تجمع : )) عشان نفسي قررت أغير نفسي ((

[استثنائيه]

[color="darkorange"]السلام عليكم
مساء الخير يا حلوات
عشا مراح اتعشا ايوووووووووووووووووووووووووووووا... بس كافي اليوم وايد خربط يعني من الساعة :7:30 ما اكلت شي وشكلي مراح اكل شي ايووووووووووووووووووووووووووووووووووووووووووا
ولي تبي ماكدونلد من عيواناتي بس عقب 8 كيلوات
ايييه والله يا محكومي هدفي الأول 15 كيلو ان شاء الله ليش لأ ...[/color]

مساء النورر

احسن نامي خفيفه

 

[استثنائيه]

وجبه السناك كانت عصير اناناس واناناس فرش

عقب ماكان السناك الذ الكاكاوات صار فواكه

والحين اتعشى نص تفاحه وفراوله واحتمال اشرب جاي اخضر مع زنجبيل

 

[m7koma]

انا حدي يوعانه بس مابي اكل مووقته عشا هالحزه ماينفع كلش
بشرب ماي واكل تفاحه خضررا كافي

 

[eman12]

ههههههههه والله عاد اذا كرفتي بالبيت صج تضعفين انا مجربتها ايام ماكان عندنا خدامه كنت اكرف مع امي كرااااااف وصج ضعفت وماكنت مسويه دايت بعد وضعفت
انشالله تضعفين وتوصلين حق هدفج يارب من غير تعب

بعد عمري يارب اجمعين مع الكل يارب نوصل لاهدافنا بصحه وعافيه

 

[ba6re8a]

امبيييه بنات حدي أبي ككاو مو وقته ككلش

عاد اليوم تكسرت بالناادي جسمي كله يعوورني قصب أمشي
بنات منو فيكم داش نادي و وييين

 

[m7koma]

انا موداشه نادي ولا العب رياضه
وقبل شوي سويت لي تبوله وكليت تفاحه خضرا واحس قعدت على جبدي هههههههههه
بنات تصدقون اليوم رحت بيت خالتي جان يقولولي ضعفااااااااانه عاد انا ما احس اني نزلت حتى كيلو هههههه ما ادري يبالغون ولاشموضوعهم مايندرا بس استانست لما قالولي ضعفااااانه هههههههه

 

[مـ..ـ‘َِـيآوَِّ]

الرسول صلى الله عليه وسلم ناصحنا فيها نشربها مره بالشهر

ابحثي بقوقل واقري عنها :icon30:

او اخذي لج 3 تمرات واعفسيها مع رشاد

الرشاد مفيد للامساك يمشي البطن

ان شاء الله يا قلبي ومشكوره على النصيحه

 

[مـ..ـ‘َِـيآوَِّ]

ba6re8a

انا داشه نادي ودفعت لمدة ثلاث اشهر هذا الكلام من شهر 2 بس ما رحت غير اسبوع للاسف

علشان ولدي اول كنت اتركه ويه ام زوجي بس بعدين صارت الخدامه هي اللي تهتم فيه بغيابي فتركت النادي

انا ما احب الخدم يمسكون ولدي اخاف واقرف مو قصدي شي استغفر الله بس سبحان الله ما تدرين مغسله ايدها ولا لا

واصلا الخدامه لشغل البيت مو لرعاية الاطفال فتركت النادي علشان فهودي

m7koma

اي يبين يا قلبي ترى انا مره رحت لعيادة محمد ربيع وما كان نازل وزني ولا كيلو الا زايد بعد وانا مسويه رجيم وما خربته كلش

والله لقيت نفسي زايده 2 كيلو والله دمعت عيني الدكتور قالي هدي ترى انتي نازله بس بالمقاسات بس علشان حالة الامساك اللي عندج انتي زايده

قالي اشويت سلطه وقطعة سمك واشويت ما ادري شنو كله فوق بعضه انزين يبي يطلع وللحين ما طلع طبيعي يزيد الوزن بس انتي بالمقاسات اكيد نازله

وفعلا الاسبوع اللي بعده نزلت 4 كيلو تقريبا فانتي ممكن تكونين نازله للحين 2 كيلو بس مقاساتج نازله اكيد فالكل يلاحظ انج ضعفانه

