ديوانية شموسه ورينبو...الي ولادتها بالصيف تتفضل تقرق معانا

[ملاك هدية]

هاي بنات
علوم البطات
سويت تحليلي اليوم وباجر النتايج شكو ما ادري دايم بنفس الوقت بس الحين لازم العدان يستعبط على مخي
والله كريم

 

[ملاك هدية]

اوشال
انا مريحه عمري وحاطه بنتي في حضانه
علشان ارتاح
بس المشكله في اني لازم اقعد كل يوم الصبح علشانها بس ارد انام ((بس لحظه انا ما انام يعني مافرقت))

 

[ملاك هدية]

الف الف مبروك يا جاكليت
والحمدلله على السلامه

 

[rainbow_brite]

اخر ذكرياتي مبروك ما ياج ويتربى بعزكم وحمد الله على سلامتج

 

[rainbow_brite]

هاي يا احلى حوامل

شكله امس طافتني السهره بس ما عليه خيرها بغيرها



بحاول ارد الحين على سوالفكم قدر الامكان قبل الزحمه لان انا الحين بروحي بالديوانيه

نونيا حبيبتي الله يعينج عالنفسيه وسلامتج ما تشوفين شر بس ترا لازم الوحده لم ادش شهرها يصير جذي من المحاتاة والبجي شي طبيعي انا اتشوفيني ساعه وساعه يعني مره فوق ومره تحت واليوم تحت ما ادري شفيني ظيقه ونفسيه حتى ريلي خذاني فرني شوي بالسياره عشان اغير نفسيه هم ماكو فايده المشكله اني مو لاقيه احد احط في حرتي غير خذامتى الله يعينها علي هالايام وريلي يقولي بسج تفكير شنو على راسج جبل والله ما يدري افكر هالايام بكل شي الولاده والاربعين وشقتي وريلي احاتيهم اتشوفوني هالايام اول باول اغسل الهدوم والشقه تنظيف يومي عشان لا سمح الله وياني الطلق اكون مستعده


الله كريم ان شا الله وتتسهل الامور



توتو نعيما والله يسهل عليج ان شا الله من عذرج تقولين الطقات زايده تحت لان الياهل نازل يالله ما بقى شي وترتاحين الله يسهل عليج يا رب وتولدين بالسلامه



ملوكه ما تنلامين على هالدكاتره خل اقولج موقف صارلي في بجري لي يومج ما انساه يوم كنت حامل في بجري حاشتني بشهري حراره قويه والحراره الزايده مو زينه حق الياهل المهم رحت طواري الصباح وكان في دكتور كبير ويمه دكتور صغيرون من هذول اللي يدربون ميداني يعني طالب المهم دشيت جان يقوله الدكتور يالله شوف هالحاله اللي جدامك يعني انا المهم شافني وحطلي الحراره بحلجي وقالي لا تتكلمين المهم سالني سوال وجاوبته والحراره بحلجي وغصب جاوبت جان يقولي بكل وقاحه انا مو قتلج لا تتكلمين اممبيييييييه اهو قاعد يسالني وبعدين طلع الحراره وحدي معصبه ما لي خلقه عاد تخيلو شنو قالي عقبها بدال لا يسالني الغبي متى اخر دوره او شنو فيج تخيلو يسالني انتي متزوجه هذا بالله شتردين عليه انا قتله لااااااا يعني هالكرشه اللي جدامك شنو يعني حامل ومو متزوجه ايصير اييله بريولي شنو هالاستعباط ليومج معصبه عليه قطيعه
وملوكه الفيلم بصراحه وايد حلو لو ما كنت انا تعبانه وماسكني عوار الظهر وشفت الجيس اللي طلع منه البطاقه امبييه بس بدايه الفيلم شوي قويه وفشله عاد اتخيلي بالليل اغلب الللي بالسينما شباب حده احراج عاد ملوكه ريلي مدمن افلام مصريه ترا رايح الفيلم قبل لا يروح معاي وتلفزيون بيتنا اذا مو على ام بي سي 3 حق خلود تلقينها على روتانا حق ابو خلود وانا الضحيه
اقول ملوكه شرايج باللي معاه انا عجبتني خصوصا لم اكشخت بالتركوازي بصراحه عجبني البروش اللي على شوارفسكي الفراشه ما ادري ببشيره اللي حاطته على صدرها اينن بصراحه استحيت على ويهي وانا قاعده يم ريلي ويشوفها وانا ويا كرشتي


