روايتي الثالثة (( يا دنيا ارحميني )) .. قصة واقعية .. ReRez

[أميرة البجع]

حبيبتي فروحه الله يعينها
وااااااااااي أكره حمد.. بهالقصة وبقصتي كل حمد (جذبي.. يعني بس بالقصص لووووول) خااااااااايس
وندى عفيه عليها زين سوت خل ياخذ جزاه هالدكتور الخايس
ناطرينج حبي ويعطيج ألف عافية

 

[ba6re8a]

نااااااااااااااااااطررررررررررررررررررررره

 

[حور^_^]

<< صامده من ال4 الا ربع

تبي تقرا البارت وتناااااااااااااام

 

[أم الصبيان الثلاثة]

سلام على احسن كاتبه تشوق في قصصها

طلعت من الصمت اللي فيني وخل اقولج رايي

هدى واختها اسمحولي بنات حيوانااااااااااااااااااااااااااات بشكل انسان

وندى حبيبتي الله يسخرلها واحد يحبها ومن حبه لها يكون راضي بمرضها

اما فرح اللي الله يصبر قلبها 5 شهور والله قويه خصوصا هي تحبه

حمد انسان غبي اللي عنده وحده تحبه نفس فروحه ويفرط فيها كافي انه متزوجته عشان تحبه مو طمعانه فيه ولا مصلحه
وعلى فكره وايد رياييل جذي اغبياء في الكويت مع الاسف المرى اللي تحبه يدوس عليها والمرى النسره حاطها على راسه
فهوه مايستاهل فرح
وانشالله يصير بالزفتتين الخوات اخس من فرح وحوبتها ماتتعداهم قولو امين

مشكوره ريريز على القصه

 

[انجاد الكويت]

ريـــــــــــــــــــــريـــــــــــــــــــــــــز

انا من المتابعين بصمت بس من صدمة الباارت اللي طاف نطقت هههههههههههه هع هع هع

بس شكلي بطقها شخري لاني سهرانة من امس ووراي غدا حق زوجي لازم الساعه 12 يكون عالنار يالله لاتنزلين البارت الا لما اقعد من النوووم خخخخخخخخ

شكل البنات بيكفخوني ويقولون شاللي خلاج تنطقين يالصامته

بــــــــ سريري مشتاقلي بروح افقصه هع هع ــــــــــــــاي :lololoe:

 

[أروسا]

رزرز اذا انتي نايمه نووووم العوافي و اذا انتي قاعده فا قوود مورننغ

حبيبتي اليوم يور عطله يو شود تيك بريك هاف أ كيتكات تشنكي خخخخخخ:dddds:


بناااااااااااات ماكو بارت اليوم,,,, بارت نهي نهي .... صار معلوووووم!! :eh_s(4):

خلو البنيه ترتاح اتجابل القصه ولا اتجابل ولد اختها هاااااااااااااااا :jumpon:

اشفيني داشه بشري اليوم :gr4uu:


رزرز كلمه بيني و بينج : اذا نزلتي بارت راح اتقصين ويهي جدام الحلوين

 

[ReRez]

- 27 / وليد -

- بطلت الباب وانصدمت من اللي شافته .. حست الدنيا ظلمت عليها .. اللي جدامها ماكان ( السايق كريم ) .. اللي واقف جدامها وويهه كله شرار .. كان حمد –

فرح : ( منصدمه ) حمد ؟؟ متى رديت!!
حمد : ( بعصبية ) روحي ييبي نواف
فرح : ( عيونها تغورق من القهر ) متى رديت ؟
حمد : مالج شغل متى رديت روحي ييبي نواف .. يعني انتي طول هالمدة قاعده تمنعينه من اهلي
فرح : ( بصوت عالي ) رد علي متى رديت ؟

