روايتي الثالثة (( يا دنيا ارحميني )) .. قصة واقعية .. ReRez

[ba6re8a]

انا شابكه من ال بي بي فبحطه يمي وباخذلي غفوه. اخذي راحتج مدام انا بنام لووووول.

 

[ReRez]

- 29 / سامحني -

- ثاني يوم بالكلية –

( ندى قاعده بروحها ناطرة فرح تخلص محاضرتها .. شوي جان ايي يمها عثمان )

عثمان : السلام
ندى : ( طالعته جان تحك يبهتها ) وعليكم السلام
عثمان : جنج تبيني اروح ؟
ندى : عثمان خلاص بس والله تعبت وانا اقولكم مااااابي اكلمك ولا ابي اكلم غيرك
عثمان : زين ليش يعني ؟ اكيد فيه سبب ولا شاللي يخليج ترفضيني وانا اشملحي

( عثمان طويل جسمه زين لا حلو ولا خايس .. حنطاوي فاتح .. وبس تخيلو ويهه على كيفكم بس تره اهو مو جيكر )

ندى : ( بقلبها ) اشهالثقه
عثمان : زين خلينا من هالموضوع قوليلي اشلونج بعد اللي صارلج ؟
ندى : ( ارتبكت ) اشصارلي ؟
عثمان : مو تعبتي فجأة وطحتي ؟
ندى : ( شكت ) عثمان انت تعرف شي و خاشه ؟
عثمان : ( ابتسم ) يمكن اعرف ويمكن ماعرف المهم انتي قوليلي شنو خاشه عني
ندى : وليش اقولك بصفتك شنو ؟
عثمان : بصفتي شاريج و احس بالراحه كل ما اشوفج
ندى : ( تنرفزت ) انت متى تتخرج ؟
عثمان : ( يضحك ) اي والله شكلي راح انطرد من الكلية.. قاعد على جم مادة ان شاءالله اتخرج معاج مو انتي بتتخرجين هالسنه ؟
ندى : ( قامت ) خلاص انا بروح جنه وايد تكلمنا ( مشت عنه )
عثمان : لحظة ندى
ندى : ( التفتت عليه ) نعم ؟
عثمان : أدري شنو مرضج
ندى : ( انصدمت ) من قالك ؟
عثمان : سويت تحرياتي الخاصه وعرفت اللي خاشته عني و لو اني كنت ابيه يطلع منج
ندى : دلال ؟
عثمان : زين انها قالتلي ولا جان لي الأبد الحقج وانتي ترفضيني
ندى : ( خلته ومشت )
---

- بعد المحاضرة اطلعت فرح لقت مسج من وليد كاتب فيه " ناطر البشاره " –


- فرح ابتسمت وقلبها يعورها .. بعدين دزتله " الحمدلله توني خلصت و كان سهل مشكور عالسؤال " –

( ما مداه المسج يوصل جان يدق عليها )

فرح : ( ردت ) الو ؟
وليد : هذي ثاني شي اعرفه عنج
فرح : شنو ؟
وليد : الأول انج حزينه .. والثاني انج شاطره
فرح : ( اسكتت )
وليد : ان شاءالله اقدر اوخر هالحزن
فرح : ماتقدر
وليد : ليش ؟
فرح : بس صعب
وليد : انا مستعد احاول
فرح : راح تتعب معاي
وليد : ميخالف راضي

- يت ندى لقت فرح تتكلم بالتلفون –

فرح : خلاص أكلمك وقت ثاني
وليد : على خير .. مع السلامه
فرح : مع السلامه ( سكرت التلفون )
ندى : منو هذا ؟
فرح : وليد
ندى : وليد اللي دعمج ؟
فرح : اي
ندى : شكو داق ؟
فرح : يسلم
ندى : فرح انتي من صجج ؟
فرح : اشفيج منفعله ؟
ندى : فرح انتي متزوجه
فرح : ( بعصبيه ) وهذا اتسمينه زواج ؟؟
ندى : بغض النظر عن ظروفج تره انتي للحين متزوجه
فرح : ( شوي وتبجي ) ندى حمد كان داق علي يقولي راح اعلقج لين تموتين و مابيج ولا بطلقج وخيسي عند اهلج .. شفتي الحقاره اللي فيه ؟؟ و تسمين هذا زوج ؟
ندى : ادري ان حمد مو ريال وحقير واناني بس هم اللي انتي تسوينه غلط
فرح : ماراح اطلع معاه .. ولا راح ادق عليه .. واذا اهو يبي يدق يسأل خل يدق عالأقل يخف عني القهر اللي اعيشه كل يوم
ندى : أكلملج ابوي أخليه يطلقج من حمد بطريقته
فرح : لا عفية مابي يقاطع اخوه بسبتي وهم مابي ابوي يغثني اكثر بكلامه ( ابتسمت ) اهو حتى ايده مدها علي
ندى : ( انصدمت ) شنو ؟ طقج ؟
فرح : اي والله طقني طراق لأني قلت بتطلق
ندى : وتلوميني لأني ماحبه
فرح : لا والله ما الومج

- اقعدو يتمشون واهم ساكتين فترة –

ندى : فرح
فرح : نعم ؟
ندى : يمكن مايبي يطلقج لأن مايبي يعطيج المؤخر
فرح : انا اصلا مابي منه شي
ندى : اهو جم ؟
فرح : 15 الف
ندى : انا اقول هذا السبب اللي مو مخليه يطلق
فرح : بس اهو مايتكلم عن الفلوس كلش
ندى : حتى لو ماتكلم يمكن هذا سببه
فرح : خلاص انا بقوله اني مابي منه شي ومستعده اتنازل بس خل يطلق
ندى : اي قوليله .. وساعتها لو بتكلمين وليد كيفج
فرح : ( اضحكت ) اصلا انا غبية .. المفروض بعد حمد ما أفكر اني اعرف احد كلش
ندى : ( ابتسمت ) اي والله خليج مثلي عزوبية فور ايفر
فرح : ( طقت جتف ندى ) انا راح اكون مطلقه مو عزوبيه .. انتي تزوجي وتطلقي وصفي معاي
ندى : وي اسم الله علي خليني جذي احسن ليش عوار الراس
فرح : استغفرالله صج شر البلية مايضحك
ندى : اي والله

- واهي تمشي شافت دلال مع شلة بنات لايقين عليها –

ندى : فرح شوي بكلمها بموضوع
فرح : لا تعالي والله ياويلج
ندى : شوي بس في موضوع ضروري بكلمها فيه و ارجع اقولج اياه كله
فرح : بيي معاج
ندى : لا بكلمها بروحي ثواني بس
فرح : اوكي

