تجمع مسافرات سويسرا وفرنسا للصيف....حياكم

[الحلا^^مبتليني]

اهلين كوب كابتشينوو
ليش ماتخلينها سويسرا وفرنسا بس
لان النمسا مثل طبيعة سويسرا بس سويسرا احلى

 

[ابرار^كويتيه]

يعني يمديني اروح ب15يوم حق سويسرا والنمسا وفرنسا؟
شلون تنصحوني اقسم الوقت عليهم ؟ كل دولة جم يوم
والا اخليها بس النمسا وسويسرا؟

عطوني خطه سفر تكون حلوة ومناسبه
حقي انا وريلي
وادعولي اننا نروح

كل وحده تقوللنا متى بتروح؟ وشكثر بتقعد

حبيبتي انصحج تروحين فرنسا وسويسرا لانهم قراب لبعض والنمسا خليها سفرة بروحها مع المانيا لانهم همن قراب يم بعض و15 يوم حلوين حق دولتين بس مو اكثر لان سويسرا كافي عليها اسبوع او 6 ايام والباجي روحيهم لفرنسا قعدي جم يوم بباريس وقعدي يومين بيورو ديزني انا فرنسا ماعجبني فيها شي غير ديزني ولا الدولة نفسها مو ذاك الزود وخاصة ان رحتي سويسرا بتطيح من عينج فرنسا :eh_s(6):


انا قعدت بجنيف بفندق وورويك 5 او 4 نجوم ماذكر بس موقعه ممتاز لان قبال الستيشن وطبعا كنا نحجز رحلات من الفندق مع قروب للمناطق السياحية بفرنسا ومنها جبال الالب ولوزان وكذا مكان وطبيعة سويسرا رووعة واتهبل وماعليها كلام بس تعبنا بالاكل كله فش من ماكدونالدز :krkrkr:


بالنسبة لفرنسا حجزنا من الستيشن تذاكر عالدرجة الاولة طبعا قطار وكان اينن ومدة الرحلة من جنيف لفرنسا كانت 4 ساعات مروا علينا كانها سااعة من المناظر والراحة لان القطار هذا يختلف عن المترو والسب واي خاصة لم سافرت بين المانيا وزلمسي لا تحصلين مكان وتعب الجنااط بس وناسة _03BA:

المهم وصلنا فرنسا وقعدنا بفندق كونكورد لافاييت خوش فندق ويم المترو لززق ورحنا رحلتين ثلاث وكان اهمها برج ايفل وفي ناس لم بتروح ديزني تاخذ المترو تروح وترجع اخر الليل بس احنا حجزنا بالديزني الفنادق اللي يمهم وكان حده وناسة

وطبعا انا كملت الرحلة بعدها لهولندا وبلجيكا بس يعني مو وايد وااو بس كان شهر عسل اينن وسفرة اول العام كانت لالمانيا والنمسا وصراحة روووعة واكثر من روووعة ومرينا على ايطاليا بعد ...انا سافرت كذا دولة اجنبية بس هذي احلى الدول الي رحتلها مع زوجي لان قبل مع اهلي نسافر وايد بس مع زوجي رحلات ومغامرات لان خفاف اما ابوي ماكان يحب القروبات يحب المطاعم والتمشي بس ومع اني راحة مع اهلي المانيا 3 مرات بس اكتشفت جمالها وحلاتها واماكنها مع زوجي يعني انصح كل اللي يسافرون لاتقعدون بس بكافيهات واسوقة روحوا رحلااات وكل يوم رحلة لان بتشوفين العجايب والوناسة...

والدول اللي ماراح اعيد زيارتها امريكا مع انها اتينن بس الطريج وااايد طويل ولندن ماحبيتها وفي والله ج دولة بعد بس تعبت وانا اكتب :eh_s(4):

 

[غديران]

انا كنت ناوية اسافر بس الحمل خرب مشروعي ههههه العام انفلونزا الخنازير قلت يالله السنة الياية بس الحمدالله البيبي احلى من السفر وانشالله تستانسون انا رايحة اغلب الدول هذي وكنت بعيد سفرتي لسويسرا والنمسا بس انشالله خيرها بغيرها واي استفساار انا بالخدمة

حبيبتي

تولدين بالسلامة

إن شاء الله تعوضينها السنة الياية

 

[غديران]

للرفع

 

[micmac]

يااااااااااااااااه حلمي أروح سويسراا .. واروح جبال الالب ومنتجع الزرمات وبحيرة جنيف