- يت فاطمة على صوتهم –

فاطمة : ( انصدمت يوم شافت حمد ) يمه اهدو لا يطلع صوتكم جذي بالشارع
حمد : خالتي قولي حق الخدامه تييب ولدي
فاطمة : حمد انت ريال عاقل مايصير جذي تفضل بالدوانية اقعد مع مرتك تفاهموا مايصير اللي قاعد تسويه
حمد : ( بعصبيه ) اللي قاعد اسويه انا ولا بنتج ؟ وبعدين مالي تفاهم مع احد ياي اخذ الولد و امشي
فرح : ( تبجي ) شنو يعني تاخذه توك تحس ان عندك ولد ؟
حمد : ( بصوت هادي ) جدام عيني صار الموضوع مرتين رديتي السايق و رفضتي تخلينهم يشوفون نواف .. والحين انا ياي اخذه بنفسي
فرح : اشلون يعني تاخذه ؟
فاطمة : عليك الله حمد دش الدوانيه معاها مايصير تتفاهمون عند الباب
حمد : ( دش البيت )
فاطمة : ( دخلته الدوانيه و اطلعت حق فرح )
فاطمة : يمه روحي تفاهمي معاه وحاولو تحلون الموضوع قبل لا يرجع ابوج
فرح : ( دموعها تنزل وميته قهر – بصوت واطي - ) يمه اكرهه مابيه
فاطمة : عشان خاطري حبيبتي دشي كلمي ريلج
فرح : ( امسحت دموعها ودشت الدوانيه )
حمد : ( بنفسيه ) وين نواف ؟
فرح : ( اقعدت على غنفة بعيدة شوي عنه ) حمد ليش كل هذا ؟
حمد : ليش يوم طرشو السايق عشان يشوفونه مارضيتي ؟ وليش تركتي البيت وانا قايلج لا تتركينه ؟
فرح : تسأل ليش تركت البيت ؟؟ ما تسأل نفسك انت ليش تعاملني جذي وليش تسكت وماتقولي شنو عندك ؟
حمد : مو مجبور اقول شي .. اللي اعرفه اني غلطت يوم خذيتج وانا مو عارفج عدل سالفة جم شهر ماخلتني اعرف معدنج
فرح : ( ابتسمت و انزلت دموعها ) غلطت يوم تزوجتني ؟ عيل طلقني اشناطر ؟
حمد : ( ولع زقاره و دخن منها شوي ) حاب اخليج جذي
فرح : تعلقني يعني ؟
حمد : اي .. والحين قومي ييبي نواف .. ولا تخافين برده بعد جم ساعه
فرح : ( كل ماتمسح دموعها تنزل غيرهم ) حسبي الله عاللي كان السبب
حمد : آمين .. يالله قومي ييبي الولد لأني مستعيل
فرح : انا بعرف اهي اشقالت لك عني ؟
حمد : انتي ادرى
فرح : حمد انت .. ولا تدري ماينفع الكلام صج حسافة .. لا ليش حسافة اصلا حسافة اتحسف عليك
حمد : ( بعصبية ) فرح انا للحين هادي
فرح : ( قامت من غير لاتقول شي واطلعت من الدوانية )

- دشت الصالة و دموعها تنزل –

فاطمة : ها يمه اشصار ؟
فرح : ( تكلم خدامتها ) عطيني نواف و روحي فوق حطي بجنطته حليب وحفاض و اثنين ملابس مع صدرية
الخدامه : ( عطتها نواف ) جم واحد هفاض ؟
فرح : ( شالته ) حطي 4 وانتي بعد لبسي بتروحين القادسيه
الخدامه : اوكي ( راحت فوق )
فاطمة : بياخذه ؟
فرح : راح يرجعه بعد جم ساعه
فاطمة : اشصار ليش هالدموع ؟
فرح : ماكو شي
فاطمة : شنو ماكو شي ؟
فرح : خلاص يمه الله يخليج مو حابة اتكلم الحين
فاطمة : انا رايحه اتفاهم معاه
فرح : ( امسكتها ) لا الله يخليج لاتروحين .. خليه انا لاعت جبدي منه مابيج تحاولين فيه
فاطمة : اشلون يعني ؟
فرح : يعني خلاص .. لا اهو يبيني ولا انا ابيه
فاطمة : اي ليش عاد ؟

