مرحباااا بكم اخواتي ^_^
من زمااان ما دخلت المنتدى ,, ما ادري وش السالفة فيه جت فتره وانا أحاول ادخل بس مو راضي صار لي اسبوع
المهم أبشركم : قبل اسبوع شفت الدكتور حق العمليه ( الدكتور عثمان الطويرقي ) وبشرني بإني جاهزه للعمليه وانشاء الله راح تكون في شهر 7 يعني بعد شهر من الآن ( الله يسهلها ويتمم على خير انشاء لله )
بالنسبة للأخوات سعادتي بإيدي و ام شادن < اتوقع ^_^
سمعت إنكم حابين تعرفون أحسن الدكاتره بهذا المجال :
للأسف أنا من أهل الرياض ولا أعرف الدكاتره الي في جدة :
الي اعرفه عن دكاترة الرياض هم 3 وخريجين أمريكا
الأول وعلى رأسهم : عثمان الطويرقي < رئيس قسم الحوادث وجراحة الفكين في مستشفى الحرس الوطني في الرياض ( وهذا كلام جميع الدكاتره عنه في الرياض وهو المعروف بأول خريج سعودي بجراحة الفكين من أمريكا ) وهذا الكلام كله من الدكاتره الي رحت لهم قبله .
وطبعا يسوي العمليه غالبا في مستشفى الحرس الوطني وأحيانا في مستشفى المملكة < ( أرجع وأقول أحيانا ً ) ولا ادري ايش السبب بالضبط .
الثاني : الدكتور ناصر نوح وهو موجود في مركز سيجال الي بالثلاثين ( ويسوي العملية في مستشفى المملكة ) طبعا ناصر نوح هو الي قال لي روحي للدكتور عثمان الطويرقي تراه أستاذي في هالمجال وتعلمت منه أشياء كثيره ويعتبر أفضل الدكاتره بهالمجال .. وتقدرون تسألون عنه .. ولقيت له إعلانات في الجرايد والمجلات بأنه ممتاز ومتمكن بهالعمليات
الثالث : الدكتور صالح البازعي في مستشفى الحبيب بالرياض < ونفس الشي هو خبرني عن الدكتور ناصر نوح ..
أنا بالنسبة لي عندي مو بروز لأ .. تقدرين تقولين إن الفك العلوي نامي بزياده على تحت < مما أدى إلى ظهور اللثه بشكل غير مرغوب فيه أثناء الإبتسامه .. وهذي كانت مشكلتي .. بالبدايه حسبت انه بروز بالفك العلوي ولكن لما رحت للبازعي أول شي قال لي لا هذي يبيلها تدخل جراحي وقال لي روحي لناصر نوح في سيجال ورحت له ونفس الحكي قاله لي وبعدها قال لي ناصر نوح روحي للطويرقي في الحرس ( على إني كرهت الطويرقي بالبدايه لأنه حاول يقنع أهلي بانه مو لازم العملية وعطاني حلين بدال العمليه ولكن ما راح تعطي النتيجه الي انا ابيها .. وقال لي صح ان العملية بتعطيك النتيجه الي انتي تبينها بس شغلها صعب وطويل ... بس أخر شي طبيت عليه وقلت له ما لك شغل فيني ههههههههههههههههههههههههههههههههههه اقنعت أهلي فيها ولله الحمد
أما الحين أنا مرره مبسوطه معاه ... الله يتممها ويسهلها لي ولكل وحده تنتظر عمليتها يآآآآآآآآآآآآآآآآآآآآآآآآآآآآآآآآآرب
طولت عليكم أدري لوووووووووووووووووووووول
تحياتي لكم