- راحت ندى حق دلال –

ندى : دلال تعالي شوي ابيج
دلال : حلفي بس ؟ الحين تبين تكلميني
ندى : دلال امشي شوي بكلمج بموضوع
دلال : روحي روحي حق امج اللي ناطرتج اهناك ( تقصد فرح )
ندى : ( امسكت دلال من زندها وخذتها على صوب ) قلتلج بكلمج شوي بروحنا
دلال : اشتبين ؟
ندى : انتي ليش تكلميني جذي ؟ قاعده اشوفج كل يوم بالكلاس و مافينا شي
دلال : اي اوكي وبره الكلاس مانعرف بعض .. وبعدين اشتبين تكلميني جدام فرح ؟ مو اهي مهددتني ان اذا شافتني امشي معاج راح تقول حق امي اني اماشي شباب الكلية ؟
ندى : دلال اذا في احد لازم يعصب اهو انا مو انتي
دلال : ليش يعني ؟
ندى : انتي اشقايله حق عثمان ؟
دلال : اهو سألني اشفيها مبين انها مريضه واكيد في شي خاشته عني.. عاد قلتله اللي فيج
ندى : ( منفعله ) وليش تقولين ؟ انا جم مره قلتلج هالشي ماحب اقوله حق احد
دلال : اهو قاعد يمشي وراج وانتي تصدينه من غير أي سبب .. خليه يعرف انتي اشفيج
ندى : مو منحقج تقولين هالشي اذا انا مابيه يعرفه
دلال : الحين قلته وخلصت اشصار يعني .. وبعدين اهو ماقال شي بالعكس ابتسم وقال : بس ؟ مافي شي بعد ؟
ندى : ( عصبت ) حتى لو طار من الفرح هم مو منحقج تمشين وتقولين .. هذي مرضي انا و انا الوحيده اللي لي الحق اني اقول او لأ ( خلتها وردت حق فرح )
دلال : ( طالعتها و هزت ايدها بعدين راحت حق رفيجاتها اليدد )
---

فرح : ها عن شنو تكلمتو ؟
ندى : ( قالت لها اللي صار )
فرح : دام يه وقالج شاريج واهو يعرف عن مرضج .. خلاص عيل كلميه يمكن اهو زوج المستقبل
ندى : ( اسكتت )
---

- بالبيت بعد ماردت فرح من الكلية –
( غرفة فرح )

- فرح منسدحه ترتاح ويمها نايم نواف .. رن تلفونها .. طالعت الشاشه وكان وليد –

فرح : ( ردت ) الو ؟
وليد : اشلونج فرح
فرح : الحمدلله بخير
وليد : اشقاعده تسوين ؟
فرح : والله منسدحه
وليد : عيل اخليج تنامين
فرح : بغيت شي ؟
وليد : اي بس بغيت اسمع صوتج قبل لا اقيّـل
فرح : ( اسكتت و قلبها يعورها )

- قام نواف من النوم وقعد يبجي –

وليد : منو هالياهل ؟
فرح : ( ارتبكت ) اخوي
وليد : يحليله جم عمره ؟
فرح : 7 شهور تقريبا
وليد : ريال الله يخليه
فرح : تسلم
وليد : قاعده تنومينه يعني ؟
فرح : ( تحس بتأنيب الضمير ) اي امي كبيره وماتقدر عليه وانا معاها بالبيت فكله عندي
وليد : شسمه الحلو ؟
فرح : ( خلت نواف يقعد وعطته مصاصة ) نواف
وليد : الله يحفظه هذا اخر العنقود عدل
فرح : ( ماحبت اسئلته ) اي .. خلاص وليد انا بنومه اكلمك وقت ثاني
وليد : يللا انا بنام شوي
فرح : نوم العوافي .. مع السلامه

( سكرت التلفون .. وشالت نواف تبوسه و دموعها تنزل )

فرح : ( بقلبها ) أكرهك يا حمد

- بعد مانام نواف .. دزت حق حمد مسج –

" انا متنازلة عن المؤخر .. و مابي منك شي والله .. بس طلقني ابي ارتاح "

( بعد ساعه : ياها رد من رقم غريب )

" فرح انا مريم مرت حمد .. لا تدزين له مسجات و صدقيني راح اخليه يطلقج لا تحاتين "

فرح : ( واهي تقرى المسج لا شعوريا اقعدت تضحك وتبجي بنفس الوقت ) يارب لا تريحه .. ويارب يحترق دمه مثل ماحرق دمي
---

- بالكلية ثاني يوم –
( عثمان يكلم ندى )

عثمان : اي انا ادري وراضي فيج .. و بعدين تره الصرع مو مرض معدي عشان انحاش منج
ندى : ( ابتسمت منحرجه )
عثمان : تدرين عاد .. ولد ولد عم رفيجي في صرع
ندى : شنو ؟ ماستوعبت شيصيرلك مره ثانيه ؟
عثمان : رفيجي الروح بالروح عنده ولد عم وهذا عنده ولد .. هالولد في صرع عرفتي ؟
ندى : ( تضحك ) اي استوعبت الحين
عثمان : عاد مره طاح جدامنا بس بعدين والله قام ولا جنه في شي عادي يعني مو أزمه السالفه
ندى : ( اسكتت )
عثمان : 9958
ندى : ( اضحكت ) و من قالك وافقت
عثمان : ندى خلصيني عاد ذبحتيني
ندى : ( اسكتت وامسكت تلفونها )
عثمان : ( نقلها الرقم )
ندى : ( استحت ) رايحه محاضرتي
عثمان : ( ابتسم ) الله معاج

- اطلعت فرح من محاضرتها لقت ندى ناطرتها –

ندى : ها شنو الموضوع اللي كنتي بتقولينه لي ؟
فرح : ( ابتسمت بضيق ) امس مرت اللي مايتسمى دزت لي مسج
ندى : اشتبي ؟
فرح : انا دزيت حق حمد مسج قلتله طلقني ومابي المؤخر .. جان ترد علي كاتبه لا تدزين شي و راح اخليه يطلقج
ندى : قطيعه احسها شيفه مادري ليش
فرح : عاد شيفه ولا حلوه ماتفرق دامها من مستواهم اكيد بتكون مثل مايبون
ندى : الله حسيبهم
فرح : تدرين .. احس ان اهي تنام عنده بالشقه
ندى : ليش ؟
فرح : يعني هالوقت حمد يكون نايم .. يمكن قرت المسج و اهي نايمه عنده
ندى : تحسين بغيره ؟
فرح : تصدقين لأ .. اللي سواه خلاني اكرهه .. فماحسيت بغيره .. بس حسيت بقهر على نفسي و عاللي سواه فيني لأن يدري مالي ولي سنع
ندى : الله سبحانه راح ياخذ لج حقج
فرح : اي صح ربي فوقهم و بشوف فيهم يوم
---