- يت الخدامه ويابت جنطة نواف –

فرح : يللا تعالي بتروحين مع بابا ( راحت الدوانيه )
حمد : ( قام و خذه نواف من ايد فرح ) اشوفه مو مريض
فرح : انت اول ذاكر شكله ؟ شوف ملابسه .. عرفت ليش ما وديته بيتكم ؟ لأن كل ملابسه صغار عليه .. وانت ماتدري عنه
حمد : انتي اللي تركتي البيت بقرارج محد طردج .. ( يكلم الخدامه ) يللا تعالي ( راح لي الباب )
فرح : لحظه .. بسألك اخر سؤال
حمد : ( وقف و ماتكلم )
فرح : متى رديت الكويت ؟
حمد : من اسبوع ( كمل طريجه وطلع من البيت )
فرح : ( اقعدت عالغنفه ودموعها تنزل وتحرق خدها و بلعومها يعورها من القهر )
فاطمة : ( دشت عليها واقعدت يمها ) يمه تعوذي من ابليس كل شي راح يتصلح
فرح : ( انفجرت بجي وصراخ ) مابي اصلح شي كرهته والله كرهته خلااص بتطلق منه
فاطمة : ( اشهقت ) اعوذ بالله يمه .. راح ترجعون صدقيني بس عطيه وقت
فرح : مابيه خلاص .. يقول يبي يعلقني .. الحقير يبي يقهرني زيادة
فاطمة : ( لمتها ) خلاص حبيبتي صدقيني دام مافي سبب للزعل راح يرجعلج
---

- مر تقريبا شهرين وبدت الدوامات .. و حمد مايسأل بس كل ويك اند ياخذ نواف و يرده ومعاه 20 دينار مصرف و فيه الخير كذا مره راده ومعاه ملابس من مذر كير .. الظاهر خواته تعبو نفسهم و تسوقوله .. و فرح ردت تداوم مع ندى وهذا اخر كورس لها -

- بيت فاطمة –

مشعل : ( سكر التلفون وبدى يصرخ ) كله من بنتج .. اكيد اهي ميبسه راسها وغاثته
فاطمة : اشصار ؟؟ اشقالك ؟
مشعل : اسأله ماتبي تاخذ مرتك ؟ يقولي لأ اهي جذي مرتاحه وانا مرتاح بعد !!! يعني لي متى بيخليها عندنا ؟
فاطمة : زين اهي مأذيتك بشنو ؟ حتى صرف مو قاعد تصرف عليها .. مصروف ولدها يوصلها كل اسبوع .. محتر ومعصب ليش ؟
مشعل : تسألين ليش ؟ اذا اسمترت على هالحال وماردت بيتها راح تتطلق
فاطمة : بعيد الشر عنها لا تقول جذي
مشعل : وهذا اللي اهي فيه شتسمينه ؟؟
فاطمة : الله يهدي نفوسهم ويرجعون حق بعض
مشعل : هذا اللي خذته من خلفة البنات .. الله يلعن الساعة اللي انولدو فيها
فاطمة : استغفر ربك اشهالكلام ؟
مشعل : ( قام واهو يصرخ و يتحلطم و طلع من البيت )
---

- بالكلية .. أول يوم دوامات –

ندى : انا وايد مستانسه لأنج رديتي تداومين عالأقل تنسين حمد و سوالفه
فرح : انا خلاص نسيته والله طلع من قلبي .. خل يعلقني كثر مايبي .. المهم اني مو يمه
ندى : امه ردت معاه ؟
فرح : اي كلمت عبير وتطمنت عليها .. اتقول صارت احسن بس للحين تعالج اهني
ندى : الحمدلله .. زين و ماقالت شنو ردة فعلها على موضوعج ؟
فرح : عبير مارضت تتكلم .. و حسيت من كلامها ان حتى خالتي صدقت اللي انقال عني
ندى : زين انتي جان بررتيله و حلفتي ان ماعندج شي
فرح : شالفايده ؟ اهو دام متأكد وواثق لهالدرجة يعني خلاص ماينفع يكون زوج
ندى : ( تنهدت ) والله العزوبية ارحم
فرح : اي والله ارحم بوايد

- اوقفت دلال من بعيد تأشر حق ندى من غير لا تشوفها فرح –

ندى : ( ويهها قلب )
فرح : اشفيج ؟
ندى : صراحه بقول شي بس لا تزفين
فرح : قولي
ندى : تره انا للحين اكلم دلال
فرح : ( انصدمت ) شنو ؟؟
ندى : والله تغيرت ماتطلع مثل اول ولا تكلم شباب و..
فرح : ندى انتي من صجج ؟ وينها هذي والله انتفها
ندى : فرح عاد اشفيج ؟؟ شكلج بتحطين حرة حمد فيها
فرح : اي والله بطلع حرة الدنيا على راسها .. وينها اهي تداوم ؟
ندى : اي
فرح : حسافه والله .. المفروض تنطرد مع ثامر
ندى : ( تطالع مكان دلال بس مالقتها )
فرح : اذا كلمتيها مره ثانيه والله اقول حق عمي سامي
ندى : بلا سخافه والله اني ما اطلع معاها اللهم نتمشى بالكلية وبس
فرح : اوكي انتي كلميها وانا والله اقول حق عمي ماراح تكسرين خاطري

