روايتي الثالثة (( يا دنيا ارحميني )) .. قصة واقعية .. ReRez

[MISS.D&G]

تييك التهايم و انته نايم يا فرح ..
شكلها إلي يايه أحداث قوية الله يستر ...

 

[ReRez]

- 26 / كرهتك بعد ماحبيتك -

- اقعدت ندى بالسياره تبجي حيل .. كانت خايفه وايد .. عمرها ماحست جذي احساس .. حركت السياره و طول الطريج كانت تتذكر اللي صار معاها –

( اوصلت البيت انزلت ودشت الصاله كانت امها موجودة )

أمل : ها يمه راده مبجر
ندى : ( ماردت عليها و اصعدت فوق بسرعة )
أمل : ( قامت وراها ) اشفيها الله يستر

- أمل دشت الغرفه لقت ندى منسدحة ومتلحفة –

أمل : ( اقعدت يمها ) يمه ندى اشفيج ؟ اشصار معاج ؟
ندى : ( قامت لمت امها و اهي تبجي )
أمل : اشفيج حبيبتي تكلمي لا تخوفيني
ندى : ماكو شي بس احس بتعب
أمل : قومي معاي اوديج الطبيب
ندى : لا لا مابي
أمل : زين اوديج عند الدكتورة غالية ؟ ( النفسيه )
ندى : ( تبجي وحطت راسها على حضن امها ) لا مابي
.. راح اصير احسن
أمل : باجر اذا حالج ماتعدل بتروحين معاي غصب
ندى : ( اسكتت بس قاعده تبجي )
أمل : ( اقعدت تمسح على شعرها وتقرى عليها قرآن )
---

- بيت فاطمة –

مشعل : ( يصرخ ) ماعندي بنات يردون من بيت زوجهم
فاطمة : يا مشعل ريلها مسافر يعني تقعد عندنا لين يرجع اشفيك تصرخ الله يهداك بس
مشعل : فاطمة انتي بنفسج قلتي ان في مشكله ردتها
فاطمة : و اذا في مشكلة ؟؟ عادي يرجع ريلها ويحلونها ان شاءالله
مشعل : ( بصوت عالي ) و متى يرد حضرته ؟ ناديها لي بسرعة بكلمها
فاطمة : خلها يا مشعل اللي فيها كافيها حرام عليك لا تزيد عليها
مشعل : ( راح وقف عند الدري ويصرخ ) فرح .. فرح نزلي بسرعة
---

- غرفة فرح –

- اسمعت صراخ ابوها .. حطت نواف بفراشه و انزلت –

فرح : ( و اهي عالدري ) هلا يبه
مشعل : ( يصرخ ) تعالي اهني
فرح : ( انزلت اوقفت يم امها )
مشعل : ليش خليتي بيت ريلج وييتي ؟
فرح : يبه اهو مسافر و قلت اقعد اهني لين يرجع وايد قاعده اتملل اهناك
مشعل : ( يصرخ ) لا تجذبين .. انتي رديتي اهني لأنج متهاوشه مع ريلج .. بس سمعي يا فرح .. هالشي لج انتي وخواتج .. هذا مو فندق كل ما تناجرتو مع ازواجكم اتيوله
فاطمة : يا مشعل مايصير هالكلام
مشعل : جب .. محد اهني يعصي كلمتي
فرح : ( دموعها انزلت ) يبه اهو مسافر بس يرجع الديره اوعدك راح ارد معاه
مشعل : زين ذلفي فوق
فرح : ( اصعدت بسرعة من غير لا تقول ولا كلمة )
فاطمة : لا حول ولا قوة الا بالله
مشعل : شوفي انتي وبناتج .. انا ما ازوجهم عشان يردولي .. أي وحده تتهاوش خل تنطم و تمسك بيتها ماعندي شي اسمه طلاق فاهمه
فاطمة : ( ساكته )
مشعل : ( يصرخ ) فهمتي كلامي عدل
فاطمة : فهمت
---