تكفون بنات حطو صور من تصويركم لاني مليت من اللي بقوووقل بشوووف

والله يوفقكم يارب ويسعدكم بسفركم اميييييييييييييييييييييييييييييين

وشكرا على التجمع الرااااااااااااااااااااااااااااااااااااااائع جدا جدا جدا جدا جدا

 

[بدوره 22]

ان شاء الله بنظم للقروب

احنا راح نروح باريس انا وزوجي وبناتي الله يحفظهم .. مع خاطري بامريكا بس ما اتحمل الطريج وايد اتعب, رحت لها مرتين وانا بنت وما اتخيل اروح لها مع اليهال ,,

احتمال نروح سويسرا بعد . بس اول مره نروح سويسرا .. اتمنى استفيد من خبرتكم

باريس احتمال كبير نقعد في كونكورد لافاييت متعودين عليه ونظيف , وبناخذ ليله بفندق دزني علشان اليهال يلعبون وياخذون راحتهم وما يتعبون ,

واكيد بنوديهم برج ايفل ومتحف الشمع واللوفر ... وبنوديهم مدينة الملاهي الي تصير يم كونكورد لافاييت , سبحان الله 3 مرات اروح فرنسا كل ما ننوي نروح لها يطق مطر وما نروح , ههههههه

بعد بنات وين تنصوحني اروح بفرنسا ؟؟

 

[rawona]

ان شاء الله بنظم للقروب

احنا راح نروح باريس انا وزوجي وبناتي الله يحفظهم .. مع خاطري بامريكا بس ما اتحمل الطريج وايد اتعب, رحت لها مرتين وانا بنت وما اتخيل اروح لها مع اليهال ,,

احتمال نروح سويسرا بعد . بس اول مره نروح سويسرا .. اتمنى استفيد من خبرتكم

باريس احتمال كبير نقعد في كونكورد لافاييت متعودين عليه ونظيف , وبناخذ ليله بفندق دزني علشان اليهال يلعبون وياخذون راحتهم وما يتعبون ,

واكيد بنوديهم برج ايفل ومتحف الشمع واللوفر ... وبنوديهم مدينة الملاهي الي تصير يم كونكورد لافاييت , سبحان الله 3 مرات اروح فرنسا كل ما ننوي نروح لها يطق مطر وما نروح , ههههههه

بعد بنات وين تنصوحني اروح بفرنسا ؟؟

هلا بدوره ..

بالنسبة لفرنسا اعتقد قالولي عن شغله مثل الغابات نسيت اسمها يقولون حلوه لليهال ..

وفي رحلات على نهر السين

وقصر فرساي ..


وبالنسبة لسويسرا توني راده منها اتهبل اتهبل اتهبل بس عيبها غاليه!!

الأماكن الحلوة بسويسرا ..

زيورخ << مافيها شي زود احلى مافيها الاولد تاون ومطعم فوق التل ما اعرف اسمه بس اقدر اسألج عنه!

مدينة لوسيرن << حلوة وسياحية التمشي والتسوق فيها حلة وفي عندهم صرح الأسد وهم في مكان اسمه البانوراما مثل معرض راسمين ملحمه على شكل دائري بس كانت عجيبه ووايد حلوة

وفي بعد شلالات الراين اكبر شلالات في اوروبا حسب علمي

وهم في منطقة تاريخية وهادية وايد وايد حلوة اسمها stein am rhrien فيها كافيهات ومحلات صغيره وبحيره ومطعم ايطالي ..

وفي هم منطقه اسمها Zug صغيره وهادية وفيها مطاعم وكافيهات وبحيرة وتأجير قوارب وطيور ومافيها زحمة سياح

عندج بعد رحلات للجبال مثل قمة يونغفراو << أعلى قمه في اوروبا تروحين لها بالقطار القديم

وعندج بعد رحلة لجبل سانتوس - تركبين التلفريك فيها

وهم بعد رحلات ثانية حق جبل تتلس وغيرها

وفي بعد رحلات بالريف السويسري رحلات لمصانع الجبن والكاكاو

وهم رحلة لمدينة هايدي وهم في مكان فيه بيت عايلة نابليون بونابارت الحديقة والبيت من برا دخلته مجانيه بس داخل البيت بفلوس بس مو وايد 12 فرنك

وايد حلو بيته

وهم في منطقة يم المانيا اسمها كونستاس فيها اكواريوم وهم يمها مثل سوبرماركت كبير

اممم وشنو بعد؟؟

اذا ذكرت شي ثاني اقولج

​

 

[الحلا^^مبتليني]