ام حمودي واوشال وملوكه العمر كله ان شا الله ملاك هديه انا كبرج توني دشيت 26 انتي اي مواليد ؟؟؟؟؟؟؟


بنت النوخذه يحليلج شوقتيني عالعيش عليج بالف عافيه بس ديري بالج بالاربعين لان العيش ممنوع يسوي كرش انا ما اكله طول نفاسي بس اكل خبز شوي والله اتصدقين بعد انا جذي بدوامي فشله بعد يقولولي ها ما ولدتي صج فشله واحراج وقسمي كله رياييل وعندي مصري كل ما اخذ اجازه اسبوع يجيك على بطني متابع حمالي اول باول لا ويسالني شنو قالج الطبيب بنت والا ولد بعد اتصدقين اخر مره شافني يقولي اي ده وشك انتي فين عيونك قصده ويهي انتفخ بس خليها على الله عاد انا معطتهم طاف كله مرضيات واذونات والحمد الله من السبت اجازه فكه من ويه الدوام

ومشكوره بنت النوخذه على الادعيه ما قصرتي وبصراحه على الاسامي اللي اختارها ريلج حلوه وايد انا تعجبني انا اقترح علييج اسم شيخه وايد حلو مع طيبه ولا اتحاتين اسم الياهل سبحان الله ايي معاه عاد تخيلي اسم ريان روان رزان حلوين صح اسامي البنات اتيين واتحير

وصاجه اسم عايشه يهبل انا عمتى اسمها عايشه كانو بيسمون اختي الصغيره عايشه بس عمتى كانت موجوده وما حبو يسمون عليها نفس ما قلتي فال مو حلو في ناس تفكيرهم جذي يحليلها اختج قاعده اتحاتيج وعليه لان امج مو هني عاد انتي نطري امج اتيي بالسلامه بعدين اولدي خخخخ مو باقي شي على ما ترد بالسلامه ان شا الله

اوشال ريلي طفارته سينما نص الليل مع ان انا نفسج احبها عقب العشر احس صج جو سينما ريلي يحب السينما الظهر بس امس طق في باله بالليل عاد طلعنا من الفيلم عالوحده وعيالي كنت موديتهم بيت امي عند خواتي ولم رديت حبيبي الصغير نايم والكبير ناطرني كسرو خاطري


ملاك هديه شهاللبناني اللي يفتح النفس اللي بدوامج تبادلين دوامج بدوامي خخخخخخخ



بنات وانا اقرا الردود وايد ضحكت بصراحه سوالفكم اتينن والقعده معاكم ما تنمل وسامحوني اذا ما رديت على كل ردودكم هذا اللي قدرت عليه

 

[rainbow_brite]

الفرحه السجينه مبروك ما ياج




وحمد الله على سلامتج





يتربى بعزكم

 

[ملاك هدية]

يا اهل البيت
احم احم
ماكو احد ليش ؟؟
طقو الدوانيه عين
ولا
شكل بنات شهر العسل ولدو؟؟؟؟؟؟؟؟
احس بشي غريب وانا قاعده بروحي بالدوانيه ماكو احد صخه
على العموم باركولي نمت كلوووووووووليش
فيه تطور نمت من 11 بالليل لما 4 الفجر يعني 6 ساعات ما اصدق
بقول مشالله بس لا احسد روحي(( مايحسد النوم الا اصحابه))

 

[ام حمووودي]

جاكليت الحمدلله على السلامه ومبروك ماياج وتتربى بعزكم انشالله

 

[ام حمووودي]

:eh_s(2): :eh_s(2): :eh_s(2):

أمبيه شفيكم اذا نامت بنتي مبجر

منو بيجابلها الصبح

بنتي تنام معاي وتقعد معاي ..وبنص اليوم تاخذ قيلولة

اذا نمت الساعه4 الفير منوو بيقعد معاها الصبح !!

