ديوانية بيت العمر

[ملكيه بخطوتها]

عزيزتي وصايف الله يهنيج على بيتج انشاء الله وانا شفقانه اني اشوفه اللله يخليج ابي اشوفها ييبي له صور بالمنتدى !!الله يهنيج

 

[ضحاوي...]

ضحاوى

هلا وغلا فيج

الرفاعى بعد يبنى المكان الى للشاور بوكس

انا قالى الى بمحل الشاي شوفى لج اى باكستانى يسوى الشاور والرفاعى هو يسوى الباب

شوفي حبيبتي انا وزوجي حددنا قياس القدم للشور ونصيحه خلي الدش مقابل الطوفه المقابله حتى ما يتسرب الماء وعلى فكره سئليهم وراح ينصحونج فيها بعدين عامل البرسلان يركب البرسلان بعدين ياخذ الرفاعي القياس وينفذ الشور بوكس حسب الموديل والقياس :friends:

 

[سنعه ومنعه]

وصايف لو

هاا أشرايج بفينوس والراجحى ؟؟؟ لقيتى منهم شى


محل فينوس خذيت منة حمامات الأستقبال الرجالى على شكل رخام لمعة بيج مرخم وبنى

والنساء بنى على شكل تنجيد وبوسطة زرار 20 فة 20 ومطفى عاد هو طلبية بس انشاللة طلبج متوفر


ومن محل الراجحى حمامى الرئيسى مقلم والسيراميكة تجى كبيرة وقصة ليزر بتشوفينة معروض هاذا أذااا مااا خلص

ومحل اللورد صوب دوار الجوازات أول سطرة محلات بتلقينة محل صغير خذيت المطبخ 20 فى 20 وداخلة مقسم على شكل +

ومحازنهم بأمغرة ما أدلها بس مندوبهم يوصلى بمكانى وين أدوووعس بالمخازن أخاااف أروح صوب الزحمة والمحلات ومن أشوف عوايل أصير صوبهم هاذا عيب أمغرة لازم أحد معااج عكس المحلات أاو الشويخ أهون

 

[سنعه ومنعه]

وصايف لو

شيكى على الرسايل

 

[مشاعل]

هلا مشاعل اي والله الدفعات الاوله قويه من قلب ليش جذي؟؟؟؟؟
تصدقي حنا سوينا في العقد سبع دفعات اول دفعه كانت 1000 ديناربس
ولمن وصلنا صب سقف الدور الاول كان ماخذ 4000 دينار بس وعلى هذا الحال
ميخالف وانا اختج قدر الله بس الحين خلي ريلج يحرص بالدفعات ويعطيه بالقطارة
ويقول له انطر دفعات البنك هم المقاولين يعرفون كل شي بس اهم شي
يخلي كل صبت سقف 1000 دينار بس علشان تقدروه تمسكونه عدل
صحيح ما قلتيلي انتي جم دور بتسوين علشان نقدر نقسم الدفعات الباقيه

وصايف

هلا فيج

قاله ريلى اصبر على قاله بوقف الشغل !!! نذل من قلب
احنا شارين بيت ونبنيه بروحنا مو ارض وقرض
باقى له 3 الاف بس

بيتى نص سرداب و3 ادوار الحين بيسقف الدور الاول بنعطيه الف وخمسميه
ولى سقف الدور الثاني بنعطيه الف

واعمال النظافه 500

والله يعين

 

[مشاعل]

وصايف

الرفاعى بس يسون زجاج

انا ابى اسوى بنيان الشاور والباب بس زجاج عندى صور ابى اسوى نفسهم

 

[النبع الصافي]

السلام عليكم ورحمة الله

الله يعكيكم العافيه على إثراءكم للدوانية بكل ماهو مفيد وجزاكم الله خير وبميزان أعمالكم

استفدت كثير من اللي تضيفونه والشكر للجميع وخصوصا الأخت ساره صاحبة الدوانية

بغيت خدمة وياليت اللي تعرف لاتبخل علي ونبي خبرتكم سارا3 وسنعة ومنعة وباقي الأخوات

أبي واحد يركب برسلان الحمام وأرضيات البيت بس شغل عدل ويضبط بين الحبات مو أي كلام

وأبي أحد مجربينه لأن اللي عندنا ياشغله أي كلام وحبه صاعده وحبه نازله ياشغله زين ومرتبط مع غيرنا

والفتره الحاليه لازم نبدا شغل البرسلان خاصة المطبخ عشان يبدا الشغل ويفصل راعي المطبخ

وبس سلامتكم وأتمنى ألقى عندكم رد يساعدني حبيباتي .....

