كان كبيرا لايؤثر على اي من القياسات الحيويه داخل الجسم ولا يؤثر على الصحة ما دام المتعالج يأخذ الحيطة بتناول الوجبات الموجودة فيه دون حذف الوجبات
يصلح لجميع الاعمار ولاضروره للفيتامينات مع ضرورة الالتزام بالوجبات المذكوره دون تعديل
ان حيز المعده يبدأ في النقصان بالتدريج فيجد الشخص نفسه يصل الى مرحلة الشبع بسرعه شديده واحساس بالحيوية حين يتعود الجسم على هذا النظام
وسوف نستخدم في هذا الريجيم مطحون بذرة الكتان مع السلطة أو الزبادي


التعليمات في هذا الريجيم:-

- الزبادي المطلوب هنا هــو زبادي أكتيفيا لأنه يساعد على الهضم الجيد وتحسين عملية شد الجسم
- شرب 8 أكواب من الماء يوميا وأكثر
- عمل رياضة مدة ربع ساعة وهي المشي فقط
- غير مسموح مشروبات الدايت لأنها بالغالب تكون تجارية وتؤثر على البرنامج
- مسموح شرب القهوه و الشاي والاعشاب (بدون سكر)
- مسموح تناول خس او خيار بين الوجبات (اختيار صنف واحد) ولكن قبل الوجبه بساعتين
- محاربة الامساك قـدر الامكان وتناول الاعشاب المسهلة
- تناول الطعام ببطء حتى تحس بالشبع السريع
- عدم إستهلاك السكر العادي ويرجى استخدام سكر دايت ومنهم (سبليندا)
- عدم استهلاك الحلويات لأنها تعمل على قتل هذا الريجيم و أيضا بطء في نزول الوزن

الفطور اليومي:- بيضتين مسلوقه + حبة خيار + مرتديلا حسب الرغبة

(السبت)
الغداء:- صحن سلطة بدون طماطم و جزر
والسبب أن الطماطم فيها أملاح وتحبس سوائل الجسم والجزر غني بالسعرات التي من شأنها تقوم بعمل في بطء نزول الوزن
العشاء:- لحم مشوي (قطعة ستيك) خالية من الملح وزبادي الأكتيفيا


(الأحد)
الغداء :- دجاج مسلوق اومشوي و أكتيفيا بملعقة من مطحون بذرة الكتان
العشاء:- 2 بيضه مسلوقه + سلطه (خيار,خس,فلفل اخضر و ملفوف وبقدونس)


(الأثنين)
الغداء:- جبن قريش او جبن منزوع الدسم مقدار 80 غ
العشاء:- لحم مشوي او مف
روم أو صدر دجاجة مسلوق أو مشوي


(الثلاثاء)
الغداء :- حبه كيوي أو حبتين (أرجو التقيد)
العشاء:- علبة تونة بالماء واذا كان عندك اللي فيها زيت يجب أن يصفى مع لبن أكتيفيا وملعقة صغيرة مطحون بذرة الكتان


(الاربعاء)
الغداء:- خضار مسلوق ويجب عدم اضافة الملح الا بكمية بسيطة
العشاء:- سمك اوجمبري اوتونه مصفاه من الزيت + سلطه مع لبن أكتيفيا


(الخميس)
الغداء:- لحم مسلوق وسلطة بملعقة من مطحون بذرة الكتان
العشاء :- صحن شاورما بدون خبز (فقط هذا اليوم)


(الجمعه)
الغداء :-دجاج مسلوق + صحن سلطة خضراء + لبن أكتيفيا
العشاء:- مرتدلا بقري (3 شرائح) لبن أكتيفيا .

====================

 

[احساس الغلا]

ان شاءالله سيلينا ^_^


كيكة توفي
انا جربته ست ايام تقريب
بس وزني ثابت
يمكن لان وقتها ماكنت اتحرك ولا امشي
بس قاعده !



بنوتة الطايف-علياا- جميله- باشن- سوليتير-*
عساكم بخير ؟
وحشتوني ^_^

 

[ღ°° دلوعـ دنيتي ـة °°ღ]

ويوم الخميس ملكة اختي فالاكيد بجيب العيد

ألف مبروك والله يتمم عليها يارب

ولا تجيبين العيد أنتي