- مرت الأيام و خلص هالكورس .. تخرجت فرح من الجامعة .. وندى باقيلها كورس واحد تكمله بعد عطلة الربيع .. ونوره اولدت يابت بنت حلوه سمتها جنى –

( حمد مايسأل عن فرح كلش ولا يصرف عليها .. اللهم ياخذ نواف كل اسبوع او كل اسبوعين مره .. و مشعل ماكان له أي دور بمحاولة صلح .. عايش حياته سهر و ديون و صراخ )

- ندى تحس انها وايد مرتاحه مع عثمان .. و كان اذا يبي يشوفها تروح مكان عام وتشوفه غير جذي ماكنت ترضى –

( أما بالنسبة حق وليد .. فاهو صار يدق عليها اكثر من مره باليوم .. و يسولف لها عن كل شي يصادفه .. سواء بالشغل او مع ربعه او مع اعيال اخوه يعني يسولف سوالف عاديه جنه يتكلم مع واحد من ربعه .. واهي كانت ترتاح اذا دق وكلمها )


- بيوم –
( وليد يكلم فرح بالتلفون )

وليد : فرح ؟
فرح : هلا
وليد : أهلج يعطون ( .... )
- مذهب غير مذهب فرح –
فرح : ( انصدمت من سؤاله ) ليش تسأل ؟
وليد : انا وايد ارتحت لج .. حسيت انج انسانه شفافه و لو اني حاس ان في سر بحياتج .. بس انا مو نوعي الف وادور .. والصراحه ابيج بالحلال
فرح : ( حست قلبها يرقع حييل و داخت ماعرفت شتقوله )
وليد : اشفيج ساكته ؟ صدمتج ؟
فرح : ( ساكته )
وليد : ليش انتي مو حاسه اني احبج ؟
فرح : ( حست بنغزه بقلبها ) وليد والله مادري شقولك
وليد : ليش ماتدرين ؟ يعني انتي مو حابتني ؟ أو عالأقل مرتاحتلي ؟
فرح : ( اسكتت )
وليد : اشفيج ليش تسكتين ؟ قولي أي شي خل اعرف رايج بالموضوع
فرح : ماعندي شي اقوله
وليد : انا عمري 27 و ابي الحلال .. و من يوم ما دعمتج وانا احس ان انتي اللي ابيها
فرح : ( تتنفس بصعوبه )
وليد : فرح ؟ اشفيج
فرح : وليد انا ... ( اسكتت )
وليد : كملي اشفيج ليش سكتي
فرح : وليد بقولك شي وابيك تسامحني
وليد : قولي
فرح : ( بصوت مخنوق ) انا متزوجه
وليد : شنو ؟
فرح : ( صوتها يرجف ) سامحني
وليد : ( سكت فتره ) يعني الولد ..
فرح : ( تكلمه ودموعها تنزل ) ولدي
وليد : ( مصدوم ومو قادر يتكلم )
فرح : بس زوجي مايدري عني و قاطني عند اهلي و انا ...
وليد : ( من غير أي رد .. سكر التلفون بويهها )

- فرح اقعدت تبجي حيل .. وتحس بقهر وحرقة وكل ماكانت تبجي أكثر كانت تدعي على حمد –
---

تحياتي

ⓡⓔⓡⓔⓩ

حق اللي ما يدري باجر اخر بارت واتوقع اذا ماخاب ظني ان بيكون اوفر طويل

وكل عام وانا وانتو بألف مليون خير :tongue22:

 

[بنت السلطان]

وليد عمره 27 سنه مو 15 سنه
والله انا اخورها او قريت غلط ما ادري شسالفة

 

[so_what]

يسلمو على البارت ، يااااربي عثمان يطلع خوش واحد و يعوض ندى

 

[ReRez]

لوووووووووووووووووووول ( بنت السلطان ) منو قال وليد 15 ؟؟؟ شتبي فيه تربيه مثلا ؟؟ :krkrkr: هههههههه


الوحيد اللي عمره 15 اهو فهد ( اخو فرح )

 

[PorscheGirl3]

الباااااااااااااااااارت ايننن شوي علي
ميغسي شكرا ثااانكس يعطيج الف ع ــــــــآفيه عل البارت
فرح ماينلام وليد اذا سكر التليفون بويها المفروض من الاول يعرف
امه ندى الله يوفقها احس حياتها راح تكون حلوه ويا عثمان
حمد<< نو كومنت ماله كلمه جنه حرمه

 

[*غلااااااااااااااااااااي*]

البارت عوار قلب من ناحية فرح
وحلو من ناحية ندى


ناطرينج حبي

 

[*الغاليه*]

يعطيييج العااافيه غلاااي ع البااارت شفتي البنااات اليوم شلوون مؤدبين وماكوو حنه
ندى زززين عطت عثمااان ووويه يمكن يكوون لهااا زووج المستقبل ويعووضهااا خيررر
فرررح الله يفكهااا من حمد وخباله شكووو معلقهااا يعني بينتقم استغفر الله
واكبررر غلط سووته انهااا خشت عن وليد انهاا متزووجه
يعني باااااجررر اخر بااااارت ووووويح قلبي :lkmnkl:
بنفقد ندى وفرح
:eh_s(2):
:eh_s(2):
:eh_s(2):

يصيررر تسوووين جزء ثاااني <<مسلسل تررركي موو رواايه

,,​

 

[G!RLooNa]

واااااااااااااااي باجر اخر بارت

ناطرينه على احر من الجمر

معني مابي القصه تخلص

 

[G!RLooNa]

بس حمد امبيه صدمني @@

يعني صدق الكلام اللي انقال بدون ما يتأكد

و معلق البنت

و ما يصرف عليها و على ولده @@

لأأ للأسف طلع مو ريال هالحمد اللي متنا عليه اول شي

 

[PinKiSHo]

وااااااااااااااااااي حقير هالحمد لو مطلقهاا وخاالص جان الحين قدرت تتزوج وليييييييد

امبييييييييييييه بذبحه انا قاااااايله ذابحته يعني ذابحته الله يقطعه

و دلالووووو اول مره تسوي شي زين بحياتها انها قالت حق عثمان عن مرض ندى وعثمااااان شكله خووووووش واااااااحد

 

[ReRez]

بس حمد امبيه صدمني @@

يعني صدق الكلام اللي انقال بدون ما يتأكد

و معلق البنت

و ما يصرف عليها و على ولده @@

لأأ للأسف طلع مو ريال هالحمد اللي متنا عليه اول شي

لا انا قلت اهو يصرف على ولده .. بس مايصرف على فرح .. بس هم حقير :eh_s(4):

 

[شيخة الحلوين *]

يعطيج العافية على البارت

روعــــــة

افففف من هالحمد هذا يبط الجبد

الله لايوفقة ان شاء الله

وندى الله يوفقها مع عثمان

ووليد موووووصج على طول صكرالتلفون

من الصدمة لووووووول

والله ضايق خلقي لان بتخلص القصة

 

[اوراد العشق]

ياحياتى ياهالــفــــرح مسكينه .....

