تجربه كل عضوه في الليزر فقط ( المشاركه في التجربه و ليس الاستفسار )

[bint_q8]

مشكوره وماتقصرين حبيبتي

 

[queen84]

السلام عليكم بنات اذا كنت بسوي ليزر بطيبه كلينك لازم اخذ موعد واذا بموعد اشلون ادق عليهم واخذ موعد ولا اروح عندهم واخذ موعد ؟

 

[bint_q8]

اب اب لعيونكم

 

[تخاييل المطيري]

هلا بنات انا سويت ليزر عند بيلا كلنك لي الحين ثلاث جلسات للوجه والابط وانشاءالله الرابعه بعد اسبوع بسراحه بشرتي فتحت شوي ومعاملتهم حلوه اسعارهم 40 للوجه و30للابط واشوف عليهم دوس

 

[lojel]

بطيبه كلينك انتي تروحين تأخذين لج رقم مافي شي اسمه موعد تاخذين لج رقم وتنطرين

 

[bint_q8]

هلا بنات انا سويت ليزر عند بيلا كلنك لي الحين ثلاث جلسات للوجه والابط وانشاءالله الرابعه بعد اسبوع بسراحه بشرتي فتحت شوي ومعاملتهم حلوه اسعارهم 40 للوجه و30للابط واشوف عليهم دوس

عليج بالعافيه حبيبتي

منو يسوسلج وشنو اسم الدكتوره وشلون طريقتهم فتح الملف والموعد

وين صاير مكانهم ...؟

 

[^^ROSE^^]

بنات انا صارلي سنتين اسوي ليزر لوجهي عند مني حماده في دار البراء
وبدال مايقل الشعر قاعد يزيد

ودي اخليها واكمل عند طلال العلي شرايكم فيه ولا اروح لابولو

روحي عند طلال العلي انا اسوي عندهم
سويت اشتراك 170 حق 5 جلسات وجه و رقبه
قبل جم يوم سويت 3 جلسه واصلا ماكو شي
وين كنت و وين صرت كان زلفي شطوله وخدي شعر خصوصا اللي صوب الزلف لي تحت وايد وايد شعر
والشوارب خضر طبعا لووول

الحين افتكييييييييت راحه نفسيه اصلا والمكياج يطلع يهبل حتى لو ما احط مكياج هم شكلي زين لان ماكو شعر فالبشره صافيه

ولا زاد الشعر ولا شي بالعكس اخر مره رحت ماكو شي
بس اهم شي تلتزمين شهر بالضبط بين كل جلسه
مو على بو ماكو الا شويه شعر ماتروحين
ترى اهم شي الالتزام لان الشعر لا صار صغير كلش و سويتيله ليزر بسرعه يروح

الحين باقيلي جلستين شهر 5 و 6

 

[KaiFY Q8ia]

السلااااام علييكم بناااااات

بليييييز بلييييز

ساعدوني محتاره بي مستوصف الكندي وعيادة بوشهري ورويال حياة

شنو احسن شي

ابي شي مضموون وبسرعه اخلص ابي جلسات اقل


ويعطييييكم الف عاااافية

 

[*candygirl*]

بناااااااااااااات لحقوا علس شسوي هذي ثالث جلسه لي بالليزر وبعد الييزر جسمي يحكني حيل ريلي وايدي بالذات!!!!
ومايفيد معاي الكريم ولا الحبوب لازم ابر!!!!
مادري شسوي من الجهاز نفسه ولا من جسمي هل اغير المركز بس حسافه 3 جلسات بتسويلي خصم يعني لما اروح مركز ثاني هل يحسب لي نفس اول ولا على حسب الشعره؟؟
انا اروح المركز الكندي
ومن ثاني جلسه يتلي الحكه بريولي حيل وخذيت هم ابره
والحين ريولي وايدي وانا قبل لا ابدي الجلسه الثالثه قلت لها ترا يتلي حكه ولا فادني الكريم قالت خلاص اعطيج حبوب وكريم تقول وايد يعانون من هالمشكله ريلهم ولا ايدهم تحكهم!!! شسوي اغير المركز؟؟؟
وهم بعد فيني حبوب بريلي حبوب الي تطلع فيها الشعر داخل الجلد واااااي زايديييين قاهريني
شسوي بنات وين اروح اي مركز هل اغير المركز اروح مركز ثاني هل يحسب الاسعار من اول جلسه او على حسب الشعر؟؟

 

[Le-Touch]

