ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الله يا

[عذبة السجآيآ]

ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الله يا

بسم الله الرحمن الرحيمم

السلام عليكم ورحمة الله وبركاته .....

هذا أول موضوع لي بالقسم واتمنى انه ينال على اعجابكم ..:aha:


{ ماهو أكبر درس لقنته لكي الحياة }



نعيش في هذا الحياة ونمضي في دروبها ونسعي في طرقاتها ..

وفي سيرنا هذا نصادف من العبر والدروس والشئ الكثير............

نعم نصادف ونعيش !!

ونظلم نمضي لنصادف من جديد ونتعلم من مدرسة الحياة ..

(( الــــحـــيـــــــــــاة ))

أكـبــر مدرسة .... وأعظم مدرسة ..في الدنيا


والذي لم يتعلم فستعلمة الحياة أعظم الدروس وأكبرها..


والسؤال هنا ...؟


[ >> مــــــــــاهـــــــو أكـــبــــر درس لــقــنـــتــة لـكــي الحــيــاة << ]


الكثير منا يتعظ من مواقف تحصل له دائما .. مع اي كائن كان ..


ماهو موقفك من هذه المواقف التي قد تكون مؤلمة
وقد تكون نتيجتها سلبيه عليك ؟؟



هاهي مفاتيح النقاش..

ولــكم أن تفتحوا أبـــوابــهــا..:aha:


تحياتي لكم>> السنافيه 305 >> سنسن

 

[بنــت ** الشيخ]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

مرحبا يالسنافيه يشرفني اني اكون اول وحده ارد عليج
موضوعج حلو واذا بقولج دروس الحياة والطراقات اللي حاشتني منها ما نخلص
بس اكبر درس خذينه

ان داخل بيتنا عالم وبرا عالم
وان لازم ما احب الا اللي يحبني
وان الاقارب عقارب
وان الحسد ماكل قلوب الناس
وان ما يحسد الا اللي وضعه احسن من وضعج
وان لو تلفين الدنيا غير زوجج وامج وابوج وخواتج ما تلقين احد يخاف عليج

 

[عذبة السجآيآ]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

ياهلا والله وغلا في بنت الشيخ نورتيني يابعدي

وفعل كلامج عين العقل العالم الخارجي يختلف تماما عن المحيط الداخلي في البيت

ومحد يخاف عليج كثر اهلج وناسج اللي تعرفينهم عز المعرفه

وفعلا بعض الاقارب فراقهم عيد << سوري على هالكلمه

لان اللي نشوفه في هالزمن الغريب يكون وفي معاج أكثر من القريب


نورتي صفحتي يالغلا ويسعدني مرورج دايما

 

[عذبة السجآيآ]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

ياهلا والله وغلا في بنت الشيخ نورتيني يابعدي

وفعل كلامج عين العقل العالم الخارجي يختلف تماما عن المحيط الداخلي في البيت

ومحد يخاف عليج كثر اهلج وناسج اللي تعرفينهم عز المعرفه

وفعلا بعض الاقارب فراقهم عيد << سوري على هالكلمه

لان اللي نشوفه في هالزمن الغريب يكون وفي معاج أكثر من القريب


نورتي صفحتي يالغلا ويسعدني مرورج دايما

 

[hend6363]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

مرسي علي طر الموضوع اجا في وقته علي الوتر الحساس خخخ <--- وحده تسمع انت ما صدقت و متاثره خخخ

تعلمت اني ما اثق في حد خصوصا عيلتي (ولد عمتي ولد خالتي بنات عمي )
ان احب نفسي كتير ما اقول اسراري
ما اعطي قلبي لاي احد احبه بس لالي يحبني

 

[اميره جورج]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

موضوع وايد حلو 00000 علمتني الحياه انج تجاملين الناس وتعاملينهم بطيبه وحب لكن ياويلج لو تغلطين غلطه مو موقصوده 0000 خلاص ينسون كل شي حلو منج 0000 وان عواطف الانسان لازم مايعطيها الى امه وابوه واخواته 000 000 وملاحظه شغله غريبه اشوف الناس تبلدت مشاعرهم ماعليهم من احد ولايكلفون على انفسهم انهم يحسون بالي حولهم تبلد فضيـــــــــــــــــــــــــع 0000

 

