زعلانه من ماما

[خير يا طير]

السلام عليكم و رحمة الله و بركاته


حبيباتي في منتدى كويتيات



:eh_s(2)::eh_s(2)::eh_s(2): صدقوني حاسه بهالاحساس
متضايقه بداخلي بس أغصب عمري أكون عاديه و طبيعيه



ايه نعم زعلانه من أمي بيني و بين نفسي

أكيد ما بينتلها هالشي

هذي أمي حبيبتي عسى الله يخليها لنا هي و أبوي

بس كلامها يجرحني

تحسسني إني بايته و كبيرة بالعمر و محد بياخذني و حاطه في بالها الي بيي على طول بتوافق عليه :lkmnkl:

من و أنا صغيره ما كنت أحب أطلع من البيت و لا أحب أختلط مع الناس وايد و ما أحب الأعراس خير شر

أحس بصداع من الازعاج

و لين يومكم ما أحضر مناسبات كثيره و متعوده على هالشي و مرتاحه بعد

خواتي الي أصغر عني ايونهم خطاطيب و انا أدعيلهم من قلبي الله يوفقهم و ايسر امورهم و إذا رفضوا (خواتي) أمي تقول للناس عندي بنيه أكبر (تذبحني و الله ) أحس إنها تعرضني للناس و هم ما يبون تحرجني وايد وايد

هم ايون لوحده معينه و فجأه أمي تعرضني عليهم :eh_s(2)::eh_s(2):

ياربي و الله عيني دمعت و أدري إني ببجي الحين

الله مارزقني بشخص يتمناني لشخصي

فشو أسوي بعمري

الحمد لله أنا جدا مقبوله و أشوف نفسي زينه من كل النواحي و لله الحمد و هذا نصيبي و أنا مرتاحه

مشكله أمي أنه عمري 27 سنة و بعنس


أذكر الله و أدعي ربي يرزقني بزوج و ذرية صالحه و للحين مافي شي

بنات و سيدات خبروني شو أسوي:lkmnkl:

الله يوفقكم دنيا و آخره

 

[المكسيكيه]

الله بالعون

 

[غلا ستايل]

الله يكون بعونج

 

[G!RLY-PAci]

ميخالف حبيبتي
الله يفج ظيجتج يارب
وهذه امج مهما كان اكيد مو قصدها تجرحج ولا تدلل عليج
اهيا بس تبي تفرح فيج وتبي تشوفج عروس
الله يتمم عليج ويرزقج بالزوج الصالح يارب

 

[هميانـ]

هم البنات لين الممات ,,, امج تخاف عليج وتبي لج الزين واحسن شي للبنت مهما كان عندها من الشهادات هو الزواج وبس لانها تبي لج الستر والاستقرار وانشاء الله باجر لي تزوجتي وصار عندج عيال بتشيلين همهم مثل الوالدة الله يطول بعمرها يارب
وانا انصحج ريحي قلبها لو بكلمة وجاريها وبشوفين شلون بترتاحين ,,,,
اتمنى لج كل التوفيق

 

[حلوه ولمآحه]

بعد قلبي والله الله يوفقج ويرزقج يااارب العالمين ،،
بس هذي امج لو ماتحبج وشايله همج ماقالت هالكلام،،
مافيها شي لو قالت لهم هذا مو عرض يابعد قلبي ،،
عاادي كم وحده تزوجت وهذي هي الطريقه وعايشه سعيده ومتهنيه،
الله يرزقج ادعي ربج ،،

 

[جمآنه]

الله يرزقك الزوج الصالح

 

[غلا ستايل]

ما عليه تحملي

 

[gogona]

حبيبتي ان شاء الله بيبج نصيبج
ولاتزعلين ولاتتكدرين من امج هذا كله من حبه لج
وانتي توج صغيره وليلحين الطريج جدامج
واسال الله العظيم ان يرزقج الزوج الصالح في القريب العاجل

 

[غلاتي ♥ الكويت]