- راحت ندى محاضرتها .. لقت دلال معاها بنفس الكلاس –

دلال : ( لمت ندى ) وااي ماني مصدقة اني معاج بهالمادة
ندى : ( وخرت عنها ) جم مره اقولج ماحب التلمم
دلال : اي صج تعالي هذي السعلوّه ليش ردت داومت والله اخاف منها
ندى : لاتقولين سعلوّه ما ارضى عليها .. وصج دلال والله ماني ناقصه مشاكل مع ابوي .. اهي لو شافتنا نتكلم مع بعض بتروح تقوله
دلال : ليش انا اشسويت ؟ اشفيهم اهلج علي
ندى : دلال من صجج تسألين اشسويتي ؟
دلال : امي اللي سوت انا مالي شغل

- دشت الدكتورة جان الكل يسكت –

( بعد المحاضرة .. اطلعت ندى مع دلال جان اتييلهم فرح )

فرح : دلال تعالي معاي شوي بكلمج
ندى : خلاص فروح
دلال : ( اتعفس ويهه ) اشتبين ؟
فرح : بكلمج شوي
دلال : اوكي
ندى : كلميها يمي
فرح : مابي بكلمها بروحنا
دلال : اوكي امشي

- راحت دلال مع فرح يتكلمون بعيد –

- وندى .. اقعدت على الكراسي بالحديقة .. يه عثمان وقف يمها –

عثمان : السلام اشلونج ندى
ندى : وعليكم السلام .. و لاتناديني جذي جدام الناس جني اعرفك
عثمان : يبه من الآخر ابي اكلمج
ندى : ( انصدمت ) نعم ؟
عثمان : والله بالعطلة كلها وانا افكر فيج وانطر متى يبدي الدوام عشان اشوفج و تره صارلي اكثر من 4 ساعات وانا افتر ادورج
ندى : لو سمحت الف مره قلتلك خلني بحالي
عثمان : اول شي اخذي رقمي وبعدها اوخر وماتشوفين ويهي
ندى : وايد مصدق عمرك (خلته ومشت )
عثمان : ( لحقها ) زين قوليلي انتي مرتبطه يعني ؟
ندى : ( اوقفت ) انت ماتفهم ؟؟؟ قلتلك حل عني
عثمان : زين لا تعلين صوتج قاعدين نتفاهم
ندى : مابي اتفاهم معاك .. وماحب توقف تتكلم معاي والناس تطالعنه
عثمان : صدقيني وانتي مع دلال الناس تطالعج اكثر
ندى : استغفرالله يارب .. انت شايل حاط بالبنية
عثمان : والله ياندى ابي مصلحتج .. ماله داعي اقولج سوالفها .. اصلا عيب اقولها .. و غير جذي انا صارلي جم يوم احلم فيج ماني قادر اشيلج من بالي
ندى : ( اسكتت )
عثمان : وتره والله مو من نوعي اركض ورى البنات وارقمهم .. بس فيج شي شدني احسج غير
ندى : دام تدري اني غير يعني لازم تدري اني مابي اكلم
عثمان : والله اني ماراح اطلب شي غير التلفون .. واذا عالشوفه كل يوم اهني اقدر اشوفج حتى لو بعيد لي بعيد يكفيني
ندى : وانا مابي لا تلفون ولا غيره
عثمان : ليش ؟
ندى : بس جذي
عثمان : لا لازم فيه سبب