[وردة بيتنا]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

مشكورة حبيبتي على الموضوع الحلوو

تعلمت من الحياة ان ماكو عمل صالح يضيع ، اكو قانون اسمه قانون الارتداد اهو ان اي شي تسوينه راح يرد لج ، اذا سويتي خير بناس و ما بين بعينهم لا تزعلين لان الله سبحانه راح يرده له مع ناس ثانية او بشي ثاني راح يرده لج سبحانه ، دام النية لوجه الله فماكو حسافة على ولا عمل صالح لان كله موجود و ربي شايف و خاشه لج وبيعطيج اضعافه بعد و يرزقج اضعاف اللي تبينه


العمل الصالح و العمل التطوعي اجمل الاشياء بالدنيا

 

[مهرة البيد]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

السلام عليكم
موضوعج جدا جميل ويشرفني ان اشارك فيه
دروس الحياه كثيره وكلما تقدمنا بالعمر تعلمنا اكثر
وعلى الصعيد الشخصي علمتني الحياه ان التضحيه والايثار
من اجمل الصفات ولكن ليست على حساب نفسي
ضحيت بالكثير من أجل الغير واكتشفت متأخره انني آخر اهتماماتهم
وهنا تعلمت ان أنا والعياذ بالله من كلمت أنا استحق ان اكون بالمقدمه
وان اسعى لسعادتي وراحتي بالمقام الاول
لذا نظرت الى نفسي وأعطيتها حقها وهنا عرفت معنى السلام الداخلي
والسعاده​

 

[عذبة السجآيآ]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

نورتوا الموضوع يالغوالي

وفعلا الناس في الزمن هذا صار الواحد يخاف يقولهم السلام عليكم ويفهمونه غلط

والسر محد يحفظه غير النفس لان الدنيا ماعاد فيها امان والقليل فيها نادر

 

[}_غلآتي_{]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

{ ..عـلـمتني آلــحــيآة ..}

1 - لا تأمــن الدنيــآ تـرى من يـآمن الدنيــآ غــبي

2 - عامل الناس بأخلاقك ولا تعاملهم بأخلاقهم :rerrerek:

3 - مـن رآح مــن كــيفه وكــيفه يوديه خــله على كيفه وكيفه يــرده ​

شكرآ على الموضوع الرأئع

 

[مطـــيــريهـ فـــوشيـــآ]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

اكثر شي تعلمته بهالدنيا
اني مانطر كلمه حلووه من احد
اتصالح مع ذاتي
احب نفسي
الاولوية لي بكل شي
ماخلي حقي
عيني قوية للي مو كفو تعطينهم وجه
الصراحة انا ماثق ولا احب كثر امي الله يخليها لي
للاسف حتى الأهل صار ينخاف منهم !
واكثر شي يقهر
اني لما اكون طيبة وصادقة مع الناس واحترمهم للاسف الكل مايحترمج واتصيرين اخر همهم
وينداس عليج وينوخذ حقج
صج شي غريب !
بس
الدنيا حلوه بحلوها ومرها

 

[~عشق المطر..~]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

علمتني الحياة ان الثقه ماتنعطى لاي احد
وان الزوج موكل شي واشياء كثيييييييييييييييره

 

[Q8iYa'87]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

:e3: على هالموضوع النايس ..

تعلمت .. يا كثر اللي تعلمته و انا اختج ماقدر احصره بدرس واحد اهي عده دروس .. معا :eh_s(21):

تعلمت .. ان سنة 2008 اهي نقلة نوعية كبيرة .. بحياتي .. نقلة بعمري كله ما حلمت اني انتقلها .. ليش ؟ لأن :-

1- علمتني ان .. الصاحب (( ساحب )) و بقوة عشان جذي لازم نتبع الرسول صلى الله عليه و سلم لما قال " المرء على دين خليله .."

2- علمتني ان .. مو كل من ضحك بويهي معناته .. رفيجي و يحبني .. و اللي معاج طول الوقت بعدين لقت وحده على مزاجها و مودها و هدتج .. حتى لو رفيجتج من عمر .. ما تعتبر رفيجتج بهاللحظة

3- علمتني .. أن ماكو أحن .. و أطيب .. و أحلى من قلب الأم على بنتها .. لو عاملتها بقسوة .. بس قلبها الحنون ما يقدر يظل قاسي ..

4- علمتني .. رضا الأهل و لمتهم و يمعتهم .. يسوى الدنيا و مافيها ..

5- علمتني .. اذا انقضت ايام حلوة .. ايام ذهبية .. ميخالف .. لانها راح تظل بالقلب و لما اتذكرها ابتسم و اقول ايام حلوة .. و ان مهما صار .. راح تيي ايام احلى منها ..