ماكو غيري

أم حمودي أشلون نظامج مع حموود وبنت النووخذه شنو نظامج مع طيوب ؟؟

اوشال انا حدي مرتاحه من هالناحيه ولدي وايد متعلق بيدته فتلقينه مايبي ينام الا عندها ويقوم الصبح وياها ....... لوووووول <===== خوووووش جنه

بس اليوم الحمدلله ربي هاديه ونايم عندي :eh_s(3):

 

[ملاك هدية]

ام حمودي وينج؟؟
وليه انا ما صدقت لقيت احد
مو مشكله بطق فره بالمنتدى لين تردين
صايره كله اروح قسم العنايه بالشعر والبشره حق التعدل في النفاس
لاصلاح ما افسده الدهر(((الحمل))
للامانه يا بنات شعري وقت الحمال يصير شي مو طبيعي عجيب
مع ان شعري بوي طويل بس صج يصير فيه لمعه وحركه عجيبه في حمالي الاول كان طويل وعجيب بس على طول حسيته بعد الاربعين

 

[ام حمووودي]

الدوانيه فاضيه حسافه

بس ماعليه هم بقولكم شصااااااار وياي امس ,,,

الله يسلمكم امس كان عندي موعد عند الطببه ومثل ماقلتلكم بتسويلي فحص ... المهم افحصتني وقالتلي الرحم متوسع سانتي وانا وسعته لج نص سانتي ... وقالت شربي زيت خروع خلطيه مع عصير عشان يفتحلج الرحم ... عاد من رديت امس من عندها وانا احس بعوار يروح ويرد قلت بنام مبجر برتاح بس تعبت من النومه ماني عارفه انام قلت خل ادش اسولف وياكم ... بنات من سوتلي الفحص وانا قاعده احاتي اخاف اولد اليوم ولا باجر :eh_s(2):... نبي دعوااااااااااااتكم بناااااااات

 

[ام حمووودي]

ملوووووكه انا هني مارحت مكااان ... وعلى طاري الشعر انا اللي اعرفه ان يصير حلو مع الحمل بسبة الفيتامينات اللي ناخذهم

 

[ملاك هدية]

سلامتج ام حمودي
توكلي على الله ولا تحاتين
وانشالله الولاده بتكون تساهيل من عند الله
تدرين انا احس ان الشهر الثامن من الحمال يزهق احسه طويل ماله داعي؟؟

 

[ام حمووودي]

الله يسلمج ياقلبي ... اتصدقين بولدي ماكنت احاتي هالكثر بس الحين مادري شفيني حتى النوم ماانام عدل من كثر التفكير

 

[ملاك هدية]

وانا مثلج افكر بس شسوي كل شي على راسي كل اهلي مسافرين وماعندي احد اروح واجي معاه بعد عمري امي كانت شايله عني حمل كبير بس الحين حدي كليتها كل ما عجبني شي ودي اشتريه اقول لا يمكن موحلو مافي احد يساعدني الراي
وزهقت كله بروحي بالبيت واذا طلعت ادوخ مااتحمل والمستشفى ملوع جبدي كل ماجيتهم يقولون يالله دخول وانا انحاش علشان بنتي حرام محد عندها ما ابالغ يابنات لو اقولكم صج محد من اهلي بالديره كل الناس مسافر وانا قاعده مع كرشتي وبنتي

 

[شمس و قمر]

شلونكم بطات

ماشالله عليكم

تف تف تف تف لاحسدكم<<<<<<<<<<<ترى بس هوا بدون سعابيل


اولا قبل لاانسى

مبروك للفرحه السجينه واخر ذكرياتي

وراح اعدل الجدول


باقي فروتي محد طمنا عليها


ملاك هديه

الله يعينج ويردلج اهلج بالسلامه

بصراحه وضعج حيل يكسر الخاطر

على فكره حتى انا عمري 26 ههههههههههههه لاتستانسين مو اكبر وحده انا ورينبو كبرج

اوش اوش

زين تسوين احسن شي تنومين بنتج وتقعدينها بنفس توقيتج عشان نفسيا ترتاحين


ام حمووودي

ماشالله على ولدج حده مبددددددع

واحسن شي انه يحب ينام عند جدته ترتاحين شوي ههههههههههه

انا بنتي الحين يوم عندي ويومين عند اهلي

امس خذيتها وسوتلي مناحه بالسياره

تقول

اليوووووووووووم دور جده مودوركم............ ياربي غصب؟؟؟ انا ماحبكم ابي بيت خوالي


نونيا

شخبارج يابطبوطه


دونات

شلونج وشلون ولي العهد


كاشونه اصليه<<<< اخر العنقود عسل معقود

هههههههههههه دلوعتنا

ترى مادري كم تاريخ ولادتج وبصير كونان واسوي بحث لازم نحطج بالجدول عشان تتحسن نفسية دونات هانم