وناطرينج بااااااااااااااااجر مع باااااااااااااارت

 

[Low_Fat]

:eh_s(2)::eh_s(2):
مسكين وليد ليش يصير فيه جذي ترى ما ارضى عليه
بس حركه انه يسد التلفون ويع ماحبها حتى لو مصدوم ! لازم يعرف كل شي وحتى لو يزفها

وحمد يمال الشقوووول عندك مره ومعلق بنت الناس ! صج منحس الرياييل

اما عثمااان شكوو تكلمه مو انا حجزته ؟ ":$
بس يالله دامها مرتاحه معاه الله يهنيها ... بروح افتر بالقصص ادور لي غيره

 

[ReRez]

ااااااااااااااااااااااااااااااخ يا rerez
بعد بعد خليني اكل بعمري اكثر
يعني ماكو طريقه مني ولا مني
اعرف فيها باجر البارتات
ههههههه وااايد حطه امل
بس يلا ميخالف انا عموما صبوره
وان شاءالله ما تخليني اتحمس وااايد
لاني بدييييييييييييييت اهلوس
:denya: شنسوي
المهم
مثل كل مره تكفييييييييين لا اطولين
كثر ما تقدرين نزلي
يعني مو اجبار
بس تقدرين تقولين امر
تحياتي

لووووووووووووووووووووووووووول فهميني اشلون مو اجبار بس امر :krkrkr: ضعت لأني

واى لا موصج حمد من صجه جذى يفكر بفرح
انزين طول الفترة الى كان يكلمها يدرى انها زينه وماتخونه الحين يصدق خواته واهوا يدرى يكرهونها
واى لا موصج
ومشكورة حببببببببببببى على البارت وندرى امس اذيناج وايد
بس شنسوى القصه حلوة ولازم تحملينها

اهي تره بزواجها منه ماطولت بسرعه سافر .. فيمكن عشان جذي ماحط هالجم شهر مقياس
مشكوره حبي عالمرور والمتابعه ^_^

:eh_s(7):

ابــــــــــــــداعـــــج يابنيه لا يووقف

يعطيج العافيه

انا تووني الفجر بديت بالروايه واندمجت حدددددي فيها لدرجه اني سويت لكم ستديوو

وتخيلت اشكالهم وكــــــــــل شي <<<<< مــينن

بس صج ابداعج يشووق

وما ألووم البنات يوم قالوولي اقري روايات ريرز

بالنسبه للشخصيات

مشعل حددددددددددي كارهته وحاقده عليه

فاطمه شخصيتها مع ريلها ماتعجبني بس هم مسكينه ومغلوم على امرها

بناتهم \ نورة سخيفه واقولها مايحس بالنار الا ريل واطيها

فرح الله يكون بعونها بس اشوى حمد ماقص عليها بالبدايه واحلى مافيها انها عاااقله وتفكر بعقل ممزوج بالعاطفه

ندااااوي حاله تكسر الخاطر الله يكون بعونها بس هم لا يأس مع الحياه الحياه مابتوقف على امثال احمد ولا حمد وشنو سوى مع اختها

امل حاله نشوفها على ارض الواقع كثييير والحمدلله يختم صبرهم بالاجر وعطيه من رب العالمين
والله يرزق كل متأخره بالانجاب بالذريه الصالحه الصحيحه


هدى ومشاعل امثالهم لازم يعرفون اعراض الناس مو لعبه ومو عشانها مو عاجبتهم يقذفونها بأبشع الصفات
والدنيا دواره وان ماصار لهم بيصير لبناتهم

عبير وامها عسل لا لهم ولا عليهم

احمد قهرررني ولو انه ماينلام لانه تفاجأ بس للحين مانعرف منو كان يكلم عشان نختم اسمه بالبلاك لست

حمد اهبل وطرطوور بصراحه يعني اي احد بيجي يقول عن خواته شي بيتعامل معاهم نفس ماتعامل مع مرته ؟؟؟
مادري ليش بعض الريااييل مرته من تغلط تبرا من مشاركتها له بحياتها وخلى ابليس يلت ويعجن بحياتهم واستقبل وساوسه بكل رحابة صدر وماحاول يتصدى لها
واحسن لفرح لو تطلقت منه لان اذا هذي اول مشاكلهم وهذا تصرفه فينعاااف تاليه والله

دلال لا تعليق بس الله يهدي ويستر على منهم على شاكلتها قبل لا يطيح الفاس بالراس
وتصويرج للي صار لهم ابلغ من انها تاخذ اكبر من حجمها بالقصه وتطووول قصتها

عثمان لعله النصيب المنتظر لندى يعوضها ويساندها بحياتها ويكون لها خير شريك

وفرح متأمله لها خير مع وليد

والدكتور الي مايستحي يفعل مايشتهي للاسف عينته كثيره بهالوقت وخصوصا لا قووبل بالرفض شلون يلعب بدرجات او سمعة البنت لعب <<< الله يرد كيدهم بنحرهم ويفكنا منهم ومن شرهم

و ريرز شخصيه حبيتها من اول روايه اقراها
واكيد بقرا باقي الروايات وبانتظار الجديد على احر من الجمر
واتمنى لج التوفيق
والله يسهل امورج حبيبتي
تقبليني قارئه جديده :sfg:

تسلمييييييييييين حبي عالكلام الحلو والتحليلات الاورع .. واللي انصحوج تقرين روايتج شكريهم بالنيابه عني
اقري بنتي ( بجري ) الهاربه وايد احبها ^^
وابي رايج تكتبينا فيها اهناك اذا خلصتي
واذا مافيج شدة بجي لاتقرين ضاعت حياتي .. ومشكوره

ياجعلها خيره ان شاءالله حق فرح

يمكن حمد ماحبها مثل ماحبته لان لو كان يحبها ماراح

يصدق خواته الا لما يتاكد بنفسه

وليييييد حبيته

يعطيج العافيه رييييييرز

انا اقول حمد تزوجها عشان امه تبيه يتزوج واهي كانت بويهها بس ماظنتي حبها
ومشكوره حبي الله يعافيج ^_^

البارت يعور القلب وحلو بنفس الوقت

لووووول

تسلم ايدج ريريز حبيبتي

ناطرين البارت الياي

مشكوره حبي

صبااحكم خير ان شالله,,يعطيج اعافيه علي الباارت الحلو,,وتسلم الايادي,,

مشكووره فديتج صباحج عسل ^_^

بموت من الحرة عشت القصة عشت شخصة فرح متى البارت الجاى

ثانكس البارت بالليل متأخر مشكوره اقين

وااااي ريري تكفين لا تغيرين النهاية نبي نعرف بالصج شنو صار عفية لا تغيرينها ..
مبين انهم ما راح يردون حق بعض بس الصراحة حمد مخة صغييييير خو لازم يسمع الطرفين مو طرف واحد !!
تسلمين و ناطرين ...

