هلا حبايبي الله يوفقكم وجزاكم الله خير ,
صراحه اخجلتوني بتفاعلكم ماقصرتو,
رد مختصر لان اختي هي الي تكتب لي ,
بس بغيت اقولكم عن موقف صار لي اليوم ماكنت اتخيله بحياتي ,
كنا رايحين اليوم عالساعه 8,5 الصباح لمشوار وكنا راجعين للبيت عالساعه 10الاربع وعلا جسر الفنطاس شفنا حادث توه صاير واحنا اول
الواصلين له لان السياره الي مسويه حادث كانت عالرصيف ولازم نوقف والا الي صايرهم لهم الحادث بنت وامها جيت اكلم الام واقولها تعالي
اوديك المستشفى والى تطيح عالارض وراسها كله دم وبنتها بس تصرخ وتبكي جيت بتصل علا 777والا الرقم متغير وانا نسيت الجديد وماني
عارفه شنو اسوي بالمره الي طايحه لان صراحه ماعندي خبره بالاسعافات الاوليه وندمت حيل اني ماعندي خلفيه عن هالامور المهمه لان المره كان راسها ينزف وانا ماني عارفه شنو اسوي لها ارفعه او انزله ماني عارفه بس كنت ادعي لها ’’ وجا واحد جزاه الله خير وقالي خليك مع المره وانا بدق عالاسعاف وانا ماسكه راسها وكله دم ,
واحاول اهدي البنيه واختي تمسكها والا البنيه ماتعرف الا شوي عربي طلعت تركيه اتوقع من طريقة كلامها , المهم وصلوا الاسعاف وصراحه حسيتهم تاخروا بعدين لما جوا المسعفين سألوني اذا كانت هي الي تسوق او اذا اغمى عليها ومن هالكلام وشكرونا ورحنا للبيت ,
بس الي حبيت اقوله لكم ان الواحد عالاقل يكون عنده خلفيه عن الاسعافات الاوليه لو الاساسيات بس .ويكون ذكي نفسي ويحفظ رقم الطوارئ .