- يت فرح يمهم –

فرح : ( تطالع عثمان )
ندى : يللا عن اذنك ( مشت مع فرح )
فرح : منو هذا ؟
ندى : اسمه عثمان .. صارله من الكورس اللي طاف يطلع بويهي وين ما اروح
فرح : اشيبي ؟
ندى : يقولي لا تماشين دلال .. والحين يقول يبي يكلمني
فرح : دام قال لا تماشين دلال عيل شكله خوش واحد
ندى : زين اشقلتي حق دلال ؟
فرح : ماقلتلها شي بس تفاهمت معاها .. وياعمري خلاص لاتماشينها البنت سمعتها وصخه ليش تشوهين سمعتج والسبه اهي
ندى : انا اصلا عقب اللي سوته فيني صارت علاقتي فيها مو ذاق الزود .. وانتي ماكنتي تداومين والبنات الثانيين احسهم ملاقه فرديت امشي معاها
فرح : يعني اهي الحين مو ملاقه ؟
ندى : ( تبتسم ) اهي صج ماتستحي بس تره قلبها طيب
فرح : والله سمعتها اكس وتره كل اللي صارلج بسبتها حتى سالفة الدكتور ثامر
ندى : تتكلمين جنج عثمان
فرح : قالج جذي ؟
ندى : اي
فرح : والله يفهم هالصبي .. زين ماراح تعطينه مجال ؟
ندى : لا طبعا .. مابي اعيد السالفه من يديد .. واصلا خلاص قلتلج انا صرفت نظر عن الزواج وعن الحب وعن كل شي .. وبعد اللي صارلج صرفت نظر اكثر واكثر
فرح : ( تبتسم بضيق ) محد يدري شنو الله كاتبله .. يمكن حظج يكون احسن من حظي
ندى : تضايقتي من كلامي ؟ والله ماقصدت اذكرج
فرح : لا عادي والله .. اصلا انا مو متحسفه عليه اهو مافي خير والحمدلله ان افتكيت منه بس ابيه يطلقني عشان ارتاح
ندى : يعني كلش ما ودج ترجعين له
فرح : لا والله طلع من قلبي وخاطري وكل شي
ندى : ( اسكتت )
---

- مر شهرين و علاقة ندى بدلال ماتتعدى سوالف بالكلاس .. و عثمان بس يبتسم لها اذا شافها ومايه يمها من عقب ذاك اليوم .. اما حمد فما صار ياخذ ولده الا بالاسبوعين مره –

( ندى زايره فرح )

ندى : ( تلاعب نواف ) يا حلاته كبر صاير يهبل
فرح : ودي اعرف حمد شيفكر فيه ؟
ندى : اشتقتيله ؟
فرح : قلتلج ندى انا كرهته والله .. بس جذي فضول ودي اعرف اشلون عايش يعني مايحس ان مشتاق حق ولده ؟ تره ماياخذه الا بالاسبوعين مره
ندى : يمكن امهم ردت تعبت و قاعد يسافر معاها
فرح : بدق على أحمد اسأل

- دقت على أحمد بعد جم رنه رد عليها –

أحمد : الو هلا فرح
فرح : اشلونك أحمد
أحمد : تمام انتي اشلونج .. و نواف اشلونه ؟
فرح : ماتدق تسأل عن ولد اخوك ولا شي قلت انا ادق اسأل عنكم
أحمد : فيج الخير والله .. بس تدرين دوامات و شغل يعني زين يطلعلي وقت انام فيه
فرح : الله يعينك .. زين اشلون خالتي ؟
أحمد : بخير الله يسلمج
فرح : دوم ان شاءالله
أحمد : فرح انتي و حمد متفقين عالطلاق ولا شنو ؟
فرح : لا اهو قال بيعلقني جذي بس مايبي نرد حق بعض
أحمد : والله امركم غريب .. انا متهاوش معاه والسبه انتي
فرح : و ليش تتهاوش خله جذي متى ماقرر يطلقني خل يطلق
أحمد : يعني ماتبين تردين له ؟
فرح : لأ
أحمد : متأكده
فرح : اي متأكده
أحمد : عيل خل اقولج اللي صار و اتوقع ماراح تزيد مشاكلكم
فرح : شنو صار ؟
أحمد : حمد ملج صارله شهر ونص تقريبا
فرح : ( فجأه حست مثل سجين طعنها بقلبها ) صج ؟ من بنته ؟
أحمد : يعني عادي عندج ؟
فرح : ( قلبها يرقع وويهها تغير لونه ) اي عادي اصلا حمد ماعاد يهمني .. زين قولي من بنته ؟
أحمد : تصيرلنا من بعيد