- مرت 3 ايام .. ندى ماكانت ترضى تداوم .. و فرح محد سأل عنها لا حمد ولا خواته –

- بيت ندى .. الصبح الساعه 10 –

سامي : ( قاعد بغرفة ندى ) يبه قوليلنا اشفيج ؟ وليش ماتبين تدوامين ؟
أمل : خلاص سامي لا تضغط عالبنت .. الدكتورة غالية قالت خلوها على راحتها
سامي : بس لازم اعرف اشفيها و هذا نهاية الكورس مايصير تقعد جذي ويضيع عليها تعبها
ندى : خلاص يبه خل يضيع الكورس كله بس انا مابي اداوم
سامي : ليش ؟ شنو صار اهناك ؟
ندى : ( ساكته )
أمل : خلاص سامي خلها
سامي : لا ماراح اخليها ردي علي .. اشصار اهناك الموضوع يخص دلال و أمها ؟
ندى : لأ
سامي : عيل اشفيج ؟
ندى : ( ساكته )
سامي : تكلمي يبه قوليلي اشصاير ؟
ندى : الدكتور ثامر
سامي : منو هذا ؟
ندى : يدرسني بالكلية
أمل : اشفيه يمه ؟
ندى : ( اقعدت تبجي )
سامي : ( بدى يعصب ) ليش تبجين اشصار ؟
ندى : ( ماترد بس تبجي )
أمل : ( لمتها ) اهدي يمه .. سامي لا تصرخ عليها
سامي : يبه ليش تبجين قوليلي ؟
أمل : ندى ردي على ابوج قولي اشفيج
ندى : الدكتور .. تحرش فيني
سامي : ( عيونه اطلعت ) شنو ؟؟
أمل : ( اشهقت ) اشلون تحرش يعني ؟
ندى : بالمكتب .. مسكني بس دزيته و انحشت ( لمت امها و اهي تبجي )
أمل : ( تمسح على ظهرها ) خلاص حبيبتي لا تبجين
سامي : ( معصب و جنه الدنيا كلها طايحه على راسه ) اشكبره هالحقير ؟
ندى : بالثلاثينات
سامي : قومي لبسي بنروح الكلية
ندى : لا مابي اروح
سامي : بتروحين معاي غصبن عليج
ندى : مابي اروح انت روح بروحك
سامي : ( يصرخ ) الاداره اكيد يبون يكلمونج قومي امشي معاي
أمل : خلاص سامي بس تهدى راح تروح معاك
سامي : ( قام ) انا بلبس دشداشتي و ابيج تكونين جاهزه ( طلع و خلاهم )
ندى : ( تبجي ) يمه مابي اروح .. مابي اشوفه اهناك كرهت الكلية كلها
أمل : يمه اليوم تحرش فيج باجر يتحرش بغيرج لازم تشتكين عليه
ندى : بس ..
أمل : ( باست راس ندى ) لا بس ولا شي عفية قومي بلسي و روحي مع ابوج
ندى : ( امسحت دموعها وقامت ) ان شاءالله
---

- راحت مع ابوها .. اوصلو الكلية .. و انزلو من السيارة –

سامي : اخذيني حق الادارة ؟
ندى : ( مشت و قلبها يرقع ماكانت تبي تنحط بجذي موقف كلش )

- واهي تمشي مع ابوها شافت عثمان كان واقف مع مجموعة شباب و يطالعها من بعيد –

( أول مادشت مبنى الادارة شافت الدكتور ثامر يكلم دكتور ثاني .. لا شعوريا اوقفت .. سامي طالعها و رد طالع المكان اللي قاعده تشوفه )

سامي : أي واحد فيهم ؟
ندى : ( ساكته )
سامي : ( بصوت عالي ) دكتور ثامر ؟
الدكتور ثامر : ( التفت ) هلا ( شاف ندى جان ويهه ينعفس )
سامي : ( راحله من غير لا يتكلم مسكه من ملابسه و كفخه بالطوف )
الدكتور الثاني : ( يوخر سامي عنه ) لا ياخوي هذا مو اسلوب تعامل
الدكتور ثامر : نزل ايدك
سامي : ( للحين ماسك قميص الدكتور ثامر ) تتحرش ببنتي يالنذل .. تتحرش بطالبة عندك ؟

( طلع من الادارة جم واحد و اقعدو يوخرونهم عن بعض )

- ندى خافت حيل وقلبها كان يدق بسرعه .. ماقدرت توقف يمهم اكثر التفتت لقت مجموعة شباب وبنات واقفين يشوفون الهوشة و عثمان معاهم –

( اطلعت بسرعة من المكان و عثمان يطالعها .. راحت عند السياره .. تحاول تبطلها بس كانت مقفولة .. بعد 5 دقايق )

عثمان : ( يه يمها ) السلام
ندى : ( تطالعه ومالها خلقه كلش )
عثمان : يعني قبل جم يوم كنتي تبجين والسبه هالدكتور اللي ماخله بنت ماتحرش فيها .. بس جنج حطيتي الحره فيني
ندى : انت شتبي مني ؟
عثمان : والله مابي شي بس احسج خوش وحده و بساعدج
ندى : انا شكيتلك ؟؟؟
عثمان : اشفيج جذي معصبه ؟
ندى : ( فيها بجية ) ابوي داخل مادري اشصار عليه وانا ... انت اشتبي مني ؟
عثمان : والله مابي شي .. و لا تحاتين ابوج دش الادارة مع الدكتور .. ( تسند يمها عالسيارة ) بس تدرين ليش تجرأ و تحرش فيج ؟
ندى : ( ودها تزفه لأن خذى راحته بالسوالف )
عثمان : انا اقولج .. والله لأنج تماشين دلال صدقيني
ندى : ( عصبت ) ما اسمحلك
عثمان : عباله انتي مثلها .. انا شايفها تتمشى معاه وتضحك .. و تعرف كل الشباب اللي اهني .. الله يستر عليها
ندى : ممكن مانتكلم عنها ؟
عثمان : والله يا ندى انا اعرف البنت الزينه من نظراتها .. وانتي والله زينه و قلت احذرج بعدي عنها تره سمعتج تتأثر والسبه اهي
ندى : ( عصبت توها بترد عليه جان يرن تلفونها .. طالعت الرقم الا ابوها اللي داق ) الو ؟
سامي : يبه انتي وينج ؟
ندى : عند السيارة
سامي : تعالي الادارة
ندى : ان شاءالله ( سكرت التلفون )
عثمان : اكيد هذا ابوج .. الله يهداج خليتيه وييتي اهني
ندى : ( احقرته و راحت الادارة )
عثمان : يحليلها كله معصبة
----

- راحت لهم و اهي حيل مرتبكة .. اقعدت و خلوها تقول كل اللي صار و الدكتور ثامر نكر .. بس اطلعت هذي مو أول شكوى عليه .. و قررو ياخذون الاجراءات اللازمة –
---