6- علمتني .. ان الشكوى لغير ربي مذلة تهد الحيل و تكسر الظهر

7- علمتني ما ارافج اي احد

8- علمتني أن .. الوفاء للأماكن .. اييب نتيجه اكثر من الوفاء للناس

9- علمتني .. ان الدنيا ليلحينها بخير .. و ليلحينها جميلة ..

10- علمتني ان الكآبة و البجي و المود الحزين الانسان اييبه حق نفسه .. و متى ما قرر يطلع منه .. راح يطلع

11- علمتني ما انصدم من المشاكل .. بالعكس احتويها ..

و وايد اشياء .. سوري قرقت .. بس بقلبي كلام شكثر و دروس وايد و عبر :***

 

[دلال22]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

الدنيا علمتني ان مااعطي اسراري حق رفيجاتي لان الرفيجه ممكن مع الايام تنقلب عليج حتى لو كانت ذهبه

 

[يوآش يوآش]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

الدنيا علمتني اشياء وااااااايد بس اكثر شي ثابت ابالي

ان محد يعطي كثر ما ياخذ ..

يعني الناس ياخذون منج وياخذون وياخذون وتاليتها بس تحتاجينهم باتفهه الشغلات محد يمج ..

وطبعا هالشي ماراح يخليني اوقف عطائي : )

وعلمتني الدنيا ما اجامل واقط الحجي بالويهه واكون صريحه وحقانيه ..

لان انا ياما جاملت ناس واهما على اقل شي نشبولي عظم بالبلعوم..!!

 

[راعية الكيف]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

موضووووووعك حلووووووووووو وراااائــع ...

ااااه تعلمت من الحيييياه الكثييير وانا سني صغيــر .. والدروس كانت من اقرب النــاس لي ..

وصدق من قال جزاء المعروف سبع كفوف ..

وعلمتني الحياااه ابتعد عن الاقارب .. وبعد علمتني اني ما أكون زهره مفتوحه لهم وياخذون رحيقي وتالي ..............

عموما عند ربي مايضيع شي ابـــدن ..

وجزاك الله خييير ياحلووووهـ

 

[Um Turki]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

تعلمت من الحياة الي مو كفو صداقه احط عليه اكس وارميه وراي وواصل حياتي لأن الحياة لاتقف عند هذا الصديق

 

[ريري1]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

تعلمت أنه الركض لدنيا ضياع وغفله

 

[جروح76]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

والله يا محفوظات السلامه الحياة علمتني وااااايد وياما دقت على الراس طبول

أولا : مافي أحد ياخذ بلالالالالاش ولا يحبك في الله ... لالالالازم يبي منك مصلحه
ثانيا : كما تدين تدان
ثالثا : انتقام ربنا كبييييييييييييير والله يمهل ولا يهمل

إلخ إلخ إلخ ......

أشياااء وايد ودروس كثيره مثل ما قالو الخوات ما نقدر نحصر في هالموظوع يبيلنا جرايد ومجلات يالله تكفي وانا اختكم​

:e3:

 

[بنت شيخ]

رد: ّّ ماهو .. أكبر .. درس .. لقنته ..لكي ... الحياة .. << للنقاش والاستفاده حياج الل

اولا احب اشكرج على موضوعج الجميل جدا

بصراحه موصوعج يبيله قعده مع النفس شوي

لكن راح اقولج اللي اذكرهم

تعلمت

ان دام ماما وبابا راضين علي مايهموني باجي الناس

تعلمت

ان ما اسمع للقلوب الحاقده والنفوس الضعيفه
اذا اتتك مذمتي من ناقض فهي الشهاده لي بأني كامل
تعلمت

اني اتعامل بانسانيتي بطبيعتي

انا شنو

يعني مثلا حاولت شكثر اغير من طيبة قلبي لانه كثييير استغلوها والمشكله الناس القراب مني اهم اللي استغلوها
بس بعدين بالاخير حبيت احتفظ فيها لانه هذا اللي يميزني عنهم

وبعد انا وحده حيييل حساسه يمكن على اتفه شي ابجي فصاروا يستغلون هالشغله ويتعمدونها حبيت اني اغير وفعلا غيرت اني اتحمل اني ما ابجي جدامهم بس احتفظ بهالميزه اللي عندي

وكثير منها مثل العفويه الكرم حب الناس ابدي الغير علي

احب احتفظ بانسانيتي << جني طلعت برا الموضوع لووولي :d
وفي اشياء بعد بس المشكله ناسيتها

مرسي لموضوعج ولج