امج نفــــــــــس طبع امي وانا نفس طبعج بس انا اصغر منج بوايد وتسميني عانس
امي عندها اذا البنت وصلت سن ال 18 خلاااااص لااازم تتزوج ولا تعتبر عانس
وانا اللحين عمري 20 وتقولي لي متى ترفضين عنستي متى بشووف اعيالج
وانا اعااااندهاا وارفــــض
والسالفة مو سالفة اعناد لاء
انا وحدة ماعرف اتحمل مسؤوولية احس بعدي مو ماالت زواج
وبالعكس اصلا تدرين ان عمرج حلووو للزواااج ومووو عانس
بهالعمر تكونين فااهمة وواااعية
واتوقع انتي بنتها العودة من جذي تبي تزوجج
والله يتمم عليج ويرزقج بالزوج الصالح

 

[• قلبه نصيبي •]

ياقلبي امج تبي مصلحج وتبي تفرح فيييييج !

بس كل واحد ياخذ نصيببببه وان شاءالله بتتزوجييين وتفرحييينها

 

[Cander]

حبيبتي انتي لا تزعلين

امج تتمنى لج الخير وعمرها ما تتعمد تجرحج

انا مرات انخطب ومايصير نصيب او الرفض مني او منهم يصير

بس احارش امي مرات اخاف تحسفتي على فلان وعلان

غشمرة ما اقصد شي ، انتي كثري من الاستغفار

ولاتقعدين بفراغ اشغلي نفسج بأي شي عشان ما تفكرين

بالتوفيق للكل

 

[طوق البنفسج]

الله يرزقج و يفرح قلبج و قلب امج

 

[كويتيه مذهله 87]

حبيبتي
طلعي روحي الناس شلون بشووفوونج حبيبتي وانتي تدعين الله يرزقج بالزوج الصالح

 

[يوآش يوآش]

الله يعينج ويسهل امورج : )

بس ميخالف هذي امج تغاضي عن افعالها اللي ما تعجبج

وان شالله تتزوجين واحد مثل ما تتمنين : )

 

[Sama Kuwait]

شوفي حبيبتي اذا امج قالت انج لحد الحين ماتزوجتي و هالكلام
قوليلها يمه ادعيلي ان الله يفتحتها بوجهي و يرزقني انا و خواتي بالزوج الصالح لان دعوت الام مستجابه باذن الله

وانشاالله الله يكتب اللي فيه الخير

 

[خير يا طير]

كويتيات



تعرفون إنه كلامكم وايد واااايد ريحني



الله يريح قلبكم و يهدي سركم و يحقق كل أمانيكم يارب




أشكر كل وحده مرت على موضوعي و دعتلي بالخير



فعلا فعلا انتوا غييييييييييييييييييييييير


أحبببببببببببببببببببببببببببببببببببببببببببببكم

 

[خير يا طير]

حبيبتي
طلعي روحي الناس شلون بشووفوونج حبيبتي وانتي تدعين الله يرزقج بالزوج الصالح

هلا

اختي أنا أدرس و أشتغل و أعتمد على نفسي في كل إموري مب يالسه في البيت و بس


الشي الوحيد الي ما أحبه هو حضور المناسبات و الاعراس
إلا إذا كان عرس قرايبنا وايد أو حد من صديقاتي :eh_s(22):

 

[خير يا طير]

هم البنات لين الممات ,,, امج تخاف عليج وتبي لج الزين واحسن شي للبنت مهما كان عندها من الشهادات هو الزواج وبس لانها تبي لج الستر والاستقرار وانشاء الله باجر لي تزوجتي وصار عندج عيال بتشيلين همهم مثل الوالدة الله يطول بعمرها يارب
وانا انصحج ريحي قلبها لو بكلمة وجاريها وبشوفين شلون بترتاحين ,,,,
اتمنى لج كل التوفيق

يمامي ههههههههه

الله يعين هالعيال الي شايله همهم من الحين :eh_s(16):

 

[خير يا طير]

حبيبتي ان شاء الله بيبج نصيبج
ولاتزعلين ولاتتكدرين من امج هذا كله من حبه لج
وانتي توج صغيره وليلحين الطريج جدامج
واسال الله العظيم ان يرزقج الزوج الصالح في القريب العاجل

صدقتي يا قوقونه بعدني صغيره هههههههههه

مشكورة حبيبتي