- كملت ندى امتحانات الفاينل و احمدت ربها لأن الدكتور مو مبين بالكلية كلها .. و كانت تشوف عثمان من بعيد يبتسم لها بس تصد عنه وتمشي مع دلال -
---

- خلص الكورس .. و بدت عطلة الصيف –

( بيت فاطمة )
- ندى زايره فرح –

ندى : للحين مادق عليج ؟
فرح : ولا راح يدق
ندى : زين ما دق يسأل عن نواف ؟
فرح : ( تبتسم بقهر ) لا والله
ندى : والله مسحور
فرح : لا تحلفين .. ماندري شاللي صايرله بس اللي اعرفه اني خلاص مابيه
ندى : فرح منصجج ؟
فرح : ( دموعها انزلت ) ندى عقب ماكسر فيني تنازلت و دزيتله وايد مسجات اسأله ليش تغير بس مايرد علي كلش خلاص والله لاعت جبدي
ندى : اذا كان مافيه شي راح يرجع و يبوس ريلج عشان تسامحينه .. بس لو مسحور ماراح يرجع
فرح : ( تبجي ) خلاص بس .. كل شوي تقولين مسحور .. اهو مو مسحور .. اهو مايحبني .. لو كان يحبني ماسوى جذي .. اهو مايحب الا امه و بس .. قالتله تزوج .. راح تزوج .. امرضت .. كرهني و صدق كل شي ينقال عني
ندى : الله ياخذ حقج من كل شخص ظلمج
فرح : ( امسحت دموعها ) وديني بيته
ندى : بتردين ؟؟
فرح : لا بس بييب سيارتي و اغراض نواف ملابس حفاضات كل شي .. لأن اهني ابوي فلس احمر مايقط علي دام انا متزوجه
ندى : و حمد مايحولج على حسابج كل شهر ؟
فرح : لا كان مايخلي بوكي فاضي ويعطيني كل ما بغيت مايقصر علي .. و يوم سافر كان يخلي احمد يعطيني كل شهر 300
ندى : وليش مايحولهم على طول على حسابج
فرح : كان بيحول بس بعدها لهى مع امه وبعدين تغير علي و نسى السالفه .. المهم وديني خل آخذ الاغراض
ندى : بس ماراح انزل معاج
فرح : عادي قطيني و امشي اصلا برد بسيارتي
---

- اوصلو عند بيت اهل حمد –

فرح : ( مستغربه ) سيارتي مو اهني
ندى : يمكن احد طالع فيها
فرح : زين بنزل آخذ الاغراض وارجع نطريني
ندى : لا تطولين عفية مابي اشوف أحمد
فرح : اوكي ( انزلت و طقت الجرس )

- الخدامه بطلت لها الباب .. دشت داخل .. مالقت احد بالصالة اصعدت شقتها لمت كل شي تبيه بجنطة يهال وانزلت .. لقت مشاعل توها طالعه من غرفتها –

مشاعل : اووو فرح اهني ؟؟
فرح : هلا مشاعل
مشاعل : شنو ماخذه معاج
فرح : اغراض حق نواف
مشاعل : مافكرتي اتييبينه نشوفه ؟
فرح : قلت حق احمد اللي يبي يشوفه حياه الله
مشاعل : لا شيودينا بيتكم .. خل يرد حمد و نشوف شنو بيسوي بالضبط
فرح : زين وين سيارتي ؟
مشاعل : ( ابتسمت ) ماتدرين ؟
فرح : شنو ؟
مشاعل : حمد قالنا بيعوها .. وقبل اسبوع انباعت
فرح : ( حست انها داخت من الصدمه ) شنو ؟ باعها ؟
مشاعل : اي والله
فرح : ( اطلعت من البيت و اهي مختنقة )

- اصعدت سيارة ندى واهي تتنفس بصعوبه –

ندى : اشفيج فرح ؟
فرح : ( تتنفس بصوت مسموع )
ندى : اشفيج لا تخرعيني اشصاير ؟
فرح : ( صوتها يرجف ) باع سيارتي .. حمد قالهم يبيعون السيارة
ندى : ( انصدمت ) من صجه ؟
فرح : ( اتصرخ ودموعها تنزل ).. ليش يبيعها ؟ هذا دليل ان خلاص مايبيني
ندى : يعني سوالهم توكيل خلاهم يبيعونها ؟
فرح : ( تبجي ) ليش يا حمد ؟؟
ندى : ( حركت السيارة ) خلاص تعوذي من ابليس خل يولي اهو وسيارته
فرح : ( طلعت تلفونها واهي تبجي واقعدت تكتبله مسج )
ندى : فروح لا تدزين شي وانتي معصبه
فرح : ( بصراخ ) والله مايستاهل اخش شي بقلبي بطلع كل اللي فيه عشان ارتاح

- اكتبت له هالمسج واهي تبجي ودزته له " انت واحد خسيس وحقير و حيوا... ماتستاهل حبي لك دام ماتبيني طلقني مو تعلقني جذي وتعذبني معاك .. و لو فيك خير جان كلمتني وقلت اشفيك مو تسوي حركات واحد جبان " –

ندى : اشدزيتي ؟
فرح : ( تبجي ) سبيته
ندى : ( ابتسمت ) اذا يريحج هالشي زين سويتي
فرح : ( دموعها تنزل ) ماريحني مافي شي يريحني
---

