خبرة الإسلام ديني...منبهات..حلقات..لاصفيات ؟؟؟؟؟؟

[ريانـــــــــــه]

ابي بالعددي شنو نصنف ومسابقات مبتكره

 

[سحابة صيف ورديه]

تشكرااااااااااااااااااااااات ع هالابداعات


موفقين

 

[Amo0ona]

لووول يعطيج العافية بس ولا رابط اشتغل معاي

 

[ع ــندك / خ ــبر]

بنات بتكلم باجر عن لزكاة شقووول ؟
بتحضر لي الحجيه خخخ

 

[Q8SeaGull]

السلام عليكم:

شلونكم ابلات شخباركم؟

انا تربية عملية وعندي حلقة يوم الأحد وأبي منبه حلو

أهدافي:
يتعرف على كلمة حج، يحرص على الهدوء أثناء زيارة المسجد الحرام، يكتب كلمة حج

إذا عندكم أفكار ومنبهات حق الحلقة لا تبخلون علي بليييز

 

[*ريماااس*]

خلي المنبه بالوربوينت شكل الكعبة
ليما يتوصلون لشكل الكعبة ويتعرفون عليها

قوليلهم وين نشوف الكعبة>>> في السعودية في مكة المكرمة

ليش نروح لمكة >> بيقولون للعمرة والحج


من خلال موقف سلوكي راح تحققين الهدف الإجتماعي إن مثلا عبدالله وأهله
راحوا لمكة للحج وقالهم أبوهم عن آداب الحج ....إلخ

عاد لازم يتوصلون إن لازم نلتزم الهدوء



وإذا تبين تحققين الحسي حركي
حطي كلمة حج في صندوق وعليها قبعة الساحر(حقت أعياد الميلاد)وقوليلهم صديقنا الساحر زارنا وعطانا هدية
منو يساعدني ويحظرها لي

أو بطريقة مشوقة سوي نفسي
نزلي من فوق قمر أو هلال بخيط

أول شي قوليلهم يالله ننام ..وإذا غمضوا نزلي الخيط وتكونين معلقة فيه الكلمة (حج)

وبعدين قولي(كوكوكو) عشان يقومون
وقوليلهم صديقنا القمر زارنا وأنتوا نايمين وعطانا هدية
منو يساعدني ويفتحها؟

لما يفتحونها قوليلهم ماذا لدينا>>> بيقولون كلمة

عاد تبتدين أنتي تقولين: هذه كلمة حج
ويقرونها جماعي وفردي
وتكتبينها على السبورة بلونين وحجمين مختلفين


أنتي تكونين طابعة لهم كلمة حج مفرغة على ورقة وتوزعين عليهم ألوان من ركن الفنية وخليهم يكتبون
طبعا تعلمينهم إن نبدأ من اليمين لليسار.



وبس

أنا سويت نفس الطريقة وعجب المشرفة



الله يوفقج ويوفقني


إذا أعجبج إدعيلي ربي يرزقني بالظـــنــا

 

[( ام عزوزي )]

ابي مساااااعده دزيت رساله حق وحده اشتري منها الحلقه ما ردت لاني مو عارفه شسوي حق الدرس وما ردت يا ريت تساعدوني عشان اجهز له اخاف المشرفه او الناظره بيدخلون علي لاني تعيين يديد وقبل اسبوع نقلوني ثانيه وما دخلوا علي

اهدافي
- يتعرف على مناسك الحج
- يحافظ على نظافته الشخصيه
- يقلد حركه رمي الجمرات

بليييييييز ساعدوني خل اجهز من اليوم

 

[Miss M]

عهوووود الحب بصراحه انتي انسانه خياليه الله يعطيج الف الف عافيه يارب

 

[همسات الدافئة]

شلووونكم بنات

الله يخليكم ساعدوني

انا طالبة تربية عملية ادرس مستوى ثاني
ويوم الاثنين درسي راح يكون
صعب حيييييييل مو عارفه شنو راح اشرح

الهدف العقلي : يتعرف على عظمة الله في خلق
الاجتماعي : يشكر الله على نعمه
الحسي الحركي : يشارك اقرانه من خلال اللعب

مشرفتي تقول تكلمي عن شئ واحد الانسان او الحيوان او الكون

او اي شئ ثاني من خلق الله تعالى


وووينج يا عهود الحب ام الافكار

وكل وحده عندها فكره عن درسي تفيدني

الله يرضى عليكم

 

[Miss M]

بنات منو عندها فكرة لاصفي مطبخ غير كرات التمر لانه سوها وابي شي يديد ومشكورين

 