ماراح اغير شي لحد يحاتي .. و تره احسن انهم مايردون شتبي فيه مع ويهه ويع لوول

روووووووووووورووووووووووعه ،، انا صارلي مده هاديه مااحب اعلق واايد بس بصرااحه تستاهلين من يووقف لج ويطق لج احلى تحيه فظييعه القصه وحدي ابي النهايه بس اخاف تبجي واناموناقصه كفوووووعليج

مشكووووره فدييييييتج ماقصرتي والله لو مو انتو ماجان كتبت لأني ما اكتب اذا ماوراي بنات حلوين مثلكم يتابعوني ^_^
البنات يبونها صجيه ومثل ما اهي .. كنت اقدر اخليها فوق النخل لوول بس الدنيا دايما تحت التراب مو فوق النخل :eh_s(6):

واااي حمد يحر اكررررهههه
وهذه الاغنية اهداء حقه مالت عليه

كفايه كم تغليتوا علينا
كفايه وش كثر منكم شقينا
جرحتوا قلوبنا من دون معنى
رغم كل الحنان اللي عطينا

حسبتونا عليكم ما انتغير
نسيتوا دمعنا اللي قد تحدر
اسف جرحي معاكم صار اكبر
هدم كل اللي في حبكم بنينا

تغربنا عن الفرحه معاكم
و ذبلت وردة العمر في هواكم
هقينا في البشر محدٍ سواكم
يواسي قلوبنا لا من بكينا

هقينا حبكم غيمة سعاده
مطرها يروي القلب و وداده
و لكن ظلمكم طول زياده
خلاص الحين احنا اللي نسينا

كتبنا قصة الحب الطويله
حكايه من حكايا الف ليله
لكن ما بقت في اليد حيله
مدام انكم جرحتوا الحب فينا

حسايف نشتكي و انتوا براحه
و قلبٍ حبكم زادت جراحه
معاكم ما لقينا ظل راحه
على شاطي الألم ياما رسينا

بس تبين الصراحه احس غلط فرح تكلم وليد واهي على ذمة ريال مع انه هذا ما يتسمى ريال بس اسمها متزوجه يعني بصفته شنو يكلمها؟

وومشعل هذا ويييييع قطيعه شهالابو مالت عليه

فديتج ري ري لا تغيرين النهايه نبي نعرف الصج بلييييز

ويعطيج الف الف عافية ماقصرتي

تسلم الايــــــــــادي

مشكوووووووووره عالكلمات والله حلوه ولايقه عليها مسكينه
وعلى وليد اي انا بعد اقول غلط بس اهو موراضي يعتقها النذل

ومشكوووره فديييتج عالتعليق والاغنيه ^_^

waiiii3 hatha 7aamaad shnu walla wdy afhaam ehwa shloun yfkeeer ;s
yaa ashoooof feeehm youm ehma kilhm mn omhm lee 3abeeer waiii3 kraaht'hm ;@
hthela lma 6l3aaw 7achii 3la almskena ma khafw mn 3thaab rabhm
alllaaah ysame7hm
kil ma athkar ena bs bagi 2 parts o t5le9 alrwaya y'9eg 5elgy cuz 9ij 9ij alrwaya 9art joz2 mn yomii
thaaanx a lot 7bibty waiting 2 night

مشكوووره حبيييي ^_^ والله فوق الظالم .. تسلمين عالكلام الحلو والمتابعه

ريريز جان صرتي خوش بنت وكتبتي بارت اليوم مره وحده ويبقالنا وياج بارت
ههههههههههه كا هانت بقى بارت واحد بس

من عنوان القصه حسيت حتى وليد مع إنه زين ماراح ترتبط فيه او شسمه
يمكن حتى اهوا يخليها !!

وعثوم يحليله يقول محد باق شي

ههههههههههههههههه اي يحليله عثمان .. و وليد ما ادري نطري البارت الياي ^_^

امبييه مو من صجه عثمان حده مبدع معا ندى

وحمد مصدق عمره يبا البنيه ما تبييك تكرهك عافتك ..,, صج انه ريال ما يهمه الا نفسه والبنيه مو ضروري

حياااتي رريري نبيه النهايه مثل ما اهي لا تغيريين فيها شي plz

ان شاءالله ماراح اغير ^^ مشكوره عالمرور حبي

مسكيينة فررح

يعطييييج العااافية حبيبتي على البااارت الطوويل

ناااااطريييينج:**

مشكوووووووووره فديييييتج زوووزه ^^

يحليله وليدان
thnx ReRe

العفو حبي ^_^

 

[cute princess]

حمد يااااااا عل ماكو حمد
عمه بعينك وعين مرتك بلا
ودي اسب اكثر بس بمسك نفسي @@@@@@@@@
يحليل عصمان :$ اخيرا رضت فيه ندى ؟ :×
ووليد صك الله باب رزقك :× صج انه معاك حق بس في اختراع اسمه باي قبل لا يسكرون التلفون !!!