( بهالوقت هالقصيدة كانت تعبر عن احساس فرح )

ماراح تلاقي أحد حبك مثـل جنونـي ولا أحد يغليـك مثـل ما أنا أغليتك

بس اليوم أقولها بصدق يا مخيب ظنونـي والله العظيـم كرهتـك بعد ما حبيتك

ولا بتلاقي أحد كرهك مثـل جنونـي خسرتنـي و حرام فيك كلمـة هويتك

بعد ما أهديتك حبي وأصدق شجونـي الكره و الكره بكـل اخلاص أهديتك

بعد ماكنت أقول أحبك يانور عيونـي وبعد ماكنت أغـازلك و أقول فديتك

صرت أنا أقول أكرهك كره جنونـي وحرام فيك كـل الحب اللي عطيتك

وعادي لو كل الناس عنـك سألونـي بقولهم أكبر غلطـه بعمري يوم لقيتك

لو الأطباء اجتمعـوا عشان يداوونـي و لو كل النـاس لامـوني لأني نسيتك

والله مايقدرو من كرهي لك يشفونـي و لايقدرو يمنعـوني أكره طـريق بيتك

أنا ودي أصرخ وكل الناس يسمعونـي وأقول أكرهك وبعتك برخص ماشريتك

---

- مر شهرين و ماوصل أي رد حق فرح –
( حالتهم المادية حيل تعبانه ومشعل ماعنده يصرف عليهم .. وكل يوم يصرخ اذا سمعها تطلب شي .. فكانت مرات ندى تشتري حق الياهل حفاضات وحليب - وكل مره فرح تزفها لأنها انحرجت منها - ومرات خواتها يقطون عليها جم شغله يساعدونها فيها )

- و بيوم انطق جرس بيت فاطمة –

الخدامه : ماما في واحد هندي يبي فرح
فرح : يبيني انا ؟
الخدامه : اي
فاطمة : شالسالفه ؟ قعدي يمه انا اروح اشوفه
فرح : لا لا انا بروح

- راحت فرح البست عباية و ملفع و راحت اتشوف اشيبي الريال –

الهندي : انتي ماما فرح ؟
فرح : اي منو انت ؟
الهندي : انا سايق مال بيت ماما هدى .. اسمي كريم
فرح : ( تضايقت من اسمعت اسم هدى ) هلا كريم
كريم : ماما هدى قول لازم الحين جيب بيبي نواف مع هوا خدامه ودي بيت قادسيه كله يبي شوف
فرح : روح قولهم نواف مريض تعبان
كريم : لا ماما هدى قول لازم جيب .. انتي سوي تلفون كلمي انا مايصير روح بيت لازم اول ياخذ بيبي
فرح : ماراح ادق على احد .. انت روح قولهم بيبي مريض يللا مع السلامه ( سكرت الباب بويهه )

- دشت الصاله –

فاطمة : ها اشيبي ؟ منو هذا ؟
فرح : ( معصبه ) هدى مطرشه سايقها عشان ياخذ نواف توهم اولهو عليه وحسو فيه
فاطمة : و ليش ما خليتيه ياخذه ؟ يمه اهم لهم حق يشوفونه
فرح : ( بعصبيه ) اشلون اوديه ؟؟ ماشفتي ملابسه ؟ والله ماعنده شي قده كل شي صغر عليه
فاطمة : وديه بلبس صغير عليه .. خل يشوفون الحاله اللي اهو فيها
فرح : لا والله ما يشوفونه الا بأحسن لبس .. مابي يحسون انّ مايعيش الا اذا كان تحت خيرهم
فاطمة : ( تنهدت ) الله كريم

- بعد نص ساعه .. رد انطق الباب .. وهم كان السايق كريم .. يقول ما امشي الا اذا خذيت نواف معاي .. بس فرح طرشت الخدامه تقوله نواف مريض و سكرت الباب بويهه –

- بعد ثلث ساعه رد الباب انطق .. والخدامه يت قالت يبون نواف –

فرح : ( قامت ) هذا مايفهم ؟؟ والله الحين اخليه يحرم يرجع

- بطلت الباب وانصدمت من اللي شافته .. حست الدنيا ظلمت عليها .. اللي جدامها ماكان ( السايق كريم ) .. اللي واقف جدامها وويهه كله شرار .. كان حمد –

فرح : ( منصدمه ) حمد ؟؟ متى رديت!!
---

يتبع ,,

تحياتي

ⓡⓔⓡⓔⓩ

 

[cute princess]

حمد؟؟؟؟؟؟؟؟؟؟؟؟؟؟؟؟
متى رد :|
امبيييه :|
كملي لا انجلط :|
لا مو لا انجلط :| انجلطت وخلصت انا :|
كمليييييييييييييي :|

 

[كويتية بحتة]

امبي حمد متى رد
بليز كملي ريريز
حدي اندمجت

 

[zooz92]

ويييييي هذا حمد شلوووون جذي اكيييد مسحوووور

مسكيييينة فرررح صج تكسر الخاااطر

الحمدالله ندى خلصت من الحقيير دكتور ثامر

يعطييييج العاااافية على البااااارت

نااااطريــنج :**

 

[Danya =)]

لااااا
وقفتي عند مقطع يشووق :| :|
اهم شي خلصنا من ثامر وافتكت الناس من شره لووول
ومسكينه فرح .. الله يستر من حمد شبيسوي !
تسلميييين حبيبتي عالباارت
يعطيج ربي الف عافيه