بسم الله الرحمن الرحيم


صارلي فتره ابي اسوي ليزر , وقعدت سويت بحوثاتي
اشوف تجارب الناس واسال وادور لين قررت واخترت المكان اللي بسوي فيه

المسؤول بالعياده عن القسم النسائي دكتور
بس اللي يسون الليز السسترز

وحده عربي والثانيه اجنبيه

جلستي الاولى كانت قبل شهر وبدأت بمنطقة الاندر ارم
سعر الجلسة الاولى 30 د.ك واللي سوته لي العربية ,

الشروط يكون الشعر طالع كله

ادشين الغرفه اللي فيه الجهاز غرفه نظيفه على كل دخله يغرون المفرش
تنامين ع السرير تسويلج شيفنغ بالشفره , وتعطيج ناظرة تلبسينها عشان الليزر

العملية ما خذت 10 دقايق وكان فيه عوار بس شوي مو وايد يعني جنه يحترق هذا كان احساسي
بس اهون بوايد من عوار الواكس والشيرة

بس السستر حبوبه تظل تسولف معاج وتسليج وتلهيج عن الالم

المهم خلصت وشالت الشعر كله حطت لي كريم ورحت عند الدكتور
قالي ان بيحط لي موعد بعد شهر وكتب لي وصفة كريم اخذها من الصيديله
استخدمها مرتين باليوم صبح وليل الكريم حق الحروق وقالي ما احط ديودرن اول يوم
وقالي بعد شهر لازم اي بالموعد حتى لو ما طلع شعر

طبعا قلت بنفسي مستحيل من اول جلسه ما يطلع شعر

خذيت الكريم واسمه

mebo بصراحه ريحته تلوع بس لازم نحطه لول

المهم طاف شهر ويوم السبت اللي طاف كانت جلستي الثانيه وطبعا قبلها بيوم دقوا علي العيادة يذكرون بالموعد
بس بالفعل ما طلعت حتى شعره وحده حدي كنت مستانسه لول

رحت السبت حق الموعد الثاني
والعملية ماخذت 6 دقايق هالمره الاجنبية سوتها لي , كان للحين في الم لان البصليات للحين موجوده تحت البشرة
الجلسه الثانيه سعرها 25 د.ك

وطبعا قالي استخدم نفس الكريم ونفس تعليمات المره الاولى ,
حطولي موعد بعد شهر والجلسه الثالثه راح تكون بـ 20 د.ك
والرابعه راح تكون بـ 15 د.ك وراح يوقف ع الـ 15 في باجي الجلسات

قالي الدكتور يمكن احتاج بعد 6 جلسات ويخلص الاندر ارم

العيادة حلوه ونظيفها والاسعار جداً ممتازه ومناسبه
افكر بس اخلص من الاندر ارم ابلش بالريول بعدين الوية

الحين خل افيدكم واعطكم تفاصيل العيادة وللامانه ما قررت اكتب عنهم الابعد ثاني جلسه عشان اكون شبه اكيده من النتايج والمعامله الحلوه ,


المكان اهو :

المعروف كلينك
العنوان : السالمية - شارع الخنساء - خلف نادي السالمية الرياضي - بجانب صيدلية المعروف
تلفون : 25718000

مسؤول عيادة النساء : د. علاء ابو ثريا - اخصائي امراض النساء والولادة والعقم وجراحتها


خدمات العيادة :

- متابعة الحمل والولادة الطبيعية والقيصرية
- علاج حالات الاجهاض المتكرر
- علاج العقم بانواعه
- علاج اضطرابات الدورة الشهرية والمشاكل النسائية
- علاج اعراض سن اليأس
- الاكتشاف المبكر لسرطان عنق الرحم
- تركيب اللولب
- العمليات النسائية والتجميلية


اسعار الليزر ,

للنساء


الوجة

الجلسة الاولى 40 د.ك
الجلسة الثانية 35 د.ك
الثالثه 30 د.ك
الرابعة 25 د.ك
الخامسة 20 د.ك
السادسه 15 د.ك
وبعدها يوقف عالـ 15 د.ك


الابطين

الجلسة الاولى 30 د.ك
الثانية : 25 د.ك
الثالثه : 20 د.ك
الرابعه : 15 د.ك
ويوقف عالـ 15 د.ك للجلسات الباجية


الذراعين

الجلسة الاولى : 70 د.ك
الثانية : 60 د.ك
الثالثه : 50 د.ك
الرابعة : 45 د.ك
الخامسة : 40 د.ك
السادسة : 35 د.ك
السابعة : 30 د.ك
الثامنة : 25 د.ك ويثبت عليه

البكيني

الجلسة الاولى : 50 د.ك
الثانية : 45 د.ك
الثالثه : 40 د.ك
الرابعة : 35 د.ك
الخامسه : 30 د.ك
السادسة : 25 د.ك
السابعه : 20 د.ك
الثامنة : 15 د.ك ويثبت عليه

الساقين

الجلسة الاولى : 90 د.ك
الثانية : 80 د.ك
الثالثة : 70 د.ك
الرابعه : 60 د.ك
الخامسة : 50 د.ك
السادسة : 45 د.ك
السابعه : 40 د.ك
الثامنة : 35 د.ك
التاسعة : 30 د.ك ويثبت عليه


الجسم كامل

الجلسة الاولى : 350 د.ك
الثانية : 310 د.ك
الثالثة : 275 د.ك
الرابعة : 245 د.ك
الخامسة : 220 د.ك
السادسة : 200 د.ك
السابعة : 180 د.ك
الثامنة : 160 د.ك
التاسعة 140 د.ك
العاشرة : 120 ويثبت عليه


- الكشف عندهم بـ 12 د.ك
- جلسات التقشير والعناية بالبشرة الجلسه بـ 30 د.ك
- جلسات تنظيف البشرة ( الجلسة 40 د.ك )
- جلسات حقن الميزوثيرابي وحقن النظارة ( الجلسة 50 د.ك )
- حقن البوتوكس للبشرة ( السعر حسب الكمية )


حطيت كل المعلومات اللي عندي بالورقه
واكيد راح ارد اكتب لكم عن جلستي الثالثة وكل جلساتي باذن الله


د عواتكم \ تـ ح ـياتي​

 

[احلى صغيرونة]

قوه بنات منو مسوي ليزر بمستشفى الهادي خل يفيدني بشي بليييييز
شلون جهازهم وهل قل الشعرولا لاء
وعند اي دكتور او اي دكتوره سويتي ومنو اي سستر سوتلج ؟

 

[وهج الحب]

بناااااااااااااات لحقوا علس شسوي هذي ثالث جلسه لي بالليزر وبعد الييزر جسمي يحكني حيل ريلي وايدي بالذات!!!!
ومايفيد معاي الكريم ولا الحبوب لازم ابر!!!!
مادري شسوي من الجهاز نفسه ولا من جسمي هل اغير المركز بس حسافه 3 جلسات بتسويلي خصم يعني لما اروح مركز ثاني هل يحسب لي نفس اول ولا على حسب الشعره؟؟
انا اروح المركز الكندي
ومن ثاني جلسه يتلي الحكه بريولي حيل وخذيت هم ابره
والحين ريولي وايدي وانا قبل لا ابدي الجلسه الثالثه قلت لها ترا يتلي حكه ولا فادني الكريم قالت خلاص اعطيج حبوب وكريم تقول وايد يعانون من هالمشكله ريلهم ولا ايدهم تحكهم!!! شسوي اغير المركز؟؟؟
وهم بعد فيني حبوب بريلي حبوب الي تطلع فيها الشعر داخل الجلد واااااي زايديييين قاهريني
شسوي بنات وين اروح اي مركز هل اغير المركز اروح مركز ثاني هل يحسب الاسعار من اول جلسه او على حسب الشعر؟؟

السلام:
اول مرة سويت الليزر صارلتلي حكة برجلي بس رجعت للدكتور وعطاني مرهم مااذكره عدل بس هو ابيض فيه خط ازرق وقاللي لان جسمي جاف واللي سوت لي ليزر زتدت شوي ومن حطيت الكريم راحت الحكة من اول مرة ..
واخر مرة سويت فيها ليزر كانت عند دكتورة غير سوت لي ليزر واكتبت لي كريم mebo العادي مال الحرائق الا اقول لها ليش قالت احسن تستعملينه كم يوم عشان الجفاف والتهيج ..قلت لها انا ما يتهيج فيني الا اول مرة قالت ما يهم استخدمية كم يوم ..