 

[ReRez]

بصراحه ريري قلبي يعورني عشان جذي

no coument

هههههههههههههههههههههههههههه عجبني السنفوور غضبان مادري شسمه نسيت لووول
مشكووره حبي .. تعليقج والله ضحكني

وييييييييييييييييييييع ويييييييييييييييع حمد شفيييييه مو صااحي @@

مااال طق ماااال طراقاااااااات مال تررررررفس وااااااي باااط جبدي

الله يعيييييين فرح وان شالله وليد يكون من نصيبها يااارب

مشكووره ريريز عالبارت

العفووو حبي اسعدني مروروج ^_^

ريريز ياحياتي والله ماتقصرين وتسلم إيدج ع البارت ~;*

كااااك والله فصلت ضحك ع تعليق كيوت والله إنها مبدعه صج صج ماجذبت يوم قالت إهواا رابع خواته بولسان مربوط

فرررح يابعد قلبي لايضييق خلقج ولاا تنزل دموعج عشان حمد الواطي :×

حمدووو ياعل ماتتهنى يوم واحد مع هالشيفه مرتك الجيكره انشاءالله تلعب بحسبتك قولوآ آمين مالت عليك بس فالح تصددق خواتك هالنسراات وتمشي وراهم مثل الخرووف ياخرووف وأتمنى مرتك الجيكره كل يوم بليل قبل لاتنام تغني لك
( خروفي خروفي لابس بدله صوفي خروفي خروفي لابس بدله صوفي )
والله يشافي ندى امين يارب

وريريز يابعد قلبي ويابعد جبدي ويابعد بن كرياسي إنتي نبي باارت يبرد القلب :eh_s(7):

لوووووووووووووووووووووووووووووووووووووووول اهم شي خروفي خروفي والله ضحكتييييييني :krkrkr:
وسلامة بنكرياسج حبييي لووووول
وما اوعدج بشي يبرد القلب البنات يبون اللي صار سواء زين او لأ لوول

لووووووووووول ضحكي ضحكي عسى دوم :$
مو شسوي فيكم !!! اهني كآبه وتبجون والصوب الثاني هم كآبه ويبجون لووووووول
ماكو الا انا فاصل كوميدي بين البارتات :$

هههههههههههههههههههههههه اي والله صح
فصلي يمه فصلي

لوووووووووووووووووووووول بنااات تعليقاتكم اتموووووووووووووووووت من الضحك وااااااي لاااا لوووووووووووووووووووووووووووووووووووووووووووول
اما البارت لا عوار قلبببببببببب

يلا هانت ما بقى شي وانعرف النهاية..

اي بس باقي بارت واحد وبعدها افراج لووول
مشكوره حبييي

يحليييله ولييد بااين علييه خوووش واااحد يهببل و عثماان بعد بس ماادري لييش احسه وااحد متيين و ضخم لووول
، فررح حراااام مسكيينة تكسر الخاااطر الله لا يوووفقك يااا حمد ، وابوووها لييش جذذي ؟؟!
ماعتقد اكوو ابوو يسوووي جذذذي
حراام علييه
--
نووبة ندى كلش مو بحزتها يعني بالجامعة و بالحمااام مسكينة
^^^^
مو جني واايد قرقرت
مشكووورة رييريز عالبااارت واايد حلوو و طويييل
ما قصررتي حووبي ...~

مشكوووووووووره فديييييت عمرج
وعلى طاري ماكو ابو يسوي جذي .. اذا بكتب قصة يديده بوريج الابو اللي يسوي جذي والعن اانا عن نفسي بجيت يوم
سمعت القصه من السان صاحبتها .. الدنيا فيها بلاوي وياما بنشوف الحمدلله على كل حال
مشكوره فديت مرورج

روووعه ريريز وناطرين النهاية على أحر من الجمر ونبي النهاية الصجية آنا أميل للحزن ودي لو تكون النهاية حزينة عشان ابجي مشكووووورة على مجهودج الروعه في القصة

ان شاءالله ماطلبتي الا الموجود ^_^ مشكوره فديتج

رووووووووووعه ياريري فديييييتج

عوورني قلبي على فروح قهرررر ليش جذي ياحمد

ناطرين البارت حبووبه << حدي على اعصابي

حمد باختصار ماحبها مثل ماحبته
وتره زواجهم ماطول وايد فما مداه يتعلق عدل
الله يسامحه

البارت رووووووووووعه

يسلمووو

حمد غثيييييييث

مشكوره فديتج يالقاطعه لوول

واه علي على فرح تكسر الخاطر ليش الظلم

الله فوق الظالم مشكوره حبي

يالله المقطع مره روووووووووووعه على الجرح
الله يصبرك يافرووووووحه ماتستاهلين الله يصبر قلبك
الله لايوفق خوات حمد حقيرااااات
وندوي الله يشافيها يارب
يارب انك تكشف خوات حمد على حقيقتهم

تسلميين حياتي مشكوره ويارب يرد لها حقها اذا مو بقصتي بالآخره يارب

ويي انا عبالي خلصت القصة

زين عيل في مجال نحن ونطحن عليج لوووووول نبيي باااارت

ههههههههههه باقي بس بارت واحد ^_^ حني عالخفيف
لا اخربط فيه تره اخر بارت ديري بالج
وبوسيلي عويس << تدليعي كيفي ^_^

أمبيه لا حمد نذذذذذذذذذذذذذذذذذذذذذذذذذذذل بما تعنيه الكلمة
وخواته الله ينتقم منهم يااااااااااارب
من جد ويييييييييييييع
فرووح بعد قلبي تكسر الخاطر وتعور القلب
ان شاء الله تتطلق من حمد وتشوف حياتها
اتوقع انها راح تاخذ وليد
و ندى تاخذ عثمان
..
بانتظار البارت اليديد

مشكووره فدييييييت مرورج وتوقعاتج ^^

بأختصار حممممممممممممممممممممممممد حقييييييييييييييييييييييييييييييييييييييييييييير:lkmnkl::lkmnkl:

وحسن بعد حقيييييييييييير و جلب >>>>انزين شكوووووو حسن <<<<كيفي ريريز قاهرني الجلب

وفروحه الله يعينج ويفكج من هالاشكال و:denya:

وسوري ريريز على السب بس من حرتي واللهl​

ههههههههههههههههههههههههه الله يعييييييييييييينج والله كلن يغني على ليلااه لوول الله يلوم اللي يلومج ^^ مشكوره حبييي زيوووونه

ااااااااااااااااااااااااااااااه منك منقهر يااااااااااااااااا حمد

ويح كل شي فيني مو بس قلبببببببببببي
مالت علييييك وعلى خواااااااااتك دلي ومللللللي
واااااااااااااااااااااي امبيييه مغثوووثه حدي حدي حدي بنفجرررر

الله لا يوفقكم لا انت ولا خواااااتك على الي سويتوووو بفرح قولو امييييييييييييييييييييييين

ومشعل؟؟؟ شتبي ماما؟؟؟ بتتوظف وتشيل نفسها وولدها !! خل فلوسك حقك يامال الشقووول

فرح حبيبتي والله انتي اهدييييج اغنييييه حقج وصبري الله يعييينج

http://www.4shared.com/file/123667019/145a0e52/_____.html?s=1​

ما بنكسـر صابـر .. لو فرصتي تمضــي
والحظ لـو عاثـر .. بصنــع أنــا حـظــي

لــو تنثـر أحـلامـي .. برجــــع أرتبـــها
ولو تصعب أيامـي .. بعيش وماحسبها

يامسهل الدنيا مهما تعاندنا
يامسهل الدنيا مهما تعاندنا

عادي التعـب عادي .. والهم هو ملحه
ولو ما الحزن بادي .. مانفهم الفـرحه

يامسهل الدنيا مهما تعاندنا
يامسهل الدنيا مهما تعاندنا

​

لوووووووووووووووووووووووووووووووووووول يونيك جنج كسرتي خاطري اكثر من فرح :krkrkr:
حسيتج حيييل مغثوثه الله يغث عدوينج قولي آمين لوول

مشكوره عالاهداء وايد احبهااا :eh_s(2):

 

[ReRez]

صااارلي فترة متابعة بصمت :$

ودي اعرف شنو النهايه !!