 

[cute princess]

دانيووووووووووووو :|
روحي نزلي بارت :| يايه تقرا القصه اهني
روحي نزلي بارت يالله

 

[com-teacher]

حبيبي ريري يعطيج العافية

اشتقتلج واااايد

شلونج شخبارج

 

[3rbawia 7lwa]

امبي لا حمد مو من صجه مالت عليه ... ترى صج هاذا مسحور مو حركات واحد طبيعي :eh_s(4):

فرح اخييييييييييييييييييييييييييييييي علييج مسكينة ما تهنت بشي حتى بريلها ما تهنت معاه عاد مالت عليه من ريل :eh_s(2):

ابو ندى زين اسوي بالدكتور مالت علييه دكتور حمار همن يتحرش هم اجذب

واي هدى و مشاعل منرفزيني مالت عليهم اجذبون الجذبة و صدقونها خو تاكدو منو :gr4uu:

هاذا حمد اثول خو طلع كشف مال المكالمات شوف منو تاكد اذا تأكدت سو اللي تبيه مو على طول تصدق:lkmnkl:

مشكورة رورو و تسلم ايدج

و بالنهاية :denya:

 

[miss disaster]

امبيه حمد متى رد وقطيعه توه يتذكر عنده ولد

و اشوه ندى افتكت من الدكتور

وعثمان ودي اعرف شنو نهايته ؟؟؟!!!!!!!!!!!

 

[sweet_girl96]

back Mn b3d ’3eba rerz 7ubii shlouNch :* 7med sh’salFtk waayed mt’3yer w rb._il.k3ba mal rashdii y3dil wayha :* frou7 mskena waaayed jr7ha :eh_s(2): ana bs.lw a3rif shfeehhil.7amed :lkmnkl:ehda2 78 7amed % t3wdit aNii ma tklim etha Zad il.2lm fenii wla knii bdeEt at3b Mn skotik wla tdreeN %:* ndoooii 7raaM ili.8a3d y9eer feeha :* cute I wont to aSk u qwestion wres yonq :* adrii waayed t7Cheet ;*waiTing The part 7oubii aNd Thanxx aloOot

 

[_zahra]

يعطيج العافيه وجمع مباركة عليكم خواتي يحليلج كيوت برينسس ضحكتيني في عز همي والله لم قلتي بنجلط لا انجلطت
ريريز شلونج وشخبارج وكيف الأهل؟

 

[روح الدنيا]

يا عل حوبتها ما اتعدااهم و يا علللله يندم هالحمد



حرااام عليييه حرااام عليهم الله ياخذهم

 

[انا مميزه]

آآآه وآآآه
ماأمداها تهنى وتعيش لحظات حلوه
هذا نصيبي ونصيبج يافرح مالنا حظ بالهدنيا
حمد حسبي الله عليك ونعم الوكيل
تدرين ريري اني حاسه بالنهايه شنو راح تصير
بس امانه اليوم البارت لا تتأخرين فيه ناطرينج

 

[JaN JaN]

امبييي!!!!!!!

متى يه هالاثول ؟!!


الله يستر

وندى زين سوت هالاشكال مايفيد معاها الا العين الحمرا


مشكوره ري ري ما قصرتي يعطيـج العافية :eh_s(7):



تسلم الايـــــــــادي

 

[q8ya-barby19]

ببجي من القهر

لو انا مكان فرح جان طقيته لين قلت بس

اوف حدي انقهرت ونبطة جبدي حرام عليج وراي استقبال اختي

 

[Danya =)]

دانيووووووووووووو :|
روحي نزلي بارت :| يايه تقرا القصه اهني
روحي نزلي بارت يالله

يممه يممه :eh_s(2):
نزلته والله نزلته :eh_s(2):

 

[ReRez]

مسكييينه فررررح ملييييييق حمد وخواته امللللللق
ولا الدكتووور قوي حده !
بس عثمان ونسني :$ ضبطيني له اذا ماتبيه ندى :$

لوووووووووووووووول جذابه لو ضبطته لج تطقيني

هيااا هياااا انا اول وحده ارد على البارت
اشفيني فصلت عالصبح

هههههههههههههههه عادي ياامااا فصلنا من صباح الله خير ويطردنا المسنجر خخخخ

aywa greet el.part gbel la aroo7 el.mdresa
wee3 ambeeh shno hatha e.dr mako adab :|:|:|
w 9ich yemken ya sa7reena aw 7sbala enha tkalem
allah y3enkoom
yalla bye broo7 school

مشكووره حبي عالمرور الحلو ^_^

واااااااااااااااااااااااااااااااااااااااى على هدى حسبي الله عليها السعلوه مالت عليها وعلى اختها مشاعل الى مايخافون الله شنو هذا

وصراحه حمد خيخه وطرطنقي بعد

أنقهرت مالت عليهم

الله يعطيج العافيه ريري

الله يعافيج حبي ^^

واااااي انقهرت على فرح
حطيت نفسي مكانها (سمله علي) والله جان اموت من البجيي اشوفه متغير علي ولا ادري شالسبب

الله يعينها والله الموقف مو هين

وهدى ربي يردلها هالشي بريلها ان شاء الله وحوبة فرح عسى ما تتعداها

والله انقهرت عليهاا
وندى
فديتها والله حبيتها هالبنت
وهالدكتور المفروض يشتكون علييه مجموعة بنات عشان يوقفونه عند حده

