تجمع خاص بالعصلات ممنوع دخول اصحاب الاوزان الثقيله

[..فروحه..]

اببببب

 

[Creazy]

وصلني مشروب غزاله اليووووم


وانشالله من باجر ببلش

 

[غموض q8]

يله كريزي تكفه مو اطوفين


انا ثبت الكيلو


وداشه بالثاني

 

[Creazy]

ايييي غموض افا عليج

توني تريقت صمونه جبن والحين قاعده اشربه والله طعمه لذيذ وايد حلووو


بس ماراح اكل بعد الوجبات لان ماحب الحليب بعد الوجبات باخذه بينهم


وانشالله بعد اسبوع اشوف الميزااااااااان

وانشالله يتحرك ويوصل 44

 

[m!ss craze]

مراحب صبايا من زمااااااااااااان مادخلت كان عندي زواج اختي
عقبالكم يا حلوات
المهم شافتني وحدة يعني ثاني مرة اشوفها فعلاقتي فيها سلام وبس

كنت شايفتها بزواج من ثلاث شهور

المهم كنت مسلمة عليها ولا قالت لي شي

عاد وانا رايحة للحلويات بحلي بعد العشاء الا هي جاية بالصدفة
المهم قالت لي وش هالحلى وش هالزين وش هالخدووووود انتي سامنة ماشاءالله طالعة تهبلين لا تنحفيييييييين ابد وزيدي بعد
قلت لها بكيفي كني عاد ابي انزل غصب
وةالله ونستني
يعني طلع لي خدووووووووووووووود يعني في امل ازيد ان شاءالله
والحين انا قاعدة اكل سيريلاك
وببدى بالدايجستف بالكاكاو يهبل طعمه صبايا

 

[Loutes]

بنات يصير اخذ نص حية سبروفيتا
لاني اخذت حبه ونمت واجد

 

[غموض q8]

كريزي ان شالله لو استمريتي لو باليوم مرتين راح تزيدين كيلو بالاسبوع بس مو تتكيسلين

انا اشرب بعد الغدا بساعه او ساعتين وقبل النوم بساعه علشان يزيد لانه ثقيل

واهم شي انه طلع طعمه يعجبج


وشريت حبوب غذاء ملكات النحل اهو مكمل غذائي

ان شالله ترد عافيتي وياكم ياااااارب




----



Loutes ما اظن نص حبه ما راح تنومج

تحملي اول 3 ايام بتامين لين يتعود جسمج عليها ويصير عادي تالي

ونصيحة من اخت خلي لحبوب تولي عندج اخذي مكمل غذائي احسن ومشروب غزاله

لحبوب مافيها الاكرتزون وتكبر الكرش ومن تخلص فششششششششششششششششششششش فشيتي مثل التفاخة

 

[دبة تاكل همبة]

السلام عليكم ياحلوين


ياريت من شال من وزني وووزعته عليكم كلكم

 

[Creazy]

هلالا غموض لا انا اشربه الصبح وعالمغرب

واخذ معاه حبوب خميره بيربوار

 

[Loutes]

ترى الحبوب مافيها كورتيزون

 

[^ دلـــــوعـــــه ^]

شنوووو هذا مشروب غزااله ؟؟؟


وشنوووو مكوناته وطعمه؟؟؟؟

 

[كلي انوثه]

ازيكم
شنو عاملين


دلوعه اشلونج مع الخلطه

 

[^ دلـــــوعـــــه ^]

والله مليييت وخليتها والحيين نازله كيلوين


انتي شخبارج مستمره عليهاااا ولا طاف ؟؟؟

 

[كلي انوثه]

الصراحه

الصراحه


طاااااف من امه
ياتني كحه وصدري تعبان ووقفتها
ووقفت كل شي

 

[غموض q8]

دلوعه ,, كلي انوثه لا تياسون


احنا بتجمع نشجع بعض

عفيه كملو عزيمتكم مانبي نقصان


نبي بشارة بزيادة لو نص كيلو

 

[سفيرة الامارات]

انا محد يقولي سامنه ليش؟!!

خاطري بسمان ..لذييذ خخخ

ان شاءالله .. المهم انا السبت بجوف الوزن وان شاءالله ياااارب ازيد

 

[Creazy]

اي والله نبي تشجيييع


البارحه شفت وزني قلت اول ما ابلش المشروووب علشان اعرف شكر زدت

كل ميزان يعطيني شي

رحت حق بو نص دينار طلع 43.7

وبو 100 فلس طلعلي 43.6

الله كرييييييم توني تريقت وشربت المشروووب..

 

[غموض q8]

تو الناس كريزي بعد سبوع يبين الكيلو اه بطئ شوي


بس ان شالله اييب نتيجة



ويارب كلنا نزيد

 

[سفيرة الامارات]

آمين يا قلبي

keep it up alwayz

دعواتكم الغوالي

 

[Creazy]

غموض ميخالف بس ابي اعرف الفرق وشكثر راح ازيد ..


صارلي يومين شهيتي مفتوحه للاكل ..


بالدوام وبالبيت كله ابي اكل...



يالله غموض قوليلنا انتي جم وزنج؟؟؟؟؟؟؟؟

جم كنتي قبل المشروب وجم صرتي ؟؟؟