حمد : روووحه بلا رده جنه يدور الزله نفس اليهال على طول يصدق يقولوله روح يمين يروح يمين روح يسار يروح يسار مااقول الا الحمدالله و الشكر

عبير : خووش وحده و زين انها ماا صدقت

هدى و مشااااعل : مليييييييييييغين شيبووون شحاااااااااااااااااااااارهم !!!!!!!!!!!!!!!

ندى : مسكينه الله يعينها تكسر الخاطر انشالله تزوج عثمان و يعيشون بسعادة وهناء لوووووول

فرح : لااا تعليق بس اهيا بعد خل تحاول تفهمه حتا لو ما تبي ترد له بس عشان يتحسف و يعرف انه غلطان و بعدين تحره و تزوج شسمه وليد لوووووووووووووول

ابو فرح : شدعوه يعني مهما يكون بنته شفيه كارها جي بدال لا يوقف معاها

امبي قرقت وااااااايد خلاص بس و ناطرين الباااارت

اول شي ليش منزمان تشوفين وما تعلقين ؟؟ :eh_s(4):
ثاني شي حياج حبي ^_^ و عن فرح بس فهمته جم مره ومارضى يتناقش معاها خيولي ويعه لوول
ابو فرح من النوع اللي ( ذيله على طول عوي )
مشكوره فديت مرورج

a7ess b6alat elge9a fra7, ehyaa maklaa eljaw akthar mn nada.. y36eech el3afyaa rerez kl part a7la mn ele gblaaaah ;***

اهو اي صح فرح يمكن تكون ماكله الجو بقصتها مع حمد .. بس انا احس ان القصه الاقوى واللي تعور قلبي اكثر اهي قصة ندى لأن مهما حطينا نفسنا مكانها مانقدر نتصور اشلون امي تقطني وماتبيني مهما كانت نواياها واشلون متعايشه مع مرضها
الله يكوون بعونها ويشافيها يارب

فرح الله يعيينهاا ويصبرهاا مسكينه كاسره خااطري

بدر جنه يااهل كل شي بيصدقه حقيييير

ندى مسكينه الله يعيينهاا عثمان بعد شكله خوش وااحد ان شالله يتزوجهاا

ابو فرح باط جبدي بنت ياخي شنو هاااي يحرررررر

ووويسلموو حبييبتي ريرييز
يعطيج العافيه

الله يعافيج حياتي ^_^

خبببببببببببر عاااااااااااااااااااجل
أنا قررت ما أبي أتزوج و لا أبي أحب لأنه كل الرياييل نفس بعض و اي واحد يخطبني بقوله انتو كلكم نفس الشي وععع كلكم تبون مصلحتكم و ما راح اوافق بتم عانس << اللي يسمع يقول الراييل عند الباب طوابير ماجني توني بالثنوي و وراي درب المهم ما علينا
حمد << الله لا يوفقك يا حمد يعلك ما تربح وييييع اكرهك سخييف و مليق و عبيط و ترف مالت علييه ولد امه و الله لو اشوفه جدامي اكفخه
و الله يعين فرح حبيبتي و الله تكسر الخاطر و لا ابوها انا اول مره اشوف ابو جذي الحمد الله الله لا يبليناا امبيي الله يعينهاا صج مسكينه
و عثمان واااي يونس يختي احسه صج ريال يونس
و ندى حياااااتي انا هالبنيه احبهاا ماادري ليش ادش القلب حبوبه و تهبل الله يكون بعونها انشالله و يشافيها ياارب
ممممم و منو بعد ايي عبير وااي بطت جبدي ليش ماادري المهم انها قاثتني و باطه جبدي
و بس وايد قرقت
يعطيج العافيه ريريز و تسلم أناملج على هالبارت العجييب << أهم شي اناملج وايد متأثره بحصة العربي خخخخخ
و يالله ناطرين البارت الياي و تقبلي مروري و قرقتي حبي
waiting ;***

لوووووووووووووووووووووووووووووووول اهم شي الخبر العاجل
انا هالخبر صار قدييييييييم عندي مغبر مو عاجل لوول قايلته قبلج ^_^
فديت مرورج وتعليقج مشكوره حبو

اووووووووووف ترى بديت اعصب انا لا بديت اعصب

اووف هاذا حمد شنو قرد حمار شنو موقعه من الحيوانات

وليد شكله خوش زول انشالله فرح تتزوجه و تخلف منه اطفال حلوين مثله

عسمان مو حابته شكله مو زول كويس بس انشالله يطلع زين و من نصيب ندى

امن هاذا مشعل ودي اروح اطقه طق سنة بساعة
اشتكي عليه تهمت بيع اطفال اللي اهي فرح

اي و بالنهاية :denya:

لووووووووووووووووووووووووووووووووول موقعه ( بعير ) على قولة وحده الله يستر عليها لوووووووول ضحكتني
وهم وليد سويتيه زول ؟؟؟؟ افا بس تره ما ارضى
مشكووره فديتج عرباويه ^_^

ماقدر اتكلم وااااايد بس كل الي اقدر اقووووله تسلم ايدج ويعطيج الف عاااااااااااافية

ناطرينج حبي

الله يعاافيج يارب ^_^

السلام عليكم
انا الصرااحة قريت قصصج كلهم بس طبعا متأخر بس حبيت ارد عليج واقوولج
مشكوووره على القصص الرووعه والله عجبتني قصصج وايد
الى الاماام

تسلمين ماقصري حبوبه ^^

مشكوره ريريز

يلا نستنى البارت ونبي نهااايه وااقعيه

ان شاءالله مايصير خاطركم الا طيب

ووووواي و أخيرا الواحد يقدر يرد أول شي حبيت اهنيج يا رزريز على إبداعج .
أول شي بعلق على حمد بالصراحه مو ريال و لو أنه ريال ما يسمع كلام خواته و يظلم مرته المسكينه الله يفرج عليها