اشتكو عليه ^_^ وماصار خاطرج الا طيب .. مشكوووره فديييت مرورج والله على الظالم

ماقول الا حسبى الله ونعم الوكيل بحمد وخواته
ReRez وتقولين بعد ليش ماعلق على ندى
الدكتور غلطان اوكى احمد غلطان ماقلنا شى
عثمان تزفينه ليش

مشكورة حبى على البارت

لوووووووووووووووول اي يعني توه لزق فيها الدكتور ومسكها واطلعت قرب منها واحد ثاني اكيد بتحط الحره فيه
وتره اهي نفسيتها بسرعه تتعب من ظروف مرضها وظروف امها اللي خلتها فسامحيها :$

صباح الخير يا حلوين

آنا مو نايمة عدل

ضليت ناطرة البارت لي بعد صلاة الفجر

يعني احتمال اقعد اخور بالحجي

عاد انتو طوفولي

البارت قوي حيل

حمد مالت عليه

شكلها فرح راح تتطلق

ندى المسكينة وين ما تطقها عوية

دكتور ثامر سخيف و قليل ادب

بسي قرقة

ريريز بدعتي

تسلم الايادي

باااااااااااي

اذا انا اللي سهرتج اسفه :$ ماكان قصدي واذا مو انا اللي سهرتج اشوه عيل
ومشكوووره حبي عالتعلييق فدييييتج

واااي الأمور كل مالها وتصعب

الله يستر

شوقتينا ريريززز
وتسلم ايدياتج حبيبتي

الله يسلمج الوووفه مشكوووره عالمتابعه فديتج

يا حلو الي يتثاوب

شنو اسمه؟

ريريز تقول كائن قططي

و يونيك تقول اونيون هيد (راس بصل)

ليش راس بصل عاد؟

حده كيوت

انا كلامي اهو الصح القصه قصتي اقول كائن قططي يصير كائن قططي :eh_s(4):
<< اشفيها الدكتاتوريه لووول

يعطيج العافية على البارت

كالعادة روعـــــة

الله يعنين فرح على حمد وخواتة

شكلة مسحور مثل ماقالت ندى

ندى تكسر الخاطر والدكتور جرئ

حقير على حركتة شافها تماشي دلال توقع انها نفسها

استغفر الله اللهم لاشماتة بس ..

اي صح كلامج .. لأنها تماشي دلال .. اللهم لا شماته مشكوره حبي عالتعليق الحلو

[FONT="Comic Sans MS[SIZE="5"]"]ندى انا اكثر وحده احبج

وهالدكتور شنو قصده يعني يتحرش والا يبي يخطبها مليق حده

وهدى واااااااااااااااااي ياريتج حماتي جان نتفتج والصراحه فرح ماعندها سالفه ترجع انا لو منها اقعد على قلبه ليما اتفاهم معاه

ناطرين البارت الياااااااي لا تتأخريييييين بلييييييييييييييييييز [/FONT]​

[/SIZE]

جذي الواحد بيخطب يلزق ويمسك البنت ؟ ويع الله يخسه لوول
مشكووره حبي وان شاءالله اقدر اوصلها انج تحبينها لأنها تستاهل والله

مسكينه فرح ليش يصير فيها جذي..,!!

وحمد ويييع انشالله ما يصير كلمه توديه وكلمه اتييبه ويصدف اي شي بدون لا يتأكد حدي ماا احب هالنوع هذا

والدكتور حده no comment


ويتنغ حيااتي

مشكوره حبي عالمتابعه والتعليق

واى حدة قهر انا لو مكان ندى ما ارد الكويت الا عارفة شنو سالفت حمد معاى

لا والله لو اانا اسوي مثلها كرامتي ماتسمع اقعد عنده

مسكينه فرووحه الله يعينها

تسلمين حبي مشكوره عالمرور

واااااااااااااااااااااااااااااااااااااااااااااااااااااااااااااي
لا لا لا جد لا
شنووووو هذا rerez
بس مو قادره استوووووووعب كل الللي صاااااااار
والله اقرا القصه و منبطه جبدي و ضايق خلقي البارتين اللي طااااااااااافو
يضيقون الخلق
بل تفهميني غللللللللط :**
بس اقصد وااايد ضاق خلقي
الرياييييييييييييييل مرات اطون الجبد لا والله مو مرااات الا ملبوووووون مره
عالعموم
ناطره باجي البارتات
والله يصبرني ان شاءالله

تسلمين حياتي وسألي كيوت والله اني اكتب البارتات وقلبي منقمت اكثر منكم لأني عشت الاحداث ومابي اعيشها مرتين
فقلبي حيل عورني وغصب قاعده اكتب
الله يعيني ويعينكم ونخلص هالقصه بالسلامه لوول مشكوره فديتج

امبييييييييييه الاحداث عوااااااااار قلب

تبجيييييييييي

اي والله وايد تكسر الخاطر هالفرح
تسلمين حبي مشكوره

مالت على حمد
وعلى خواته
وعلى اخوه
والسامع يقول امين
ورئصني يا قدع

لووول عادي فصلة الصبح فيني النوم ومنغثه :$



لووووول ريريز بروحها مسميته كائن قططي لانه اهيه الظاهر تشوفه مشروع قطوه

واهوه اسمه الصجي onion head مادري ليش اسمه جذي :$ لانه راسه راس بصل يمكن لول

حلاااته كائني القططي يرقص بعد فديته :$ :$:$ اي صج شكله مشروع قطه لووول

 