 

[أشبـاهـ المطـر]

والله حـــلو أسم تجمعكم


بنات ثلاث حريم من عائلتنا يستخدمون رجيم حسين دشتي
بـــدون مبالغه انشفوووووا ماشاء الله تبارك الرحمن ...
وأول شي ضعف فيهم الزند االفخوذ منطقة الخصر
وتلاحظين الفرق باسبوع بدون مبالغه ماشاء الله تبارك الرحمن


كلهم أجمعوا أن أول اسبوع اصعب مــرحلة بعدين خلاص من نفسج بتنقثين وتكرهين الأكل
وبــصراحه رجيمه عجيب احرق الدهون بالدهون



انا وزني اوكـي بس بقولكم طريقة اعتمدها عشان ماامتن
الصحن الي آكل فيه لازم يكون كبير عشان اعطي نفسي ايحاء اني كليت وااايد <<<طريقة الفرنسيات
ســوائل ســوائل وخصوصاً اني ارضع فالسوائل ماااشي سوقها

قبـــل كل عـزيمة ويمعه لازم آكل فاكهه او اي خضره هم هالطريقة تعلمتها من الفرنسيات لووووول



مشروب أحــبه ومدمنته الكمون مع الزنجبيل والجاي الاخضر
ومرات ينسوون مع نعناع عجيب


بــــالتوفيق ....

 

[مـ..ـ‘َِـيآوَِّ]

أشبـاهـ المطـر

تسلمين حبيبتي

وعسى ربي يجزاج الجنه على هالنصائح الحلوه

اما بالنسبه لرجيم الدشتي فهو حلو انا قبل ما اتزوج كان وزني 70 باربع ايام صار وزني 67 يعني يضعف بالايام بعد

بس انا اللي خلاني اوقف انه كانت ايامها رمضان وانا صايمه وجهزت فطوري المهم قالي خالي تعالي نتمشى قبل ما ياذن

رحت تمشيت انا وخالي رديت البيت حاسه نفسي مو طبيعيه الكل فطر انا ما قدرت افطر وهذا انا بس صارلي اربع ايام ماشيه على ريجيمه

والكل كان موجود جدي وجدتي وعمتي وخالي وخالتي وخواتي وامي وابوي يعني مجتمعين ولا اشوف خالتي داشه من الباب انا كنت بروح الحمام ازوع

كل اللي اذكره اني قلت لها خالتي لحقي علي وبعدين شفت سواااااد وخط بني والله العظيم يا بنات للحين اذكر واسمع صوت خالتي من بعيد

قاعده تقولي لا تنامين خالتي دكتورة هي صيدلانيه تقولي اقولج لا تنامين اشوي ولا صارو يحطون لي سكر بحلجي وانا اتفله

وخالتي كل اشوي تناديني وصوتها بعيد بعدين اصحيت بس مو شايفه شي ربي يشهد اني نص ساعه وامسك عيوني مفتحتها مو مسكرتها بس مو شايفه شي

خالتي صارت تشربني فيمتو مركز يعني من غير ماي صرت اشوي اشوي اشوف الدنيا لقيت امي بس مو شايفتها زين

ما ادري شلون اوصف لكم اشوي اشوي لين قدرت اشوف اللي حولي بطريقه عاديه بس يوم شفت وجهي على المرايا لقيته امر مثل الدم

من كثر مو خالتي عطتني كفوف وانا وربي ما حسيت بولا كف يا حرام من خوفها علي قاعده تصارخ وتضربني كفوف تبيني اصحى

بس انا كنت اسمع صوتها من بعيد ومو حاسه باي شي

 

[صخر جلمود]

صبــاح الخير يارشيقات :eh_s(9):

بنات عادي أنظم معاكم

أنا أمس كان أول يوم نادي وحابه أمشي على رجيم و خاطري أحد يشجعني

تقبلووني معاكم

:friends:

 

[مـ..ـ‘َِـيآوَِّ]

صخر جلمود

حياج يا قلبي بس قوليلي جم وزنج علشان اسجله

وكل احد دزيلي وزنج على الخاص اوكي يا عسل

 

[ba6re8a]