- بجى نواف –

فرح : الله يوفقهم .. اخليك الحين نواف قاعد يبجي
أحمد : اوكي .. اسف على هالخبر بس قلت دامج مرته حرام اللي قاعد يسويه يا يطلقج يا يردج .. عشان جذي تهاوشت معاه
فرح : تسلم لازم اسكره الحين .. يللا مع السلامه ( سكرت التلفون و دموعها انزلت )
ندى : اشصاير اشفيج ؟ و شنو من بنته ؟ لا يكون حمد ...
فرح : ( تهز راسها وحنجها يرجف ) ملج
ندى : الحقير
فرح : ( شالت نواف واهو يبجي واقعدت تبجي معاه )
ندى : ( تهديها ) خلاص حياتي الله يردلج حقج ان شاءالله
فرح : والله اني مو قاعده ابجي عليه .. قاعده ابجي على حظي تزوجت واحد مثل هذا .. واللي راح ينظلم بينا هالياهل المسكين
---

- بالليل بعد ماراحت ندى –
( فرح تمت تبجي طول الليل متحسرة على نفسها وعلى ولدها .. بعد ماهدت امسحت دموعها ودقت على حمد .. وطلع عنده ويتنق .. تمت تشكل عليه ساعه كاملة واهو عالويتنق .. بعدها رد عليها )

حمد : نعم ؟
فرح : يالنذل طلقني
حمد : فرح عدلي اسلوبج معاي لا اخليج تندمين والله
فرح : ( تصرخ ) اقولك طلقني .. انت ماتبيني .. وتزوجت علي .. اشتبي مني ليش تبي تعذبني ليش ؟
حمد : وصلج الخبر يعني ؟
فرح : ( تبجي من غير صوت ماكانت تبيه يشوفها ضعيفه ) ليش تعلقني جذي ؟
حمد : بس جذي
فرح : الله يعينها عليك .. تدري لو اشوفها والله احذرها منك لأن صج انخدعت فيك
حمد : ( يضحك ) الحين انتي اللي انخذعتي فيني ؟ عيل انا شقول ؟
فرح : الاقيكم انت وخواتك يوم القيامه .. بهاليوم ربي راح ياخذ حقي منكم

( سكرت التلفون بويهه .. واقعدت تبجي بحرقة وتحط ايدها على قلبها .. كانت تحس ان روحها بتطلع )

الله حسيبك ... اجرح قريبك
وخط بيدك خط النهايه
نهايه احلى واصدق بدايه
واجرحني اجرح وبجرحي افرح
سو ما بدالك وابدأ مغيبك
روح روح روح الله حسيبك

---

- بعد جم يوم ( العصر ) فرح كانت مختنقه حيل .. راحت تتمشى عالبحر .. اوقفت عند واجهة أبل بيز وانزلت تتمشى و اقعدت عالكراسي .. كانت تحس بهم و بثقل بصدرها .. و كانت تبي تسوي أي شي عشان ترتاح .. اقعدت مده بمكانها تطالع البحر ودموعها تنزل .. بعدها يو مجموعة شباب وبنات .. جان تمسح دموعها وقامت اركبت سيارتها .. اقعدت تبجي حييل وبصوت عالي بعدها اطلعت من المسفط .. ومشت شوي جان توقف تدور كلينكس لأن من البجي خشمها بدى يصب .. اول ما امسحت خشمها و لا ترجع عليها السياره اللي اهي سافطة وراها .. كانت جيب مرتفع و سيارة ام فرح صغيره وواطيه .. الجيب دعمها بقوه من صوب بابها جان يصير فيه خفسه كبيرة بسبة الحديدة اللي تقلص –

( نزل من السياره شاب ابيض شعره كثيف .. حواجبه عراض .. لابس دشداشة و نظارة طبية من غير اطار .. اللي يشوفه على طول يقول شكلة مؤدب )