[baby johnson]

حسبي الله عليييييييييييييييييهم اللي مايخافون ربهم
عساهم يشوفووونه بعيالهم وريايييلهم
وحمد الله لايبارك فيه دنيا واخره يخلي مرررررررررته وولده
قلنا مجابل امك المريضه
بس هم مرتك وولدك لهم حق عليك
ويااي عقب كل هالاشهررر تبي اليااااااااااااهل


وابووو ندى كفوو عليك والله
لو غيرررك يسوووونها جان ماكو من طقة ثامر بالكليه
تعالوا كليتنا وشوفووا هالنمااين حسبي الله عليهم
وماسمعت بحالات فصل دكاتره لان ماكو احد يشتكي

الله كريم

ومشكووووووووووووره حبيبتي ماقصرررتي

 

[ReRez]

أسهرتنـي يا غـلا والنـاس هـجّـاعِ
النـوم عـنـي جـلا يا زيــن الأطـبــاعِ
الهم منـك اعتلى والصد بك شاعِ
ما قلت لي وش بلا العهد منك ضاعِ
من بدّ كـل المـلا عـيني لك تراعي
يا كـامـلٍ بالـحـلى ما للـجـنا داعــي
ارجع ترى لك وله من بين الأضلاعِ
إن جـيت لي يا هــلا مانـي بـطمـاعِ
لا يــا بــعــد كــلــي حــيــاتــي تســاويك
اقــطــع وريــدي وإن نـــبض حب ثـــاني
ثـــــلات فـيــنــي كــلــهــا تــرتـبــط فـــيك
أعشــقك.. أحبـــك.. والـهــوى صــار عنواني
وإن كــان مــا تـــدري أنــا أقــول وأطريــك
حـــبك مـلــكـنــي في ضـــميري ووجــداني
بعد عمري فرح ربي يصبرج على كل اللي ياج من حمد ياللي طارت الرحمه من قلبه حسبي الله عليك يا الغالي وين حمد اللي من كلامه يوم حب فرح يوم قال لها إنتي لي وما راح أتخلى عنج ولو لحظه حسافه عليك يا حمد اتيي منك هالسوالف والله إنتا غالي والله يهديك ويا الغالي الكل مستغرب من التغير اللي صار لك مره وحده ومو مصدقين هالروميو يتخلى عن حبيبته بلحظه من كلمه ما عرف حقيقتها من أخته اللي تلعب بقلوب الغير وما تبي الفرح يكون عند الغير واللي كسر خاطري عثمان يا ندى ليش تصدين عنه حرام الرجال مو من النوع اللي يلعب بالقلوب يا حبيبتي نداوي وتسلم إيدج يا ريري ربي يخليج لأهلج وأحبابج ولا يحرمج منهم يا غلاتي ويشفي لج أميمتج تاج الدنيا ونور المحبه وجوهرة الدار ويحقق لها كل اللي يتمناه قلبها وقلبج عاجلا غير آجلا آمين يا رب العالمين

مشكووره فديتج رفوووفه عالكلام الحلو والقصيده الاحلى .. والله فوق الظالم .. وربي يعوض ندى عاللي شافته من هالحمد

يعطيج العافيه,ما قصرتي علي هالبارت الحلو تسلم الايادي

تسلمين حبي العفو

واااااااااي
عورت قلبي فرررررح وانا اقرا ميته قهر وحره وقلت يالله يمكن بعد شوي يكلمها يمكن الحين
لااا الخايس ملعون ما طيب خاطرها
ان شاءلله حوبت فرح ما تروح حق هدى ومشاعل

ان شااءالله .. الله فوق كل ظالم .. مشكوره حياتي داريني

وااااااااااااااااي شالحقاره حمد
اووكي شاك فيها صارحها ليش مخليها على ذمتك اذا متأكد لي هالدرجه من كلامهم اووووووف
وفروح حرام تكسر الخااااطر بعدقلبي
هذا مايوووز الدكتووووور حرام اسمه دكتور والله
مشكوووووووووره ريري ماقصررررررررررتي

لوووووووووووووووووووووول وللله نفس تفكيري حرام اسمه دكتور كل ما اكتب دكتور استخسر اتعب اصابعي على هالكلمة مايستاهلها والله
و حمد مربوط السانه اشكره :× مشكوره فديتج بيبي جونسون العسل

موقف ندى بصراحه لا تحسد عليه مسكييينه والله تعووور القلب والله يهدي حمد ويفكه من تحررش خواته
وعلى ندى حيااااتي لوني منها والله اشتكي على هالدكتووور اللي مايستحي على ويهه وياااحلووو عثمااااان والله على طووووول دش قلبي

اشتكو الحمدللله الله فك البنات منه ماقصرتي فديتج عالمتابعه

وييي ليييش جذذي يسوووي حمد =\

مسكيينة فرررح

وهذا الدكتوور شلوون يسوووي جذي صج قليل ادب :s

يعطييييج العااااافية على البااارت ريريز

ناااطريــنج :**

الله يعافيج زووووزه ^_^ ثانكس عالمرور حبي

خوااااته يغثوون يغثووون يغثوووووووون
فرح تعوور القلب مسكيينة مالها ذنب
حسبي الله علييهـــــــــــم
والدكتوور حدده ما يستحي ، تووقعت يحط ندى بهالمووقف << لووعتي جبدنا بتوفعااتج
يعطييج الف عاافية ريريز
و ثاانكس ع الباارت الرووعه ..~