هلووو بنات شفيكم غطيتووو رفعو الموضوع بعد قلبي تجمعنا وايد مهم ترى
روانووو شرفتينا بوجودج بس ماسولفتيلنا عن انترلاكن؟؟؟

 

[كوب كابتشينو]

ما قصرتو
ادعولي ارووووووووووح

 

[باونتى]

بنات شلونكم .. أنا ان شاء الله راح أسافر سويسرا بتاريخ 9/7/ مع ابو العيال والعيال .. ومأجرين سياره وأجرنا شقه فى انترلاكن ومدة الرحلة 20 يوم وراح نفتر فى مناطق سويسرا وبنروح مناطق الحدود اللى بين سويسرا والمانيا وفرنسا​

 

[maryam_q8]

شنو الاماكن والرحلات الخاصة حق اليهال في فرنسا غير ديزني لاند

 

[ظلال القرآن]

بنات الي سالوني عن منتجع الي سكنت فيه بين سويسرا وفرنسا اهو يبعد تقريبا عشر دقايق عن نافوره جنيف وبس ها لازم يكون معاكم سياره لان ما يصلح للي يعتمد على الباصات اهو عباره عن شقق فندقيه بو غرفه وغرفتين او ثلاث انا وايد ارتحت فيه وكان موقعه بالنسبه لي استراتيجي بين مدن فرنسيه ومدن سويسريه وبس عليكم بالعافيه احب اقولكم احسنتو الاختيار وكانت سفرتي 2008 سويسرا فرنسا وكانت من اجمل سفراتي

هذا الفندق وموفقين
السعر
الموقع
النظافة
الخدمات
الآمان
ودائما أشوف الأسعار الخيالية لفنادق جنيف و صعوبة وجود شقق فندقية بهذه المواصفات مع العلم بأنه توجد بعض الشقق في مدينة فرنيه القريبة من جنيف (3 كيلو) ولكن حبيت أن أعرض عليكم ماهو جديد
[line]


الشقق الفندقية إيكسيليور - جنيفا The Clarion Suites Geneva Excellior


الفندق جديد تم إفتتاحه عام 2004م و تم تجربته من عدة عوائل (رشحت الفندق لهم) و ذهبت للفندق وعاينته وهو ممتاز للغاية وكان إنطباع العوائل ممتاز

الوصول للفندق:
من جنيف وحسب عداد سيارتي كانت المسافة 12.5 كيلو بإتجاه إيفيان بحدود 8 دقائق
تتبع خط البحيرة (السرعة محددة ومراقبة) بإتجاه إيفيان حتى تصل لمكتب الحدود الفرنسي (ثاني نقطة تفتيش)
تتجه يمين وتجد الفندق أمامك


نبذه عامة عن الفندق:
يحتوي الفندق على 84 شقة مجهزة بكامل التجهيزات من أهمها:
مطبخ كامل (ثلاجة-ميكروويف/خلاط......)
تلفزيون (جميع المحطات بما فيها القنوات العربية)
موقف تحت الأرض مجاني مع ريموت كنترول
و هذه بعض الصور للشقق من الداخل:
الصالة

وصورة أخرى للصالة

غرفة النوم

وغرفة نوم أخرى

حمام

وحمام آخر


الرياضة:
يقع بجوار الفندق مركز رياضي هولميز (Holmes Place City Green ) وهو مجاني للمقيمين في الفندق و على مساحة 11000 متر مربع ويضم ما يلي:
11 ملعب تنس أرضي
4 قاعات إسكواش
2 مسبح
نادي للأطفال
مطعم / بار
مركز تجميل للنساء والرجال
دروس يومية للألعاب ونشاطات مختلفة


الأسعار:
يوجد موسم عالي من 28/6 وحتى 6/9 من كل عام وهو السعر الأعلى من كل فئة كما يلي:
غرفة واحدة عادية (يسمح بعدد3 بالغين) – 75وحتى 102
غرفة واحدة دوبليكس (يسمح بعدد3 بالغين) 85 وحتى 112
غرفتين عادية 41م2 (يسمح بعدد5 بالغين) 96 وحتى 133
غرفتين دوبليكس 63م2 (يسمح بعدد5 بالغين) 106 - 143
3 غرف دوبليكس 91م2 (يسمح بعدد7 بالغين) 143 – 180
الأسعار باليورو وممكن أن تتغير
يضاف 10 يورو/ يوم لخدمة النظافة

