أحلى همبه كويتية
**مشرفة قسم مائدتك**
مساكم الله بالخير وان شاء الله يعجبكم الطبق البسيط
المقادير :
دجاج مقطع وانا استخدمت الأفخاذ الرفيعة ساديا
تغسلين الدجاج وتسليقينه مع بهاراتك المعتادة واعواد الدارسين والقرنفل وشوية هيل
لمدة ثلث ساعة لا تخلينه يستوي حيل عشان ما يتفتت بالقلي
الخلطة :
بقسماط ( استخدمت الناعم - امريكانا والأفضل الخشن احلى وانطع )
ملعقة كبيرة بابريكا
شوية ملح وفلفل اسود
1 ملعقة بودرة صلصة الاسباجيتي ( كنور او ماجي )
ملعقة صغيرة بهارات دجاج
1 ملعقة كبيرة بهار تندوري ( اللي لونه احمر )
تخلطينهم عدل بصحن كبير
هذه صورة خلطة الاسباجيتي
هذه بهارات التندوري وفي منها انواع تلاقونها بركن البهارات في الجمعيات ومراكز سلطان
الطريقة :
- شخلي الدجاج المسلوق من الماي
- اخلطي بيضتين مع شوية فلفل اسود ونقطة خل
غطسي الدجاجة في البيض ثم البقسماط واقلييها بزيت غزيز على طول
سويته لعيالي مع معكرونة بوديهم حديقة النافورة يلعبون وكان غدا عشا يعني 2 في 1
التعديل الأخير:
