تجمع خاص للي وزنها بالثيمانينات وباقي الاوزان عامة

[عروووب21]

لي اللحين ما قسنا اوزانا وانا اقول لو كل شهر او نص شهر نقيس اوزانا احسن انا خلصت اسبوع ولا ادري كم نقصت باقيس بعد اسبوع ويمكن بعد شهر لان مسالة انزل كيلو واستانس فيه واقعد اغث العالم بان علي والا ما بان واذا قالو لي مابان رحت حست الدنيا ماينفع احسن لا توسعت علي ملابسي اروح اقيس عشان تصير الفرحه اكبر

 

[ام فجور 2008]

مساؤ الخير
شلونكم اليوم
وااااااااااااااي لاعت جبدي اليوم من الظهر زوارات من بيت لي بيت اقول حق اختي ما احب هاليوم بسبت هالزوارات جن عيد والمشكلة خواتي كانوا بيكملون بعد
بيت خالتي جان اقولهم نو وي مافيني حيل

المهم طبعا على هالزوارات ما اتوققع اني التزمت اليوم بالرجيم
كل وحدة مسوية طبق ويايبه اشياء
وانا بعد ودي معاي كيكة من الخباز لذيذة

 

[ام فجور 2008]

بنات انا بروح ابدل بنتي واغسلها واسوي لي اعشاب وارد

 

[ام فجور 2008]

عوار قلب

 

[شيــوخه]

يلا بنات شدو حيلكم

وربي يوفقكم ان شاء الله انا وزني كل اشوي يتغير مره 80 ومره 81 ةنره يصير 79

مادري شنو سالفته واقف بعد مو راضي يزحزح عن هلرقم اف زهقت

الله كريم عاد عندي عرس اخوي اول 7 وودي البس شي حلو صار لي ساعه احوس بقوقل على هلمديلات هجيبه بس شطلع شخلي

وكل ماقلت بعاقب نفسي مااكل ريلي امينني يطلب بلهلعشيات والغدى يتشهوه اليوم مرق سمج بالله احد يطوفه لازم اكل الحين العشى طالب فطاير اقول له مابي يقول لازم تاكليين

شسوي بالله

 

[ام فجور 2008]

انا مرة سويت رجيم بس قاسي
هالرجيم سويته يوم وزني وقف
سويته عالشان اكسر وزني واحمدلله نزل
يومين تفاح
ويومين منتجات الالبان
ويومين اناناس وكيوي
ويوم مشويات
ينزل 4 كيلوات

 

[ام فجور 2008]

بنات انا قايست وزني ومونازل وايد
يمكن من الدوورة
فقلت ودي من باجر بسوي رجيم قاسي لمدة اسبوع بكسر فيه وزني وبعدين بسوي رجيم المطوع
بسوي القاسي عالشان ينزل وزني وبفتك من الثيمانينات لاعت جبدي منهم

شرايكم بنات؟؟؟؟
واليوم رحت الجمعية مع خواتي وشريت اغراض بوريكم ياهم وعطوني رايكم فيهم​

 

[شيــوخه]

الحين سويت لي خيار وروب اشبع نفسي علشان لا صار حزت العشى مااكل فطاير وايد

ام فجوره يلا ناطرينج ورينا

 

[ام فجور 2008]

 

[شيــوخه]

ام فجوره الي بنص شنو هذا ؟

 

[ام فجور 2008]

شيوخة الي بالنص علج امريكي مكتوب عليه للتخسيس مرت خالي تقول مجربته زوين بس مو 100/100
قلت اجربه واشوف
ناكله قبل الوجبه بربع ساعه

 

[to07aH]

قوووووه

ممكن انظم ؟ :$

 

[ام فجور 2008]

حياج الله انتي ادشين من غير ما تستاذنين

 

[to07aH]

الله يحييج ام فجوور .. :d

 

[ام فجور 2008]

توحة جم عمرج

اليوم عشاي مشويات
بنتي باطة جبدي من الساعه 8 نايمة اليوم يعني اكيد بعد شوي بتقعد وماراح تخليني انام بيوم العطل تقعد من اصبح اتفز انا ما اصدق متى ايي الويك اند عالشان اريح

 

[شيــوخه]

ام فجوره هذا العلج بلجمعيه ؟؟؟

واي جمعيه احصله

وجاي الرشاقه امجربته

اما جاي العويد لا ماجربته ان شاء الله اجربه واقول لج شنو صار معاي

 

[ام فجور 2008]

شيوخة العلج من الصيدلية
وجاي الرشاقة من الحواي انتي جربتيه ؟؟؟؟ وشنو يسوي؟؟

وجاي العويد من الجمعيه بس مادري للحين ما جربته
شيوخ وشريت لي كريمات وخرابيط ههههههههههههه تونس

بجرب رجيم والجاي والعلج اسبوع وبشوف

 

[to07aH]

ام فجور عمري 25

 

[ام فجور 2008]

توحة العمر كله
سيم مي

 

[to07aH]

اجمعين ان شاءالله ..

والعمر كله لج ان شاءالله :d