 

[سافانا]

الي نتعامل معاه اسمه رضا 99381024

 

[nono78]

الحمامات البنيان مال السيراميك يسويهم لج

الرفاعييي رحناله وتعينناااا وكشت فينااااااااااااااااااا وما يا ولا دق

سويت حمامين من عند الزجاج ( طلع علييي الواحد 120 ) دينار


وحمام اليهال خذيته جاهز م ميداس الصحيه الباب يرار من طوفه لي طوفه ( اخف حق اليهال من الزجاج)

 

[سنعه ومنعه]

صباح الخير

هلا واللة بنونو وينج من زمااان عن الديوانية عسى ماااشر

بااااااااااااااجى البنااات وينكم

يا حلو صبح يا حلو طل


النبع الصافى دزيلى رسالة عالخاص وأنا حاااضرة

 

[ملكيه بخطوتها]

بيتي احلى منه

 

[Heaven Light]

بنات ادري هالموضوع مخصص للبنيان .. بس حبيت اسأل سؤال عالطاير ما يحتاج موضوع يديد ..

ابي محلات تبيع قنفات صناعة الصين او امريكا يكون كلاسيك يصلحون لصالات الاستقبال .. وسعرهم من 400-700

انا رحت نوبلز - ذي كاسل-رومانتك - البيت الامريكي-ابيات- جملة الاثاث -ميداس- علي عبدالوهاب

ما عجبني وان عجبني غاليين ما يسوون ..

ابي غير هالاماكن .. بليز لا تطنشوني


​

 

[سنعه ومنعه]

هلا واللة صباح الخيير

مالج ألا تفصال وكاكولى اللى بالضجيج كد ومد وتقريبا بتطلع لج بحدود الأسعار اللى ذكرتيها

يعنى غنفات شغل محلى من مناجر ومحلات تنجيد معروفة من الضجيج وروحى لمستشفى داار الشفا قولى بشوف غرفة وأخذى فكرة عن الموديلات وصورى ونفذيهم انا عجبونى غنفاتهم وطريقتهم

بعد هاذى اللى عندنا وانشاللة البنات بيفيدونج

 

[النبع الصافي]

سافانا حبيبتي مشكوره عالرقم

سنعه ومنعه أنتظر ردج ماوصل

أختي تعبت لين قلت بس روحي صفاة الغانم بالتنزيلات روعه ديزاينات وأسعارهم حلوه

وعموما من دوارتي التشكيلات بالتصماميم متقاربين المحلات من بعض بالنسبه للكلاسيك ميداس على علي عبدالوهاب على صفاة الغانم بس الجوده ماأدري فيه فرق أو لأ بس السوق كله صيني



والتفصال ماعندي خبره

 

[سنعه ومنعه]

انشاللة النبع الصافى قاعدة أدور الرقم

انا فى حالة خمول ودوااارة من فترة لأخرى

بين مظلات وفناء خارجى

وعلى جم بردة لغرفة نومى والأستقبال

على استكمال تكييف

وشغل بارتشنات وقواطع وطابوق زجاجى

وعلى على تلفزيونات ال سى دى


وعلى المطبخ الرئيسى بفصلة بقاطع وباب المونيوم وبخلية للطبخ الثقيل والسمج والقلااى وبحط شفاط للجزء هاذا

وبعد استكمل حمامى البخااار

بس هاذى النواااقص

نعتبر خالصين


قلنااهاا العمر يخلص والبيت ما يخلص

قلبناها ديوانية حلطمة

 

[سنعه ومنعه]

رحت اليوم أبيات

حلوو مو شين عجبتنى الفوط والشرااشف

اية وتذكرت بفصل غرفتى بسوى غرفة ملابس وكلة تعليق

انا غرفتى خالصة بس حاسة مو شايلة قشى ابى أفصلها وأصمم نظام تعليقات هالسوالف ومكشوف على بعضة للتبديل اليومى

والكبت أخلية للمناسبات مو كل يوم أبطل الكبت

 

[سنعه ومنعه]

؟ ؟

وينكم؟؟

 

[Heaven Light]

هلا حياتي سنعه ومنعه صباح الفل ..

شفت كاكولي ما عجبوا امي ما تبي محلي ..

النبع الصافي .. رحت لصفاة الغانم ما عجبنا شي !!

مشكورات حبيباتي والله يوفقكم وتخلصون بنيانكم على خير ..


​

 

[**سهام**]

يعطيكم العافية بنات كلكم بلا عدد واخص بالشكر صاحبة الموضوع الاخت سارة
وبسألكم سؤال
احنا الحين خلصنا الاسود بعرف اشكثر راح ترتفع ارضية البيت بعد تركيب السيراميك

 

[ياسمينا شوب]

بسم الله ما شاء الله
تجننننننننننننننننننننننن