الشباب : ( راح حق فرح ) اختي انتي بخير
فرح : ( طالعته جان تبجي زياده )
الشاب : اختي صارلج شي ؟ ليش تبجين ؟
فرح : ( افتحت الدريشه وامسحت دموعها بس خشمها صاير احمر وحالتها حاله ) لو سمحت يعني انت ماتشوف وراك ؟
الشاب : ( كان وده يضحك على جملتها بس احترم نفسه ) والله ما انتبهت سيارتج واطيه وماشفتها اسف بس انتي صارلج شي ؟؟ تعورتي ؟ ليش قاعده تبجين
فرح : ( بصوت واطي ) لا مافيني شي
الشاب : ( يطالع سيارتها ) أول شي معاج وليد ال... وثاني شي الصراحه سيارتج تعورت وايد .. اخذي رقمي وخلي أي احد يكلمني الوالد اخوج أي احد
فرح : ( تخيلت ابوها اشكثر بيعصب اذا شاف الدعمه )
وليد : تبين بطاقتي بعد يعني ضمان يمكن ما ارد عليكم او شي
فرح : لا مو لازم بس عطني رقمك
وليد : ( نقلها رقمه )
فرح : ( دقت عليه عشان تتأكد من الرقم )
وليد : ( رن عنده ) خلاص .. متى ماتبون تدقون دقو وانا حاضر باللي تامرون فيه
فرح : اوكي
وليد : قولي حق الوالد في واحد ماكان يقصد ودعمني .. مابي يدق يتهاوش معاي تره والله ماقصدت ادعمج .. ولاتبجين مره ثانيه تره ماصار شي يستاهل .. اهم شي ان بالحديد مو فيج
فرح : ( ابتسمت ) اوكي .. عن اذنك
وليد : اذنج معاج
- حركت السيارة واهو ركب سيارته –

وليد : ( يضحك ) شكلها خوافه على طول بجت .. يحليلها
---

تحياتي

ⓡⓔⓡⓔⓩ

بنات هذا بارت امس .. عافسه نومتي وتوني اخلصه ونزلته لكم
و بارت اليوم اللي اهو السبت ماكو لأن اليوم عطلتي :tongue22:
وشكرا

اللي بيعرف منو هالعسل فاهو حبيبي (( قرّود ))
كيوت عرفتني عليه وطحت بغرامه من اول نظره :$

 

[ReRez]

رزرز اذا انتي نايمه نووووم العوافي و اذا انتي قاعده فا قوود مورننغ

حبيبتي اليوم يور عطله يو شود تيك بريك هاف أ كيتكات تشنكي خخخخخخ:dddds:


بناااااااااااات ماكو بارت اليوم,,,, بارت نهي نهي .... صار معلوووووم!! :eh_s(4):

خلو البنيه ترتاح اتجابل القصه ولا اتجابل ولد اختها هاااااااااااااااا :jumpon:

اشفيني داشه بشري اليوم :gr4uu:


رزرز كلمه بيني و بينج : اذا نزلتي بارت راح اتقصين ويهي جدام الحلوين

لووووووووووووووووووووووووووووول اسفه عمري رسرووووسه بس اهم حاسبينها صح
هذا بارت امس انا كنت طووول اليوم نايمه وماقمت الا الفير وكتبته وتوني اخلص :tongue22:
بس اليوم اللي اهو السبت ماراح انزل شي

وماااعاااااااااااش اللي يقص ويهج :tomato2:

 

[ReRez]

بناااااااااااااااااات ليش تسهرووووووووووون والسبه البارت ماراح يطير والله تقومون وتقرونه ليش يعني تحسسوني بالذنب
حور و بطريقه وغيرهم اللي سهران والسبه البارت بزعل عليه

لحد يكلمني

 

[couisn but twin]

:eh_s(6): صباح الورد :eh_s(7): صباح الياسمين صباح الجوري صباح النوير صباح المسك صباح العنبر صباح المحبه صباح الشوق صباح الموده صباح العسل بصبح على أحلى من العسل ReRez :wqedqw: كل هذا تمهيد علشان اطلع من صمتي :eh_s(6): ههههههه بريئه :eh_s(7): الصراحه الصراحه الصراحه قصتج رووووووووووووووووعه وابدااااااااااااااااع و....و....و...ألخ ماقدر أعبر من روعتها ههههههههه الحين الي بيسمعني بوصف طبيعه :tomato2: طبعا كل قصصج روعه وأنا احييج على اسلوبج بالقصص والى الأمام :ada: وااااي جني وااااايد هذرت :eh_s(6): ناطرييييييييييييييييين البارت ياحلوه :hjy5jewf:

 

[واحشني مووووت]

وااااااااااااااااااااي حمد قهرني والله اني بجيت على فرح حسيت مثلي :lkmnkl::lkmnkl:

وااااااااااااااااااي مالت على حمد >>>>>>وعلي الي عندي تعرفينه ريريز

وهدى ومشاعل الله فوووووووووووووق واهوا الي بياخذ حق فرح ونواف هالمسكين و ياخذ حقي بعد تعرفين من منو ريريز

ونااااااسه اول وحده اعلق على البارت:aha:​

 

[عثمان حبي]