[Salam El3esh8]

عهود الحب وجميع كويتيات
ابي مساعدتكم ما عليكم أمر
هذي أهداف درسي وابيكم اتساعدوني ضروووووووري الله يعافيكم
1-ان يميز مناسك الحج
2-ان يحرص على عدم ايذاء الاخرين في الحج
3-ان يقلد حركة رمي الجمرات

 

[همسات الدافئة]

وووووينكم يا بنات

ووينج ياريماس ؟؟

اذا عندج فكرة بخصوص درسي

عطيني افكار الله يرضى عليج

انا ودي اتكلم عن عظمة الله في خلقه للانسان

بس شلون ابدأ ؟؟ وشنووو منبهي ؟؟

 

[( ام عزوزي )]

ووووووينكم بنات

اللي قدمت عن مناسك الحج تساااااااااااااااااااااعدني مو عارفه شسوي وشلون افهم اليهال المنااااااااسك

 

[% HoooR %]

السلام عليكم

بنات تكفون طالبة تربية عمليه
وحلقاتي وحده عن قصة بئر زمزم والثانيه بناء الكعبه


شسوي ساعدوني بليززززززززز

 

[عهود الحب]

الله يكون بعونج حبيبتي
بس اهدافكم شوي صعبة عالاطفال
الاسلام ديني
احنا قبل كنا نقسم اركان الاسلام الخمسة عليه
اول اسبوع 3 اركان + كلمة و عدد = خمس دروس
وثاني اسبوع ركنين + المساجد بالكويت + كلمة وعدد = خمس دروس

وبجذي دروس حلوة ومتنوعة مرة الصلاة ومرة الصيام ومرة الزكاة وعن فضلها ومرة عن الحج و مرة عن انه الاسلام دييننا والشهادتين



اما القصص فكنا نخليها لاصفيات ! لأنه غلط تحطين حلقة كاملة عن قصة او ربما بوجهة نظركم اهي صح يمكن يجوز حسب التوجيه


والله يكون بعووونكم


اختي انا حاطة رابط فيه قصة بناء الكعبة
روحي حمليه وان شاء الله يفتح معاج

واذا ماطلع لج
تلاقينها بالسيديات ملوت البرمجيات

 

[Q8SeaGull]

مشكووورة اختي ريماس
يعطييج العافية على الدرس الحلو

 

[ArEEj]

مناسك الحج
المنبه يكون أما مشروع فني تسوين شكل الكعبه
أو بوربوينت من خلاله شكل الكعبه
يعنى اسهل مدخل للدرس
من خلالها وين نشوفها الافضل انه يكون عندج مجسم كبير للكعبة
خليهم يقلدون حركة الطواف حول الكعبه وشغلى لهم صوت التلبيه وخليلهم يلبون بصوت عالى
وعلميهم انه من مناسك الحج
وبعدين باجي المناسك اما يكونون عندج مصورات
او طلعيهم ع البوربوينت
وتكلمي عنهم واحد واحد واهم المناسك اللى تتكلمين عنهم
1- الطواف
2- السعى بين الصفا والمروى
3- رمي الجمرات
4- ذبح الهدي

ولا تنسين تتكلمين عن ملابس الاحرام اللى يلبسونها
تحطين لهم أيه عن الحج
او اذا فيديو
مو مهم بالمناسك مسابقه لان الدرس اصلا طويل

 

[ابله عجيبه]

عهود الحب وكل البنات

اهدافي ماكو املق منها ومتوهقه فيها حد التوهق
عندي حلقه

1. يتعرف على احداث عام الفيل << بالله هذا شنو اسوي له منبه وشلون اقولها لهم نفس طريقه القصه ؟؟
2. يحسن الانصات للمعلمه << يعني اقولهم يلا الحين ننصت الى المعلمه ولا شنو بالضبط ؟؟
3. يردد نشيد الخبره << حتى هالهدف لازم احققه بطريقه حلوه

 

[% HoooR %]

وااااااااااااااااي صج الله يعينا هالأسبوع


عهود توجيهنا يبي بالأسبوع الأول نتكلم عن اركان الاسلام الخمسه
والأسبوع الثاني عن احداث مثل بناء الكعبه وعام الفيل وزمزم وغيره

انا حملت القصه منج يا مال العافيه

بس مو عارفه شحط حق دروسي منبهات ولا شلون امشي بخطوات الدرس

الله يعين

 

[( ام عزوزي )]

بعد قلبي اريج مشكووووووووووووووورة وما قصرتي الله يوفقج دنيا واخره حياتي انتي