 

[bint_q8]

الله يعطيكم العافيه علي هالمعلومات ومساعدتكم لنا

موفقين يارب

 

[جوـوـوري]

Up
up
up
up

 

[جوـوـوري]

al7noona قوليلنا شنو صار معاج الحين ....
الحنونه تنصحيينا فيه ؟
ودي اسوي ليزر بس متردده
عرسي اخر خمسه يمديني اسويه الحين ؟؟ ..نويت العزم الحين بس ..اخاف يطلع شعر صغير يقزز وابتلش محتاره ومتردده

 

[LUXURY]

انا باروح حق طلال العلي مليت من اللي اسوي وما يروح

 

[*candygirl*]

مازالت يابنات الحكه موجوده وتخرع
ريولي صارت تخرع من الحكه صارت فيها طقات زرق يعني صارلي 10 ايام سويت ليزر مادري ليش قاب جسمي مابقا كريم ماحطيته لا من ميبو ولا من الي هم يوصفونه ولا من حبوب زرتك
وهم رحت المستوصف وقزيت ابرتين للحين ريولي حيل تحكني وقابه ماتسوي علي ليزر
ابي شي الحين يخففف ولا يروح الحكه
ومادري اغير المركز ولا لا؟؟
مادري وين اروح بنات اروح عند طلال العلي ابي شي زين ومضمون مابي حكه:eh_s(2):

 

[sosowa1981]

انا لافه على نص عيادات الكويت اول مرة سويت عند طلال العلي من 2004 شغلهم لا باس
المشاري كلينك شغلهم واايد زين بس المشكله ان ماسيوون كل المناطق من السر وتحت ممنوع فالحين اسوي بس ويهي عندهم 29دك

المنار كلينك يلوع الجبد حسبي الله عليهم ازفت كلنك حسبي الله عليهم احرقو جسمي وانا الحين بتزوج وماادري شسوي اول مره اخرقولي الاباط وقالولي هذي bruises يعني كدمات وتروح وبعدين احرقولي بطني وظهري والحين البكيني وموراظي يروح صارله مده وما بقى كريمات وماسكات ومقشرات ماشريت والله قطيت فلوس شكثر على الحرق وعندهم وحده اسمها فداء نصابه وماعندها سالفه غير الحش بالدكاتره الي معاها وماعندها غير كلمه قسما بالله وقسما بالله واهيا نصابه . واغلب الدكاتره الي يايبينهم كانوا مطرودين من عيادا ثانيه والله انا مو قاعده اقول الحجي من عندي انا سالت وايد عن الدكاتره الي عندهم لانهم مشوهيني ورحت اماكن عملهم السابقه و وروني فايلاتهم انهم حارقين اوادم وطارديمهم نصيحه لحد اروحلهم ترى يغرون الواحد باسعارهم وشغلهم مو مظبوط

وترى وايد عليهم شكاوي حرق مو بس انا

والحين متوهقه ماادري وين اروح اسوي ليزر ملجتي قربت وظهري متروس شعر لان كان وبري وسوه ليزر وصار خشن ابي ادفع باكج قبل عشان افتك من الخسابر

 

[عطري الشوق]

انا بلشت الليزر من الشهر الي طاف وسويته عند عياده قنال الصايغ سوته لي سستر فلبينيه بلشت بفيسي بجهاز النانووو الي يشقر قالتلي ان هالجهاز يشيل الزغب مع العلم ان فيسي عمري ماحفيته وشعري خفيف كنت ناويه بس شاربي وجبهتي بس دكتوره مصريه قالتلي عندنا جهاز يشيل الزغب فغامرت وسويته وسويت الاندر ارم وبصراحه من رديت من العياده وانا ايدي ع قلبي فيسي نفر اول اسبوع نفره كل من شافني لاحظ هالشي وبعدين الحمدلله طخ



هالشهر بروح لعيداه دلال التركيت بنت عمي تمدحها لي حيل يكفي انه عندهم مصداقيه بالشغل وسالتلي بنت عمي دكتوره دلال التركيت عن جهاز الي يشيل الزغب وقالت لها ماكو شي يشيل زغب احنا نشيل الشعر الثقيل الي حبته سودا عشان يطلع مكان زعب بس زغب شلون نشيله له اضرار يا تنفر البشره منه او يطلع لها شعر ثقيل


ومن هالكلام خفت من عياده قنال انهم ماعندهم مصداقيه بشغلهم

 

[el3aroosa]

ياكو ابولو وايد عليهم مشاكل ويحرقون البشره على بو ارخص من غيره احرق بشرتي
بنااااات بليز ناصحتكم لله اشتبون فيهم الفلوس اللي وفرتوها تصرفونها على عيادة الجلدية حتى تعالج الحروق اللي بسبتهم
روحوا اماكن معروفه اللهم بلغت اللهم فاشهد