وربي ياخذلها حقها منه ما ادري ليش كاثرة هالسالفه بزمنه من جذي احس كرهت الريايل لول بس مو الكل و ندى يا

رب يشفيها من هالمرض و عثمان باين علي واحد زين بس الله يستر منه بعدين انا بعد قصتج سويت اكس على الريايل

بس على قولتهم اصابع الايد مو سوى ,

ههههههههههههههههههههههه الاكس هذا حطوه كل البنات لوول اي والله الزمن يخوووف الله يستر بس
ومشكوووره فديتج عالتعليق الحلو و المتابعه الاحلى

حمدددددددد ياااااااااحقيررررررر ليش تسوي جذي حرام علييييك والبنت ماخانت وتحبك
حسبي الله ونعم الوكييييل بخواته
والله يشافي ندى حيااااتي

تسلمين قلبي عالدعوه الحلوه

والله مآدري شقول

خآنقتني آلعبره مآ توقعت حمد لهدرجه جآسي ومآ عنده قلب

بس إنشالله حوبت فرح مآرآح تتعدآهـ أهو وخوآته حسبي الله عليهم

والله مآيرضى بآلظلم رآح نشوف منو يضحك بآلنهآيه

ومآ أقول إلآ الله يعطييييييييييج آلعآفيه حبيبتي وتسلم يمنآج

وبإنتظآرج مع إنه مآودي تخلص آلروآيه لأن صج بنفقدج وبنفس آلوقت أبي أعرف آلنهآيه

تسلمييين حياتي النهاية كاهي عالباب لووول نطروها بالليل فديت مرورج مشكوووره والله اني راح افقدكم

وااي لااء
راح نفقدج ريريز وايد
باقي بس بارتين وتخلص القصه

بليز لا تقاطعين
حتى لو ماكو قصة
لاتحرمينا من طلتج البهيه :$

:eh_s(7): << واحلى ورده حق احلى كاتبه بالمنتدى

تسلمييييييييييييييييييييييييين قلبي انتي
انا ان شاءالله موجوده على طول اللي يبيني يرفس باب اي قصه من قصصي
وانا اضيفه اللي يبيه ^^
مشكووره والله اني بفقدكم

يــــــــــــــــــــــــــــــا عمري عمرج ي فرح حياتي والله يعله ما يربح شلاته قبل

مشكوووووووووووووووورة على لبرت وناطرين لبارت الياي قلب

وبس

وثااااااااااااااااااااااااانكس^_^

العفوووووووووووووو حياااتي تستاااهلووون كل خيير ^_^

 

[ReRez]

هاي رييريييييييييييييييز >>>هاذي من وين إطلعت!!

ترى كنت متابعتج من البداية بس كنت وراء الكوالييس من إنه مو من عادتي (وإنتي أدرى>>كنت متواصله معاج برواياتج إن كنتي ذاكرتني)،

بس ظروف حتى كنت أدش عالسريع أقرى البارت وأطلع ؤمرات أقرا 3 بارتات(أكون جم يوم مو داشة) حتى كنت أدش أقرا بدون لا أسجل نكي..

مو غرييبة علييج دااااااااااااااااايما مبدعة وللأفضل ،،دوم إن شاء الله.

بانتظاار المزيد..

اييييييييييييييي اعرفج من الفراااوله لي معاها قصه انا لووول اخوي الصغير طالع صورتح قال فراوله مع ككاو ؟؟
قلتله اسكت فشلتنا اي اي فراوله مع ككاو بعدين اذوقك لووووول
مشكوووره فديييتج مرووورج وحماااسج وكل شي

مشكوووووووووووووورة ع الباااااااااارت تسلمين
واخذي راحتج

ثانكس حبييي ايوومه

مخمي على راااااااااااااااااااااااااااااااااااااااااااحتج حبوبه

ناطرينج

والله يستر

مشكووره فديييتج

لااااا تحاااتين ريررري رووحي كتبي ومخمخي على راااحتج وخليني انااا اهني مع البناااات

لووووووول

,,​

لوووووووووووووووووووول فديتج حبي مشكوووره

لووول انا وحده ما وراي شي بشبك قبل لا اناام اقرااااااه بدال القصه اللى قبل النوم :$ خخخخ

اخذي اكثر من وقتج بس باااااجر نبييه مبجر لانه دايم الحلقه الاخييره ماانقدر ننطر ههههههههههههههههههههههههه

انا اللى فهمته من كلامج انه فرح ماراح ترد على حمد نيهاهاهاهااهها قاعد تحلل الكلام من الفضااوه << ذكيه اسمله علي

يلاا كملي كملي عشاان ارووح اقري رواياتج الثانيين عشان مااتخربط بينهم:$

ننطررررررج فدييتج :**

هههههههههههه مشكوووره وتسلمين عالتحليلااات الحلووه ههههههههه احلى شي الضحه اللي حاطتها حسيتج تخرعين لوول
اي اقري ( بجري ) الهاربه وايد احبها .. والثانيه تبجي تره اذا ماتبين تبجين لا تقرينها :tongue22:

ياااااحلووهم مؤدبين فديتهم والله

لوووول

,,,​

هههههههههههههههههههه اي انفعت جملة ( مابي حنه وزنه ورنه ) شكلي بعيدها باجر بعد :tomato2:
لوول

حــمـــد حقيييييييير اهو وخواته وعسي حوبته فرح ماتعداهم وصـــج مظلوووووووووومـــه

ويقولون الزواج حلو بعد ..!! امحـــق شنو فيه غير عذاب وشك وهم ؟؟؟؟؟

نار امي وابوي ولا جنة الزوج.

وريــريـــز مخمخي على رااااااحتج ناطرينج ياقلبي

:× امبيه جني خرعتكم .. تره ماقصد بس شنسوي الدنيا جذي بس هم في زينين بس نادر والله
الله يستر ومشكوووره فديييتج

انا سويت نهايه بكيفى واحداث مثل ماابى
:/ بس احلى شى من الى سويته ان طرشت على حمد جم واحد طقووو
:::::::: وايد تشوف افلام مصريه
ووخل اروح انام واقرا القصه بالداوم باجر
لا اخلى القصه 100 حلقه :/
وناطريييييييييينج حبوبه

لووووووووووووووووووووووووووووووووووووووووول اتصدقين يبيله احد يطقه عاد جان وناسه لووول
مشكوره فدييييييييييتج نوم العوااافي ^_^

صااامده لوول

لوول ماصمدتي نمتي