ههههههههههههه اي احلى شي توقعاتج ^_^ فديت مرورج ثانكس حبي

من وين طلع الدكتورثامرصج حقيرومايستحي على وجهه ألحين ندى وحدة من طالباته يتحرش فيها عيل لووحدة ثانية اشبيسوي فيها أكيد بيغتصبها سودالله وجهك ياثامر والله يعينج ياندى على هالمصايب اللي قاعدة تنحذف عليج بس رجاءا لاتسكتين عنه هالخسيس ولازم تبلغين أبوج باللي صارلج معاه علشان يوقفه عند حده
----

صار اللي تبينه والحمدلله شاتوه ^_^ مشكوووره فديتج عالتعليق الحلو

ريريز بدعتي ما شاء الله
وتسلمين عالبارت الروعة
^^^^
وحمد صج صج صج يبط الجبد
الله يعين فرح ويصبرها ..
Thnx waiting
:eh_s(9):

الله يعينها من قلب .. ومشكوووره حبي عالكلام الحلو و عالمتابعه ماقصرتي حبي

وااااي البارت [ عواار قلب ] :eh_s(2):
مشكورة ريريز حبي ماتقصرين

فرح بعد عؤمري لاتتكدرين حبي والله كلنه بنرووح بيتهم الي بالقادسيه وريريز قالت البني الكبير بندش ونسوي استنفاار بندووس ببطونهم ونكوفنهم هدوو ومشاعلوو هالعلل لاتحاتين بس

وحمد الله يهديه ويسمعج للأخير ويتعدل
وهذاا ثامر الله ياخذه قليل الأدب وربي مايستحي

وريريز يابعد جبدي وطوايف أهلي أنتي :edbf4317b9: تسلمين ع البارت بس ابي جوااب هالاحدااث من متى ويعطيج العافيه

ههههههههههههههههههههه اي والله احس لو ادليج بيتهم اتطلعينهم من شعرهم وتطقينهم كلهم حتى حمد و واخوه
مشكووره فديتج عالتعليقات الحلوه والله كل ما اقرى تعليقاتج اضحك ^_^

وااااااااااااااي واااااااااي لأ خوات حمد عووووع انشالله الله ما يبليني بحموله جذي قطيعه
و الدكتور بددددع

ااااااااميييييين اجمعين يارب .. والله من سالفة فرح صرت حيييل اخاف من زواج الغرب شي يخوف والله

لااااااااااااااااااا مااا اعتقد مسحوررررر بس الظااهر كلام نوره صح بعدين صج اهوو صح
واللله يستررر من اللي يااااااااااااااااااااااااي
يعطيييج العاافيه حبي

اي يمكن ان دام كلمتني تكلم علي بكل سهوله .. ويع تفكيرهم خايس قطيعه
مشكوره حبي رونه وبشريني عنج فديتج

امبي هدى ومشاعل وحمد بااااااااااااااااااااااااطييييييييييييييييييييين جببببببببببببببدي
جد جد باطين جبدي لو اشوفهم جدامي راح اذبحهم
فروووح جد تكسر الخاطر
ومسكينة ندى وين ما تطقها عوية.
بانتظار البارت اليديد على ناااااار

ثانكس حبي مشكووه عالمتابعه

وااااااااااي حمد واخته (افففففففففففففففففففففففف)
عثمان يحليله جنتل

يسلمو ناطريين البارت الياي

:bye22:

ثانكس عالصوره تينن ^^
ومشكوره عالتعليق الحلو

واااااي كملي يلاااا شنووو هذا تعور القلب فروووحه الله يعينها

الله يعين الجميع حتى ندوي .. مشكوره فديتج حبي

هاذا حمد شكلة صج ممسوح مخه انزين عل اقل صارح فرح مالت عليك
انشالله يا هدى المليغة اصير فيج مثل ما سويتي بفرح مالت عليج

اما فرح حبيبتي لو انا مكانج اطق حمد بكسات لين يتحجى

و هاذا احمد نعم يمه !!! شنو للحينك ما فقدت الامل يخي البنة ما تبيك ماكو بنية شكلك مو مكلمها هم تبيها

و هاذا الدكتور ثامر شي استحي لوول <<( ضحكة استهزاء ) نسيت انك فاقد الحيا

عسمان شكله خوش زول انصحج فيه ندى
و بالنهاية :denya:

لوووووووووووووووووووووول اهم شي تعطينه بكسات لووووووووووووول ضحكتيني اتخيل شكلها
لا كلش مو لايق عليها تره حده مسكينه زين منها تعرف تصرخ
اسمه عثمان لوول لا تخليني اكرهه تره مسكين اهو

يعطيج العافيه ري ري

وحمد هذا وراه سالفه اشفيه جذي مسبه

اما الدكتور ثامر هذا سالفه ثانيه قطيعه ويييع جليل الحيا
الله يعينج يا ندوي تييج المصايب من كل صوب وعثمان هذا خل يذلف بعيد مالنا خلق بلاوي لا الته كف اطشر ملامح ويهه

عساج عالقوة وتسلم الايــــــــــادي :d

لوووووووووووووووووووووووول اهم شي عثمان خل يذلف والته كف لوول وعليا اشسوه ؟

يسلمووووووو ويعطيج العافيه ع البارت
ناطره البارت اليــــــــــــــاي

الله يعافيج حبي مشكوره