صباح الخير. على حظي لما بديت نادي مرضت فلونزا صارلي جم يوم إمساك وأنا. مأشاءالله وأيد أشرب ماي ريلي يقولي انتي مصرف ماي لووول


إشرايكم أشرب جاي رويال عشان يمشي البطن

 

[Soganan]

صباح الخير يا بنات ... أنا اليوم محبطة والنفسية مو شي ... أمس كان عندي موعد طبيب وقبل ما أدش كان السيستر قاعدة تشوف وزني وهنا كانت المفاجئة.... إن وزني الصج 130 كيلو .. لو سمحتي يا مـــــيــــــاو سجليني 130 غيري الـ 127...ميزاني طلع يخورها...


اللي مزعلني إني من سنتين كان وزني 142 كيلو وما أدري صج من ويت ياتلي الإرادة وسويت رجيم لمدة 3 شهور وصار وزني 120 كيلو يعني 22 كيلو نزلتهم في 3 شهور بعدين صار معاي ألم في ظهري وطلعلي الديسك إنحبطت مرة ثانية وصرت أزيد وأنقص أزيد وأنقص لما صرت اليوم 130... وايد زعلانه وخايفة ما أعرف أستمر بالريجيم مادري شفيني...

 

[مـ..ـ‘َِـيآوَِّ]

شنو هالشاي ؟؟

انا راح اسمع نصيحة اس اس واشتري سنا مكه لاني صج اعاني من الامساك بطريقه مو طبيعيه

 

[مـ..ـ‘َِـيآوَِّ]

Soganan

ما عليه يا قلبي احنا هني نشجع بعض وان شاء الله راح تقدرين تنزلين وزنج باراده قويه باذن الله

وتم تعديل الوزن

 

[أم حيدر]

صبحكم الله بأنوار النبي

أم علاء ميخالف لا تنحبطين كل شي مع الارادة يروح

حاليا صارت عندي ردة فعل من الاكل ان اهو السبب باللي أنا فيه مع ان ادري بقرارة نفسي ان مو بس الاكل الحمل المتكرر بعد

أروحلهم فدوة يستاهلون

بنات عفية الله يخليكم خلونا منتظمين مع بعض هني انا والله ماخذه الموضوع بمنتهى الجدية ويعلم الله اني شوي معانية مع موضوع الرضاعة والحليب بس قاعده احاول اقط روحي عالسوائل كثر ما اقدر

وان شاء الله بنضعف

 

[مـ..ـ‘َِـيآوَِّ]

أم حيدر لا تحافين ان شاء الله احنا كلنا مخذين الموضوع بجديه ومنتظمين وقاعدين نشجع بعض

وفعلا الاكل هو سبب اللي احنا فيه انا كنت اول استانس اكل اضايق اكل ما ادري شنو الشعور اللي ما يخليني اكل لووووووووووووول

بس الحين انا نفسج حاطه براسي انه الاكل مو شي اساسي الاكل بس لما اجوع ومو اي اكل اكل دايت والحمد لله

وان شاء الله راح نتم مع بعض يا احلى قروب حتى لو وحده فينا وصلت قبل غيرها للوزن المثالي تم دش ويانا وتشجعنا

وكلنا نتم نشجع بعض لين اخر وحده بالتجمع توصل للوزن اللي هي تبيه حتى لو اخذ ويانا الموضوع اكثر من ثلاث اشهر لانه في ويانا اوزان

تحتاج اكثر من ثلاث اشهر وانا منهم اكيد لانه وزني 105 وابي اوصل للـ 60 باذن الله عادي شيخة البنات قالتلي اخذو راحتكم

يعني اقدر امدد التجمع وان شاء الله نوصل للاوزان اللي نبيها بارادتنا القويه واذا ارادتنا خفت اشوي نلاقي نفسنا قاعدين نشجع بعض

 

[أم حيدر]

قولي يالله مياو

أول الله ان شاء الله ناخذ بيد بعض ونضعف بصحة وعافية وترجع حياتنا طبيعية

 

[مـ..ـ‘َِـيآوَِّ]

ان شاء الله يا قلبي

انا اليوم فطرت نسكافيه قصدي شربت نسكافيه وبس والغدا بتغدى 7 تمرات ولبن ونفس الشي العشى باذن الله