توتو

يالله شدي حيلج حبيبتي



بنت النوخذه

شخبار طيوبه

حبيبتي الاسامي مو الى تجي على القافيه يعني مالج شغل سمي الي تبينه

انا بناتي كل وحده اسمها بصوب



رينبو

ازيك ياقمر وحشتيني




منو منو منو ياربي منو بعد ماسولفت معاها!!!
اذا ناسيه سوم بودي بليز تعذرني :eh_s(17):

 

[شمس و قمر]

جـــــــــــــــــــــــــدول العضـــــــــــــــــــــوات النشـــــــــــــطات

ذكريات 6-5-2006<<<<<< ولدت والحمدلله.... جابت ولـــــــــد

كات وومن 26-5-2007<<<<ولدت بالسلامه....وجابت بنوته حلوه

مي الحلوه 20-6-2007<<<<ولدت بالسلامه وجابت ولــــــد:eh_s(17):

دموع الذهب 23-6-2007 ولدت باذن الله وناطرين اخبارها

كي كي 23-6-2007 اكيد ولدت بس محد قالنا

الفرحه السجينه 26-6-2007 ولدت الحمدلله وجابت بوووووي

فروتي.......... ولدت ان شالله بس ماندري شنو جابت:eh_s(8):

ام عواشي 1-7-2007<<<<<ولدت بالسلامه وجابت بنوتـــــــه:eh_s(17):

شروفه 2-7-2007 <<<<< ولدت وجابت بنوته حلوه اسمها نور


TooTooتو تو 10-7-2007 شدي حيلج يالبطه عطلتينا

جاكليت 12-7-2007 ولدت وجابت بنوته عسلللللللللل

رينبو 1-8-2007

زقرتيه 1-8-2007

شمس وقمر 1-8-2007

بنت النوخذه 2-8-2007

ام آلاء 2-8-2007

nonia نونيا 2-8-2007

fjnt ام شيوخه 5-8-2007


اوشال 8-8-2007

ماي لوف 1-9-2007

ملاك هدية 3-9-2007

دونات 30-9-2007

كاشونه .... مادري متى بالضبط

 

[شمس و قمر]

اليوم العصر عندي مراجعه والله يستر

اي صج باركولي

اخيرا اخيرا زهبت الشنطه بس باقي تناتيف صغنطوطه


بنات

نفسيتي صايره زييييييييروووووووووووو:eh_s(11)::eh_s(14):

تخيلوا حتى مالي خلق اروح السوق ذاك اليوم وداني زوجي غصب سنتربوينت عشان ناقصتني اغراض للبيبي ولبناتي

عاد انا اتسوق من غير نفس ومع هذا شريت حق 50 دينار خخخخخخخخ

ترى ماكان ناقصني الا رضعات للبيبي

عاد ماقاومت اغراض البيبيات عندهم

خذيت لفه اصفر فاتح على ابيض وركبت عليها افارول مقلم بأصفر وكبوس اصفر بابيض وله اذاني صاروا طقم كيووووووووووووت:eh_s(9):


بس صج صج النفسيه حدها تعبانه

احس اني بس افكر شلون بقدر على 3!!!!

الحين ماشالله 2ومجنيني خصوصا الصغيره صايره عوبا بشهادة الجميع ........................ ياربي اتحطم لمن اشوفها توها صغنطوطه نتفه:eh_s(16):


احس فيني قرقه بس افكاري مشتته ههههههههههه

 

[TooToo]

هلا فيييييج شمس وقمر قلبج علينا حبيبتي ومو ناسية احد --اما بالنسبة حق النفسية سكتي زفت * زفت * زفت ولله الحمد للوووووووووووووول

انا صج بطة على قولتج -- الا فقمه هاهاهاهاهاهاه موعدي على 14-7-2007

اذا ما ياني شي وولدت قبل الله يستر

 

[Cute Kitty]

هااااااااااي بنات شلونكم

أول شي باركولي على اسمي اليديد
شرايكم القديم احلى ولا اليديد ؟

خفت امسميه روحي ام آلاء وامس تناقشت مع زوجي وشكله بيهون على هالاسم قلت اغيره بالمنتدى احسن هههههههه

عموما حبيت اسلم عليكم كلكم

رينبو
شموسه
اوشال
دونات
نونيا
ملاك هديه
توتو
بنت النوخذه
كاشونه

وان شاء الله ما اكون نسيت احد

انا لي عوده بعدين ان شاء الله بس الحين حدي تعبانه وبروح انام