ملاحظات عامة:
الفندق عليه طلب كبير من الأخوة الخليجيين وخاصة في شهري 7 و 8 ميلادي من كل سنة فلابد من الحجز المبكر
سعر الفندق يعتبر منخفض مقارنة بأسعار جنيف
الإفطار يومياً من 7 إلى 10 صباحا
كونتينتال 9 يورو
سلة إفطار 4 يورو
يوجد في الطريق للفندق مطاعم (مثل ماكدونالد) و مخبز ومحطات الوقود
الثلاجة في الشقة صغيرة
الآمان مرتفع جدا و الغرف والوحدات السكنية لا تفتح إل بالكروت الممغنطة
الأرضيات باركيه (خشب) مما يعطيها فخامة
غرفة النوم الرئيسية (شقة غرفتين دوبليكس) تقع في الطبق العلوي مما يضيف بعض الخصوصية
يقع الفندق في الأراضي الفرنسية وعلى بعد 50 متر من الحدود السويسرية
للحجز وزيارة موقع الفندق:



http://www.excellior.com/en_welcome.html?page=excellior&s_lang=en


Route de la Chaux74140 VEIGY-FONCENNEX
FRANCE
Téléphone : +33 450 85 06 70
Fax: +33 450 85 06 71
:E-mail
[email protected]
[email protected]

 

[الحلا^^مبتليني]

ما قصرتو
ادعولي ارووووووووووح

امييييييييييييييييييين يارب

 

[الحلا^^مبتليني]

هههههههههههههههههه الحلا مبتليني ... ومكتب القبس وينه ياشاطره:tomato2: ؟؟؟

في الدوليه _03ba:



بناااااااااااات نصيحه لمااا تسوون تأمين اطلبوا تأمين عااائلي يطلع لكم أرخص بواااااااااااااااااااااااااااااااااااااااااجد

قهوه فرنسيه اسم المكتب الخرافي
احبج في الله

 

[الحلا^^مبتليني]

بنات شلونكم .. أنا ان شاء الله راح أسافر سويسرا بتاريخ 9/7/ مع ابو العيال والعيال .. ومأجرين سياره وأجرنا شقه فى انترلاكن ومدة الرحلة 20 يوم وراح نفتر فى مناطق سويسرا وبنروح مناطق الحدود اللى بين سويسرا والمانيا وفرنسا​

عليكم بالعافيه وتروحون وتردون بالسلامه

 

[rawona]

هلووو بنات شفيكم غطيتووو رفعو الموضوع بعد قلبي تجمعنا وايد مهم ترى
روانووو شرفتينا بوجودج بس ماسولفتيلنا عن انترلاكن؟؟؟

انترلاكن مريتها يوم واحد واحنا رايحين رحلة مع القروب حق قمة يونغ فراو


المكان هادي وحلو ماشاءالله .. بس مافيه شي ترفيهي كله تمشي وفي شارع رئيسي بانترلاكن فيه مطاعم ومحلات تبيع كاكاو ومجمع ضغير فيه محلات ماركات مثل فيرغامو وكارتير وغيره ..

بس ماشاءالله الطبيعة خيال والوان الورود عجيبه .. وهم فيها باراشوتات .. حبيت المكان مع اني ما طولت فيه ..


اذا الله سهل وفضيت (اكيد مو بهالفترة) راح احط تقرير عن سويسرا مع الصور
​

 

[الحلا^^مبتليني]

انترلاكن مريتها يوم واحد واحنا رايحين رحلة مع القروب حق قمة يونغ فراو


المكان هادي وحلو ماشاءالله .. بس مافيه شي ترفيهي كله تمشي وفي شارع رئيسي بانترلاكن فيه مطاعم ومحلات تبيع كاكاو ومجمع ضغير فيه محلات ماركات مثل فيرغامو وكارتير وغيره ..

بس ماشاءالله الطبيعة خيال والوان الورود عجيبه .. وهم فيها باراشوتات .. حبيت المكان مع اني ما طولت فيه ..


اذا الله سهل وفضيت (اكيد مو بهالفترة) راح احط تقرير عن سويسرا مع الصور
​

بعد قلبي عليج بالعافيه
وياليت تحطين لنا الصور لان بقى على سفرتي اقل من شهر

 

[غديران]

ما قصرتو
ادعولي ارووووووووووح

يارب يكتب لج سفرة من اللي بخاطرج

والله يوفق الجميع

 

[باونتى]

بنات اللى رايحه انترلاكن ياريت تعطينى معلومات عن هالمنطقة .. شنو الاماكن السياحية والسوق

 

[ظلال القرآن]

انترلاكن قعدت فيها عشر ايام عجيبه تينن
وحولها تقريبا 29 مكان سياحي مشهور راح انقلهم لكم بعد شوي