واااااااي حمد صج قهرني قطيعه ولا حتى سألها شمسوين له شقايلين له عنها المقروده

اما احمد والله رجال

والبقيه تأتي يوم الاحد

ريريز اشكرج على هالروايات تدرين اتمنى يسونها مسلسل ماشاءلله عليج مبدعه

 

[عــــــــــذوب]

يا حسافة على حمد طلعت مو رجال

الله يعين فرح على بلوتها

والله قلبي يتقطع عليها

حسبي الله على اللي كان السبب

ريري يا قلبي والله انتي ابداع بمعنى الكلمه

تصدقين والله ارسل لربيعاتي القصة كل يوم

وصار فيهم ادمان بسبتج

كل يوم يتهاوشون معاي بس يبون القصه

وارد اقولهم اول ما تخلصها ريري برسلها لكم

والله صج مسلسل مو قصة تنقرى

نرا هذا دليل على انج عرفتي كيف تجسدين الاحداث والادوار

الله يعطيج العافيه ويفكج من حنتنا

احبج يا بعد عمري

والسموحه عالقصور لضروف اكبر مني يالغاليه

 

[eng.7oor]

يعطييييج العافيه ريريييز على الباارت و على القصه بكبرها
و ناطره انشالله البارتات اليايه
اففف قاهرني هالحمد بس انشالله يعرف الصج و يتحسف
انزين ريريز بسأل .. القصه صج صاايره ؟؟ و لا قصص وايد ناس و انتي مركبتهم على بعض و انتي زايده من عندج ؟؟

 

[couisn but twin]

وااااااااااااااااااااااي حمد :rgewrg: شدعوه حتى ماتفاهمت مع زوجتك فهمها شنو صاير مسرع ماملجت واااي منه مافي صبر وليش معلقها خوو خلها بحالها كله من خواته النسرات :rgewrg:


وأتمنى لج اجازه سعيده :eh_s(6): ناطرينج يوم الاحد بنشوف شقصة ضيفنا اليديد وليدان :eh_s(6):

 

[miss disaster]

واااااااااااااااااااااااااي لو حمد جدامي جان مو قطعته جان لعنت بو خامسه وغسلت شراعه عدل (حسبي الله عليك انت وخواتك )

وفرح ونواف مساكيين شذنبهم ولا الحين هذا وليد كملها اهو بروحه ابوها ما يبيها بعد دعمت

اففففففففففففففففف

وعثمان ليش جذي صار لزقه خلاص ما تبيك move on

يسلمو وناطريين بارت باجر

بما انها اعجبتج المره اللي قبل اللي طافت (حشى لغز ) بحطها لج

 

[أروسا]

يا ربي هالحمد ... ليش بكل قصه حمد يطلع مليييييييييق و غثييييييييييث ... بس ما يصير يظل الريال على عماه المفروض تقعد وياه قعده عشان يتقاهمون وااااااااااااي حدي مقهوره ... بس اتوقع خلاص اهوا تزوج اللي ما يستحي و ان شاءالله يا ربي تشوف حوبتها ما تستاهل والله فروحه :lkmnkl:

تكفين رزرز سلميلي عليها واااايد


و عصمااااااااااان بيه شكله خوش واحد مدام نفس طبايع فروحه

و ندى ما تبي تكرر سالفة احمد ويا عثمان ... ضربتين بالراس تعور


رزرز .... يعطيج العافيه يا قلبي و على قصة الويهه الله يعيني على البنااااااات من الحين شماته هئ هئ هئ :eh_s(2):

 

[ba6re8a]

الله يلعن خواته

 

[<> إيلاف الكويت <>]

وااااي البارت يعور القلب بس نهايته حلوه لووووول

اتوقع انه وليد بيكون من نصيب فرح ويكون خوش واحد ويعوض فرح عن حمد

وبعدين حمد يكتشف جذبة خواته ويندم عاللي سواه عقب ما يعرف بخبر زواجها >>> سوت روايه ثانيه خخخخخخخخخ



تسلم ايدج حبيبتي ريريز مبدعه دايماً ماشاءالله عليج

واجازه سعييييييييييده :*

ناطرينج باجر

 

[داريني]

الله اني وايد حاسه بفرح صج صج الظلم يحرق القلب
قمت ابجي عليها واايد ريرز عورتي قلوبنا نبي نهايه سعيدة وتبرد القلب